ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၃
ယုဝ်းႁၢၼ်ႇမႄးႁႅၼ်းသဵၼ်ႈတၢင်း
၁ ၼႂ်းမိူဝ်ႈဢၼ်ၶုၼ်ႁေႃၶမ်းၵေႇသႃႇတိပေႇရိလႆႈၸၢမ်ႇႁၢင်ႈၸၢမ်ႇႁေႃသိပ်းႁႃႈပီႊၼၼ်ႉပွၼ်ႇတိပိလၢတ်ႉလႆႈဢရႃႇၸဝ်ႈၾႃႉၼႂ်းမိူင်းၵႃႇလိလႄးလႄႈၼွင်ႉၸၢႆးမၼ်းၽိလိပ်ႉပုလႆႈဢရႃႇၸဝ်ႈၾႃႉၼႂ်းမိူင်းဢိတုရေႇတင်းမိူင်းတြႃႇၶေႃႇၼိတ်ႉ၊
၂ လုသႃႇၼိလႆႈဢရႃႇၸဝ်ႈၾႃႉၼႂ်းမိူင်းဢႃႇၽိလိၼိ၊ဢႃႇၼၢတ်ႈတင်းၵႃႇယႃႇၽလႆႈဢရႃႇၶုၼ်ယိတ်ႉပရေႃးႁိၵ်ႈၼၼ်ႉယုဝ်းႁၢၼ်ႇ၊လုၵ်ႈၸၢႆးၸႃႇၶရိ၊လႆႈပျႃႇတိၵ်ႈၽြႃးပဵၼ်ၸဝ်ႈၵႃႈတီႈၼႂ်းထိူၼ်ႇဢေႃႈ။
၃ ယုဝ်းႁၢၼ်ႇၼၼ်ႉလႄႇလဵပ်ႈႁိမ်းႁွမ်းၼမ်ႉႁွင်ႊယေႃးတၢၼ်ႇၵူႈတီႈၵူႈလႅၼ်သေယဝ်ႉႁေႃးလၢတ်ႈတြႃးပပ်ႉတိၸၢမ်ႇဢၼ်ၸၢပ်ႈသႅင်ႇၵၼ်တင်းတၢင်းဢၼ်ၶုၵ်းၸႂ်လႆႈမႆႈၸႂ်ပုၼ်ႈလွင်ႈၼင်ႇႁိုဝ်တၵ်းလွတ်ႈဢပျႅတ်ႈၼၼ်ႉဢေႃႈ။
၄ ၼႂ်းၵျၢမ်းပရေႃးၽႅတ်ႈဢိသႃႇယမီးမႃးဝႆႉလႄႈဝႃႈၸမ်း၊-သဵင်ၵေႃႉဢၼ်ႁွင်ႉသႅၼ်ႇၵႃႈတီႈၼႂ်းထိူၼ်ႇလႄႈဝႃႈ၊-မႄးသဵၼ်ႈတၢင်းထႃႇဝရႃႉၽြႃးတႃႉ။
၅ ႁႂ်ႈသဵၼ်ႈတၢင်းမၼ်းၸဝ်ႈသိုဝ်ႈလီတႃႉ။တီႈဢၼ်ၶူင်ႈဢၼ်ယၢၼ်းၵႃႈမီးၸိုင်တၵ်းလႆႈထိူမ်ဢေႃႈ။လွႆလူင်လွႆဢွၼ်ႇၵႃႈမီးၸိုင်တၵ်းလႆႈၵိူၼ်ႇႁႂ်ႈတႅမ်ႇဢေႃႈ။သဵၼ်ႈတၢင်းဢၼ်ၵူတ်ႉဢၼငွၵ်းတင်းလၢႆၸိုင်တၵ်းလႆႈႁႂ်ႈသိုဝ်ႈဢေႃႈ။တၢင်းဢၼ်ႁူၵ်ႉႁၢၵ်ႉၶူၵ်ႉၶီႈၶူၵ်ႉၶၢၵ်ႉတင်းလၢႆၵေႃႈတၵ်းလႆႈၽဵဝ်ႈႁႂ်ႈလိူမ်ႈဢေႃႈ။
၆ ၵူၼ်းတင်းသဵင်ႈတင်းလူင်တၵ်းလႆႈႁၼ်တၢင်းၵႄႇၶျွတ်ႈၽြႃးပဵၼ်ၸဝ်ႈဢေႃႈ၊ဝႃႈၼင်ႇၼႆဢေႃႈ။
၇ မိူဝ်ႈၼၼ်ႉယုဝ်းႁၢၼ်ႇႁေႃးလၢတ်ႈၵႃႈတီႈၵူၼ်းၸူႉၵူၼ်းတုမ်ၸိူဝ်းၼၼ်ႉလႄႈဝႃႈ၊-ၸိူဝ်ႉၶိူဝ်းငူးႁၢႆႉၶဝ်ဢိူၺ်း၊ၼင်ႇႁိုဝ်သူတၵ်းလႅၼ်ႈပၢႆႊသေၵႃႈတီႈၽေးတၢမ်ႇဢၼ်တၵ်းႁွတ်ႈထိုင်မႃးၼၼ်ႉၽူႈလႂ်ပၼ်သတိသူ။
၈ မၢၵ်ႇမၢၵ်ႇဢၼ်ၵိုင်ႇၵၼ်တင်းတၢင်းဢၼ်ၶုၵ်းၸႂ်လႆႈမႆႈၸႂ်တႃႉ။ဢႃႇပြႁၢမ်ႇပဵၼ်ပေႃႈႁဝ်းဢေႃႈ၊ဝႃႈၼႆယႃႇပေထၢင်ႇပေဝႃႈၼႂ်းၸႂ်သူ။ၵဝ်ဝႃႈတီႈသူၸမ်းၽြႃးပဵၼ်ၸဝ်ႈဢဝ်မၢၵ်ႇႁိၼ်ၸိူဝ်းၼႆႉသေလႄႈၽၢၼ်ႇသၢင်းႁဵတ်းပဵၼ်လႆႈလုၵ်ႈဢႃႇပြႁၢမ်ႇယူႇဢေႃႈ။
၉ တေႃႈလဵဝ်ၼႆႉဢဝ်တင်းတႃမၢတ်ႇဝႆႉၵႃႈတီႈႁိမ်းႁၢၵ်ႈတူၼ်ႈမႆႉယူႇလႄႈတူၼ်ႈဢၼ်ဢမ်ႇမၢၵ်ႇမၢၵ်ႇဢၼ်လီတင်းသဵင်ႈတင်းလူင်ၸိူဝ်းၼၼ်ႉတၵ်းလႆႈၶၢမ်ႇတၢင်းဢၼ်ၽၼ်းလူမ်ႉသေလႄႈၶျႃးသႂ်ႇၼႂ်းၽႆးဢေႃႈ၊ဝႃႈၼင်ႇၼႆဢေႃႈ။
၁၀ ၵူၼ်းၸူႉၵူၼ်းတုမ်ၸိူဝ်းၼၼ်ႉၵေႃႈလဝ်ႈထၢမ်လႄႈဝႃႈ၊-ပေႃးပဵၼ်ၸိူဝ်ႉၼင်ႇၼႆၸိုင်ႁဝ်းၶႃႈတၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ယုဝ်းႁၢၼ်ႇၵေႃႈၶိုၼ်းလၢတ်ႈလႄႈဝႃႈ၊-
၁၁ ႁႂ်ႈၵေႃႉဢၼ်မီးသိူဝ်ႈသွင်ၽိုၼ်ၼၼ်ႉပၼ်တီႈၵေႃႉဢၼ်ဢမ်ႇမီးသိူဝ်ႈၼၼ်ႉတႃႉ။ၵေႃႉဢၼ်မီးတၢင်းၵိၼ်တၢင်းၶူပ်းၼၼ်ႉၵေႃႈႁႂ်ႈႁဵတ်းၸိူဝ်ႉၼင်ႇၼၼ်တႃႉ၊ဝႃႈၼင်ႇၼႆဢေႃႈ။
၁၂ ၵူၼ်းၵဵပ်းၶွၼ်ႇတင်းလၢႆၸိူဝ်းၼၼ်ႉၵေႃႈဢွၼ်ၵၼ်မႃးႁႂ်ႈလႆႈၶၢမ်ႇပပ်ႉတိၸၢမ်ႇလႄႈလဝ်ႈထၢမ်လႄႈဝႃႈ၊-သြႃႇၸဝ်ႈႁဝ်းၶႃႈတၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈလၢတ်ႈလႄႈဝႃႈ၊-
၁၃ သူယႃႇပေဢဝ်လိူဝ်တွၼ်းသေၵႃႈဢၼ်ၸဝ်ႈသူၶၢၼ်းဝႆႉၼၼ်ႉ၊ဝႃႈၼင်ႇၼႆဢေႃႈ။
၁၄ ၵူၼ်းသိုၵ်းတင်းလၢႆၵေႃႈလဝ်ႈထၢမ်လႄႈဝႃႈ၊-ႁဝ်းၶႃႈတၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈလၢတ်ႈလႄႈဝႃႈ၊-သူယႃႇပေႁဵတ်းပႄႉႁဵတ်းၼႅင်ႇၵႃႈၼိူဝ်ပိူၼ်ႈတၢင်ႇၵေႃႉ။ယႃႇပမေၢပ်ႇၵိၼ်မ်ႂၵိၼ်ပိူၼ်ႈတၢင်ႇၵေႃႉ။မီးၸႂ်ဢၼ်ဢိမ်ႇတဵမ်လူၺ်ႈတင်းၵႃႊၶၼ်ဢၼ်တူဝ်ၸဝ်ႈၵဝ်ႇလႆႈၼၼ်ႉတႃႉ၊ဝႃႈၼင်ႇၼႆဢေႃႈ။
၁၅ ၼႂ်းမိူဝ်ႈဢၼ်ၵူၼ်းတင်းလၢႆမုင်ႈထႃႈမွင်းထႃႈလွင်ႈယူႇၼၼ်ႉၶဝ်တင်းသဵင်ႈတင်းလူင်ၶႆႈၸႂ်ဝူၼ်ႉၸႂ်ဝႃႈ၊-ၸွင်ႇယုဝ်းႁၢၼ်ႇပဵၼ်ၸဝ်ႈၶရိၸ်ႉၸႂ်ႈႁိုဝ်ဢမ်ႇၸႂ်ႈႁိုဝ်၊
၁၆ ဝႃႈၼႆယူႇၼၼ်ႉ၊ယုဝ်းႁၢၼ်ႇၵေႃႈၶိုၼ်းလၢတ်ႈတီႈၶဝ်တင်းသဵင်ႈတင်းလူင်ၸိူဝ်းၼၼ်ႉလႄႈဝႃႈ၊-ၵဝ်ပၼ်ပပ်ႉတိၸၢမ်ႇတီႈသူၼႂ်းၼမ်ႉဢေႃႈ။ၵေႃႉဢၼ်ယႂ်ႇမျၢတ်ႈၼႃႇသေၵဝ်ၼၼ်ႉယင်းမႃးယူႇဢေႃႈ။ၵဝ်ယင်းဢမ်ႇထိူၵ်ႈဢမ်ႇတၢၼ်ႇႁႂ်ႈလႆႈၵႄႈဢဝ်သၢႆၶႅပ်းတိၼ်မၼ်း။ၵေႃႉၼၼ်ႉၸမ်းၼႂ်းဝိၺိၺ်ႇမူတ်းၸၢင်ႇၸဝ်ႈလႄႈသင်၊ၼႂ်းၽႆးလႄႈသင်၊တၵ်းပၼ်ပပ်ႉတိၸၢမ်ႇတီႈသူဢေႃႈ၊ဝႃႈၼင်ႇၼႆဢေႃႈ။
၁၇ ၼႂ်းမိုဝ်းမၼ်းၸဝ်ႈၼၼ်ႉၵေႃႈမီးလူင်ႈၽတ်းယူႇလႄႈတၵ်းႁႂ်ႈတလၢင်းယဵပ်ႇၶဝ်ႈတူဝ်ၸဝ်ႈၵဝ်ႇမူတ်းသႂ်ဢေႃႈ။ၶဝ်ႈၵျုင်ႇတူဝ်ၸဝ်ႈၵဝ်ႇၸမ်းတၵ်းဢဝ်ၸူႉဢဝ်သိမ်းဝႆႉၼႂ်းယွင်ၼႂ်းယေးလႄႈၶဝ်ႈလႅပ်ႈၸမ်းတၵ်းဢဝ်တင်းၽႆးဢၼ်ဢမ်ႇမွတ်ႇလႆႈၼၼ်ႉတုတ်ႇပႅတ်ႈဢေႃႈ၊ဝႃႈၼင်ႇၼႆဢေႃႈ။
၁၈ မၼ်းဢဝ်တင်းၵႂၢမ်းတၢင်ႇၸိူဝ်ႉတၢင်ႇဢၼ်ၼမ်ၼႃႇတိုၵ်းယူင်းၶဝ်လႄႈႁေႃးလၢတ်ႈတြႃးသတၢင်းသိူဝ်းပျေႃႇတီႈၵူၼ်းၸိူဝ်းၼၼ်ႉဢေႃႈ။
၁၉ ၵႂပ်ႈပိူဝ်ႈယုဝ်းႁၢၼ်ႇသင်ႇသွၼ်သုင်းမႃႉၸဝ်ႈၾႃႉႁေႇရုတ်ႉလွင်ႈႁေႇရုဝ်းတိဢၼ်ပဵၼ်မေးၼွင်ႉၸၢႆးမၼ်းဢိၵ်ႇတင်း
၂၀ တူႉၸရိူၵ်ႈဢပျႅတ်ႈဢၼ်မၼ်းႁဵတ်းၸိူဝ်းၼၼ်ႉလႄႈၸဝ်ႈၾႃႉႁေႇရုတ်ႉၼၼ်ႉႉဢဝ်ဢပျႅတ်ႈဢၼ်မႂ်ႇသႂ်ႇထၢပ်ႈထႅင်ႈၵႃႈၼိူဝ်ႈဢပျႅတ်ႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉသေယဝ်ႉဢဝ်ယုဝ်းႁၢၼ်ႇၶင်ဝႆႉၵႃႈၼႂ်းထွင်ႇဢေႃႈ။
၂၁ မိူဝ်ႈဢၼ်ၵူၼ်းတင်းသဵင်ႈတင်းလူင်ၶၢမ်ႇဢဝ်ပပ်ႉတိၸၢမ်ႇၼၼ်ႉၸိုင်ၸဝ်ႈယေႇသုၵေႃႈၶၢမ်ႇဢဝ်ပပ်ႉတိၸၢမ်ႇလႄႈၼႂ်းမိူဝ်ႈဢၼ်မၼ်းၸဝ်ႈသူးတွင်းယူႇၼၼ်ႉ
၂၂ ၵၢင်ႁၢဝ်ၽုၺ်ႇပိုတ်ႇလႄႈဝိၺိၺ်ႇမူတ်းၸၢင်ႇၸဝ်ႈဢၼ်ပဵၼ်ႁၢင်ႊၸိူဝ်ႉၼင်ႇၼူၵ်ႉတူႈၼၼ်ႉလူင်းမႃးၵႃႈၼိူဝ်မၼ်းၸဝ်ႈလႄႈသဵင်ၸဝ်ႈၵေႃႈပဵၼ်မႃးၵႃႈၼိူဝ်ၵၢင်ႁၢဝ်လႄႈဝႃႈ၊-ၵေႃႉၼႆႉၸမ်းပဵၼ်လုၵ်ႈဢၼ်ၵဝ်ႁၵ်ႉၼႃႇၵေႃႉဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၼႃႇဢေႃႈ၊ဝႃႈၼင်ႇၼႆဢေႃႈ။
၂၃ မိူဝ်ႈဢၼ်ၸဝ်ႈယေႇသုတႄႇၸႃႉႁေႃးလၢတ်ႈတြႃးၼၼ်ႉဢသၢၵ်ႈမၼ်းၸဝ်ႈလႆႈသၢမ်သိပ်းပီႊၸမ်ၸမ်ဢေႃႈ။
၂၄ ၵႃႈၼင်ႇဢၼ်ၵူၼ်းတင်းလၢႆထၢင်ႇထိူမ်ၼၼ်ႉမၼ်းၸဝ်ႈပဵၼ်လုၵ်ႈယုဝ်းသႅပ်ႉ၊ယုဝ်းသႅပ်ႉပဵၼ်လုၵ်ႈဢေးလိ၊ဢေးလိပဵၼ်လုၵ်ႈမတ်ႉထတ်ႉ၊
၂၅ မတ်ႉထတ်ႉပဵၼ်လုၵ်ႈလေႇဝိ၊လေႇဝိပဵၼ်လုၵ်ႈမေႇလၶိ၊မေႇလၶိပဵၼ်လုၵ်ႈယၼ်ႇၼ၊ယၼ်ႇၼပဵၼ်လုၵ်ႈယုဝ်းသႅပ်ႉ၊ယုဝ်းသႅပ်ႉပဵၼ်လုၵ်ႈမတ်ႉတထိ၊
၂၆ မတ်ႉတထိပဵၼ်လုၵ်ႈဢႃႇမုတ်ႉ၊ဢႃႇမုတ်ႉပဵၼ်လုၵ်ႈၼႃႇႁူမ်ႇ၊ၼႃႇႁူမ်ႇပဵၼ်လုၵ်ႈဢေႇသလိ၊ဢေႇသလိပဵၼ်လုၵ်ႈၼၢၵ်ႉၵေႇ၊ၼၢၵ်ႉၵေႇပဵၼ်လုၵ်ႈမႃႇဢတ်ႉ၊မႃႇဢတ်ႉပဵၼ်လုၵ်ႈမတ်ႉတထိ၊
၂၇ မတ်ႉတထိပဵၼ်လုၵ်ႈသႅမ်ႇမိ၊သႅမ်ႇမိပဵၼ်လုၵ်ႈယုဝ်းသႅပ်ႉ၊ယုဝ်းသႅပ်ႉပဵၼ်လုၵ်ႈယုတ၊ယုတပဵၼ်လုၵ်ႈယုဝ်းႁၢၼ်ႇၼ၊ယုဝ်းႁၢၼ်ႇၼပဵၼ်လုၵ်ႈရေႇသ၊ရေႇသပဵၼ်လုၵ်ႈၸေႇရုပပေႇလ၊ၸေႇရုပပေႇလပဵၼ်လုၵ်ႈသႃႇလထိ၊
၂၈ ဢေႇလသႃႇလထိဢေႇလပဵၼ်လုၵ်ႈၼီႇရိ၊ၼီႇရိပဵၼ်လုၵ်ႈမေႇလၶိ၊မေႇလၶိပဵၼ်လုၵ်ႈဢၢတ်ႉထိ၊ဢၢတ်ႉထိပဵၼ်လုၵ်ႈၵုဝ်ႇသၢမ်ႇ၊ၵုဝ်ႇသၢမ်ႇပဵၼ်လုၵ်ႈဢေႇလမုဝ်ႇတၢမ်ႇ၊
၂၉ ဢေႇလမုဝ်ႇတၢမ်ႇပဵၼ်လုၵ်ႈဢေႇရ၊ဢေႇရပဵၼ်လုၵ်ႈရူဝ်ႇသေႇ၊ရူဝ်ႇသေႇပဵၼ်လုၵ်ႈဢေႇလျႃႇၸႃႇ၊ဢေႇလျႃႇၸႃႇပဵၼ်လုၵ်ႈယုဝ်ႇရိမ်ႇ၊ယုဝ်ႇရိမ်ႇပဵၼ်လုၵ်ႈမတ်ႉထၢတ်ႉ၊မတ်ႉထၢတ်ႉပဵၼ်လုၵ်ႈလေႇဝိ၊လေႇဝိပဵၼ်လုၵ်ႈသုမွင်ႇ၊
၃၀ သုမွင်ႇပဵၼ်လုၵ်ႈယုတ၊ယုတပဵၼ်လုၵ်ႈယုဝ်းသႅပ်ႉ၊ယုဝ်းသႅပ်ႉပဵၼ်လုၵ်ႈယုဝ်းႁၢၼ်ႇ၊ယုဝ်းႁၢၼ်ႇပဵၼ်လုၵ်ႈဢေႇလျႃႇၵိမ်ႇ၊ဢေႇလျႃႇၵိမ်ႇပဵၼ်လုၵ်ႈမေႇလေႇ၊
၃၁ မေႇလေႇပဵၼ်လုၵ်ႈမေႇၼၢၼ်ႇ၊မေႇၼၢၼ်ႇပဵၼ်လုၵ်ႈမၢတ်ႉတထႃႉ၊မၢတ်ႉတထႃႉပဵၼ်လုၵ်ႈၼႃႇထၢၼ်ႇ၊
၃၂ ၼႃႇထၢၼ်ႇပဵၼ်လုၵ်ႈတႃႇဝိတ်ႉ၊တႃႇဝိတ်ႉပဵၼ်လုၵ်ႈယေႇသေႇ၊ယေႇသေႇပဵၼ်လုၵ်ႈဢုဝ်ႇပိတ်ႉ၊ဢုဝ်ႇပိတ်ႉပဵၼ်လုၵ်ႈပေႃႇၸ၊ပေႃႇၸပဵၼ်လုၵ်ႈၸလမုၼ်ႇ၊
၃၃ ၸလမုၼ်ႇပဵၼ်လုၵ်ႈၼႃႇသုၼ်ႇၼႃႇသုၼ်ႇပဵၼ်လုၵ်ႈဢမိၼတၢပ်ႉ၊ဢမိၼတၢပ်ႉပဵၼ်လုၵ်ႈဢႃႇရမ်ႇ၊ဢႃႇရမ်ႇပဵၼ်လုၵ်ႈႁေႇၸရူၼ်ႇ၊
၃၄ ႁေႇၸရူၼ်ႇပဵၼ်လုၵ်ႈၽေႇရိတ်ႉ၊ၽေႇရိတ်ႉပဵၼ်လုၵ်ႈယုတ၊ယုတပဵၼ်လုၵ်ႈယႃႇၵုပ်ႉ၊ယႃႇၵုပ်ႉပဵၼ်လုၵ်ႈဢိၸၢၵ်ႉ၊ဢိၸၢၵ်ႉပဵၼ်လုၵ်ႈဢႃႇပြႁၢမ်ႇ၊ဢႃႇပြႁၢမ်ႇပဵၼ်လုၵ်ႈတႄႇရ၊
၃၅ တႄႇရပဵၼ်လုၵ်ႈၼႃႇၶေႃႇ၊ၼႃႇၶေႃႇပဵၼ်လုၵ်ႈၸေႇရွၵ်ႉ၊ၸေႇရွၵ်ႉပဵၼ်လုၵ်ႈရႃႇၵေႃႇ၊ရႃႇၵေႃႇပဵၼ်လုၵ်ႈၽႃႇလိၵ်ႉ၊ၽႃႇလိၵ်ႉပဵၼ်လုၵ်ႈႁေႇပႃႇ၊
၃၆ ႁေႇပႃႇပဵၼ်လုၵ်ႈသႃႇလ၊သႃႇလပဵၼ်လုၵ်ႈဢိၼၢၼ်ႇ၊ဢိၼၢၼ်ႇပဵၼ်လုၵ်ႈဢႃႇၽၵ်ႉၸၢတ်ႉ၊ဢႃႇၽၵ်ႉၸၢတ်ႉပဵၼ်လုၵ်ႈသေႇမ၊သေႇမပဵၼ်လုၵ်ႈၼုဝ်းဢႃႇ၊ၼုဝ်းဢႃႇပဵၼ်လုၵ်ႈလႃႇမိၵ်ႉ၊လႃႇမိၵ်ႉပဵၼ်လုၵ်ႈမထုသလ၊
၃၇ မထုသလပဵၼ်လုၵ်ႈဢေးၼွၵ်ႈ၊ဢေးၼွၵ်ႈပဵၼ်လုၵ်ႈယႃႇရိတ်ႉ၊ယႃႇရိတ်ႉပဵၼ်လုၵ်ႈမႁႃႇလေႇလ၊မႁႃႇလေႇလပဵၼ်လုၵ်ႈၵႃႇဢိၼၢၼ်ႇ၊
၃၈ ၵႃႇဢိၼၢၼ်ႇပဵၼ်လုၵ်ႈဢေႇၼုတ်ႉ၊ဢေႇၼုတ်ႉပဵၼ်လုၵ်ႈသေႇထ၊သေႇထပဵၼ်လုၵ်ႈဢႃႇတၢမ်ႇ၊ဢႃႇတၢမ်ႇပဵၼ်လုၵ်ႈၽြႃးပဵၼ်ၸဝ်ႈဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ