Shan Missions

၆

ၼမ်ႉထုမ်ႈမိူင်းၵူၼ်း

၁ မိူဝ်ႈဢၼ်ၵူၼ်းတင်းလၢႆ ယႂ်ႇၽႄႈၼမ်ၵိုၼ်းမႃးၵႃႈၼိူဝ်ၼႃႈလိၼ်ၼၼ်ႉၸိုင်၊ ၶဝ်လႆႈလုၵ်ႈယိင်းဢေႃႈ။

၂လုၵ်ႈၸၢႆးၽြႃးပဵၼ်ၸဝ်ႈတင်းလၢႆ ႁၼ်လွင်ႈဢၼ်လုၵ်ႈယိင်းၵူၼ်းၸိူဝ်းၼၼ်ႉႁၢင်ႊလီလႄႈ ဢွၼ်ၵၼ်ဢဝ် ၸွမ်းၵႃႈၼင်ႇ ဢလူဝ်ႇတူဝ်ၸဝ်ႈၵဝ်ႇမီးၼၼ်ႉ ဢေႃႈ။

၃ ထႃႇဝရႃႉၽြႃးဝႃႈ၊-ဝိၺိၼ်ႇၵဝ်တၵ်းဢမ်ႇလႆႈတႄႇယူႇၵႃႈတီႈၵူၼ်းသေႇသေႇ။ လွင်ႈမၼ်းၸမ်း ၊ၵူၼ်းၸမ်းပဵၼ်ၼိူဝ်ႉဢေႃႈ။ ဢသၢၵ်ႈမၼ်းၵေႃႈႁႂ်ႈယဝ်း ပၢၵ်ႇပၢႆသၢဝ်းပီႊသေ၊ဝႃႈၼင်ႇၼႆဢေႃႈ။

၄ မိူဝ်ႈၵႃႇလႃႉယၢမ်းၼၼ်ႉၵႃႈၼိူဝ်လိၼ်မိူင်းၼႆႉ မီးၵူၼ်းဢၼ်တူဝ်ယႂ်ႇႁႅင်းယႂ်ႇၼၼ်ႉၵမ်ႈၽွင်ႈဢေႃႈ။ လိုၼ်းၼၼ်ႉၵေႃႈလုၵ်ႈၸၢႆးၽြႃးပဵၼ်ၸဝ်ႈၸိူဝ်းၼၼ်ႉ သိူၵ်ႈသမ်ႇၵၼ်တင်းလုၵ်ႈယိင်းၵူၼ်းတင်းလၢႆလႄႈ လုၵ်ႈဢၼ်လႆႈမႃးၼၼ်ႉပဵၼ်ၵူၼ်းဢၼ်ႁႅင်းယႂ်ႇ ၵူၼ်းဢၼ်သႃႇႁူင်ႁၢင်း ၸႃႉၸဵမ်မိူဝ်ႈၶိင်ႇၵႃႇလႃႉဢွၼ်ၼႆႉၼၼ်ႉဢေႃႈ။

၅ ၽြႃးပဵၼ်ၸဝ်ႈ ႁူႉႁၼ် လွင်ႈဢပျႅတ်ႈၵူၼ်းၵႃႈၼိူဝ်လိၼ်မိူင်းၼႆႉယႂ်ႇၼႃႇလႄႈ တၢင်းၵျၢမ်ႇတၢင်းပွင်ႁူဝ် ၸႂ် ၵူၼ်းၵႃႈမီးတင်းသဵင်ႈတင်းလူင်

၆ ပဵၼ်ဢၼ်ႁၢႆႉယုတ်ႈၵူၺ်းၵူၺ်းၵူႈမိူဝ်ႈၵူႈဝၼ်း တႃႇသေႇဢမ်ႇထၢတ်ႇ ၼၼ်ႉလႄႈ မၼ်းၸဝ်ႈမႆႈၸႂ်လူၺ်ႈလွင်ႈဢၼ်ႁဵတ်းပဵၼ်ၵူၼ်းၵႃႈၼိူဝ်လိၼ်မိူင်းၼႆႉလႄႈ ႁူဝ်ၸႂ်မၼ်းၸဝ်ႈမႆႈႁွၼ်ႉယူႇဢေႃႈ။

၇ ထႃႇဝရႃႉၽြႃးၵေႃႈဝႃႈ၊- ၵဝ်တၵ်းယႃႉၽဵဝ်ႈပဵတ်ႈ ၵူၼ်းဢၼ်ၵဝ်ၽၢၼ်ႇသၢင်းႁဵတ်းပဵၼ်မႃးၸႃႉၸဵမ်တူဝ်ထိူၼ်ႇလႂ် တရိၵ်ႈသၢၼ်ႇဢၼ်ၸၢင်ႊၵွႃႇၸၢင်ႊၵၢၼ်းလႂ် ၼူၵ်ႉၵၢင်ႁၢဝ်လႂ်သေၵႃႈၼိူဝ်ၼႃႈလိၼ်ၼႆႉဢေႃႈ။လွင်ႈမၼ်းၸမ်း၊ၵဝ်ၶုၵ်းၸႂ်လႆႈမႆႈၸႂ်လူၺ်ႈလွင်ႈဢၼ်ၵဝ်ႁဵတ်းပဵၼ်ၶဝ်ၼၼ်ႉဢေႃႈ၊ ဝႃႈ ၼင်ႇၼႆဢေႃႈ။

၈ ၼုဝ်းဢႃႇ ၸမ်းပဵၼ်ၵေႃႉဢၼ်ထူပ်းၵျေးၸူးသိုဝ်ႈၼႃႈတႂ်ႈတႃထႃႇဝရႃႉႉၽြႃးဢေႃႈ။

၉ဢထုၵ်ႉပၢတ်ႈတိလွင်ႈ ၼုဝ်းဢႃႇ ၼၼ်ႉၸမ်း၊ၼုဝ်းဢႃႇ ၼၼ်ႉပဵၼ်ၵေႃႉဢၼ်သိုဝ်ႈတေႃႇ၊ ၵေႃႉဢၼ်ၸေးၸုမ်ႇၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။ ၼုဝ်းဢႃႇ ၼၼ်ႉၵွႃႇၵွႃႇမႃးမႃးလူၺ်ႈၵၼ်တင်းၽြႃး ပဵၼ်ၸဝ်ႈဢေႃႈ။

၁၀ ၼုဝ်းဢႃႇ ၼၼ်ႉမီးလုၵ်ႈၸၢႆးသၢမ်ၵေႃႉဢၼ်ဝႃႈ၊ သေႇမ၊ႁႃႇမ၊တင်းယႃႇၽိတ်ႉ ဢေႃႈ။

၁၁ မိူဝ်ႈၼၼ်ႉ လိၼ်မိူင်းၼႆႉတူႇၼဝ်ႈယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။လိၼ်မိူင်းၼႆႉတဵမ်ဝႆႉတင်းဢမူႉ ဢႃႉထမ်ႇမႃႉဢေႃႈ။

၁၂ ၽြႃးပဵၼ်ၸဝ်ႈတူၺ်းလိၼ်မိူင်းလႄႈႁၼ်လွင်ႈဢၼ်တူႇၼဝ်ႈၼၼ်ႉဢေႃႈ။ လွင်ႈမၼ်းၸမ်း၊ ၵူၼ်းၵႃႈၼိူဝ်လိၼ်မိူင်း တင်းသဵင်ႈတင်းလူင်ႁွတ်ႈထိုင်တၢင်းဢၼ်တူႇၼဝ်ယဝ်ႉ။

၁၃ မိူဝ်ႈၼၼ်ႉၽြႃးပဵၼ်ၸဝ်ႈလၢတ်ႈတီႈ ၼုဝ်းဢႃႇ ၼၼ်ႉဝႃႈ၊- တီႈသုတ်းတီႈၵွႆသတ်ႉတဝႃႇတင်းသဵင်ႈတင်းလူင်ပေႃႇမႃးၵႃႈတီႈၽၢႆႇၼႃႈၵဝ်ယဝ်ႉ။လိၼ်မိူင်းၼႆႉတဵမ်ဝႆႉ တင်းဢႃႉထမ်ႇမႃႉၵွပ်ႈပိူဝ်ႈၶဝ်ၼၼ်ႉယဝ်ႉ။

၁၄ တူၺ်းလူႊ၊ၵဝ်တၵ်းယႃႉၽဵဝ်ႈၶဝ်ပႅတ်ႈ လူၺ်ႈၵၼ်တင်းလိၼ်မိူင်းဢေႃႈ။ ပုၼ်ႈမႂ်းၸမ်းဢဝ်မႆႉၵူဝ်ႇၽရလႄႈ ႁဵတ်းႁိူဝ်းသၢင်းၽေႃးတႃႉ။ၵႃႈတီႈၽၢႆႇၼႂ်းမၼ်းၵေႃႈႁဵတ်းပဵၼ်လုၵ်းပဵၼ်လုၵ်းဝႆႉတႃႉ။ဢဝ်ယၢင်ႊပႅၵ်ႇတႃးၵႃႈတီႈၽၢႆႇ ၼွၵ်ႈၵႃႈတီႈၽၢႆႇၼႂ်းတင်းသဵင်ႈတင်းလူင်တႃႉ။

၁၅ ပုင်ႇႁၢင်ႊႁိူဝ်းသၢင်းၽေႃးဢၼ်တၵ်းလႆႈႁဵတ်းၸမ်း၊ ၼႃႈယၢဝ်းမၼ်းတၵ်းလႆႈမီး သၢမ်ပၢၵ်ႇသွၵ်ႇ၊ ၼႃႈပွတ်းမၼ်း ႁႃႈသိပ်းသွၵ်ႇ၊ ဢၼ်သုင်မၼ်းသၢမ်သိပ်းသွၵ်ႇ ဢေႃႈ။

၁၆ ႁူးပုၼ်ႈဢၼ်တၵ်းလႅင်းၵေႃႈတၵ်းလႆႈႁဵတ်းဢေႃႈ။ ႁူးၼၼ်ႉတၵ်းလႆႈႁဵတ်းမီးသွၵ်ႇၼိုင်ႈၵႃႈၼိူဝ်ဢေႃႈ။ၵႃႈတီႈပႅမ်ႉႁိူဝ်းသၢင်းၽေႃးၽၢႆႇၼိုင်ႈတၵ်းလႆႈႁဵတ်းၽၵ်းတူဢေႃႈ။ တၵ်းလႆႈႁဵတ်းႁႂ်ႈမီးႁၢၼ်ႉတႂ်ႈ၊ ႁၢၼ်ႉၵၢင်၊ႁၢၼ်ႉၼိူဝ်၊သၢမ်ႁၢၼ်ႉဢေႃႈ။

၁၇ ၵဝ်တၵ်းႁႂ်ႈၼမ်ႉထုမ်ႈလိၼ်မိူင်း ႁႂ်ႈလႆႈယႃႉၽဵဝ်ႈပႅတ်ႈသတ်ႉတဝႃႇဢၼ်ဢသၢၵ်ႈလိပ်းယူႇ ၵႃႈမီးတင်းသဵင်ႈတင်းလူင်သေၵႃႈတႂ်ႈၽႃႉၵၢင်ႁၢဝ်လႄႈ ၵႃႈဢၼ်မီးၵႃႈၼိူဝ်လိၼ်မိူင်း တင်းသဵင်ႈတင်းလူင်တၵ်းလႆႈတၢႆဢေႃႈ။

၁၈ တီႈမႂ်းၸမ်းၵဝ်တၵ်းႁႂ်ႈပတိၺိၼ်ႇၵဝ်တႄႇဢေႃႈ။ၸႃႉၸဵမ်မႂ်းလႄႈလုၵ်ႈၸၢႆးမႂ်းမေးမႂ်းတင်းလုၵ်ႈပႂ်ႉမႂ်းတင်းလၢႆ တၵ်းလႆႈ ၶဝ်ႈၵႃႈၼႂ်း ႁိူဝ်းသၢင်းၽေႃးၼၼ်ႉဢေႃႈ။

၁၉ ၵႃႈၼႂ်းတရိၵ်ႈသၢၼ်ႇဢၼ်ဢသၢၵ်ႈ လိပ်းၵူႈၸိူဝ်ႉၵူႈပိူင်ၼၼ်ႉၵေႃႈ မႂ်းတၵ်းလႆႈဢဝ်တူဝ်ပေႃႈတူဝ်မေႈၵူပ်းၵူႈၵၼ်လႄႈ သႂၢင်းသႂ်ႇၵႃႈၼႂ်းႁိူဝ်းသၢင်းၽေႃး ႁႂ်ႈၶဝ်လႆႈဢသၢၵ်ႈလိပ်းၶျၢမ်းသႃႇလူၺ်ႈၵၼ်တင်းမႂ်းဢေႃႈ။

၂၀ ၼူၵ်ႉလႂ်ၵေႃႈမဵဝ်းလႂ်မဵဝ်းၼၼ်ႉ၊ တူဝ်ထိူၼ်ႇလႂ်ၵေႃႈမဵဝ်းလႂ်မဵဝ်းၼၼ်ႉ၊ တရိၵ်ႈသၢၼ်ႇဢၼ်ၸၢင်ႊၵွႃႇၸၢင်ႊၵၢၼ်းလႂ်ၵေႃႈမဵဝ်းလႂ်မဵဝ်းၼၼ်ႉ၊ တူဝ်ပေႃႈတူဝ်မေႈၵူပ်းၵူႈၵၼ်လႄႈ တၵ်းဢွၼ်ၵၼ်မႃးၸူး ၵႃႈတီႈမႂ်းႁႂ်ႈဢ သၢၵ်ႈလႆႈလိပ်းၶျၢမ်းသႃႇဢေႃႈ။

၂၁ မႂ်းတၵ်းလႆႈဢဝ်တၢင်းၵိၼ်ဢၼ်လီၵိၼ်ၵူႈၸိူဝ်ႉၵူႈပိူင်ၼၼ်ႉ ၸူႉသိမ်းဝႆႉတီႈမႂ်း ဢေႃႈ။

၂၂ တၵ်းပဵၼ်ပုၼ်ႈဢၼ်တူဝ်မႂ်းတၵ်းၵိၼ်ဢိၵ်ႇတင်း ပုၼ်ႈတရိၵ်ႈသၢၼ်ႇတင်းလၢႆတၵ်းၵိၼ်ဢေႃႈ၊ဝႃႈၼင်ႇၼႆဢေႃႈ။ၸွမ်းၵႃႈၼင်ႇဢၼ်မၼ်းၸဝ်ႈသင်ႇလၢတ်ႈဝႆႉၼၼ်ႉ ၼုဝ်းဢႃႇ ၵေႃႈႁဵတ်းၸွမ်းဢေႃႈ။