မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၈
ႁဵတ်းႁႂ်ႈၵူၼ်းပဵၼ်တုတ်ႈႁၢႆၶႅၼ်း
၁ မိူဝ်ႈဢၼ်မၼ်းၸဝ်ႈလူင်းသေၵႃႈၼိူဝ်လွႆမႃးၼၼ်ႉၸိုင်ၵူၼ်းၸူႉၵူၼ်းတုမ်ၼမ်ၼႃႇၸွမ်းပႃႈလင်မၼ်းၸဝ်ႈဢေႃႈ။
၂ မိူဝ်ႈၼၼ်ႉၵူၼ်းဢၼ်ပဵၼ်တုတ်ႈၵေႃႉၼိုင်ႈမႃးၵႃႈတီႈမၼ်းၸဝ်ႈလႄႈၶုပ်ႉမူပ်ႇသေယဝ်ႉလဝ်လၢတ်ႈလႄႈဝႃႈ၊-ပေႃးၸဝ်ႈႁဝ်းမီးဢလူဝ်ႇၸိုင်ႁႂ်ႈၵဝ်ၶႃႈမူတ်းသႂ်လႆႈယူႇၶႃႈဢေႃႈ၊ဝႃႈၼင်ႇၼႆဢေႃႈ။
၃ မၼ်းၸဝ်ႈၵေႃႈယိုၼ်ႈမိုဝ်းမၼ်းၸဝ်ႈသေယဝ်ႉတိူဝ်ႉထုၵ်ႇၵေႃႉၼၼ်ႉလႄႈလၢတ်ႈဝႃႈ၊-ၵဝ်မီးဢလူဝ်ႇယူႇဢေႃႈ၊ႁႂ်ႈမူတ်းသႂ်တႃႉ၊ဝႃႈၼင်ႇၼႆလႄႈၵူၼ်းတုတ်ႈၵေႃႉၼၼ်ႉမူတ်းသႂ်ၵႂႃႇၵမ်းလဵဝ်ဢေႃႈ။
၄ ၸဝ်ႈယေႇသုၵေႃႈလၢတ်ႈလႄႈဝႃႈ၊-မႂ်းဝႆႉသတိတႃႉ။ ယႃႇပလေၢတ်ႈလွင်ႈၼႆႉတီႈၽူလႂ်။ ၵႂႃႇၼႄပျႃႉတူဝ်မႂ်းတီႈယိတ်ႉပရေႃးႁိၵ်ႈၶဝ်တႃႉ။ ၼင်ႇႁိုဝ်တၵ်းပဵၼ်သၢၵ်ႈသေႇတီႈပိူၼ်ႈတၢင်ႇၵေႃႉၸိုင်သၢၵ်ႈၵၢပ်ႈတၢင်းပုၵ်ႉၸေႃႇဢၼ်မုဝ်းသေႇၸီႇယၢင်ႇသင်ႇလၢတ်ႈဝႆႉၼၼ်ႉတႃႉ၊ဝႃႈၼင်ႇၼႆဢေႃႈ။
တၢင်းယုမ်ႇမၢတ်ႈတပ်ႉမူး
၅ လိုၼ်းၼၼ်ႉၸင်ႇမိူဝ်ႈဢၼ်မၼ်းၸဝ်ႈၶဝ်ႈၵႂႃႇၵႃႈၼႂ်းဝဵင်းၵပိူဝ်ႇၼေႇဢုမ်ႇၼၼ်ႉတပ်ႉမူးၵေႃႉၼိုင်ႈမႃးၵႃႈတီႈမၼ်းၸဝ်ႈလႄႈလဝ်လၢတ်ႈဝႃႈ၊-
၆ ၸဝ်ႈႁဝ်း၊ၵူၼ်းဢွၼ်ႇၵဝ်ၶႃႈၵေႃႉၼိုင်ႈဢၼ်တိၼ်တၢႆမိုဝ်းတၢႆၼၼ်ႉၼွၼ်းယူႇၵႃႈၼႂ်းႁိူၼ်းလႄႈလႆႈၶၢမ်ႇၸဵပ်းၼႃႇလူင်လၢင်တီႈၶႃႈဢေႃႈ၊ဝႃႈၼင်ႇၼႆဢေႃႈ။
၇ မၼ်းၸဝ်ႈၵေႃႈလၢတ်ႈလႄႈဝႃႈ၊-ၵဝ်တၵ်းမႃးပၼ်ၵတ်းယဵၼ်ၶျၢမ်းသႃႇဢေႃႈ၊ဝႃႈၼင်ႇၼႆဢေႃႈ။
၈ တပ်ႉမူးၵေႃႈၶိုၼ်းလဝ်လၢတ်ႈလႄႈဝႃႈ၊-ၵဝ်ၶႃႈဢမ်ႇထိူၵ်ႈဢမ်ႇတၢၼ်ႇတၢင်းဢၼ်ၸဝ်ႈႁဝ်းတၵ်းမႃးၶဝ်ႈၵႃႈတႂ်ႈႁူမ်ႈႁိူၼ်းၵဝ်ၶႃႈတီႈၶႃႈ။ ပေႃးၸဝ်ႈႁဝ်းၵူၺ်းမီးဢမိင်ႉၵမ်းၼိုင်ႈၵူၺ်းၼႆၵေႃႈၵူၼ်းဢွၼ်ႇၵဝ်ၶႃႈတၵ်းလႆႈၵတ်းယဵၼ်ၶျၢမ်းသႃႇယူႇတီႈၶႃႈဢေႃႈ။
၉ ၵဝ်ၶႃႈၼႆႉပဵၵ်ႉသမ်ႉပဵၼ်ၶႃႈၵႃႈတႂ်ႈၶုၼ်သေၵေႃႈၵဝ်ၶႃႈလႆႈဢုပ်ႉပိူင်ႇၵူၼ်းသိုၵ်းတင်းလၢႆဢေႃႈ။ ပေႃးၵဝ်ၶႃႈလၢတ်ႈတီႈၵေႃႉၼိုင်ႈဝႃႈ၊-ၵႂႃႇတႃႉ၊ဝႃႈၼႆၵေႃႈမၼ်းတၵ်းလႆႈၵႂႃႇၶႃႈဢေႃႈ။ ပေႃးလၢတ်ႈတီႈၵေႃႉၼိုင်ႈဝႃႈ၊-မႃးတႃႉ၊ဝႃႈၼႆၵေႃႈမၼ်းတၵ်းလႆႈမႃးၶႃႈဢေႃႈ။ ပေႃးလၢတ်ႈတီႈၶႃႈၵူၼ်းၸႂ်ႉဝႃႈ၊-ႁဵတ်းဢၼ်ၼႆႉတႃႉ၊ဝႃႈၼႆၵေႃႈတၵ်းလႆႈႁဵတ်းၶႃႈဢေႃႈ၊ဝႃႈၼင်ႇၼႆဢေႃႈ။
၁၀ မိူဝ်ႈဢၼ်ငိၼ်းၵႂၢမ်းၼၼ်ႉၸိုင်ၸဝ်ႈယေႇသုဢၢမ်းၼႃႇလူင်လၢင်လႄႈလၢတ်ႈတီႈၶဝ်ၸိူဝ်းဢၼ်ၸွမ်းပႃႈလင်မၼ်းၸဝ်ႈတင်းလၢႆၸိူဝ်းၼၼ်ႉလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်းတၢင်းယုမ်ႇမၢတ်ႈဢၼ်ယႂ်ႇထၢၼ်ႇၼႆႉၵဝ်ယင်းဢမ်ႇပႆႇတွၼ်ႉႁၼ်သေပွၵ်ႈၵႃႈၼႂ်းၸိူဝ်ႉၶိူဝ်းဢိသရေႇလၼႆႉ။
၁၁ ၵဝ်သမ်ႉဝႃႈထႅင်ႈၸမ်းၵူၼ်းၼမ်ၼႃႇတၵ်းလုၵ်ႉသေၵႃႈတီႈတၢင်းမိူင်းဝၼ်းဢွၵ်ႇတၢင်းမိူင်းဝၼ်းတူၵ်းမႃးလႄႈၼင်ႈယူႇလူၺ်ႈၵၼ်တင်းဢႃႇပြႁၢမ်ႇ၊ဢိၸၢၵ်ႉ၊ယႃႇၵုပ်ႉ၊ၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉဢေႃႈ။
၁၂ ၵူၼ်းမိူင်းၵၢင်ႁၢဝ်တင်းလၢႆၵေႃႈတၵ်းလႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈၵႂႃႇၵႃႈတီႈၼႂ်းလပ်းသိင်ႇတီႈဢၼ်လႆႈႁႆႈလႆႈႁွင်ႉတီႈဢၼ်လႆႈၵတ်းၶဵဝ်ႈၵတ်းၽၢၼ်ႈၼၼ်ႉဢေႃႈ၊ဝႃႈၼင်ႇၼႆယဝ်ႉၸင်ႇမၼ်းၸဝ်ႈလၢတ်ႈတီႈတပ်ႉမူးၼၼ်ႉလႄႈဝႃႈ၊-
၁၃ မႂ်းၶိုၼ်းမိူဝ်းၵႂႃႇတႃႉ။ ၵႃႈၼင်ႇဢၼ်မႂ်းယုမ်ႇမၢတ်ႈၼၼ်ႉႁႂ်ႈပဵၼ်တီႈမႂ်းတႃႉ၊ဝႃႈၼင်ႇၼႆဢေႃႈ။ ၵူၼ်းဢွၼ်ႇတပ်ႉမူးၼၼ်ႉၵေႃႈၶႅၼ်းမႃးၵမ်းလဵဝ်ဢေႃႈ။
ၸဝ်ႈယေႇသုႁႂ်ႈၵူၼ်းၶႆႈၵူၼ်းပဵၼ်ၼမ်ၼႃႇႁၢႆၶႅၼ်း
၁၄ လိုၼ်းၼၼ်ႉၸင်ႇၸဝ်ႈယေႇသုၶဝ်ႈၵႂႃႇၵႃႈၼႂ်းႁိူၼ်းပေႇတရုလႄႈထူပ်းႁၼ်ဢွၵ်ႇၼၢႆးပေႇတရုၼၢဝ်လႄႈၼွၼ်းယူႇဢေႃႈ။
၁၅ မၼ်းၸဝ်ႈတိူဝ်ႉမိုဝ်းမႄႈယိင်းၼၼ်ႉလႄႈၼၢဝ်မၼ်းႁၢႆၵႂႃႇဢေႃႈ။
၁၆ မၼ်းလုၵ်ႉႁဵတ်းဝၢတ်ႈၶႅၵ်ႇၵမ်းလဵဝ်ဢေႃႈ။ မိူဝ်ႈဢၼ်ႁွတ်ႈထိုင်ၶိင်ႇၵၢင်ၶမ်ႈၼၼ်ႉၶဝ်ဢဝ်ၵူၼ်းဢၼ်ၽီႁၢႆႉၶဝ်ႈၼမ်ၼႃႇမႃးၵႃႈတီႈမၼ်းၸဝ်ႈလႄႈမၼ်းၸဝ်ႈဢဝ်တင်းၶေႃႈၵႂၢမ်းမၼ်းၸဝ်ႈႁေႃႈႁိုပ်ႈၽီႁၢႆႉၸိူဝ်းၼၼ်ႉဢွၵ်ႇပႅတ်ႈဢေႃႈ။ ၵူၼ်းၶႆႈၵူၼ်းပဵၼ်ၵႃႈမီးၸိူဝ်းၼၼ်ႉၵေႃႈမၼ်းၸဝ်ႈႁႂ်ႈႁၢႆၶႅၼ်းဢေႃႈ။
၁၇ လွင်ႈတၢင်းၸိူဝ်းၼႆႉၸမ်းၼင်ႇႁိုဝ်ၵႂၢမ်းဢၼ်ပရေႃးၽႅတ်ႈဢိသႃႇယႁေႃးလၢတ်ႈဝႆႉဝႃႈ၊-မၼ်းၼၼ်ႉႁၢပ်ႇပႃးဢဝ်တၢင်းၶႆႈတၢင်းပဵၼ်ဝူၺ်ႇတၼႃႇႁဝ်းၵႂႃႇဢေႃႈ၊ဢၼ်ဝႃႈၼၼ်ႉ၊တၵ်းတဵမ်ထူၼ်ႈၸိုင်ၸင်ႇပဵၼ်ဢေႃႈ။
ၵႃႊၶၼ်ဢၼ်ၸွမ်းပႃႈလင်ၸဝ်ႈယေႇသု
၁၈ မိူဝ်ႈဢၼ်မၼ်းၸဝ်ႈႁၼ်ၵူၼ်းၼမ်ၼႃႇလွမ်ႉႁွပ်ႈမၼ်းၸဝ်ႈယူႇၼၼ်ႉၸိုင်မၼ်းၸဝ်ႈမီးဢမိင်ႉႁႂ်ႈလႆႈၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉဢေႃႈ။
၁၉ မိူဝ်ႈၼၼ်ႉၵူၼ်းထုတ်ႇၵျၢမ်းၵေႃႉၼိုင်ႈမႃးလႄႈလဝ်လၢတ်ႈတီႈမၼ်းၸဝ်ႈဝႃႈ၊-သြႃႇၸဝ်ႈ၊ၵဝ်ၶႃႈတၵ်းၸွမ်းၸဝ်ႈႁဝ်းၵႂႃႇၵူႈတီႈၵူႈလႅၼ်ၵႃႈတီႈဢၼ်ၸဝ်ႈႁဝ်းၵႂႃႇၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၂၀ ၸဝ်ႈယေႇသုၵေႃႈလၢတ်ႈတီႈမၼ်းလႄႈဝႃႈ၊-မႃလိၼ်တင်းလၢႆယင်းမီးႁူးလိၼ်ဢေႃႈ။ ၼူၵ်ႉဢၼ်မိၼ်ၵႃႈၼိူဝ်ၵၢင်ႁၢဝ်တင်းလၢႆယင်းမီးႁင်းဢေႃႈ။ လုၵ်ႈၵူၼ်းၸမ်းတီႈဢၼ်တၵ်းဝၢင်းႁူဝ်ယင်းဢမ်ႇမီး၊ဝႃႈၼင်ႇၼႆဢေႃႈ။
၂၁ တပႄးၸဝ်ႈတၢင်ႇၵေႃႉၵေႃႈလဝ်လၢတ်ႈလႄႈဝႃႈ၊-ၸဝ်ႈႁဝ်း၊ၶႅၼ်းတေႃႈပၼ်ဢၶႂၢင်ႉႁႂ်ႈၵဝ်ၶႃႈလႆႈၵႂႃႇသၢင်းၵျူဝ်ႇပေႃႈၵဝ်ၶႃႈဢွၼ်တၢင်းလူးၵွၼ်ႇၶႃႈ၊ဝႃႈၼင်ႇၼႆဢေႃႈ။
၂၂ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၸွမ်းပႃႈလင်ၵဝ်တႃႉ။ ႁႂ်ႈၵူၼ်းတၢႆတင်းလၢႆသၢင်းၵျူဝ်ႇၵူၼ်းတၢႆၶဝ်တႃႉ၊ဝႃႈၼင်ႇၼႆဢေႃႈ။
ၸဝ်ႈယေႇသုႁႂ်ႈလူမ်းလႅင်ႉထၢတ်ႇယဵၼ်
၂၃ မိူဝ်ႈၼၼ်ႉမၼ်းၸဝ်ႈၶဝ်ႈၵႃႈၼႂ်းႁိူဝ်းလႄႈတပႄးၸဝ်ႈတင်းလၢႆၵေႃႈၸွမ်းဢေႃႈ။
၂၄ ၵႃႈၼႂ်းၼွင်ၼၼ်ႉလႅင်းၼမ်ႉပိူပ်ႇၼမ်ႉၵိုင်ႉၵၢင်ႉလုၵ်ႉၶိုၼ်ႈမႃးယႂ်ႇၼႃႇလူင်လၢင်ထၼ်ႈပေႃးမုင်းႁူမ်ႇႁိူဝ်းၶဝ်ဢေႃႈ။
၂၅ မၼ်းၸဝ်ႈၸမ်းၵိင်းၼွၼ်းဝႆႉယူႇဢေႃႈ။ ၶဝ်သုတ်ႉၸပ်းသုတ်ႉၸူးသေလႄႈပူၵ်းမၼ်းၸဝ်ႈယဝ်ႉၸင်ႇလၢတ်ႈဝႃႈ၊-ၸဝ်ႈႁဝ်း၊ႁဝ်းၶႃႈတၵ်းႁွတ်ႈထိုင်တၢင်းလူႉတၢင်းလႅဝ်ၶႃႈယဝ်ႉ။ ၸဝ်ႈႁဝ်းၶႅၼ်းတေႃႈၶျွတ်ႈဢဝ်ႁဝ်းၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။ မၼ်းၸဝ်ႈၵေႃႈလၢတ်ႈလႄႈဝႃႈ၊-
၂၆ သူၸိူဝ်းဢၼ်ယုမ်ႇမၢတ်ႈၵေႇတင်းလၢႆၼႆႉဢိူၺ်း၊ႁဵတ်းသင်လႄႈသူၵူဝ်ထၼ်ႇၼႆႉ၊ဝႃႈၼင်ႇၼႆသေယဝ်ႉ၊မၼ်းၸဝ်ႈလုၵ်ႉလႄႈသင်ႇသွၼ်လူမ်းတင်းပၢင်ႇလၢႆႇၼၼ်ႉဢေႃႈ။
၂၇ ပၢင်ႇလၢႆႇပၢင်ႇၸိုၼ်ႈပၵ်ႉၵတိၼိမ်လီမႃးၵမ်းလဵဝ်ဢေႃႈ။ ၵူၼ်းတင်းလၢႆၸိူဝ်းၼၼ်ႉဢၢမ်းၼႃႇလႄႈဝႃႈ၊-ၵေႃႉၼႆႉပဵၼ်ၵူၼ်းၸိူဝ်ႉၼင်ႇႁိုဝ်ၼေႃး။ လူမ်းတင်းပၢင်ႇလၢႆႇယင်းထွမ်ႇဢဝ်ၵႂၢမ်းမၼ်းလူင်ပေႇ၊ဝႃႈၼင်ႇၼႆဢေႃႈ။
ၸဝ်ႈယေႇသုႁေႃႈႁိုပ်ႉၽီႁၢႆႉ
၂၈ မိူဝ်ႈဢၼ်မၼ်းၸဝ်ႈႁွတ်ႈထိုင်မိူင်းၵႃႇတရၵႃႈတီႈၽင်ႇၼမ်ႉၽၢႆႇပုၼ်ႉၼၼ်ႉၸိုင်ၵူၼ်းဢၼ်ၽီႁၢႆႉၶဝ်ႈသွင်ၵေႃႉ၊ဢၼ်ႁဵတ်းမိူၵ်ႈႁဵတ်းလိူင်းၼႃႇထၼ်ႈပေႃးၽႂ်ၵေႃႈဢမ်ႇႁတ်းပႆၵႂႃႇၵႃႈတီႈတၢင်းၼၼ်ႉ၊ဢွၵ်ႇသေၵႃႈၼႂ်းပႃႇႁဵဝ်သၢင်းၶျႅင်းမႃးလႄႈႁပ်ႉႁူဝ်တၢင်းမၼ်းၸဝ်ႈသေယဝ်ႉႁွင်ႉသႅၼ်ႇဝႃႈ၊-
၂၉ ၸဝ်ႈယေႇသုလုၵ်ႈၽြႃးပဵၼ်ၸဝ်ႈတီႈၶႃႈ၊ၸဝ်ႈႁဝ်းၸၢပ်ႈသႅင်ႇၵၼ်တင်းႁဝ်းၶႃႈၸိူဝ်ႉၼင်ႇႁိုဝ်ၶႃႈ။ ၶိင်ႇမၼ်းယင်းဢမ်ႇပႆႇႁွတ်ႈပႆႇထိုင်ၸဝ်ႈႁဝ်းမႃးႁႂ်ႈလႆႈၼိၵ်ႈၸၢၵ်ႈငႅၼ်းသေးႁဝ်းၶႃႈၶႃႈႁိုဝ်း၊ဝႃႈၼင်ႇၼႆဢေႃႈ။
၃၀ ၵႃႈတီႈဢၼ်ၵႆၵၼ်တင်းၶဝ်ၼၼ်ႉမီးၽုင်မူၼမ်ၼႃႇၵိၼ်ယူႇဢေႃႈ။
၃၁ ၽီႁၢႆႉၸိူဝ်းၼၼ်ႉတွင်းပၢၼ်ႇလႄႈဝႃႈ၊-ပေႃးၸဝ်ႈႁဝ်းႁေႃႈႁဝ်းၶႃႈဢွၵ်ႇပႅတ်ႈၸိုင်ပၼ်ဢၶႂၢင်ႉႁႂ်ႈႁဝ်းၶႃႈလႆႈၵႂႃႇၶဝ်ႈၵႃႈၼႂ်းၽုင်မူၼၼ်ႉသေၵမ်းၶႃႈ၊ဝႃႈၼင်ႇဢေႃႈ။
၃၂ မၼ်းၸဝ်ႈၵေႃႈလၢတ်ႈဝႃႈ၊-ၵႂႃႇတႃႉ၊ဝႃႈၼင်ႇၼႆဢေႃႈ။ ၽီႁၢႆႉၸိူဝ်းၼၼ်ႉၵေႃႈဢွၵ်ႇၵႂႃႇလႄႈၵႂႃႇၶဝ်ႈၵႃႈၼႂ်းၽုင်မူၼၼ်ႉဢေႃႈ။ မူၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈၶုၼ်ႇလႅၼ်ႈလူင်းႁိုၵ်းၸၼ်းၶဝ်ႈၵႂႃႇၵႃႈၼႂ်းၼွင်လႄႈၸူမ်တၢႆၵႃႈၼႂ်းၼမ်ႉၼၼ်ႉဢေႃႈ။
၃၃ ၵူၼ်းလဵင်ႉမူတင်းလၢႆၵေႃႈလႅၼ်ႈၶဝ်ႈၵႂႃႇၵႃႈၼႂ်းဝဵင်းယဝ်ႉၸင်ႇမွၵ်ႇလၢတ်ႈၼႄလွင်ႈတၢင်းၵူႈၸိူဝ်ႉၵူႈပိူင်တၢင်းဢၼ်ပဵၼ်မႃးၵႃႈတီႈၵူၼ်းဢၼ်ၽီႁၢႆႉၶဝ်ႈၸိူဝ်းၼၼ်ႉဢေႃႈ။
၃၄ ၵူၼ်းတင်းဝဵင်းဢွၼ်ၵၼ်ဢွၵ်ႇမႃးႁႂ်ႈလႆႈထူပ်းႁၼ်ၸဝ်ႈယေႇသုဢေႃႈ။ မိူဝ်ႈဢၼ်ၶဝ်ထူပ်းႁၼ်မၼ်းၸဝ်ႈယဝ်ႉၶဝ်တွင်းပၢၼ်ႇလဝ်လၢတ်ႈႁႂ်ႈမၼ်းၸဝ်ႈဢွၵ်ႇသေၵႃႈၼႂ်းဝဵင်းၶဝ်ၼၼ်ႉႉၵႂႃႇဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ