ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၂၃
၁ မိူဝ်ႈၼၼ်ႉၶဝ်တင်းသဵင်ႈတင်းလူင်လုၵ်ႉလႄႈဢဝ်မၼ်းၸဝ်ႈၵႂႃႇၵႃႈတီႈၶုၼ်ပိလၢတ်ႉသေယဝ်ႉတၢင်ႇဢပျႅတ်ႈလႄႈဝႃႈ၊-
၂ ႁဝ်းၶႃႈထူပ်းႁၼ်လွင်ႈဢၼ်ၵေႃႉၼႆႉပႅတ်ႉလႅၼ်ၵူၼ်းဝၢၼ်ႈၵူၼ်းမိူင်းတင်းလၢႆလႄႈႁၢမ်ႈတၢပ်ႈႁႄႉၶႅၼ်လွင်ႈဢၼ်တၵ်းလႆႈသၢၵ်ႈၶွၼ်ႇတီႈၶုၼ်ႁေႃၶမ်းၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၃ ၶုၼ်ႁေႃၶမ်းၵေႇသႃႇၵေႃႈထၢမ်တီႈမၼ်းၸဝ်ႈလႄႈဝႃႈ၊-မႂ်းၸႂ်ႈၶုၼ်ႁေႃၶမ်းတႄႉႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊-မႅၼ်ႈၸွမ်းၵႃႈၼင်ႇဢၼ်ၶုၼ်ထၢမ်ၼႆႉယဝ်ႉ၊ဝႃႈၼင်ႇၼႆဢေႃႈ။
၄ ၶုၼ်ပိလၢတ်ႉၵေႃႈလၢတ်ႈတီႈယိတ်ႉပရေႃးႁိၵ်ႈလူင်ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉလႄႈဝႃႈ၊-ၵဝ်ဢမ်ႇႁၼ်ဢပျႅတ်ႈၼႂ်းၵေႃႉၼႆႉသေၸိူဝ်ႉသေပိူင်မိူဝ်ႈဢၼ်ဝႃႈၼင်ႇၼႆၸိုင်ၶဝ်ၼၼ်ႉယဵင်ႈၶႅၼ်းႁဵတ်းသဵင်ဢၼ်ႁႅင်းယႂ်ႇၼႃႇလူင်လၢင်ႁွင်ႉသႅၼ်ႇလႄႈဝႃႈ၊-
၅ ၵေႃႉၼႆႉသင်ႇသွၼ်သုင်းမႃႉပၼ်ၸႃႉၸဵမ်မိူင်းၵႃႇလိလႄးတေႃႇထိုင်ႁွတ်ႈၵႃႈတီႈၼႆႉၸွတ်ႇတူဝ်ၵႂႃႇၵႃႈၼႂ်းမိူင်းယုတၵူႈတီႈၵူႈလႅၼ်လႄႈပဵၼ်ၵေႃႉဢၼ်တိုၵ်းယူင်းၸူဝ်းဢဝ်ၵူၼ်းတင်းလၢႆၶႃႈဢေႃႈ၊ဝႃႈၼင်ႇၼႆဢေႃႈ။
၆ ၶုၼ်ပိလၢတ်ႉငိၼ်းၵႂၢမ်းၼၼ်ႉသေယဝ်ႉထၢမ်လႄႈဝႃႈ၊-ၵေႃႉၼႆႉပဵၼ်ၵူၼ်းၵႃႇလိလႄးႁိုဝ်၊ဝႃႈၼင်ႇၼႆလႄႈမိူဝ်ႈဢၼ်ႁူႉမၼ်းၸဝ်ႈပဵၼ်ၵူၼ်းဢၼ်ၶုၼ်ရႁေႇရုတ်ႉပိူင်ႇၼၼ်ႉၸိုင်ႁႂ်ႈဢဝ်မၼ်းၸဝ်ႈၵႂႃႇသူင်ႇၵႃႈတီႈၶုၼ်ႁေႇရုတ်ႉဢၼ်မႃးမီးယူႇၵႃႈၼႂ်းဝဵင်းယေႇရုသလႅမ်ႇၼႂ်းၶိင်ႇမိူဝ်ႈၼၼ်ႉဢေႃႈ။
၇ ၶုၼ်ႁေႇရုတ်ႉၼၼ်ႉႁၼ်ၸဝ်ႈယေႇသုလႄႈမီးၸႂ်ဢၼ်သိူဝ်းပျေႃႇၼႃႇလူင်လၢင်ဢေႃႈ။
၈ လွင်ႈမၼ်းၸမ်းၵွပ်ႈပိူဝ်ႈလႆႈငိၼ်းသတၢင်းသဵင်ၶၢဝ်ႇလွင်ႈမၼ်းၸဝ်ႈယဝ်ႉလႄႈမၼ်းမီးဢလူဝ်ႇၶႂ်ႈႁၼ်မၼ်းၸဝ်ႈႁိုင်ၼႃႇယဝ်ႉလႄႈမုင်ႈထႃႈမွင်းထႃႈလွင်ႈဢၼ်တၵ်းလႆႈႁၼ်တၢင်းဢၼ်မၼ်းၸဝ်ႈၼႄပျႃးၼီႉမိၵ်ႈလၵ်ႈၶၼႃႇသေၸိူဝ်ႉႉသေပိူင်ၼၼ်ႉဢေႃႈ။
၉ မိူဝ်ႈၼၼ်ႉပဵၵ်ႉသမ်ႉၶုၼ်ၼၼ်ႉတွင်ႈထၢမ်မၼ်းၸဝ်ႈၼမ်ၼႃႇသေၵေႃႈမၼ်းၸဝ်ႈဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။
၁၀ ယိတ်ႉပရေႃးႁိၵ်ႈလူင်ဢိၵ်ႇတင်းၵူၼ်းထုတ်ႇၵျၢမ်းတင်းလၢႆလုၵ်ႉလႄႈတၢင်ႇဢပျႅတ်ႈတီႈမၼ်းၸဝ်ႈယႂ်ႇၼႃႇဢေႃႈ။
၁၁ ၶုၼ်ႁေႇရုတ်ႉဢိၵ်ႇတင်းၵူၼ်းသိုၵ်းတင်းလၢႆႁဵတ်းဢမ်ႇၼပ်ႉဢမ်ႇၶၢၼ်းႁဵတ်းပျၢၵ်ႈႁဵတ်းၶူဝ်တီႈမၼ်းၸဝ်ႈလႄႈႁႂ်ႈမၼ်းၸဝ်ႈၼုင်ႈၶူဝ်းဢၼ်ႁၢင်ႊလီႁၢင်ႊငၢမ်းယဝ်ႉၸင်ႇဢဝ်ၶိုၼ်းမိူဝ်းသူင်ႇပၼ်တီႈၶုၼ်ပိလၢတ်ႉဢေႃႈ။
၁၂ ဝၼ်းၼၼ်ႉၶုၼ်ပိလၢတ်ႉတင်းၶုၼ်ႁေႇရုတ်ႉၵေႃႉၼိုင်ႈလႄႈၵေႃႉၼိုင်ႈၶိုၼ်းႁဵတ်းၵေႃႉႁဵတ်းသေႈတေႃႇၵၼ်ဢေႃႈ။မိူဝ်ႈဢွၼ်တၢင်းၼၼ်ႉၶဝ်ဢမ်ႇထုၵ်ႇဢမ်ႇမေႃၵၼ်။
၁၃ ၵမ်းၼၼ်ႉၶုၼ်ပိလၢတ်ႉႁွင်ႉဢဝ်ယိတ်ႉပရေႃးႁိၵ်ႈလူင်ဢိၵ်ႇတင်းၶုၼ်တီႈလုမ်းလူင်တင်းၵူၼ်းတင်းလၢႆၸိူဝ်းၼၼ်ႉမႃးလႄႈလၢတ်ႈဝႃႈ၊-သူဢဝ်ၵေႃႉၼႆႉမႃးသူင်ႇပၼ်တီႈၵဝ်မိူၼ်ၼင်ႇပဵၼ်ၵေႃႉဢၼ်ႁဵတ်းႁႂ်ႈၵူၼ်းဝၢၼ်ႈၵူၼ်းမိူင်းတင်းလၢႆပုင်ႇၵၢၼ်ႇၼၼ်ႉဢိူဝ်ႈ။
၁၄ တူၺ်းလူႊ၊ပဵၵ်ႉသမ်ႉၵဝ်ၸႅတ်ႈထၢမ်မၼ်းၵႃႈတီႈၽၢႆႇၼႃႈသူသေၵေႃႈၵဝ်ဢမ်ႇထူပ်းဢမ်ႇႁၼ်ဢပျႅတ်ႈၵႃႈၼႂ်းမၼ်းသေၸိူဝ်ႉသေပိူင်ဢၼ်သူတၢင်ႇတီႈမၼ်းၼၼ်ႉ။
၁၅ ၶုၼ်ႁေႇရုတ်ႉၵေႃႈဢမ်ႇထူပ်းဢမ်ႇႁၼ်။ၵဝ်ႁႂ်ႈသူဢဝ်မၼ်းၵႂႃႇသူင်ႇၵႃႈတီႈၶုၼ်ၼၼ်ႉယဝ်ႉ။တူၺ်းလူႊ။ၵေႃႉၼႆႉဢမ်ႇႁဵတ်းလွင်ႈတၢင်းသေၸိူဝ်ႉသေပိူင်ဢၼ်တၵ်းလႆႈထိူၵ်ႈၶၢမ်ႇတၢင်းတၢႆၼၼ်ႉ။
၁၆ ပိူဝ်ႈၼႆလႄႈၵဝ်တၵ်းသင်ႇသွၼ်မၼ်းလႄႈပွႆႇမၼ်းလွတ်ႈဢေႃႈ၊ဝႃႈၼင်ႇၼႆဢေႃႈ။
၁၇ ၼႂ်းပွႆးၼၼ်ႉၶဝ်မီးထုင်းၸၢမ်ႇဢၼ်တၵ်းလႆႈပွႆႇလွတ်ႈၵူၼ်းၵေႃႉၼိုင်ႈပၼ်တီႈၵူၼ်းတင်းလၢႆဢေႃႈ။
၁၈ ၵူၼ်းတင်းသဵင်ႈတင်းလူင်ၸိူဝ်းၼၼ်ႉၵေႃႈၽွမ်ႉၵၼ်ႁွင်ႉသႅၼ်ႇလႄႈဝႃႈ၊-ဢဝ်ၵေႃႉၼႆႉဢွၵ်ႇပႅတ်ႈသေၵမ်းၶႃႈ။ပွႆႇလွတ်ႈပႃႇရၢပ်ႉပပၼ်တီႈႁဝ်းၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။
၁၉ ပႃႇရၢပ်ႉပပဵၼ်ၵေႃႉဢၼ်လႆႈၶၢမ်ႇတၢင်းဢၼ်ၶင်ဝႆႉၵႃႈၼႂ်းထွင်ႇၵွပ်ႈပိူဝ်ႈမၼ်းပုင်ႇၵၢၼ်ႇၵႃႈၼႂ်းဝဵင်းဢိၵ်ႇတင်းဢဝ်ဢသၢၵ်ႈၵူၼ်းတၢႆၼၼ်ႉဢေႃႈ။
၂၀ ၶုၼ်ပိလၢတ်ႉၼၼ်ႉပိူဝ်ႈဢၼ်ၶႂ်ႈပွႆႇလွတ်ႈၸဝ်ႈယေႇသုလႄႈသမ်ႉၶိုၼ်းလၢတ်ႈတီႈၶဝ်ထႅင်ႈဢေႃႈ။
၂၁ ၵူၺ်းၵႃႈၶဝ်ၸိူဝ်းၼၼ်ႉႁွင်ႉသႅၼ်ႇလႄႈဝႃႈ၊-ဢဝ်ၵေႃႉၼႆႉတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းသေၵမ်းၶႃႈ။ဢဝ်တွၵ်ႇဝႆႉသေၵမ်းၶႃႈ၊ဝႃႈၼင်ႇၼႆဢေႃႈ။
၂၂ ၶုၼ်ပိလၢတ်ႉၵေႃႈလၢတ်ႈတီႈၶဝ်ထူၼ်ႈထိုင်သၢမ်ပွၵ်ႈလႄႈဝႃႈ၊-ၵွပ်ႈပိူဝ်ႈလွင်ႈတၢင်းၸိူဝ်ႉၼင်ႇႁိုဝ်။ၵေႃႉၼႆႉလႆႈႁဵတ်းၽိတ်းမႅၼ်ႈဢပျႅတ်ႈဢၼ်လႂ်။ၵဝ်ဢမ်ႇထူပ်းဢမ်ႇႁၼ်ဢပျႅတ်ႈတီႈမၼ်းသေၸိူဝ်ႉသေပိူင်ဢၼ်တၵ်းလႆႈထိူၵ်ႈၶၢမ်ႇတၢင်းတၢႆၼၼ်ႉ။ပိူဝ်ႈၼႆလႄႈၵဝ်တၵ်းသင်ႇသွၼ်သုင်းမႃႉမၼ်းလႄႈပွႆႇလွတ်ႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်
၂၃ ၶဝ်ၵေႃႈၵျူဝ်းၸႃးႁဵတ်းသဵင်ဢၼ်ယႂ်ႇၼႃႇႁွင်ႉသႅၼ်ႇယွၼ်းဢဝ်ႁႂ်ႈဢဝ်မၼ်းၸဝ်ႈတွၵ်ႇၵႃႈၼိူဝ်သဝ်လၵ်းဝႃးမိုဝ်းၼၼ်ႉဢေႃႈ။သဵင်ၶဝ်ဢိၵ်ႇတင်းသဵင်ယိတ်ႉပရေႃးႁိၵ်ႈလူင်ၸိူဝ်းၼၼ်ႉပႄႉၵႂႃႇဢေႃႈ။
၂၄ ၶုၼ်ပိလၢတ်ႉၵေႃႈၸီႇယၢင်ႇႁႂ်ႈပဵၼ်ၸွမ်းၸိူဝ်ႉၼင်ႇဢၼ်ၶဝ်ယွၼ်းဢဝ်ၼၼ်ႉလႄႈ၊
၂၅ ပွႆႇလွတ်ႈၵေႃႉဢၼ်ၶင်ဝႆႉၵႃႈၼႂ်းထွင်ႇၵွပ်ႈပိူဝ်ႈလွင်ႈပုင်ႇၵၢၼ်ႇဢိၵ်ႇတင်းလွင်ႈဢဝ်ဢသၢၵ်ႈၵူၼ်းတၢႆၼၼ်ႉသေယဝ်ႉဢဝ်ၸဝ်ႈယေႇသုဢၢပ်ႈပၼ်ၼႂ်းမိုဝ်းၶဝ်ၸွမ်းၼင်ႇဢလူဝ်ႇၶဝ်ၼၼ်ႉဢေႃႈ။
တၢင်းဢၼ်ၸဝ်ႈယေႇသုၶၢမ်ႇတၢႆ
၂၆ ၼႂ်းမိူဝ်ႈဢၼ်ၶဝ်ဢဝ်မၼ်းၸဝ်ႈဢွၵ်ႇၵႂႃႇယူႇၼၼ်ႉၸိုင်ၶဝ်တီႉဢဝ်သိမုၼ်ႇဢၼ်ပဵၼ်ၵူၼ်းမိူင်းၵုရေႇၼေႇဢၼ်လုၵ်ႉသေၵႃႈတီႈဝၢၼ်ႈထိူၼ်ႇမႃးၼၼ်ႉသေယဝ်ႉဢဝ်သဝ်လၵ်းဝႃးမိုဝ်းတၢင်ႇသႂ်ႇၵႃႈၼိူဝ်ႈမၼ်းႁႂ်ႈမၼ်းႁၢပ်ႇလႄႈၸွမ်းပႃႈလင်ၸဝ်ႈယေႇသုၵႂႃႇဢေႃႈ။
၂၇ ၵူၼ်းဢၼ်ၸူႉဢၼ်တုမ်ၼမ်ၼႃႇဢိၵ်ႇတင်းမေႈယိင်းဢၼ်ႁွင်ႉႁႆႈမေႃးမႄးၵွပ်ႈပိူဝ်ႈမၼ်းၸဝ်ႈၸိူဝ်းၼၼ်ႉဢွၼ်ၵၼ်ၸွမ်းပႃႈလင်မၼ်းၸဝ်ႈၵႂႃႇဢေႃႈ။
၂၈ ၸဝ်ႈယေႇသုဝၢႆႇတူၺ်းၶဝ်ၼၼ်ႉသေလႄႈလၢတ်ႈဝႃႈ၊-လုၵ်ႈယိင်းဝဵင်းယေႇရုသလႅမ်ႇတင်းလၢႆၶဝ်ဢိူၺ်း။ယႃႇပေႁွင်ႉပေႁႆႈၵွပ်ႈပိူဝ်ႈၵဝ်။ဢွၼ်ၵၼ်ႁွင်ႉႁႆႈၵွပ်ႈပိူဝ်ႈတူဝ်ၸဝ်ႈၵဝ်ႇဢိၵ်ႇတင်းၵွပ်ႈပိူဝ်ႈလုၵ်ႈလၢင်းတူဝ်ၸဝ်ႈၵဝ်ႇတင်းလၢႆတႃႉ။
၂၉ လွင်ႈမၼ်းၸမ်းၶိင်ႇၵႃႇလႃႉဝၼ်းဢၼ်တၵ်းလႆႈလၢတ်ႈလႄႈဝႃႈ၊-မေႈယိင်းဢၼ်မၼ်လႄႈဢမ်ႇမီးလုၵ်ႈၼၼ်ႉမီးမင်ႇၵလႃႇဢေႃႈ။တွင်ႉဢၼ်ဢမ်ႇပႆႇတွၼ်ႉပႃးပတိၵ်ႉသၼ်ႇထေႇသေပွၵ်ႈဢိၵ်ႇတင်းၼူမ်းဢၼ်လုၵ်ႈဢွၼ်ႇဢမ်ႇပႆႇတွၼ်ႉၸုပ်ႇၵိၼ်သေပွၵ်ႈၼၼ်ႉမီးမင်ႇၵလႃႇဢေႃႈ၊ဝႃႈၼင်ႇၼႆၼၼ်ႉတၵ်းႁွတ်ႈမႃးဢေႃႈ။
၃၀ မိူဝ်ႈၼၼ်ႉၶဝ်တၵ်းႁွင်ႉတီႈလွႆတင်းလၢႆလႄႈဝႃႈ၊-ၶႅၼ်းတေႃႈတူၵ်းမႃးသႂ်ႇၵႃႈၼိူဝ်ႁဝ်းသေၵမ်းၶႃႈ။တၵ်းႁွင်ႉတီႈၵုင်းတင်းလၢႆလႄႈဝႃႈ၊-ၶႅၼ်းတေႃႈႁူမ်ႇသုမ်ႇႁဝ်းၶႃႈဝႆႉသေၵမ်းၶႃႈ၊ဝႃႈၼင်ႇၼႆဢေႃႈ။
၃၁ လွင်ႈမၼ်းၸမ်းပေႃးႁဵတ်းၸိူဝ်ႉၼင်ႇၼႆၵႃႈၼႂ်းတူၼ်ႈဢၼ်လိပ်းၸိုင်ၵႃႈၼႂ်းတူၼ်ႈဢၼ်ႁႅင်ႈၼၼ်ႉတၵ်းပဵၼ်ၸိူဝ်ႉၼင်ႇႁိုဝ်ဝႃႈၼင်ႇၼႆဢေႃႈ။
၃၂ မိူဝ်ႈၼၼ်ႉၵူၼ်းႁၢႆႉသွင်ၵေႃႉၵေႃႈၶဝ်ဢဝ်ဢွၵ်ႇၵႂႃႇလူၺ်ႈၵၼ်တင်းမၼ်းၸဝ်ႈႁႂ်ႈလႆႈဢဝ်တၢႆဢေႃႈ။
၃၃ မိူဝ်ႈဢၼ်ၶဝ်ႁွတ်ႈထိုင်တီႈဢၼ်လႆႈႁွင်ႉႁိၵ်ႈဝႃႈၵႂင်းၵွၵ်းႁူဝ်ၼၼ်ႉၶဝ်ဢဝ်ၵူၼ်းႁၢႆႉၸိူဝ်းၼၼ်ႉတွၵ်ႇဝႆႉၵႃႈတီႈၽၢႆႇၶႂႃမၼ်းၸဝ်ႈၵေႃႉၼိုင်ႈၵႃႈတီႈၽၢႆႇသၢႆႉမၼ်းၸဝ်ႈၵေႃႉၼိုင်ႈၵႃႈၼိူဝ်သဝ်လၵ်းဝႃးမိုဝ်းလူၺ်ႈၵၼ်တင်းမၼ်းၸဝ်ႈဢေႃႈ။
၃၄ ၸဝ်ႈယေႇသုဝႃႈ၊-ဢူဝ်းပေႃႈ၊ပွႆႇလွတ်ႈဢပျႅတ်ႈၶဝ်သေၵမ်းၶႃႈ။ၶဝ်ဢမ်ႇႁူႉလွင်ႈတၢင်းဢၼ်ၶဝ်ႁဵတ်းၼၼ်ႉ၊ဝႃႈၼင်ႇၼႆဢေႃႈ။ၶဝ်ဢဝ်ၶူဝ်းၼုင်ႈမၼ်းၸဝ်ႈတူၵ်းၸႃႇၵွၵ်ႉသေလႄႈၽႄမႅင်ႇပၼ်ၵၼ်ဢေႃႈ။
၃၅ ၵူၼ်းတင်းလၢႆၵေႃႈၸုၵ်းလႄႈတူၺ်းယူႇဢေႃႈ။ၶုၼ်တီႈလုမ်းလူင်တင်းလၢႆၵေႃႈႁဵတ်းပျၢၵ်ႈႁဵတ်းၶူဝ်တီႈမၼ်းၸဝ်ႈလႄႈဝႃႈ၊-ၵေႃႉၼႆႉၸၢင်ႊၵႄႇၶျွတ်ႈဢဝ်ပိူၼ်ႈယူႇဢေႃႈ။ပေႃးပဵၼ်ၸဝ်ႈၶရိၸ်ႉၵေႃႉဢၼ်ၽြႃးပဵၼ်ၸဝ်ႈလိူၵ်ႈၵဵပ်းဢဝ်တႄႉၸိုင်တူဝ်ၸဝ်ႈၵဝ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇသေၵမ်း၊ဝႃႈၼင်ႇၼႆဢေႃႈ။
၃၆ ၵူၼ်းသိုၵ်းတင်းလၢႆၵေႃႈမႃးတီႈမၼ်းၸဝ်ႈလႄႈႁဵတ်းပျၢၵ်ႈႁဵတ်းၶူဝ်မၼ်းၸဝ်ႈသေယဝ်ႉဢဝ်ၼမ်ႉပုင်းယေႇပၼ်တီႈမၼ်းၸဝ်ႈလႄႈဢွၼ်ၵၼ်လၢတ်ႈဝႃႈ၊-
၃၇ ပေႃးမႂ်းၸႂ်ႈၶုၼ်ႁေႃၶမ်းယုတၸိုင်တူဝ်ၸဝ်ႈၵဝ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇသေၵမ်းတႃႉဝႃႈၼင်ႇၼႆဢေႃႈ။
၃၈ လိၵ်ႈဢၼ်ဢဝ်တင်းၵႂၢမ်းႁေႇပြႄးတင်းၵႂၢမ်းႁေႇလသတင်းၵႂၢမ်းရူဝ်းမတႅမ်ႈဝႆႉဢၼ်ၽုၺ်ႇဢွၵ်ႇၼႄပျႃႉဢပျႅတ်ႈမၼ်းၸဝ်ႈဝႃႈ၊-ၵေႃႉၼႆႉပဵၼ်ၶုၼ်ႁေႃၶမ်းယုတဢေႃႈ၊ဝႃႈၼင်ႇၼႆၼၼ်ႉၵေႃႈၶဝ်ဢဝ်ၸပ်းဝႆႉၵႃႈၼိူဝ်ႁူဝ်သဝ်လၵ်းဝႃးမိုဝ်းမၼ်းၸဝ်ႈဢေႃႈ။
၃၉ ၼႂ်းၵူၼ်းႁၢႆႉသွင်ၵေႃႉဢၼ်ႁွႆႈဝႆႉၼၼ်ႉၵေႃႉၼိုင်ႈသေႉသွမ်းမၼ်းၸဝ်ႈလႄႈဝႃႈ၊-ပေႃးမႂ်းၸႂ်ႈၸဝ်ႈၶရိၸ်ႉၸိုင်ၵႄႇၶျွတ်ႈဢဝ်တူဝ်ၸဝ်ႈၵဝ်ႇဢိၵ်ႇတင်းႁဝ်းၶႃႈၼႆႉသေၵမ်း၊ဝႃႈၼင်ႇၼႆဢေႃႈ။
၄၀ ၵေႃႉၼိုင်ႈၸမ်းသင်ႇသွၼ်မၼ်းလႄႈဝႃႈ၊-မႂ်းလႆႈၶၢမ်ႇတၢမ်ႇဢပျႅတ်ႈမိူၼ်ၵၼ်ယူႇလႄႈမႂ်းဢမ်ႇၵူဝ်ၽြႃးပဵၼ်ၸဝ်ႈႁိုဝ်။
၄၁ ႁဝ်းလႆႈၶၢမ်ႇတၢမ်ႇဢၼ်ထိူၵ်ႈတၢၼ်ႇၵၼ်တင်းလွင်ႈတၢင်းဢၼ်ႁဝ်းႁဵတ်းၽိတ်းမႅၼ်ႈၼၼ်ႉလႄႈလႆႈၶၢမ်ႇၸွမ်းၼင်ႇတြႃးဢိူဝ်ႈ။ၵေႃႉၼႆႉမၼ်းဢမ်ႇႁဵတ်းဢပျႅတ်ႈသေၸိူဝ်ႉသေပိူင်၊ဝႃႈၼင်ႇၼႆသေယဝ်ႉမၼ်းသမ်ႉလဝ်ႈလၢတ်ႈတီႈၸဝ်ႈယေႇသုလႄႈဝႃႈ၊-
၄၂ ၸဝ်ႈႁဝ်းမိူဝ်ႈဢၼ်ၸဝ်ႈႁဝ်းၵျွႃႉမႃးၵႃႈၼႂ်းမိူင်းၸဝ်ႈႁဝ်းၼၼ်ႉၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းၵဝ်ၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။
၄၃ ၸဝ်ႈယေႇသုၵေႃႈလၢတ်ႈတီႈၵေႃႉၼၼ်ႉလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်းဝၼ်းမိူဝ်ႈၼႆႉမႂ်းတၵ်းလႆႈမီးယူႇလူၺ်ႈၵၼ်တင်းၵဝ်ၼႂ်းၽုင်ႇပႃႇရတိသု(မိူင်းၵတ်းယဵၼ်ၶျၢမ်းသႃႇ)ပုၼ်ႉဢေႃႈ၊ဝႃႈၼင်ႇၼႆဢေႃႈ။
၄၄ ၶိင်ႇၼၼ်ႉၸမ်းပဵၼ်ၶိင်ႇႁူၵ်းၼႃႇရီႇၸမ်ၸမ်လႄႈလပ်းသိင်ႇၵႂႃႇၽိတ်းၽိတ်းတင်းမိူင်းတေႃႇထိုင်ႁွတ်ႈၵဝ်ႈၼႃႇရီႇဢေႃႈ။
၄၅ ဢရွင်ႇၵၢင်ဝၼ်းၵေႃႈလပ်ႉႁၢႆၵႂႃႇဢေႃႈ။ၽႃႈၵင်ႈၼႂ်းႁိူၼ်းပိၵ်ႉမၢၼ်ႇၸဝ်ႈၼၼ်ႉၵေႃႈသိၵ်ႇၶၢတ်ႇၵႂႃႇဢေႃႈ။
၄၆ ၸဝ်ႈယေႇသုၵေႃႈႁဵတ်းတင်းသဵင်ဢၼ်ယႂ်ႇၼႃႇႁွင်ႉသေယဝ်ႉဝႃႈ၊-ဢူဝ်းပေႃႈ၊ၵဝ်ၶႃႈဢဝ်ၸႂ်ဝိၺိၺ်ႇၵဝ်ၶႃႈဢၢပ်ႈပၼ်ၼႂ်းမိုဝ်းၸဝ်ႈႁဝ်းၶႃႈဢေႃႈ၊ဝႃႈၼင်ႇၼႆသေယဝ်ႉထွတ်ႇၸႂ်မၼ်းၸဝ်ႈသေဢေႃႈ။
၄၇ တပ်ႉမူးၵေႃႉၼိုင်ႈလႆႈႁၼ်လွင်ႈတၢင်းဢၼ်ပဵၼ်မႃးၼၼ်ႉသေယဝ်ႉယွင်ႈယေႃးၽြႃးပဵၼ်ၸဝ်ႈလႄႈဝႃႈ၊-ၸႂ်ႈတႄႉယဝ်ႉ။ၵေႃႉၼႆႉပဵၼ်ၵေႃႉဢၼ်သိုဝ်ႈတေႃႇတႄႉဢေႃႈ၊ဝႃႈၼင်ႇၼႆဢေႃႈ။
၄၈ ၶဝ်ၸိူဝ်းဢၼ်မႃးလူမႃးတူၺ်းလွင်ႈတၢင်းၼၼ်ႉတင်းသဵင်ႈတင်းလူင်ၸိူဝ်းၼၼ်ႉၵေႃႈမိူဝ်ႈဢၼ်ႁၼ်လွင်ႈတၢင်းၸိူဝ်းၼၼ်ႉၸိုင်ဢွၼ်ၵၼ်တူပ်းႁူဝ်ဢူၵ်းသေလႄႈၶိုၼ်းမိူဝ်းၵႂႃႇဢေႃႈ။
၄၉ ၶဝ်ၸိူဝ်းဢၼ်မိုတ်ႈၵိုဝ်းမၼ်းၸဝ်ႈဢိၵ်ႇတင်းမေႈယိင်းဢၼ်လုၵ်ႉသေၵႃႈတီႈမိူင်းၵႃႇလိလႄးၸွမ်းပႃႈလင်မၼ်းၸဝ်ႈမႃးၸိူဝ်းၼၼ်ႉၸုၵ်းယူႇတီႈဢၼ်ၵႆသေလႄႈတူၺ်းယူႇဢေႃႈ။
၅၀ မိူဝ်ႈၼၼ်ႉၵူၼ်းဢၼ်လႆႈၸိုဝ်ယုဝ်းသႅပ်ႉဢၼ်ပဵၼ်ၵူၼ်းဢရိမသေႇမိူင်းယုတဢၼ်ပဵၼ်ၶုၼ်တီႈလုမ်းလူင်လႄႈပဵၼ်ၵူၼ်းဢၼ်လီမျၢတ်ႈသိုဝ်ႈတေႃႇပဵၼ်ၵေႃႉဢၼ်
၅၁ ယင်းဢမ်ႇၽွမ်ႉလွင်ႈဢၼ်ၶုၼ်တီႈလုမ်းလူင်ၶဝ်တိူင်ႇပၢင်ႇၸီႇယၢင်ႇၼၼ်ႉလႄႈပဵၼ်ၵေႃႉဢၼ်
၅၂ မုင်ႈထႃႈမွင်းထႃႈမိူင်းၽြႃးပဵၼ်ၸဝ်ႈၼၼ်ႉမၼ်းၶဝ်ႈၸူးၵႃႈတီႈၶုၼ်ပိလၢတ်ႉလႄႈယွၼ်းႁႂ်ႈလႆႈဢဝ်တူဝ်တၢႆၸဝ်ႈယေႇသုဢေႃႈ။
၅၃ မၼ်းၶျႃးတူဝ်တၢႆမၼ်းၸဝ်ႈလူင်းသေၵႃႈၼိူဝ်သဝ်လၵ်းဝႃးမိုဝ်းယဝ်ႉၸင်ႇဢဝ်တင်းပိၵ်ႈၶျေႃးၶဵၼ်းႁေႃႇသေယဝ်ႉဢဝ်သႂၢင်းသႂ်ႇဝႆႉၵႃႈၼႂ်းသၢင်းၶျႅင်းမၢၵ်ႇႁိၼ်ဢၼ်ဢမ်ႇပႆႇတွၼ်ႉသၢင်းၵျူဝ်ႇၽႂ်သေပွၵ်ႈၼၼ်ႉဢေႃႈ။
၅၄ ဝၼ်းၼၼ်ႉပဵၼ်ဝၼ်းၽိတ်ႈလႄႈၸမ်ၶိင်ႇဝၼ်းၵမ်သိၼ်ဢေႃႈ။
၅၅ မေႈယိင်းဢၼ်လုၵ်ႉသေၵႃႈတီႈမိူင်းၵႃႇလိလႄးမႃးၸွမ်းၵၼ်တင်းမၼ်းၸဝ်ႈၸိူဝ်းၼၼ်ႉၵေႃႈၸွမ်းလူၸွမ်းတူၺ်းသၢင်းၶျႅင်းမၼ်းၸဝ်ႈဢိၵ်ႇတင်းလွင်ႈဢၼ်ဢဝ်တူဝ်တၢႆမၼ်းၸဝ်ႈဝႆႉၸိူဝ်ႉၼင်ႇႁိုဝ်ၼၼ်ႉဢေႃႈ။
၅၆ ၶဝ်ၼၼ်ႉၶိုၼ်းမိူဝ်းၵႂႃႇသေယဝ်ႉမႄးႁႅၼ်းၼမ်ႉႁွမ်တင်းၼၢမ်ႇသႃႇလႄႈၵႃႈၼင်ႇဢၼ်ပိင်းၺၢပ်ႈၸဝ်ႈမီးဝႆႉၼၼ်ႉၼႂ်းဝၼ်းၵမ်သိၼ်ယင်းဢမ်ႇႁဵတ်းတၢင်းႁဵတ်းလႄႈယူႇဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ