Shan Missions

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter    ၁    ၂     ၃     ၄     ၅     ၆     ၇     ၈     ၉     ၁၀      ၁၁     ၁၂     ၁၃     ၁၄     ၁၅     ၁၆   

၃

၁ မၼ်းၸဝ်ႈသမ်ႉၶိုၼ်းၶဝ်ႈၵႂႃႇၵႃႈၼႂ်းၸရွပ်ႈႁေႃးတြႃးလႄႈၼႂ်းတီႈၼၼ်ႉမီးၵူၼ်းၵေႃႉၼိုင်ႈဢၼ်မိုဝ်းႁဵဝ်ႇၶွၼ်ၼိုင်ႈၼၼ်ႉဢေႃႈ။ 

၂ ၼႂ်းဝၼ်းၵမ်သိၼ်ၸွင်ႇမၼ်းၸဝ်ႈတၵ်းႁဵတ်းႁႂ်ႈတၢင်းၶႆႈတၢင်းပဵၼ်ႁၢႆၶႅၼ်းႁိုဝ်

တၵ်ႈဢမ်ႇႁဵတ်းႁႂ်ႈႁၢႆၶႅၼ်းႁိုဝ်ဝႃႈၼႆၼင်ႇႁိုဝ်တၵ်းလႆႈမီးတၢင်းဢၼ်တၢင်ႇဢပျႅတ်ႈၵႃႈၼိူဝ်မၼ်းၸဝ်ႈၸိုင်ၶဝ်လွမ်တူၺ်းမၼ်းၸဝ်ႈယူႇဢေႃႈ။ 

၃ မၼ်းၸဝ်ႈၵေႃႈလၢတ်ႈတီႈၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈၼၼ်ႉလႄႈဝႃႈ၊-

၄ လုၵ်ႉၸုၵ်းယူႇၼႂ်းၶိုင်ႈၵၢင်ၼႆႉတႃႉ၊ဝႃႈၼင်ႇၼႆယဝ်ႉၸင်ႇ၊မၼ်းၸဝ်ႈသမ်ႉထၢမ်ၶဝ်လႄႈဝႃႈ၊-ဝၼ်းၵမ်သိၼ်ထုၵ်ႇလီႈႁဵတ်းၵျေးၸူးႁိုဝ်။ ဢမ်ႇၼၼ်ၵေႃႈထုၵ်ႇလီယႃႉတၢင်းလီပိူၼ်ႈႁိုဝ်။ ထုၵ်ႇလီၶျွတ်ႈဢဝ်ဢ

သၢၵ်ႈႁိုဝ်၊ထုၵ်ႇလီဢဝ်တၢႆႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၶဝ်ၸိူဝ်းၼၼ်ႉယူႇတဵတ်ႇတဵတ်ႇယူႇဢေႃႈ။ 

၅ မိူဝ်ႈၼၼ်ႉမၼ်းၸဝ်ႈၶႂ်ႈၸႃႉလႄႈလူႈတူၺ်းလဵပ်ႈႁွပ်ႈသေယဝ်ႉမီးတၢင်းဢၼ်ၸႂ်လူႉၵွပ်ႈပိူဝ်ႈႁူဝ်ၸႂ်ၶဝ်ၵႅၼ်ႇၶႅင်

ၼႃႇၼၼ်ႉလႄႈမၼ်းၸဝ်ႈလၢတ်ႈတီႈၵေႃႉၼၼ်ႉလႄႈဝႃႈ၊-ယဵတ်ႇမိုဝ်းမႂ်းတႃႉ၊ဝႃႈၼင်ႇၼႆလႄႈၵေႃႉၼၼ်ႉၵေႃႈယဵတ်ႇမိုဝ်းမၼ်းယဝ်ႉၸင်ႇမိုဝ်းမၼ်းၼၼ်ႉၶိုၼ်းလီမႃးၵမ်းလဵဝ်ဢေႃႈ။ 

၆ မိူဝ်ႈၼၼ်ႉၽႃႇရိသေးၸိူဝ်း

ၼၼ်ႉဢွၵ်ႇၵႂႃႇသေယဝ်ႉလွင်ႈဢၼ်တၵ်းလႆႈယႃႉယူၵ်ႉမၼ်းၸဝ်ႈၸိူဝ်ႉၼင်ႇႁိုဝ်ၼၼ်ႉၶဝ်ဢွၼ်ၵၼ်တိူင်ႇပၢင်ႇလၢတ်ႈၸႃၵၼ်တင်းတပႄးႁေႇရုတ်ႉတင်းလႆဢေႃႈ။ 

ၵူၼ်းၼမ်ၼႃႇၸွမ်းပႃႈလင်ၸဝ်ႈယေႇသု

၇ ၸဝ်ႈယေႇသုဢိၵ်ႇတင်းတပႄးၸဝ်ႈတင်းလၢႆၶၢႆႉၵႂႃႇၵႃႈတီႈႁိမ်းၼွင်ပုၼ်ႉလႄႈၵူၼ်းၼမ်ၼႃႇဢၼ်လုၵ်ႉသေၵႃႈတီႈမိူင်းၵႃႇလိလႄးမႃးၸိူဝ်းၼၼ်ႉၸွမ်းမၼ်းၸဝ်ႈယူႇလႄႈၸႃႉၸဵမ်ၵႃႈတီႈမိူင်းယုတၵႃႈ

တီႈဝဵင်းယေႇရုသလႅမ်ႇၵႃႈတီႈမိူင်းဢိတုမေႇၵႃႈတီႈတၢင်းၽၢႆႇပုၼ်ႉၼမ်ႉႁွင်ႊယေႃးတၢၼ်ႇ

၈ ၵႃႈတီႈႁိမ်းဝဵင်းတုရုတင်းဝဵင်းၸိတုင်ႇတင်းလၢႆၸိူဝ်းၼၼ်ႉၵူၼ်းၼမ်ၼႃႇလႆႈငိၼ်းလွင်ႈဢၼ်မၼ်းၸဝ်ႈႁဵတ်း

ၵႃႈမီးတင်းသဵင်ႈတင်းလူင်ၸိူဝ်းၼၼ်ႉလႄႈမႃးၸူးတီႈမၼ်းၸဝ်ႈဢေႃႈ။ 

၉ လွင်ႈၼင်ႇႁိုဝ်ၵူၼ်းၸူႉၵူၼ်းတုမ်ၸိူဝ်းၼၼ်ႉတၵ်းဢမ်ႇလႆႈၽိုတ်ႉလႆႈဢီးမၼ်းၸဝ်ႈၸိုင်မၼ်းၸဝ်ႈမီးဢမိင်ႉတီႈတပႄးၸဝ်ႈတင်းလၢႆ

ႁႂ်ႈႁိူဝ်းဢွၼ်ႇလမ်းၼိုင်ႈပႂ်ႉယူႇႁိမ်းမၼ်းၸဝ်ႈဢေႃႈ။ 

၁၀ လွင်ႈမၼ်းၸမ်းပိူဝ်ႈဢၼ်မၼ်းၸဝ်ႈပၼ်ၵတ်းယဵၼ်ၶျၢမ်းသႃႇတီႈၵူၼ်းၼမ်ၼႃႇလႄႈၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၵႃႈမီးတင်းသဵင်ႈတင်းလူင်ၽိုတ်ႉ

ဢီးမၼ်းၸဝ်ႈႁႂ်ႈလႆႈတိူဝ်ႉမၼ်းၸဝ်ႈဢေႃႈ။ 

၁၁ ၽီႁၢႆႉဢၼ်ၵူဝ်ႈၵိူၵ်ႇတင်းလၢႆၵေႃႈမိူဝ်ႈဢၼ်ႁၼ်မၼ်းၸဝ်ႈၼၼ်ႉၶုပ်ႉမူပ်ႇသေလႄႈႁွင်ႉသႅၼ်ႇဝႃႈ၊-ၸဝ်ႈႁဝ်းပဵၼ်လုၵ်ႈၽြႃးပဵၼ်ၸဝ်ႈၶႃႈဢေႃႈ၊ဝႃႈၼင်ႇၼႆ

ဢေႃႈ။ 

၁၂ လွင်ႈၼင်ႇႁိုဝ်ၶဝ်တၵ်းဢမ်ႇလႆႈလၢတ်ႈတီႈပိူၼ်ႈလွင်ႈဢၼ်ဝႃႈမၼ်းၸဝ်ႈပဵၼ်ၽူႈလႂ်ဢၼ်ဝႃႈၼၼ်ႉ၊မၼ်းၸဝ်ႈသင်ႇလၢတ်ႈတီႈၶဝ်ၼႃႇလူင်လၢင်ဢေႃႈ။ ၶၢၼ်းတပႄးၸဝ်ႈသိပ်းသွင်ပႃး

၁၃ မိူဝ်ႈၼၼ်ႉမၼ်းၸဝ်ႈၶိုၼ်ႈၵႂႃႇၵႃႈတီႈၼိူဝ်လွႆပုၼ်ႉသေယဝ်ႉႁွင်ႉဢဝ်ၶဝ်ၸိူဝ်းဢၼ်မၼ်းၸဝ်ႈမီးဢလူဝ်ႇတင်းလၢႆၼၼ်ႉလႄႈၶဝ်ၵေႃႈမႃးၵႃႈတီႈမၼ်းၸဝ်ႈဢေႃႈ။ 

၁၄ မၼ်းၸဝ်ႈၶၢၼ်းဝႆႉၶဝ်သိပ်းသွင်ပႃးလွင်ႈၼင်ႇႁိုဝ်

ၶဝ်တၵ်းမီးယူႇလူၺ်ႈၵၼ်တင်းမၼ်းၸဝ်ႈဢိၵ်ႇတင်း

၁၅ လွင်ႈၼင်ႇႁိုဝ်တၵ်းပွႆႇၸႂ်ႉၶဝ်ၵႂႃႇႁႂ်ႈလႆႈႁေႃးလၢတ်ႈတြႃးလႄႈမီးဢၶႂၢင်ႉဢၼ်တၵ်းႁဵတ်းႁႂ်ႈတၢင်းၶႆႈတၢင်းပဵၼ်ႁၢႆၶႅၼ်းႁေႃႈၽီႁၢႆႉတင်းလၢႆဢွၵ်ႇပႅတ်ႈ

ၼၼ်ႉဢေႃႈ။ 

၁၆ သိပ်းသွင်ပႃးၸိူဝ်းၼၼ်ႉၸမ်းပဵၼ်သိမုၼ်ႇဢၼ်မၼ်းၸဝ်ႈပၼ်ၸိုဝ်မႂ်ႇပေႇတရု၊ယႃႇၵုပ်ႉလုၵ်ႈၸၢႆးၸေႇပေႇတေးတင်းၼွင်ႉၸၢႆးမၼ်းယုဝ်းႁၢၼ်ႇ

၁၇ ဢၼ်မၼ်းၸဝ်ႈပၼ်ၸိုဝ်မႂ်ႇၽုဝ်ႇဢၢၼ်ႇၼိုဝ်ႇၵိတ်ႉ

ဢၼ်ပွင်ႇဝႃႈလုၵ်ႈၽႃႉလင်ႊ၊ဢၼ်ႇတရေႇ၊ၽိလိပ်ႉပု

၁၈ ပႃႇထေႃးလမႄး၊မၢတ်ႈထႄႇ၊ထုဝ်းမ၊ယႃႇၵုပ်ႉလုၵ်ႈၸၢႆးဢႃႇလၽေႇ၊ထတ်ႉတေႇ၊သိမုၼ်ႇၵူၼ်းၵႃႇၼၼိ၊

၁၉ တင်းယုတဢိသၵႃႇရေႇဢုတ်ႉၵေႃႉဢၼ်

ဢဝ်မၼ်းၸဝ်ႈဢၢပ်ႈၼႂ်းမိုဝ်းရၢၼ်ႇသူႇၼၼ်ႉဢေႃႈ။ 

ၸဝ်ႈယေႇသုတင်းပေႇလၸေႇပုလ

၂၀ ၶဝ်ၼၼ်ႉၶဝ်ႈၵႂႃႇၵႃႈၼႂ်းႁိူၼ်းႁိူၼ်းၼိုင်ႈလႄႈၵူၼ်းၼမ်ၼႃႇသမ်ႉၸူႉၵၼ်တုမ်ၵၼ်ထႅင်ႈတေႃႇထိုင်ႁွတ်ႈထၼ်ႈပေႃးၶဝ်ဢမ်ႇၸၢင်ႊၵိၼ်တၢင်းၵိၼ်ဢေႃႈ။ 

၂၁ မိူဝ်ႈဢၼ်ပီႈၼွင်ႉမၼ်းၸဝ်ႈတင်းလၢႆငိၼ်းၼၼ်ႉၸိုင်

ၶဝ်ဢွၵ်ႇၵႂႃႇႁႂ်ႈလႆႈႁွင်ႉဢဝ်မၼ်းၸဝ်ႈဢေႃႈ။ လွင်ႈမၼ်းၸမ်းၶဝ်ထၢင်ႇဝႃႈမၼ်းၸဝ်ႈယွင်ႇၵႂႃႇယဝ်ႉၼႆဢေႃႈ။ 

၂၂ ၵူၼ်းထုတ်ႇၵျၢမ်းဢၼ်လုၵ်ႉသေၵႃႈတီႈဝဵင်းယေႇရုသလႅမ်ႇမႃးၸိူဝ်းၼၼ်ႉၵေႃႈဝႃႈ၊-မၼ်းမီး

ပေႇလၸေႇပုလဢေႃႈ။ မၼ်းဢိင်ပိုင်ႈၶုၼ်ၽီႁၢႆႉၼၼ်ႉသေလႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈယူႇဢေႃႈ၊ဝႃႈၼင်ႇၼႆဢေႃႈ။ 

၂၃ မၼ်းၸဝ်ႈႁွင်ႉၶဝ်မႃးသေလႄႈဢဝ်တင်းၵႂၢမ်းဢူႉပမႃႇလၢတ်ႈလႄႈဝႃႈ၊-ၸႃႇတၢၼ်ႇ

မႃႇၼၢတ်ႈတၵ်းႁေႃႈၸႃႇတၢၼ်ႇမႃႇၼၢတ်ႈပႅတ်ႈလႆႈႁိုဝ်။ 

၂၄ ပေႃးမိူင်းဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ၸိုင်မိူင်းၼၼ်ႉဢမ်ႇမၼ်ႈဢမ်ႇၶိူင်ႇလႆႈ။ ႁိူၼ်းၵေႃႈ

၂၅ ပေႃးဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ၸိုင်

ႁိူၼ်းၼၼ်ႉဢမ်ႇမၼ်ႈဢမ်ႇၶိူင်ႇလႆႈ။ 

၂၆ ၸႃႇတၢၼ်ႇမႃႇၼၢတ်ႈၵေႃႈပေႃးလုၵ်ႉယူႇၽၢႆႇၼိုင်ႈလႄႈဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ၸိုင်ဢမ်ႇမၼ်ႈဢမ်ႇၶိူင်ႇလႆႈ။ တၵ်းႁွတ်ႈထိုင်တၢင်းဢၼ်သုတ်းဢၼ်သုမ်း

ဢေႃႈ။ 

၂၇ ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်ၽူႈလႂ်သေၵေႃႉသေၵူၼ်းဢမ်ႇၶဝ်ႈၵႃႈၼႂ်းႁိူၼ်းၵူၼ်းႁႅင်းၼၼ်ႉလႄႈႁိမ်ဢဝ်ၶူဝ်းလဵင်းမၼ်းလႆႈ။ 

၂၈ မတ်ႉၽုၵ်ႇၵူၼ်းႁႅင်းယဝ်ႉဢွၼ်တၢင်းၸင်ႇႁိမ်ဢဝ်လႆႈႁိူၼ်းမၼ်း

ဢေႃႈ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်းဢပျႅတ်ႈၵူၼ်းတင်းလၢႆၵူႈၸိူဝ်ႉၵူႈပိူင်တၵ်းႁွတ်ႈထိုင်တၢင်းဢၼ်ပွႆႇလွတ်ႈယူႇဢေႃႈ။ 

၂၉ ၵူၺ်းၵႃႈၽူႈလႂ်သေဢမ်ႇဝႃႈၵေႃႉဢၼ်သေႉသွမ်းဝိၺိၺ်ႇမူတ်းၸၢင်ႇၸဝ်ႈၼၼ်ႉၵေႃႉ

ၼၼ်ႉမိူဝ်ႈလႂ်ၵေႃႈတၵ်းဢမ်ႇႁွတ်ႈထိုင်တၢင်းဢၼ်ပွႆႇလွတ်ႈဢပျႅတ်ႈလႆႈ။ ပဵၼ်ၵေႃႉဢၼ်လႆႈၶၢမ်ႇဢပျႅတ်ႈတၢမ်ႇထႃႇဝရႃႉယဝ်ႉ၊ဝႃႈၼင်ႇၼႆဢေႃႈ။ 

၃၀ ႁဵတ်းႁိုဝ်လႄႈမၼ်းၸဝ်ႈဝႃႈၼင်ႇၼႆၸမ်း၊ၶဝ်ၼၼ်ႉဝႃႈ၊-မၼ်းၸဝ်ႈ

ပဵၼ်ၵေႃႉဢၼ်ၽီၵူဝ်ႈၵိူၵ်ႇၶဝ်ႈဢေႃႈ၊ဝႃႈၼင်ႇၼႆၼၼ်ႉဢေႃႈ။ 

၃၁ ၵမ်းၼၼ်ႉမေႈၸဝ်ႈဢိၵ်ႇတင်းၼွင်ႉၸဝ်ႈတင်းလၢႆမႃးလႄႈၸုၵ်းယူႇၵႃႈၼွၵ်ႈသေယဝ်ႉပွႆႇၸႂ်ႉၵူၼ်းၵႂႃႇႁွင်ႉမၼ်းၸဝ်ႈဢေႃႈ။ 

၃၂ ၵူၼ်းၸူႉၵူၼ်းတုမ်ၸိူဝ်းၼၼ်ႉၼင်ႈလွမ်ႉႁွပ်ႈမၼ်းၸဝ်ႈယူႇသေလႄႈလဝ်ႈလၢတ်ႈ

ဝႃႈ၊-တူၺ်းလူႊ၊မေႈၸဝ်ႈဢိၵ်ႇတင်းၼွင်ႉၸဝ်ႈႁဝ်းတင်းလၢႆမီးယူႇၵႃႈၼွၵ်ႈလႄႈႁႃၸဝ်ႈႁဝ်းယူႇၶႃႈဢေႃႈ၊

၃၃ ဝႃႈၼင်ႇၼႆလႄႈမၼ်းၸဝ်ႈၵေႃႈထၢမ်လႄႈဝႃႈ၊-မေႈၵဝ်ၼွင်ႉၵဝ်ပဵၼ်ၽူႈလႂ်၊ဝႃႈၼင်ႇၼႆသေယဝ်ႉ၊

၃၄ မၼ်းၸဝ်ႈတူၺ်းလဵပ်ႈႁွပ်ႈၶဝ်ၸိူဝ်းဢၼ်ၼင်ႈလွမ်ႉႁွပ်ႈမၼ်းၸဝ်ႈၼၼ်ႉသေလႄႈလၢတ်ႈဝႃႈ၊-ၶဝ်ၸိူဝ်းၼႆႉပဵၼ်မေႈၵဝ်ၼွင်ႉၵဝ်ဢေႃႈ။ 

၃၅ ၽူႈလႂ်သေဢမ်ႇဝႃႈၵေႃႉဢၼ်ႁဵတ်းၸွမ်းဢလူဝ်ႇၽြႃးပဵၼ်ၸဝ်ႈၼၼ်ႉ

ၵေႃႉၼၼ်ႉပဵၼ်ၼွင်ႉၸၢႆးၵဝ်ၼွင်ႉယိင်းၵဝ်မေႈၵဝ်ဢေႃႈ၊ဝႃႈၼင်ႇၼႆဢေႃႈ။