Shan Missions

လိၵ်ႈဢေႃးဝႃႇတႃ့ၵလႃႇတိ

Chapter        ၁          ၂          ၃          ၄          ၅          ၆       

၆

၁ ပီႈၼွင်ႉၶဝ်ဢိူၺ်း၊ပေႃးၵူၼ်းဢမ်ႇမီးသတိလႄႈႁဵတ်းၽိတ်းမႅၼ်ႈဢပျႅတ်ႈတူႉၸရိူၵ်ႈသေၸိူဝ်ႉသေပိူင်ၸိုင်သူၸိူဝ်းဢၼ်လႆႈၶၢမ်ႇဢဝ်ဝိၺိၺ်ႇၸဝ်ႈၼၼ်ႉဢွၼ်ၵၼ်ဢဝ်တင်းၸႂ်ဢၼ်ၼိမ်သိမ်ႇဢူၼ်ႈဢွၼ်ႇသေယဝ်ႉၸွႆႈထႅမ်ၵေႃႉၼၼ်ႉလႄႈႁႂ်ႈမၼ်းၶိုၼ်းတႄႇယူႇတႃႉ။လွင်ႈၼင်ႇႁိုဝ်တူဝ်ၸဝ်ႈၵဝ်ႇတၵ်းၵၢင်းလွတ်ႈတင်းတၢင်းဢၼ်ဢပျႅတ်ႈၸူဝ်းၵႂႃႇၸူဝ်းပႆၼၼ်ႉၸိုင်ႁဵတ်းသတိတီႈတူဝ်ၸဝ်ႈၵဝ်ႇတႃႉ။

၂ ၵေႃႉၼိုင်ႈလႄႈၵေႃႉၼိုင်ႈၽွမ်ႉၵၼ်ႁၢပ်ႇၶူဝ်းဢၼ်ထုၵ်ႇလီႁၢပ်ႇၼၼ်ႉလႄႈႁႂ်ႈတြႃးၸဝ်ႈၶရိၸ်ႉတဵမ်ထူၼ်ႈတႃႉ။

၃ ပေႃးသေၵေႃႉသေၵူၼ်းယင်းဢမ်ႇပွင်ႇလွင်ႈၵႃႈသင်လႄႈထၢင်ႇတူဝ်ၸဝ်ႈၵဝ်ႇပဵၼ်ဢၼ်ၶိုၵ်ႉဢၼ်ၶမ်ႇၼၼ်ႉမၼ်းပဵၼ်ၵေႃႉဢၼ်ပႅတ်ႉလႅၼ်တူဝ်ၸဝ်ႈၵဝ်ႇဢေႃႈ။

၄ ႁႂ်ႈၵူၼ်းၵူႈၵေႃႉၸႅတ်ႈထၢမ်ၸၢမ်းတူၺ်းလွင်ႈတၢင်းဢၼ်တူဝ်ၸဝ်ႈၵဝ်ႇႁဵတ်းၼၼ်ႉတႃႉ။ပေႃးႁဵတ်းၸိူဝ်ႉၼင်ႇၼႆၸိုင်ယင်းဢမ်ႇဝႃႈၵႃႈတီႈပိူၼ်ႈလႄႈတၵ်းမီးလွင်ႈဢၼ်တၵ်းလႆႈဢုပ်ႇဝၢဝ်းၵႃႈတီႈၼႂ်းတူဝ်ၸဝ်ႈၵဝ်ႇၵူၺ်းဢေႃႈ။

၅ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းၵူၼ်းၵူႈၵေႃႉတၵ်းလႆႈႁၢပ်ႇၶူဝ်းတူဝ်ၸဝ်ႈၵဝ်ႇႁင်းၽႂ်ႁင်းမၼ်းဢေႃႈ။

၆ ႁႂ်ႈၵေႃႉဢၼ်လႆႈၶၢမ်ႇသွၼ်ဢဝ်ၼုၵ်ႉၵပၢတ်ႈတြႃးၼၼ်ႉၽႄမႅင်ႇလွင်ႈတၢင်းဢၼ်လီဢၼ်ငၢမ်းၵႃႈမီးတင်းသဵင်ႈတင်းလူင်တီႈၵေႃႉဢၼ်သွၼ်ပၼ်ၼၼ်ႉသေၵမ်းလူၺ်ႈ။

၇ ယႃႇပေဢဝ်တၢင်းဢၼ်ၽိတ်းဢၼ်ပိူင်ႈ။ၽြႃးပဵၼ်ၸဝ်ႈဢမ်ႇၶၢမ်ႇတၢင်းဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉ။ၵူၼ်းၸိုင်တၵ်းလႆႈပၢတ်ႇဢဝ်ၵႃႈၼင်ႇဢၼ်မၼ်းဝၢၼ်ႇၼၼ်ႉဢေႃႈ။

၈ ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၸႃႉတိပၵတိတူဝ်ၸဝ်ႈၵဝ်ႇၼၼ်ႉတၵ်းလႆႈပၢတ်ႇဢဝ်တၢင်းဢၼ်တူႇဢၼ်ၼဝ်ႈၸွမ်းလူၺ်ႈၸႃႇတိပၵတိၼၼ်ႉဢေႃႈ။ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းဝိၺိၺ်ႇပၵတိၸမ်းတၵ်းလႆႈပၢတ်ႇဢဝ်တၢင်းဢၼ်ထႃႇဝရႃႉဢသၢၵ်ႈလိပ်းၸွမ်းလူၺ်ႈဝိၺိၺ်ႇပၵတိၼၼ်ႉဢေႃႈ။

၉ ႁဝ်းယင်းၸႂ်ဢမ်ႇလူႉႁႅင်းဢမ်ႇဢူၼ်ႈလႄႈဢွၼ်ၵၼ်ၵႆႉၶတ်းၸႂ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းၼၼ်ႉတႃႉႁဝ်း။ပေႃးၸႂ်ဢမ်ႇလူႉလႄႈႁဵတ်းၸိူဝ်ႉၼင်ႇၼၼ်ၸိုင်မိူဝ်ႈဢၼ်ၶိင်ႇၵႃႇလႃႉထုၵ်ႇၼၼ်ႉတၵ်းလႆႈပၢတ်ႇဢဝ်ဢေႃႈ။

၁၀ ပိူဝ်ႈၼႆလႄႈၵႃႈၼင်ႇဢၼ်သၢင်ႇထုၵ်ႇၼၼ်ႉႁဝ်းဢွၼ်ၵၼ်ႁဵတ်းၵျေးၸူးတီႈၵူၼ်းတင်းသဵင်ႈတင်းလူင်ဢမ်ႇၵႃး၊ယဵင်ႈၶႅၼ်းဢွၼ်ၵၼ်ႁဵတ်းၵျေးၸူးတီႈၵူၼ်းႁိူၼ်းၵူၼ်းယေးၵူၼ်းယုမ်ႇမၢတ်ႈတင်းလၢႆၼၼ်ႉတႃႉႁဝ်း။

တၢင်းလီမင်ႇၵလႃႇပေႃးလု

၁၁ သူႁၼ်တူဝ်လိၵ်ႈဢၼ်ယႂ်ႇဢၼ်ၵဝ်ဢဝ်တင်းမိုဝ်းတူဝ်ၸဝ်ႈၵဝ်ႇတႅမ်ႈပၼ်ၵႂႃႇတီႈသူၼႆႉဢေႃႈ။

၁၂ ၶဝ်ၸိူဝ်းဢၼ်ၶႂ်ႈႁႂ်ႈတူဝ်ၸဝ်ႈၵဝ်ႇထၢင်ႇသႃးၸိူဝ်းၼၼ်ႉၸၢင်ႊႁဵတ်းပႄႉႁဵတ်းၼႅင်ႇၸူဝ်းဢဝ်သူႁႂ်ႈသူလႆႈၶၢမ်ႇတၢင်းဢၼ်ထိူဝ်ႁိမ်းၵွပ်ႈပိူဝ်ႈၶဝ်ၶႂ်ႈၵၢင်းလွတ်ႈတင်းတၢင်းဢၼ်ၼိၵ်ႈၸၢၵ်ႈငႅၼ်းသေးၵွပ်ႈပိူဝ်ႈသဝ်လၵ်းဝႃးမိုဝ်းၸဝ်ႈၶရိၸ်ႉၼၼ်ႉဢေႃႈ။

၁၃ ၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉတူဝ်ၸဝ်ႈၵဝ်ႇဢမ်ႇၵမ်ဢမ်ႇၵျၢင်ႉပိင်းၺၢပ်ႈတြႃး။ၶဝ်မီးဢလူဝ်ႇၶႂ်ႈဢုပ်ႇဝၢဝ်းၼိူဝ်သူၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉၵူၺ်းဢေႃႈ။

၁၄ သင်ပဵၼ်ၵဝ်ၸိုင်လိူဝ်သေၼႂ်းသဝ်လၵ်းဝႃးမိုဝ်းၸဝ်ႈယေႇသုၶရိၸ်ႉၼၼ်ႉယႃႇပေႁႂ်ႈၵဝ်လႆႈမီးတၢင်းဢၼ်ဢုပ်ႇဝၢဝ်းၼႂ်းလွင်ႈတၢင်းသေၸိူဝ်ႉသေပိူင်ၼၼ်ႉသေၵမ်း။ၵႃႈတီႈသဝ်လၵ်းဝႃးမိုဝ်းၼၼ်ႉလေႃးၵၼႆႉလႆႈၶၢမ်ႇတၢင်းဢၼ်ယႅၼ်ႉတွၵ်ႇပုၼ်ႈၵဝ်ဢေႃႈ။ၵဝ်ၵေႃႈၶၢမ်ႇတၢင်းဢၼ်ယႅၼ်ႉတွၵ်ႇပုၼ်ႈလေႃးၵႃႉၼႆႉဢေႃႈ။

၁၅ လွင်ႈမၼ်းၸမ်းၵႃႈတီႈၸဝ်ႈယေႇသုၶရိၸ်ႉၼၼ်ႉတၢင်းဢၼ်ၶၢမ်ႇတၢင်းဢၼ်ထိူဝ်ႁိမ်းဢမ်ႇမီးဢၵျူဝ်း။တၢင်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၵေႃႈဢမ်ႇမီးဢၵျူဝ်း။

၁၆ တၢင်းဢၼ်ၽၢၼ်ႇသၢင်းႁဵတ်းပဵၼ်ဢၼ်မႂ်ႇၼၼ်ႉၵူၺ်းမီးဢၵျူဝ်းဢေႃႈ။ႁႂ်ႈတၢင်းၼိမ်ဢိၵ်ႇတင်းတၢင်းဢၼ်မၼ်းၸဝ်ႈဢိတ်းလူၼၼ်ႉႁွတ်ႈထိုင်ၵႃႈၼိူဝ်ၶဝ်ၸိူဝ်းဢၼ်ၵမ်ၵျၢင်ႉၸွမ်းၼင်ႇၼႄးဢူႉပတေႇၵႃႈမီးတင်းသဵင်ႈတင်းလူင်ဢိၵ်ႇတင်းၵႃႈၼိူဝ်ၵူၼ်းမဵဝ်းဢိသရေႇလၽြႃးပဵၼ်ၸဝ်ႈၼၼ်ႉသေၵမ်းလူၺ်ႈ။

၁၇ ၸႃႉၸဵမ်တေႃႈလဵဝ်ၼႆႉလႄႈယႃႇပေႁႂ်ႈၽူႈလႂ်ယႃႉယူၵ်ႉၵဝ်သေၵမ်း။ၵဝ်ၶၢမ်ႇႁွႆးတၢမ်ႇၸဝ်ႈယေႇသုယူႇၵႃႈၼႂ်းတူဝ်ၶၼ်ႇထႃႇၵဝ်ဢေႃႈ။

၁၈ပီႈၼွင်ႉၶဝ်ဢိူၺ်း၊ႁႂ်ႈၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၵႃႈၼႂ်းႁူဝ်ၸႂ်သူသေၵမ်းလူၺ်ႈ။ဢႃႈမိၼ်ႈ။