Shan Missions

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter    ၁    ၂     ၃     ၄     ၅     ၆     ၇     ၈     ၉     ၁၀      ၁၁     ၁၂     ၁၃     ၁၄     ၁၅     ၁၆   

၇

တၢင်းဢၼ်မူတ်းၸၢင်တင်းတၢင်းဢၼ်ဢမ်ႇမူတ်းၸၢင်ႇ

၁ မိူဝ်ႈၼၼ်ႉၽႃႇရိသေးဢိၵ်ႇတင်းၵူၼ်းထုတ်ႇၵျၢမ်းဢၼ်လုၵ်ႉသေၵႃႈတီႈဝဵင်းယေႇရုသလႅမ်ႇမႃးၼၼ်ႉၵမ်ႈၽွင်ႈၸူႉၵၼ်တုမ်ၵၼ်တီႈမၼ်းၸဝ်ႈသေလႄႈ

၂ မိူဝ်ႈဢၼ်ႁၼ်တပႄးၸဝ်ႈၵမ်ႈၽွင်ႈဢဝ်တင်းမိုဝ်းဢၼ်ၵူဝ်ႈၵိူၵ်ႇဢၼ်ဢမ်ႇသုၵ်ႈၼမ်ႉမူတ်းသႂ်ၼၼ်ႉလႄႈၵိၼ်တၢင်းၵိၼ်ယူႇၼၼ်ႉၸိုင်ၶဝ်တၢင်ႇဢပျႅတ်ႈဢေႃႈ။ 

၃ လွင်ႈမၼ်းၸမ်းၸႃႉၸဵမ်ၽႃႇရိသေးတင်းလၢႆတင်းၵူၼ်းယုတတင်းသဵင်ႈတင်းလူင်ဢၼ်ၶၢမ်ႇဢဝ်

ၼႄးဢူႉပတေႇဢၼ်သိုပ်ႇလူင်ႈမႃးၵႃႈတီႈၵူၼ်းမိူဝ်ႈၵွၼ်ႇၸိူဝ်းၼၼ်ႉဝႃႈ၊-ပေႃးဢမ်ႇသုၵ်ႈမိုဝ်းႁဵတ်းတၢင်းဢၼ်မူတ်းၸၢင်ႇၸိုင်ဢမ်ႇမီးထုင်းၸၢမ်ႇဢၼ်တၵ်းလႆႈၵိၼ်တၢင်းၵိၼ်။ 

၄ မိူဝ်ႈဢၼ်ၶဝ်လုၵ်ႉသေၵႃႈတီႈၵၢတ်ႇမႃးၼၼ်ႉပေႃးဢမ်ႇၶၢမ်ႇတၢင်းဢၼ်သုၵ်ႈမိုဝ်းႁဵတ်းတၢင်းဢၼ်မူတ်းၸၢင်ႇၸိုင်တၵ်းဢမ်ႇလႆႈၵိၼ်တၢင်းၵိၼ်ဝႃႈၼႆၶဝ်မီးထုင်းၸၢမ်ႇဝႆႉဢေႃႈ။ 

၅ လိူဝ်သေၼၼ်ႉဢမ်ႇၵႃးၶဝ်တၵ်းလႆႈၶၢမ်ႇဢဝ်ထုင်းၸၢမ်ႇတၢင်ႇၸိူဝ်ႉတၢင်ႇဢၼ်ဢၼ်ပဵၼ်တၢင်းဢၼ်သုၵ်ႈလၢင်ႉၵွၵ်းလႂ်ဢႅင်ႇလႂ်ဝၢၼ်ႇတွင်းလိူင်လႂ်ၼၼ်ႉဢေႃႈ။ ၵမ်းၼၼ်ႉၽႃႇရိသေးဢိၵ်ႇတင်းၵူၼ်းထုတ်ႇၵျၢမ်းတင်းလၢႆၸိူဝ်းၼၼ်ႉလဝ်ႈထၢမ်လႄႈဝႃႈ၊-ႁဵတ်းသင်လႄႈတပႄးၸဝ်ႈၸိူဝ်းၼႆႉဢမ်ႇၵမ်ဢမ်ႇၵျၢင်ႉၸွမ်းၼင်ႇၼႄးဢူႉပတေႇဢၼ်သိုပ်ႇလူင်းမႃးၵႃႈတီႈၵူၼ်းမိူဝ်ႈၵွၼ်ႇတင်းလၢႆၼၼ်ႉလႄႈဢဝ်တင်းမိုဝ်းဢၼ်ၵူဝ်ႈၵိူၵ်ႇၵိၼ်တၢင်းၵိၼ်ၶႃႈ၊ဝႃႈၼင်ႇၼႆဢေႃႈ။ 

၆ မၼ်းၸဝ်ႈၵေႃႈလၢတ်ႈလႄႈဝႃႈ၊-ဢၼ်ဢိသႃႇယႁေႃးလၢတ်ႈဝႆႉလီလီငၢမ်းငၢမ်းလွင်ႈသူဢၼ်ၸၢင်ႊထိမ်ႇၸၢင်ႊမႅပ်းၸိူဝ်းၼႆႉလႄႈဝႃႈၸမ်း၊-ၵူၼ်းမဵဝ်းၼႆႉဢဝ်တၢင်းသူပ်းရူဝ်ႇသေႇၵူဝ်ယမ်ၵဝ်ဢေႃႈ။ 

၇ ၵူၺ်းၵႃႈႁူဝ်ၸႂ်ၶဝ်ၵႆႈၵၼ်တင်းၵဝ်ဢေႃႈ။ ၶဝ်ဢဝ်ၼႄးဢူႉပတေႇဢၼ်ၵူၼ်းၸီႇယၢင်ႇဝႆႉၸိူဝ်းၼၼ်ႉလႄႈသင်ႇသွၼ်သုင်းမႃႉပၼ်မိူၼ်ၸိူဝ်ႉၼင်ႇပိင်းၺၢပ်ႈတေႇသၼႃႇၸဝ်ႈလႄႈၵူဝ်းၵႂၢႆႇၵဝ်လၢႆလၢႆလွၵ်ႇလွၵ်ႇၵူၺ်းဢေႃႈ၊ဝႃႈၼႆ၊မီးမႃးၼင်ႇၼႆဢေႃႈ။ 

၈ လွင်ႈမၼ်းၸမ်းသူပႄႇပႅတ်ႈပိင်းၺၢပ်ႈၽြႃးပဵၼ်ၸဝ်ႈသေယဝ်ႉသမ်ႉၶၢမ်ႇဢဝ်ၼႄးဢူႉပတေႇဢၼ်သိုပ်ႇလူင်းမႃးၵႃႈတီႈၵူၼ်းဢၼ်ပဵၼ်တၢင်းဢၼ်ဢဝ်ၵွၵ်းလႂ်ဢႅင်ႇလႂ်သုၵ်ႈလၢင်ႉၼၼ်ႉလႄႈၵမ်ၵျၢင်ႉၸွမ်းထုင်းၸၢမ်ႇတၢင်ႇၸိူဝ်ႉတၢင်ႇဢၼ်ၸိူဝ်းၼၼ်ႉဢိူဝ်ႈ။ 

၉ ၼင်ႇႁိုဝ်သူတၵ်းလႆႈၵမ်ၵျၢင်ႉၼႄးဢူႉပတေႇမိူဝ်ႈၵွၼ်ႇသိုပ်ႇသိုပ်ႇတၢမ်ႈတၢမ်ႈၼၼ်ႉၸိုင်သူပႄႇပႅတ်ႈပိင်းၺၢပ်ႈၽြႃးပဵၼ်ၸဝ်ႈလီလီငၢမ်းငၢမ်းယဝ်ႉ

လူင်ပေႇ။ မုဝ်းသေႇဝႃႈဝႆႉၸမ်း၊-

၁၀ ႁဵတ်းရူဝ်ႇသေႇၵူဝ်ယမ်ပေႃႈမေႈမႂ်းတႃႉ။ ၵေႃႉဢၼ်ၵိၼ်ႇလႃႇပေႃႈမေႈမၼ်းၼၼ်ႉႁႂ်ႈၶၢမ်ႇတၢင်းဢၼ်ဢဝ်တၢႆတႃႉ၊ဝႃႈၼႆမီးမႃးၼင်ႇၼႆဢေႃႈ။ 

၁၁ သူသမ်ႉဝႃႈၸမ်းပေႃးၵေႃႉၼိုင်ႈလၢတ်ႈတီႈပေႃႈမေႈမၼ်းလႄႈဝႃႈ၊-ႁႂ်ႈဢုၵ်ႉၸႃႇၵဝ်ဢၼ်သူဢဝ်သုင်းဢဝ်သွင်ႇၼၼ်ႉႁႂ်ႈပဵၼ်တႃႇၼႃႉတၢင်းလူႇတႃႉ၊ဝႃႈၼင်ႇၼႆၼၼ်ႉၵေႃႉၼၼ်ႉၵၢင်းလွတ်ႈဝၢတ်ႈတြႃးပေႃႈမေႈမၼ်းယဝ်ႉ။ 

၁၂ မၼ်းဢမ်ႇလူဝ်ႇႁဵတ်းဝၢတ်ႈတီႈပေႃႈမေႈမၼ်းထႅင်ႈသေဢိတ်းယဝ်ႉဝႃႈၼင်ႇၼႆလႄႈပႄႇပႅတ်ႈၼုၵ်ႉၵပၢတ်ႈၽြႃးပဵၼ်ၸဝ်ႈၵွပ်ႈပိူဝ်ႈၼႄးဢူႉပတေႇဢၼ်ၶၢမ်ႇဢဝ်သိုပ်ႇသိုပ်ႇတၢမ်ႈတၢမ်ႈၼၼ်ႉဢေႃႈ။ 

၁၃ သူၵမ်ၵျၢင်ႉထုင်းၸၢမ်ႇၸိူဝ်ႉၼင်ႇၼၼ်ၼမ်ၼႃႇဢေႃႈ၊ဝႃႈၼင်ႇၼႆဢေႃႈ။ 

၁၄ မိူဝ်ႈၼၼ်ႉမၼ်းၸဝ်ႈႁွင်ႉဢဝ်ၵူၼ်းၸူႉၵူၼ်းတုမ်ၸိူဝ်းၼၼ်ႉမႃးတီႈမၼ်းၸဝ်ႈလႄႈလၢတ်ႈဝႃႈ၊-သူၵႃႈမီးတင်းသဵင်ႈတင်းလူင်ၶဝ်ဢူၺ်း၊ထွမ်ႇငိၼ်းလႄႈႁူႉတႃႉ။ 

၁၅ ဢၼ်လုၵ်ႉသေၵႃႈၼွၵ်ႈၶဝ်ႈၵႃႈၼႂ်းၵူၼ်းလႄႈႁႂ်ႈၵူၼ်းၵူဝ်ႈၵိူၵ်ႇၼၼ်ႉဢမ်ႇမီးၵႃႈသင်သေၸိူဝ်ႉသေပိူင်။ 

၁၆ ဢၼ်ဢွၵ်ႇၵႃႈၼႂ်းၵူၼ်းမႃးၼၼ်ႉၵူၺ်းပဵၼ်ဢၼ်ႁႂ်ႈၵူၼ်းၵူဝ်ႈၵိူၵ်ႇဢေႃႈ။ ပေႃးမီးႁူဢၼ်လီငိၼ်းၸိုင်ႁႂ်ႈငိၼ်းသေၵမ်းလူၺ်ႈ၊

ဝႃႈၼင်ႇၼႆဢေႃႈ။ 

၁၇ မိူဝ်ႈဢၼ်မၼ်းၸဝ်ႈဢွၵ်ႇသေၵႃႈတီႈၵူၼ်းၸူႉၵူၼ်းတုမ်လႄႈၶဝ်ႈၵႃႈၼႂ်းႁိူၼ်းယဝ်ႉၸိုင်တပႄးၸဝ်ႈတင်းလၢႆလဝ်ႈထၢမ်လွင်ႈၵႂၢမ်းဢူႉပမႃႇၼၼ်ႉဢေႃႈ။ 

၁၈ မၼ်းၸဝ်ႈၵေႃႈလၢတ်ႈတီႈၶဝ်လႄႈဝႃႈ၊-သူဢမ်ႇမီးပိင်ႇၺႃႇထၢၼ်ႇၼႆႉလူးၵွၼ်ႇႁိုဝ်။ 

၁၉ ဢၼ်လုၵ်ႉသေၵႃႈၼွၵ်ႈလႄႈၶဝ်ႈၵႃႈၼႂ်းၵူၼ်းၵူႈၸိူဝ်ႉၵူႈပိူင်ၼၼ်ႉ၊ၵွပ်ႈပိူဝ်ႈဢမ်ႇၶဝ်ႈၵႃႈၼႂ်းႁူဝ်ၸႂ်၊ၶဝ်ႈၵႃႈၼႂ်းတွင်ႉၵူၺ်းသေယဝ်ႉသမ်ႉဢွၵ်ႇၵႂႃႇၵႃႈၼႂ်းထၢင်လႄႈ

ဢမ်ႇႁႂ်ႈၵူၼ်းၵူဝ်ႈၵိူၵ်ႇဝႃႈၼႆသူဢမ်ႇႁူႉႁိုဝ်။ 

၂၀ ဢၼ်ဢွၵ်ႇၵႃႈၼႂ်းၵူၼ်းၸမ်းပဵၼ်ဢၼ်ႁႂ်ႈၵူၼ်းၵူဝ်ႈၵိူၵ်ႇဢေႃႈ။ 

၂၁ လွင်ႈမၼ်းၸမ်းတၢင်ႈၵျၢမ်ႇတၢင်းပွင်ဢၼ်ဢမ်ႇလီလႂ်၊တၢင်းဢၼ်ၵူတ်ႉမေးပိူၼ်ႈလႂ်၊တၢင်းဢၼ်ၽိတ်းပိူင်ႈမေႈယိင်းဢၼ်လွတ်ႈလႅဝ်းလႂ်၊တၢင်းဢၼ်ဢဝ်ဢသၢၵ်ႈၵူၼ်းတၢႆလႂ်၊

၂၂ တၢင်းဢၼ်လၵ်ႉၶူဝ်းပိူၼ်ႈလႂ်၊တၢင်းဢၼ်ၸႂ်လေႃးၽႃႉပူၼ်ႉလိူဝ်လႂ်တၢင်းဢၼ်ၸႂ်ႁၢႆႉၸႂ်မိူၵ်ႈလႂ်၊တၢင်းဢၼ်ပႅတ်ႉလႅၼ်ပိူၼ်ႈလႂ်၊တၢင်း

ဢၼ်ၵူဝ်ႈၵိူၵ်ႇလႂ်၊တၢင်းဢၼ်သီႇၵေႉႁေႈတႃပိူၼ်ႈလႂ်တၢင်းဢၼ်သေႉသွမ်းၽြႃးပဵၼ်ၸဝ်ႈလႂ်၊တၢင်းဢၼ်ႁူဝ်ၸႂ်သုင်လႂ်၊တၢင်းဢၼ်ၸႂ်မဝ်မၢင်ႈလႂ်၊ၸိူဝ်းၼၼ်ႉဢွၵ်ႇၵႃႈၼႂ်းၵူၼ်းၵႃႈတီႈၼႂ်းႁူဝ်ၸႂ်မႃးဢေႃႈ။ 

၂၃ ဢၼ်ႁၢႆႉဢၼ်မိူၵ်ႈၵႃႈမီးတင်းသဵင်ႈတင်းလူင်ၸိူဝ်းၼႆႉဢွၵ်ႇၵႃႈၼႂ်းမႃးလႄႈႁႂ်ႈၵူၼ်းၵူဝ်ႈၵိူၵ်ႇဢေႃႈ၊ဝႃႈၼင်ႇၼႆဢေႃႈ။ 

တၢင်းယုမ်ႇမၢတ်ႈမေႈယိင်းႁေႇလသ

၂၄ မၼ်းၸဝ်ႈလုၵ်ႉသေၵႃႈတီႈၼၼ်ႉၵႂႃႇၸူးတီႈဝၢၼ်ႈၼွၵ်ႈၼႃးပၢင်ႇဝဵင်းတုရုတင်းဝဵင်းၸိတုမ်ႇပုၼ်ႉသေယဝ်ႉၶဝ်ႈၵႃႈၼႂ်းႁိူၼ်းႁိူၼ်းၼိုင်ႈလႄႈပဵၵ်ႉသမ်ႉမီးဢလူဝ်ႇဢမ်ႇၶႂ်ႈႁႂု်ႈၽႂ်ႁူႉသေၵေႃႈဢမ်ႇတဵတ်ႇဢမ်ႇမႅပ်းယူႇလႆႈ။ 

၂၅ လွင်ႈမၼ်းၸမ်းမေႈယိင်းဢၼ်မီးလုၵ်ႈယိင်းဢွၼ်ႇဢၼ်ၽီၵူဝ်ႈၵိူၵ်ႇၶဝ်ႈၼၼ်ႉၵေႃႉၼိုင်ႈငိၼ်းသတၢင်းသဵင်ၶၢဝ်ႇမၼ်းၸဝ်ႈလႄႈမႃးၶုပ်ႉမူပ်ႇၵႃႈတီႈတိၼ်မၼ်းၸဝ်ႈသေယဝ်ႉတွင်းပၢၼ်ႇမၼ်းၸဝ်ႈႁႂ်ႈႁေႃႈၽီႁၢႆႉၵႃႈၼႂ်းလုၵ်ႈယိင်းမၼ်းၼၼ်ႉဢွၵ်ႇပႅတ်ႈဢေႃႈ။ 

၂၆ မေႈယိင်းၼၼ်ႉၸမ်းပဵၼ်မဵဝ်းၵူၼ်းႁေႇလသၵူၼ်းမိူင်းသုရိၽိၼိတ်ႉဢေႃႈ။ မၼ်းၸဝ်ႈၵေႃႈလၢတ်ႈလႄႈဝႃႈ၊-

၂၇ ႁႂ်ႈလုၵ်ႈလၢင်းလႆႈၵိၼ်ဢိမ်ႇၵိၼ်တဵမ်ဢွၼ်တၢင်းတႃႉ။ ဢမ်ႇလီဢဝ်တၢင်းၵိၼ်လုၵ်ႈလၢင်းတမ်းပၼ်တီႈမႃ၊ဝႃႈၼင်ႇၼႆဢေႃႈ။ 

၂၈ မေႈယိင်းၼၼ်ႉၵေႃႈၶိုၼ်းလဝ်လၢတ်ႈလႄႈဝႃႈ၊-ၸႂ်ႈၶႃႈယဝ်ႉၸဝ်ႈ။ မႃဢၼ်ဝႃႈၼၼ်ႉၸၢင်ႊၵိၼ်ဢၼ်ယွႆႈဢၼ်ယဵမ်းတၢင်းၵိၼ်လုၵ်ႈလၢင်းဢၼ်တူၵ်းၵႃႈတႂ်ႈၽိူၼ်တီႈၵိၼ်ၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။ 

၂၉ မၼ်းၸဝ်ႈၵေႃႈလၢတ်ႈလႄႈဝႃႈ၊-ၵွပ်ႈပိူဝ်ႈၵႂၢမ်းမႂ်းၼႆႉလႄႈမႂ်းၵႂႃႇတႃႉ။ ၽီႁၢႆႉဢွၵ်ႇသေၵႃႈၼႂ်းလုၵ်ႈယိင်းမႂ်းၼၼ်ႉ

ၵႂႃႇယဝ်ႉဝႃႈၼင်ႇၼႆဢေႃႈ။ 

၃၀ မေႈယိင်းၼၼ်ႉၵေႃႈၶိုၼ်းမိူဝ်းၵႂႃႇၵႃႈတီႈႁိူၼ်းမၼ်းလႄႈလႆႈႁၼ်လုၵ်ႈယိင်းမၼ်းၼၼ်ႉၽီႁၢႆႉဢွၵ်ႇၵႂႃႇယဝ်ႉလႄႈၼွၼ်းယူႇၵႃႈၼိူဝ်ၵူႇတီႈၼွၼ်းၼၼ်ႉဢေႃႈ။ 

ႁႂ်ႈၵူၼ်းဢႃႉၵူၼ်းႁူၼူၵ်ႇႁၢႆၶႅၼ်း

၃၁ လိုၼ်းၼၼ်ႉမၼ်းၸဝ်ႈဢွၵ်ႇသေၵႃႈၼႂ်းဝၢၼ်ႈၼွၵ်ႈၼႃးပၢင်ႇဝဵင်းတုရုလႄႈလတ်းၵႂႃႇၼႂ်းမိူင်းၸိတုင်ႇၵႂႃႇပွင်ႇၵႃႈၼႂ်းမိူင်းတေႇၵပေႃးလိလႄႈႁွတ်ႈထိုင်ၵႃႈတီႈၼွင်ၵႃႇလိလႄးပုၼ်ႉဢေႃႈ။ 

၃၂ ၵမ်းၼၼ်ႉၶဝ်ဢဝ်ၵူၼ်းဢၼ်ႁူၼူၵ်ႇလႄႈဢႃႉၼၼ်ႉၵေႃႉၼိုင်ႈမႃးတီႈမၼ်းၸဝ်ႈလႄႈတွင်းပၢၼ်ႇႁႂ်ႈမၼ်းၸဝ်ႈဢဝ်မိုဝ်းတၢင်ႇၵႃႈၼိူဝ်မၼ်းဢေႃႈ။ 

၃၃ မၼ်းၸဝ်ႈႁွင်ႉဢဝ်ၵေႃႉၼၼ်ႉဢွၵ်ႇသေၵႃႈၼႂ်းၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉလႄႈၵႂႃႇၵႃႈတီႈဢၼ်ပိူၼ်ႈဢမ်ႇမီးၼၼ်ႉယဝ်ႉၸင်ႇဢဝ်ၼဵဝ်ႉမိုဝ်းမၼ်းၸဝ်ႈသႂ်ႇၵႃႈၼႂ်းႁူၵေႃႉၼၼ်ႉဢေႃႈ။ ထုမ်ႇၼမ်ႉလၢႆးလႄႈတိူဝ်ႉၵႃႈတီႈလိၼ်ႉမၼ်းဢေႃႈ။ 

၃၄ မၼ်းၸဝ်ႈႁႅၼ်တူၺ်းၵႃႈၼိူဝ်ၵၢင်ႁၢဝ်လႄႈထူၺ်ႈၸႂ်ယႂ်ႇသေယဝ်ႉလၢတ်ႈတီႈၵေႃႉၼၼ်ႉလႄႈဝႃႈ၊-ဢေႇၽထ၊ဝႃႈၼင်ႇၼႆဢေႃႈ။ မၼ်းပွင်ႇဝႃႈႁႂ်ႈၽုၺ်ႇတႃႉ၊ဝႃႈၼင်ႇၼႆဢေႃႈ။ 

၃၅ မိူဝ်ႈၼၼ်ႉၵမ်းလဵဝ်ႁူမၼ်းၽုၺ်ႇလႄႈဢဵၼ်လိၼ်ႉမၼ်းၵေႃႈလႅတ်းမႃးလႄႈလၢတ်ႈၵႂၢမ်းလႆႈမႃးပီႇပီႇလီလီဢေႃႈ။ 

၃၆ ၼင်ႇႁိုဝ်ၶဝ်တၵ်းဢမ်ႇမွၵ်ႇလၢတ်ႈလွင်ႈတၢင်းၼၼ်ႉတီႈၽူႈလႂ်သေၵေႃႉသေၵူၼ်းၸိုင်မၼ်းၸဝ်ႈပိင်းၺၢပ်ႈဝႆႉတီႈၶဝ်ဢေႃႈ။ ပဵၵ်ႉသမ်ႉမၼ်းၸဝ်ႈပိင်းၺၢပ်ႈဝႆႉၼမ်ၼႃႇသေ

ၵေႃႈယႃႇၶဝ်ၼၼ်ႉယဵင်ႈၶႅၼ်းပွႆႇသတၢင်းသဵင်ၶၢဝ်ႇၼမ်ၼႃႇဢေႃႈ။ 

၃၇ ၶဝ်ၼၼ်ႉၵႂင်ၸႂ်ယုင်ႈၸႂ်ၼႃႇထၼ်ႈပေႃးဢမ်ႇမီးတီႈဢၼ်တၵ်းတႅၵ်ႈတၵ်းတိူင်းလႆႈလႄႈလၢတ်ႈဝႃႈ၊-မၼ်းႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လီလီငၢမ်းငၢမ်းယဝ်ႉ။ ႁႂ်ႈၶဝ်ၸိူဝ်းဢၼ်ႁူၼူၵ်ႇငိၼ်းယဝ်ႉ။ ႁႂ်ႈၶဝ်ၸိူဝ်းဢၼ်ဢႃႉၼၼ်ႉလၢတ်ႈၵႂၢမ်းယဝ်ႉ၊ဝႃႈၼင်ႇၼႆဢေႃႈ။