Mar 5

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆

၅

ႁႂ်ႈၵူၼ်းၽီၵူဝ်ႈၵိူၵ်ႇၶဝ်ႈႁၢႆၶႅၼ်း

၁ ၶဝ်ႁွတ်ႈထိုင်ၽင်ႇၼမ်ႉၽၢႆႇပုၼ်ႉၵႃႈတီႈမိူင်းၵႃႇတရယဝ်ႉလႄႈ

၂ မိူဝ်ႈဢၼ်မၼ်းၸဝ်ႈလူင်းႁိူဝ်းၵႂႃႇၼၼ်ႉၸိုင်ၵူၼ်းဢၼ်ၽီၵူဝ်ႈၵိူၵ်ႇၶဝ်ႈၼၼ်ႉၵေႃႉၼိုင်ႈဢွၵ်ႇသေၵႃႈၼႂ်းသၢင်းၶျႅင်းမႃးလႄႈႁပ်ႉႁူဝ်တၢင်းမၼ်းၸဝ်ႈၵမ်းလဵဝ်ဢေႃႈ။

၃ ၵေႃႉၼၼ်ႉမၼ်းၸၢင်ႊယူႇၵႃႈၼႂ်းသၢင်းၶျႅင်းၵူၺ်းဢေႃႈ။ ၽူႈလႂ်ၵေႃႈဢမ်ႇဢဝ်ၸိူၵ်ႈလဵၵ်းမတ်ႉၽုၵ်ႇမၼ်းဝႆႉလႆႈ။

၄ ပဵၵ်ႉသမ်ႉဢဝ်ၶူၺ်ႇတိၼ်တင်းၸိူၵ်ႈလဵၵ်းမတ်ႉၽုၵ်ႇဝႆႉၶိူဝ်းၶိူဝ်းယႂ်းယႂ်းသေၵေႃႈမၼ်းၸၢင်ႊတိုတ်ႉၸိူၵ်ႈလဵၵ်းၶၢတ်ႇလႄႈႁၵ်းၶူၺ်ႇတိၼ်ပႅတ်ႈဢေႃႈ။ ၽူႈလႂ်ၵေႃႈဢမ်ႇပႄႉၼႅင်ႇႁႂ်ႈမၼ်းယိၼ်ႇမႃးငႄႈမႃးလႆႈ။

၅ ၵႃႈၼႂ်းသၢင်းၶျႅင်းလႄႈသင်ၵႃႈၼိူဝ်လွႆလႄႈသင်ဢမ်ႇထၢတ်ႇသေဝၼ်းသေၶိုၼ်းမၼ်းၸၢင်ႊႁွင်ႉသႅၼ်ႇယူႇသေလႄႈဢဝ်တင်းမၢၵ်ႇႁိၼ်ထိူဝ်ၼိူဝ်ႉထိူဝ်ၼင်တူဝ်ၸဝ်ႈၵဝ်ႇယူႇဢေႃႈ။

၆ မိူဝ်ႈဢၼ်မၼ်းႁၼ်ၸဝ်ႈယေႇသုယင်းမီးယူႇတီႈၵႆၼၼ်ႉမၼ်းၶုၼ်ႇလႅၼ်ႈမႃးၵႃႈတီႈမၼ်းၸဝ်ႈသေလႄႈၶုပ်ႉမူပ်ႇသေယဝ်ႉႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇလႄႈဝႃႈ၊-

၇ ၸဝ်ႈယေႇသုလုၵ်ႈၽြႃးပဵၼ်ၸဝ်ႈဢၼ်သုင်မျၢတ်ႈၼႃႇသေပိူၼ်ႈၼၼ်ႉတီႈၶႃႈ။ ၸဝ်ႈႁဝ်းၸၢပ်ႈသႅင်ႇၵၼ်တင်းၵဝ်ၶႃႈၸိူဝ်ႉၼင်ႇႁိုဝ်တီႈၶႃႈ။ ၼင်ႇႁိုဝ်

ၸဝ်ႈႁဝ်းတၵ်းဢမ်ႇၼိၵ်ႉၸၢၵ်ႈငႅၼ်းသေးၵဝ်ၶႃႈၸိုင်ၵဝ်ၶႃႈတိူင်ႇၽြႃးပဵၼ်ၸဝ်ႈယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။

၈ လွင်ႈမၼ်းၸမ်းမၼ်းၸဝ်ႈလႆႈမီးဢမိင်ႉဝႃႈ၊-ၽီဢၼ်ၵူဝ်ႈၵိူၵ်ႇဢိူၺ်း၊ဢွၵ်ႇသေၵႃၼႂ်းၵေႃႉၼႆႉၵႂႃႇတႃႉ၊ဝႃႈၼင်ႇၼႆယဝ်ႉၼၼ်ႉဢေႃႈ။

၉ မၼ်းၸဝ်ႈၵေႃႈထၢမ်တီႈမၼ်းဝႃႈ၊-မႂ်းမီးၸိုဝ်သဵင်ၸိူဝ်ႉၼင်ႇႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈလဝ်ႈလၢတ်ႈလႄႈဝႃႈ၊-ၵွပ်ႈပိူဝ်ႈႁဝ်းၶႃႈပဵၼ်ဢၼ်ၼမ်ၼႃႇလႄႈၸိုဝ်သဵင်ၵဝ်ၶႃႈလႆႈႁွင်ႉႁိၵ်ႈၸိုဝ်ဝႃႈလေႇၵျုင်ႇ၊ဝႃႈၼႆၶႃႈဢေႃႈ၊

၁၀ ဝႃႈၼင်ႇၼႆယဝ်ႉၸင်ႇၼင်ႇႁိုဝ်မၼ်းၸဝ်ႈတၵ်းဢမ်ႇႁေႃႈၶဝ်ဢွၵ်ႇမိူင်းၼၼ်ႉၸိုင်မၼ်းတွင်းပၢၼ်ႇၼမ်ၼႃႇလူင်လၢင်ဢေႃႈ။

၁၁ တီႈႁိမ်းၼၼ်ႉမီးၽုင်မူၼမ်ၼႃႇၵိၼ်ယူႇၵႃႈတီႈပဵမ်ႉလွႆဢေႃႈ။ ၽီႁၢႆႉၸိူဝ်းၼၼ်ႉၵေႃႈတွင်းပၢၼ်ႇလႄႈဝႃႈ၊-

၁၂ ပၼ်ဢၶႂင်ႉႁႂ်ႈႁဝ်းၶႃႈလႆႈၵႂႃႇၶဝ်ႈၵႃႈၼႂ်းမူၸိူဝ်းၼၼ်ႉသေၵမ်းတီႈၶႃႈ၊ဝႃႈၼင်ႇၼႆလႄႈမၼ်းၸဝ်ႈၵေႃႈပၼ်ဢၶႂၢင်ႉဢေႃႈ။

၁၃ ၽီၵူဝ်ႈၵိူၵ်ႇၸိူဝ်းၼၼ်ႉၵေႃႈဢွၵ်ႇၵႂႃႇၵမ်းလဵဝ်လႄႈၵႂႃႇၶဝ်ႈၵႃႈၼႂ်းမူတင်းလၢႆၸိူဝ်းၼၼ်ႉသေယဝ်ႉၽုင်မူၸိူဝ်းၼၼ်ႉၵေႃႈၶုၼ်ႇလႅၼ်ႈလူင်းၽင်ႇၸၼ်းတူၵ်းၵႃႈၼႂ်းၼွင်သေယဝ်ႉၵႅၼ်ႉၼမ်ႉတၢႆဢေႃႈ။ ပေႃးၼပ်ႉဢၢၼ်ႇတူၺ်းၽုင်မူဢၼ်ၸူမ်ၼမ်ႉတၢႆၼၼ်ႉမီးမူသွင်ႁဵင်ၸမ်ၸမ်ဢေႃႈ။

၁၄ ၵူၼ်းလဵင်ႉမူၸိူဝ်းၼၼ်ႉၵေႃႈလႅၼ်ႈၶဝ်ႈၵႃႈၼႂ်းဝၢၼ်ႈၼႂ်းဝဵင်းသေယဝ်ႉမွၵ်ႇလၢတ်ႈသတၢင်းၼၼ်ႉလႄႈၵူၼ်းၼမ်ၼႃႇဢွၵ်ႇမႃးႁႂ်ႈလႆႈတူၺ်းလႆႈႁၼ်လွင်ႈတၢင်းဢၼ်ပဵၼ်မႃး

ၼၼ်ႉဢေႃႈ။

၁၅ မိူဝ်ႈဢၼ်ၶဝ်ၽႅဝ်မႃးၵႃႈတီႈၸဝ်ႈယေႇသုၼၼ်ႉလႆႈႁၼ်ၵေႃႉဢၼ်ၽီႁၢႆႉၶဝ်ႈဢၼ်မီးၽီလေႇၵျူင်ႇၼၼ်ႉၼုင်ႈၶူဝ်းလဵင်းဝႆႉမီးၸႂ်ဢၼ်လီဢၼ်ငၢမ်းဝႆႉလႄႈၼင်ႈယူႇၼၼ်ႉၸိုင်ၶဝ်ၵူဝ်ႁႄၼႃႇဢေႃႈ။

ၶဝ်ၸိူဝ်းဢၼ်လႆႈႁူႉလႆႈႁၼ်ယဝ်ႉၼၼ်ႉသမ်ႉၵႂႃႇမွၵ်ႇလၢတ်ႈလွင်ႈဢၼ်လႆႈပဵၼ်မႃးၵႃႈတီႈၵေႃႉဢၼ်ၽီႁၢႆႉၶဝ်ႈဢိၵ်ႇတင်းၵႃႈတီႈမူတင်းလၢႆၸိူဝ်းၼၼ်ႉတီႈၶဝ်

၁၇ ၸိူဝ်းဢၼ်မႃးတူၵ်းလိုၼ်းၸိူဝ်းၼၼ်ႉယဝ်ႉၸင်ႇၶဝ်တွင်းပၢၼ်ႇလဝ်ႈလၢတ်ႈႁႂ်ႈမၼ်းၸဝ်ႈဢွၵ်ႇသေၵႃႈၼႂ်းမိူင်းၶဝ်ၼၼ်ႉၵႂႃႇဢေႃႈ။

၁၈ မိူဝ်ႈဢၼ်မၼ်းၸဝ်ၶဝ်ႈၵႃႈၼႂ်းႁိူဝ်းၸိုင်ၵေႃႉဢၼ်ၽီႁၢႆႉၶဝ်ႈၼၼ်ႉတွင်းပၢၼ်ႇယွၼ်းဢၶႂၢင်ႉႁႂ်ႈလႆႈမီးယူႇလူၺ်ႈၵၼ်တင်းမၼ်းၸဝ်ႈဢေႃႈ။

၁၉ မၼ်းၸဝ်ႈယင်းဢမ်ႇပၼ်ဢၶႂၢင်ႉလႄႈမီးဢမိင်ႉဝႃႈ၊-မႂ်းၵႂႃႇၵႃႈတီႈႁိူၼ်းမႂ်းဢိၵ်ႇတင်းတီႈပီႈၼွင်ႉမႂ်းၸိူဝ်းၼၼ်ႉတႃႉ။ ၶႆႊပၼ်လၢတ်ႈပၼ်ၶဝ်လွင်ႈဢၼ်ထႃႇဝရႃႉၽြႃးဢိတ်းလူလႄႈႁဵတ်းၵျေးၸူးတီႈမႂ်းယႂ်ႇၼႃႇထၢၼ်ႇႁိုဝ်ၼၼ်ႉတႃႉ၊ဝႃႈၼင်ႇၼႆလႄႈ၊ၵေႃႉၼၼ်ႉၵေႃႈဢွၵ်ႇသေၵႃႈတီႈၼၼ်ႉၵႂႃႇသေယဝ်ႉ

၂၀ မွၵ်ႇလၢတ်ႈသတၢင်းသဵင်ၶၢဝ်ႇလွင်ႈဢၼ်ၸဝ်ႈယေႇသုႁဵတ်းၵျေးၸူးတီႈမၼ်းယႂ်ႇၼႃႇထၢၼ်ႇႁိုဝ်ၼၼ်ႉၼႂ်း

မိူင်းတေႇၵႃႇပေႃးလိလႄႈၵူၼ်းတင်းသဵင်ႈတင်းလူင်ဢၢမ်းၼႃႇဢေႃႈ။

လုၵ်ႈယိင်းဢၼ်တၢႆတင်းမေႈယိင်းဢၼ်ပဵၼ်

၂၁ ၸဝ်ႈယေႇသုၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉလႄႈၼႂ်းမိူဝ်ႈဢၼ်မီးယူႇၵႃႈတီႈႁိမ်းၼွင်ၼၼ်ႉၸိုင်ၵူၼ်းဢၼ်ၸူႉဢၼ်တုမ်ၼမ်ၼႃႇၸူႉၵၼ်တုမ်ၵၼ်တီႈမၼ်းၸဝ်ႈဢေႃႈ။

၂၂ ၵမ်းၼၼ်ႉၵႄႇၸရွပ်ႈႁေႃးတြႃးၵေႃႉၼိုင်ႈဢၼ်လႆႈၸိုဝ်ယႃႇဢိရုၼၼ်ႉမႃးလႄႈမိူဝ်ႈဢၼ်ႁၼ်မၼ်းၸဝ်ႈၼၼ်ႉမၼ်းၶုပ်ႉမူပ်ႇၵႃႈတီႈႁိမ်းတိၼ်မၼ်းၸဝ်ႈသေယဝ်ႉတွင်းပၢၼ်ႇၼႃႇလူင်လၢင်လႄႈဝႃႈ၊-

၂၃ လုၵ်ႈယိင်းဢွၼ်ႇၵဝ်ၶႃႈတၵ်းတၢႆၶႃႈယဝ်ႉ။

ၼႂ်းဝႃႈၼၼ်သေၵေႃႈၶႅၼ်းတေႃႈမႃးလႄႈဢဝ်မိုဝ်းၸဝ်ႈႁဝ်းတၢင်ႇၵႃႈၼိူဝ်မၼ်းႁႂ်ႈမၼ်းၶႅၼ်းမႃးလႄႈဢသၢၵ်ႈလိပ်းသေၵမ်းၶႃႈ၊ဝႃႈၼင်ႇၼႆဢေႃႈ။

၂၄ မၼ်းၸဝ်ႈၵေႃႈၵႂႃႇလူၺ်ႈၵၼ်တင်းမၼ်းလႄႈၵူၼ်းၸူႉၵူၼ်းတုမ်ၼမ်ၼႃႇၵေႃႈဢုမ်ႇၸွမ်းၽိုတ်ႉဢီးၸူးမၼ်းၸဝ်ႈယူႇဢေႃႈ။

၂၅ မီးမေႈယိင်းဢၼ်ၸပ်းတၢင်းပဵၼ်လိူတ်ႈထွၵ်ႇလႆႈသိပ်းသွင်ပီႊတဵမ်တဵမ်ၼၼ်ႉၵေႃႉၼိုင်ႈမၼ်းလႆႈၶၢမ်ႇၵိၼ်းၸႂ်ၼႃႇလူင်လၢင်လႄႈၶၢမ်ႇယုၵ်း

ယႃၼႂ်းမိုဝ်းမေႃယႃၼမ်ၼႃႇဢေႃႈ။

၂၆ ဢုၵ်ႉၸႃႇမၼ်းၵႃႈမီးတင်းသဵင်ႈတင်းလူင်သဵင်ႈမူတ်းၵႂႃႇယဝ်ႉသေၵေႃႈတၢင်းပဵၼ်မၼ်းဢမ်ႇႁၢႆ။

၂၇ ယဵင်ႈၶႅၼ်းၼႃႇမႃးထႅင်ႈဢေႃႈ။ မိူဝ်ႈဢၼ်မၼ်းငိၼ်းလွင်ႈၸဝ်ႈယေႇသုၼၼ်ႉမၼ်းမႃးၵႃႈတီႈၽၢႆႇလင်မၼ်းၸဝ်ႈၵႃႈၼႂ်းၵႄႈၵူၼ်းၸူႉၵူၼ်းတုမ်ၸိူဝ်းၼၼ်ႉသေယဝ်ႉတိူဝ်ႉယိပ်းၶူဝ်းမၼ်းၸဝ်ႈဢေႃႈ။

၂၈ လွင်ႈမၼ်းၸမ်းမၼ်းယုမ်ႇဝႃႈ၊-ပေႃးၵဝ်လႆႈတိူဝ်ႉလႆႈယိပ်းၶူဝ်းလဵင်းမၼ်းၸဝ်ႈၵူၺ်းၼႆၵေႃႈတၢင်းပဵၼ်ၵဝ်တၵ်းႁၢႆၶႅၼ်းယူႇဢေႃႈ၊ဝႃႈၼင်ႇၼႆဢေႃႈ။

၂၉ မိူဝ်ႈၼၼ်ႉၵမ်းလဵဝ်တီႈဢၼ်လိူတ်ႈထွၵ်ႇၼၼ်ႉယုတ်ႈႁႅင်ႈၵႂႃႇလႄႈမၼ်းႁူႉလွင်ႈဢၼ်ဝႃႈတၢင်းၶႆႈတၢင်းပဵၼ်မၼ်းႁၢႆၶႅၼ်းယဝ်ႉၼၼ်ႉဢေႃႈ။

ၸဝ်ႈယေႇသုမိူဝ်ႈဢၼ်တၼ်းၶူဝ်းဢွၵ်ႇသေၵႃႈၼႂ်းမၼ်းၸဝ်ႈၵႂႃႇယဝ်ႉၼၼ်ႉၸိုင်မၼ်းၸဝ်ႈဝၢႆႇတူၺ်းတၢင်းလင်ၵႃႈၼႂ်းၵူၼ်းၸူႉၵူၼ်းတုမ်တင်းလၢႆၼၼ်ႉလႄႈထၢမ်ဝႃႈ၊-ၽူႈလႂ်တိူဝ်ႉယိပ်းၶူဝ်းၵဝ်ဝႃႈၼင်ႇၼႆဢေႃႈ။

၃၁ တပႄးၸဝ်ႈတင်းလၢႆၸိူဝ်းၼၼ်ႉၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်း၊ၵူၼ်းၸူႉၵူၼ်းတုမ်ၼမ်ၼႃႇၽိုတ်ႉဢီးၸူးၸဝ်ႈႁဝ်းယူႇလႄႈၸဝ်ႈႁဝ်းသမ်ႉထၢမ်ဝႃႈၽူႈလႂ်တိူဝ်ႉယိပ်းၶူဝ်းၵဝ်၊ဝႃႈၼင်ႇၼႆၶႃႈ၊ဝႃႈၼင်ႇၼႆဢေႃႈ။

၃၂ ၵူၺ်းၵႃႈမၼ်းၸဝ်ႈတူၺ်းလဵပ်ႈႁွပ်ႈႁႂ်ႈလႆႈႁၼ်ၵေႃႉဢၼ်တိူဝ်ႉယိပ်းမၼ်းၸဝ်ႈၼၼ်ႉဢေႃႈ။

၃၃ မေႈယိင်းၼၼ်ႉၵွပ်းပိူဝ်ႈႁူႉႁၼ်လွင်ႈတၢင်းဢၼ်ပဵၼ်မႃးၵႃႈတီႈမၼ်းၼၼ်ႉလႄႈမၼ်းၵူဝ်ႁႄသၼ်ႇဝႆၼႃႇသေယဝ်ႉမႃးတီႈမၼ်းၸဝ်ႈလႄႈၶုပ်ႉမူပ်ႇ

လဝ်ႈလၢတ်ႈဢၼ်ၸိုဝ်ႈဢၼ်ၸႂ်ႈလွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉဢေႃႈ။

၃၄ မၼ်းၸဝ်ႈၵေႃႈလၢတ်ႈတီႈမေႈယိင်းၼၼ်ႉလႄႈဝႃႈ၊-လုၵ်ႈယိင်းၵဝ်ဢိူၺ်း၊တၢင်းယုမ်ႇမၢတ်ႈမႂ်းႁႂ်ႈတၢင်းပဵၼ်မႂ်းႁၢႆၶႅၼ်း

ယဝ်ႉ။ ၵႂႃႇၼိမ်ၼိမ်တႃႉ။ ႁႂ်ႈၵၢင်းလွတ်ႈတင်းတၢင်းၶႆႈတၢင်းပဵၼ်တႃႉ၊ဝႃႈၼင်ႇၼႆဢေႃႈ။

၃၅ ၼႂ်းမိူဝ်ႈဢၼ်မၼ်းၸဝ်ႈလၢတ်ႈၸိူဝ်ႉၼင်ႇၼၼ်ယူႇၼၼ်ႉၸိုင်ၵူၼ်းၸႂ်ႉၵႄႇၸရွပ်ႈႁေႃးတြႃးၵမ်ႈၽွင်ႈလုၵ်ႉသေၵႃႈတီႈႁိူၼ်း

မၼ်းမႃးလႄႈလၢတ်ႈဝႃႈ၊-လုၵ်ႈယိင်းၸဝ်ႈႁဝ်းပေႃးတၢႆၶႃႈယဝ်ႉ။ ယႃႇပယေႃႉယူၵ်ႉသြႃႇၸဝ်ႈၶႃႈယဝ်ႉ၊ဝႃႈၼင်ႇၼႆဢေႃႈ။

၃၆ မိူဝ်ႈဢၼ်ၸဝ်ႈယေႇသုငိၼ်းၵႂၢမ်းၼၼ်ႉၸိုင်မၼ်းၸဝ်ႈလၢတ်ႈတီႈၵႄႇၸရွပ်ႈႁေႃးတြႃးၼၼ်ႉလႄႈဝႃႈ၊-ယႃႇပေမႆႈၸႂ်။ မီးၸႂ်ဢၼ်ယုမ်ႇမၢတ်ႈၵူၺ်းတႃႉ၊ဝႃႈၼင်ႇၼႆဢေႃႈ။

၃၇ လိူဝ်သေပေႇတရုဢိၵ်ႇတင်းယႃႇၵုပ်ႉတင်းၼွင်ႉၸၢႆးမၼ်းယုဝ်းႁၢၼ်ႇၼၼ်ႉမၼ်းၸဝ်ႈဢမ်ႇပၼ်ဢၶႂင်ႉႁႂ်ႈၽူႈလႂ်သေၵေႃႉ

သေၵူၼ်းၵႂႃႇၸွမ်းမၼ်းၸဝ်ႈ။

၃၈ မိူဝ်ႈဢၼ်ၶဝ်ႁွတ်ႈထိုင်ၵႃႈတီႈႁိူၼ်းၵႄႇၸရွပ်ႈႁေႃးတြႃးၼၼ်ႉၸိုင်မၼ်းၸဝ်ႈႁၼ်တၢင်းဢၼ်ၶဝ်ႁဵတ်းႁူၼ်ႁၢၼ်ဢူၼ်ဢဵၼ်မေႃးမႄးယူႇ၊ႁဵတ်းသဵင်ႁႆႈသဵင်ႁွင်ႉၼမ်ၼႃႇယူႇၼၼ်ႉ

ၸိုင်၊မၼ်းၸဝ်ႈၶဝ်ႈၵႂႃႇၵႃႈၼႂ်းႁိူၼ်းသေယဝ်ႉလၢတ်ႈတီႈၶဝ်ဝႃႈ၊-

၃၉ ႁဵတ်းသင်လႄႈသူႁဵတ်းဢူၼ်ဢဵၼ်မေႃးမႄးႁွင်ႉႁႆႈယူႇ။ လုၵ်ႈဢွၼ်ႇၼႆႉတၢႆယဝ်ႉဢမ်ႇၸႂ်ႈ။ မၼ်းၼွၼ်းလပ်းယူႇၵူၺ်း၊ဝႃႈၼင်ႇၼႆလႄႈ၊

၄၀ ၶဝ်ၸိူဝ်းၼၼ်ႉႁဵတ်းပျၢၵ်ႈႁဵတ်းၶူဝ်မၼ်းၸဝ်ႈဢေႃႈ။ မၼ်းၸဝ်ႈႁႂ်ႈၶဝ်တင်းသဵင်ႈတင်းလူင်ၸိူဝ်းၼၼ်ႉဢွၵ်ႇၵႂႃႇၵႃႈၼွၵ်ႈသေယဝ်ႉႁွင်ႉဢဝ်ပေႃႈမေႈလုၵ်ႈဢွၼ်ႇဢိၵ်ႇတင်းၶဝ်ၸိူဝ်းဢၼ်ပႃးလူၺ်ႈၵၼ်တင်းမၼ်းၸဝ်ႈမႃးၸိူဝ်းလႄႈၶဝ်ႈၸူးၵႃႈတီႈဢၼ်လုၵ်ႈဢွၼ်ႇမီးၼၼ်ႉသေယဝ်ႉ

၄၁ ယိပ်းမိုဝ်းလုၵ်ႈဢွၼ်ႇၼၼ်ႉလႄႈလၢတ်ႈဝႃႈ၊-တလိတၵုမိဝႃႈၼင်ႇၼႆဢေႃႈ။ ဢထိၵ်ႈပႄႇၸမ်း၊-မေႈယိင်းဢွၼ်ႇဢိူၺ်း၊လုၵ်ႉတႃႉ၊ဝႃႈၼင်ႇၼႆ

၄၂ ဢေႃႈ။ မိူဝ်ႈၼၼ်ႉၵမ်းလဵဝ်မေႈယိင်းဢွၼ်ႇၼၼ်ႉလုၵ်ႉလႄႈပႆတၢင်းၵႂႃႇဢေႃႈ။ မေႈယိင်းဢွၼ်ႇၼၼ်ႉဢသၢၵ်ႈလႆႈသိပ်းသွင်ပီႊဢေႃႈ။ ၶဝ်ၸိူဝ်းၼၼ်ႉၵေႃႈၵႂင်ၸႂ်ယုင်ႈၸႂ်ၼႃႇလူင်လၢင်ဢေႃႈ။

၄၃ ၼင်ႇႁိုဝ်ပိူၼ်ႈတၵ်းဢမ်ႇႁူႉလွင်ႈၼၼ်ႉၸိုင်မၼ်းၸဝ်ႈပိင်းၺၢပ်ႈဝႆႉတီႈၶဝ်ၼႃႇလူင်လၢင်လႄႈသမ်ႉမီးဢမိင်ႉဝႃႈ၊-ပၼ်တၢင်းၵိၼ်တီႈမၼ်းတႃႉ၊ဝႃႈၼင်ႇၼႆဢေႃႈ။

ထမ်ႇမ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ