မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂
မႃႇၵုပိင်ႇၺႃႇသိႁွတ်ႈမႃး
၁ ၼႂ်းၸူဝ်ႈပၢၼ်ၶုၼ်ႁေႃၶမ်းႁေႇရုတ်ႉၼၼ်ႉၸဝ်ႈယေႇသုၶၢမ်ႇတၢင်းဢၼ်ၵိူတ်ႇလဵင်ႉမႃးၵႃႈၼႂ်းဝဵင်းပႅတ်ႉလိႁႅမ်ႇမိူင်းယုတဢေႃႈ။မႃႇၵုပိင်ႇၺႃႇသိၶဝ်ၵေႃႈလုၵ်ႉသေၵႃႈတီႈမိူင်းဝၼ်းဢွၵ်ႇႁွတ်ႈထိုင်မႃးၵႃႈတီႈဝဵင်းယေႇရုသလႅမ်ႇလႄႈတွင်ႈထၢမ်လႄႈဝႃႈ၊-
၂ ၶုၼ်ႁေႃၶမ်းယုတဢၼ်ၵိူတ်ႇလဵင်ႉမႃးၼၼ်ႉမီးၵႃႈတီႈလႂ်ၶႃႈ။ ႁဝ်းၶႃႈလႆႈႁၼ်လၢဝ်မၼ်းၸဝ်ႈၵႃႈတီႈမိူင်းတၢင်းဝၼ်းဢွၵ်ႇပုၼ်ႉလႄႈႁဝ်းၶႃႈၸင်ႇလႆႈႁွတ်ႈမႃးႁႂ်ႈလႆႈဝႆႈပုၵ်ႉၸေႃႇမၼ်းၸဝ်ႈၶႃႈဢေႃႈ၊ဝႃႈၼင်ႇၼႆဢေႃႈ။
၃ မိူဝ်ႈဢၼ်ငိၼ်းၵႂၢမ်းၼၼ်ႉၸိုင်ၶုၼ်ႁေႃၶမ်းႁေႇရုတ်ႉဢိၵ်ႇတင်းၵူၼ်းဝဵင်းယေႇရုသလႅမ်ႇတင်းသဵင်ႈတင်းလူင်ၸိူဝ်းၼၼ်ႉယၢပ်ႇၸႂ်ယုင်ႈၸႂ်လႄႈႁွင်ႉဢဝ်ယိတ်ႉပရေႃးႁိၵ်ႈလူင်
၄ ဢိၵ်ႇတင်းၵူၼ်းထုတ်ႇၵျၢမ်းၵႃႈမီးတင်းသဵင်ႈတင်းလူင်မႃးၸူႉမႃးတုမ်ၵၼ်သေယဝ်ႉတွင်ႈထၢမ်လႄႈဝႃႈ၊-
၅ ၸဝ်ႈၶရိၸ်ႉတၵ်းၵိူတ်ႇလဵင်ႉမႃးၵႃႈတီႈလႂ်၊ဝႃႈၼႆဢေႃႈ။ ၶဝ်ၸိူဝ်းၼၼ်ႉၵေႃႈၶိုၼ်းလဝ်လၢတ်ႈလႄႈဝႃႈ၊-တၵ်းၵိူတ်ႇလဵင်ႉမႃးၵႃႈၼႂ်းဝဵင်းပႅတ်ႉလိႁႅမ်ႇမိူင်းယုတၶႃႈဢေႃႈ၊ဝႃႈၼႆဢေႃႈ။
၆ ဢၼ်ပရေႃးၽႅတ်ႈတႅမ်ႈဝႆႉလႄႈဝႃႈၸမ်း၊-ဝဵင်းပႅတ်ႉလိႁႅမ်ႇမိူင်းယုတဢိူၺ်း၊မႂ်းၼႆႉပဵၼ်ဝဵင်းလဵၵ်ႉဝဵင်းၼွႆႉဢွၼ်ႇၼႂ်းဢိုင်ႇမိူင်းယုတၼၼ်ႉဢမ်ႇၸႂ်ႈ။ လွင်ႈမၼ်းၸမ်းၸဝ်ႈဢၼ်တၵ်းလႆႈဢုပ်ႉပိူင်ႇမုၵ်ႉၸိူဝ်းၵူၼ်းမဵဝ်းဢိသရေႇလၼၼ်ႉတၵ်းပေႃႇမႃးၵႃႈၼႂ်းမႂ်းဢေႃႈ၊ဝႃႈၼင်ႇၼႆဢေႃႈ။
၇ ၶုၼ်ႁေႃၶမ်းႁေႇရုတ်ႉၵေႃႈႁွင်ႉဢဝ်မႃႇၵုပိင်ႇၺႃႇသိၸိူဝ်းၼၼ်ႉမႃးတဵတ်ႇတဵတ်ႇသေလႄႈထၢမ်တူၺ်းၶိင်ႇၵႃႇလႃႉဢၼ်လၢဝ်ပေႃႇမႃးၼၼ်ႉသေႇၶျႃႇလီငၢမ်းယဝ်ႉၸင်ႇပွႆႇၸႂ်ႉၶဝ်ၵႂႃႇၵႃႈတီႈဝဵင်းပႅတ်ႉလိႁႅမ်ႇသေလႄႈသင်ႇလၢတ်ႈဝႃႈ၊-
၈ သူၵႂႃႇၶတ်းၸႂ်ႁႃလုၵ်ႈဢွၼ်ႇၼၼ်ႉသေၵမ်း။ ပေႃးထူပ်းႁၼ်ၸိုင်ၼင်ႇႁိုဝ်ၵဝ်တၵ်းလႆႈပုၵ်ႉၸေႃႇမၼ်းၸဝ်ႈၼၼ်ႉၶိုၼ်းမႃးလႄႈလၢတ်ႈတီႈၵဝ်သေၵမ်း၊ဝႃႈၼင်ႇၼႆဢေႃႈ။
၉ ၶဝ်ၸိူဝ်းၼၼ်ႉၵေႃႈထွမ်ႇဢဝ်ၵႂၢမ်းၶုၼ်ႁေႃၶမ်းသေယဝ်ႉဢွၵ်ႇၵႂႃႇဢေႃႈ။ လၢဝ်ဢၼ်ၶဝ်လႆႈႁၼ်တီႈမိူင်းဝၼ်းဢွၵ်ႇၼၼ်ႉၵႂႃႇပႃႈၼႃႈၶဝ်လႄႈၵိုတ်းၼိမ်ယူႇၵႃႈၼိူဝ်တီႈဢၼ်လုၵ်ႈဢွၼ်ႇမီးၼၼ်ႉဢေႃႈ။
၁၀ ၶဝ်ၸိူဝ်းၼၼ်ႉမိူဝ်ႈဢၼ်ႁၼ်လၢဝ်ၼၼ်ႉၸိုင်သိူဝ်းၸူမ်းၼႃႇလူင်လၢင်လႄႈၶဝ်ႈၵႂႃႇၵႃႈၼႂ်းႁိူၼ်းသေယဝ်ႉ
၁၁ ထူပ်းႁၼ်လုၵ်ႈဢွၼ်ႇတင်းမႄႈၸဝ်ႈမႃႇရိလႄႈၶုပ်ႉမူပ်ႇဝႆႈယဝ်ႉၸင်ႇဢဝ်ၽၼ်ႇတႃႇဢုၵ်ႉၸႃႇၶဝ်ဢၼ်ပဵၼ်ၶမ်း၊လေႃႇပၼ်၊တင်းမုရၼ်ႇ၊ၸိူဝ်းၼၼ်ႉသၢၵ်ႈၵၢပ်ႈပုၵ်ႉၸေႃႇဢေႃႈ။
၁၂ လိုၼ်းၼၼ်ႉၼင်ႇႁိုဝ်ၶဝ်တၵ်းဢမ်ႇၶိုၼ်းမိူဝ်းၵႂႃႇၸူးၵႃႈတီႈၶုၼ်ႁေႃၶမ်းႁေႇရုတ်ႉၼၼ်ႉၸိုင်ၶဝ်လႆႈပျႃႇတိၵ်ႈၽြႃးပဵၼ်ၸဝ်ႈၼႂ်းၼွၼ်းၽၼ်ၶဝ်ၼၼ်ႉလႄႈၶဝ်ၶိုၼ်းမိူဝ်းၵႂႃႇမိူင်းၶဝ်ၸွမ်းသဵၼ်ႈတၢင်းတၢင်ႇသဵၼ်ႈသေဢေႃႈ။
ပၢႆၵႂႃႇမိူင်းဢေႇၵႅပ်ႉတု
၁၃ ဝၢႆးသေၶဝ်ၸိူဝ်းၼၼ်ႉမိူဝ်းၵႂႃႇယဝ်ႉတမၢၼ်ႇၵၢင်ႁၢဝ်ထႃႇဝရႃႉၽြႃးပေႃႇမႃးၵႃႈတီႈယုဝ်းသႅပ်ႉၼႂ်းမၼ်းၼွၼ်းၽၼ်ၼၼ်ႉလႄႈဝႃႈ၊-လုၵ်ႉတႃႉ။ ဢဝ်လုၵ်ႈဢွၼ်ႇတင်းမႄႈၸဝ်ႈလႄႈပၢႆႊၵႂႃႇယူႇၵႃႈတီႈမိူင်းဢေႇၵႅပ်ႉတုပုၼ်ႉတႃႉ။ ယူႇၵႃႈတီႈၼၼ်ႉတေႃႇထိုင်ႁွတ်ႈၸူဝ်ႈဢၼ်ၵဝ်ဢမ်ႇပႆႇၶိုၼ်းလၢတ်ႈတီႈမႂ်းၼၼ်ႉတႃႉ။ ၶုၼ်ႁေႃၶမ်းႁေႇရုတ်ႉတၵ်းႁႃလုၵ်ႈဢွၼ်ႇလႄႈႁႂ်ႈလႆႈဢဝ်တၢႆဢေႃႈ၊ဝႃႈၼင်ႇၼႆဢေႃႈ။
၁၄ မိူဝ်ႈၶိင်ႇၵၢင်ၶိုၼ်းယုဝ်းသႅပ်ႉလုၵ်ႉလႄႈဢဝ်လုၵ်ႈဢွၼ်ႇတင်းမႄႈၸဝ်ႈသေယဝ်ႉပၢႆၵႂႃႇၵႃႈတီႈမိူင်းဢေႇၵႅပ်ႉတုလႄႈယူႇၵႃႈတီႈၼၼ်ႉတေႃႇထိုင်ႁွတ်ႈၶုၼ်ႁေႃၶမ်းႁေႇရုတ်ႉပေႃးတၢႆဢေႃႈ။
၁၅ လွင်ႈတၢင်းၼႆႉၸမ်းၼင်ႇႁိုဝ်ပျႃႇတိၵ်ႈဢၼ်ၽြႃးပဵၼ်ၸဝ်ႈဢဝ်တင်းပရေႃးၽႅတ်ႈႁေႃးလၢတ်ႈဝႆႉဝႃႈ၊-ၵဝ်ႁွင်ႉဢဝ်လုၵ်ႈၸၢႆးၵဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးယဝ်ႉ၊ဢၼ်ဝႃႈၼၼ်ႉတၵ်းလႆႈတဵမ်ထူၼ်ႈၸိုင်ၸင်ႇလႆႈပဵၼ်မႃးဢေႃႈ။
၁၆ ၶုၼ်ႁေႃၶမ်းႁေႇရုတ်ႉၼၼ်ႉမိူဝ်ႈဢၼ်ႁူႉလွင်ႈဢၼ်မႃႇၵုပိင်ႇၺႃႇသိၸိူဝ်းၼၼ်ႉပႅတ်ႉလႅၼ်မၼ်းၵႂႃႇယဝ်ႉၼၼ်ႉၸိုင်ၸႂ်မႆႈၶႂ်ႈၸႃႉၼႃႇလူင်လၢင်လႄႈတွၵ်ႈတူၺ်းၶိင်ႇၵႃႇလႃႉဢၼ်လႆႈထၢမ်ဝႆႉတီႈမႃႇၵုပိင်ႇၺႃႇသိၸိူဝ်းၼၼ်ႉသေႇၶျႃႇလီငၢမ်းယဝ်ႉၸင်ႇပွႆႇၸႂ်ႉၵူၼ်းၵႂႃႇႁႂ်ႈလႆႈဢဝ်တၢႆၽူႈၸၢႆးဢွၼ်ႇဢၼ်ဢသၢၵ်ႈလႆႈသွင်ပီႊလူင်းတႂ်ႈၵူႈၵေႃႉၸႃႉၸဵမ်ၼႂ်းဝဵင်းပႅတ်ႉလိႁႅမ်ႇတေႃႇႁွတ်ႈဝၢၼ်ႈၼွၵ်ႈၼႃးပၢင်ႇၵူႈတီႈၵူႈလႅၼ်ႈဢေႃႈ။
၁၇ ၵႂၢမ်းဢၼ်ပရေႃးၽႅတ်ႈယေႇရမိႁေႃးလၢတ်ႈဝႆႉဝႃႈ၊-ၵႃႈတီႈရႃႇမၼၼ်ႉလႆႈငိၼ်းသဵင်ပွင်ႉသဵင်ၶင်းသဵင်ႁွင်ႉသဵင်ႁႆႈလႄႈ
၁၈ ပိူဝ်ႈဢၼ်လုၵ်ႈလၢင်းတူဝ်ၸဝ်ႈၵဝ်ႇတင်းလၢႆဢမ်ႇမီးလႄႈရႃႇၶေႇလႁႆႈႁွင်ႉယူႇဢမ်ႇပျေႇၸႂ်လႆႈ၊ဢၼ်ဝႃႈၼၼ်ႉ၊လႆႈတဵမ်ထူၼ်ႈမိူဝ်ႈၼၼ်ႉဢေႃႈ။
ၶိုၼ်းမိူဝ်းဝဵင်းၼႃႇၸရႅတ်ႉ
၁၉ ဝၢႆးသေၶုၼ်ႁေႃၶမ်းႁေႇရုတ်ႉႉတၢႆယဝ်ႉတမၢၼ်ႇၵၢင်ႁၢဝ်ထႃႇဝရႃႉၽြႃးသမ်ႉပေႃႇမႃးၵႃႈတီႈယုဝ်းသႅပ်ႉၼႂ်းၼွၼ်းၽၼ်မၼ်းၼႂ်းမိူင်းဢေႇၵႅပ်ႉတုၼၼ်ႉလႄႈဝႃႈ၊-
၂၀ လုၵ်ႉတႃႉ။ ဢဝ်လုၵ်ႈဢွၼ်ႇတင်းမႄႈၸဝ်ႈသေလႄႈၶိုၼ်းမိူဝ်းၵႂႃႇၵႃႈတီႈမိူင်းဢိသရေႇလပုၼ်ႉတႃႉ။ ၶဝ်ၸိူဝ်းဢၼ်ႁႃႁႂ်ႈလႆႈဢဝ်လုၵ်ႈဢွၼ်ႇတၢႆၼၼ်ႉတၢႆယဝ်ႉ၊ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉယုဝ်းသႅပ်ႉလုၵ်ႉလႄႈဢဝ်လုၵ်ႈဢွၼ်ႇတင်းမႄႈၸဝ်ႈသေယဝ်ႉၶိုၼ်းမိူဝ်းၵႂႃႇမိူင်းဢိသရေႇလဢေႃႈ။
၂၂ မိူဝ်ႈဢၼ်ငိၼ်းလွင်ႈဢၼ်ဢႃႇၶေႇလလႆႈဢရႃႇပေႃႈမၼ်းၶုၼ်ႁေႃၶမ်းႁေႇရုတ်ႉၼႂ်းမိူင်းယုတၼၼ်ႉၸိုင်မၼ်းဢမ်ႇႁတ်းၵႂႃႇၵႃႈတီႈပုၼ်ႉလႄႈသမ်ႉလႆႈပျႃႇတိၵ်ႈၸဝ်ႈၼႂ်းၼွၼ်းၽၼ်ၼၼ်ႉထႅင်ႈလႄႈ
၂၃ မၼ်းငိၵ်းၵႂႃႇၸူးၵႃႈတီႈမိူင်းၵႃႇလလႄးပုၼ်ႉသေယဝ်ႉယူႇၵႃႈၼႂ်းဝဵင်းၼႃႇၸရႅတ်ႉဢေႃႈ။ ဢၼ်ပရေႃးၽႅတ်ႈတင်းလၢႆႁေႃးလၢတ်ႈဝႆႉဝႃႈ၊-
ၸဝ်ႈၶရိၸ်ႉၼၼ်ႉတၵ်းလႆႈႁွင်ႉဝႃႈပဵၼ်ၵူၼ်းဝဵင်းၼႃႇၸရႅတ်ႉဢေႃႈ၊ဝႃႈၼင်ႇၼႆၼၼ်ႉလႆႈတဵမ်ထူၼ်ႈယဝ်ႉဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ