၇
၁ ဝၢႆးၼၼ်ႉ ထႃႇဝရႃႉၽြႃးသမ်ႉမီးဢမိင်ႉသင်ႇလၢတ်ႈဝႆႉတီႈ ၼုဝ်းဢႃႇ ၼၼ်ႉထႅင်ႈလႄႈဝႃႈၸမ်း၊- ပိူဝ်ႈဢၼ်ၵဝ်ႁူႉႁၼ် လွင်ႈဢၼ်မႂ်းသိုဝ်ႈတေႃႇၵႃႈတီႈၽၢႆႇၼႃႈၵဝ်ၵႃႈၼႂ်းမဵဝ်းၸိူဝ်ႉၶိူဝ်းၵႃႇလမိူဝ်ႈလဵဝ်ၼႆႉလႄႈ ၸႃႉၸဵမ်မႂ်းဢိၵ်ႇတင်းၵူၼ်းႁိူၼ်းၵူၼ်းယေးမႂ်း ဢွၼ်ၵၼ်ၶဝ်ႈၵႃႈ ၼႂ်းႁိူဝ်းသၢင်းၽေႃးတႃႉ။
၂ ၼင်ႇႁိုဝ်ၸိူဝ်ႉၶိူဝ်းတရိၵ်ႈသၢၼ်ႇတၵ်းဢသၢၵ်ႈလိပ်းလႄႈ သိုပ်ႇၵွႃႇမိူဝ်းၼႃႈၵႃႈၼိူဝ်ၼႃႈလိၼ်မိူင်းၼႆႉၸိုင် မႂ်းတၵ်းလႆႈဢဝ်တူဝ်မဵဝ်း ဢၼ်မူတ်းသႂ် ယေႈမဵဝ်းတူဝ်ပေႃႈတူဝ်မေႈၸဵတ်းၵူ၊
၃ တူဝ်မဵဝ်းဢၼ်ဢမ်ႇမူတ်းသႂ် ယေႈမဵဝ်းတူဝ်ပေႃႈတူဝ်မေႈသွင်ၵူ၊ၼူၵ်ႉၵၢင်ႁၢဝ်ယေႈမဵဝ်းတူဝ်ပေႃႈတူဝ်မေႈ ၸဵတ်းၵူသိမ်းဝႆႉတီႈမႂ်းဢေႃႈ။
၄ လွင်ႈမၼ်းၸမ်းၸႃႉၸဵမ်မိူဝ်ႈၼႆႉၵွႃႇမိူဝ်းၼႃႈတေႃႇထိုင်ႁွတ်ႈၸဵတ်းဝၼ်း ၵဝ်တၵ်းႁႂ်ႈၽူၼ်တူၵ်း ၵႃႈၼိူဝ်လိၼ်မိူင်းၼႆႉသီႇသိပ်းဝၼ်းသီႇသိပ်းၶိုၼ်းတဵမ်တဵမ်ဢေႃႈ။ၵဝ်တၵ်းယႃႉၽဵဝ်ႈပႅတ်ႈသတ်ႉတဝႃႇဢၼ်ၵဝ်ႁဵတ်းပဵၼ်ၵႃႈမီး တင်းသဵင်ႈတင်းလူင်သေၵႃႈၼိူဝ်ၼႃႈလိၼ်မိူင်းၼႆႉဢေႃႈ၊ ဝႃႈၼင်ႇၼႆဢေႃႈ။
၅ ၵႃႈၼင်ႇဢၼ် ထႃႇဝရႃႉၽြႃး သင်ႇလၢတ်ႈဝႆႉၼၼ်ႉၼုဝ်းဢႃႇ ႁဵတ်းၸွမ်းဢေႃႈ။
၆ မိူဝ်ႈဢၼ်မၼ်းၸဝ်ႈႁႂ်ႈၼမ်ႉထုမ်ႈမိူင်းၼၼ်ႉ ၼုဝ်းဢႃႇ ဢသၢၵ်ႈလႆႈႁူၵ်းပၢၵ်ႇ ပီႊဢေႃႈ။
၇ ၼုဝ်းဢႃႇ ဢိၵ်ႇတင်းလုၵ်ႈၸၢႆးမၼ်းမေးမၼ်းတင်းလုၵ်ႈပႂ်ႉမၼ်းတင်းလၢႆ ဢွၼ်ၵၼ်ၶဝ်ႈၵႃႈၼႂ်းႁိူဝ်းသၢင်းၽေႃး ၵွပ်ႈပိူဝ်ႈတၢင်းဢၼ်ၼမ်ႉထုမ်ႈ မိူင်းၼၼ်ႉလႄႈ
၈ ၵႃႈၼင်ႇဢၼ်ၽြႃးပဵၼ်ၸဝ်ႈသင်ႇလၢတ်ႈဝႆႉၼၼ်ႉ ၵႃႈၼႂ်းတူဝ်ဢၼ်မူတ်းသႂ်လႂ်၊ၵႃႈၼႂ်းတူဝ်ဢၼ်ဢမ်ႇမူတ်းသႂ်လႂ်၊ ၵႃႈၼႂ်းၼူၵ်ႉလႂ်၊ၵႃႈၼႂ်း တရိၵ်ႈသၢၼ်ႇ ဢၼ်ၸၢင်ႊၵွႃႇၸၢင်ႊၵၢၼ်းၵႃႈၼိူဝ်လိၼ်လႂ်၊
၉ တူဝ်ပေႃႈတူဝ်မေႈ ၵူပ်းၵူႈၵၼ်လႄႈဢွၼ်ၵၼ်ၶဝ်ႈၸူးၵႃႈတီႈၼုဝ်းဢႃႇၵႃႈၼႂ်းႁိူဝ်းသၢင်းၽေႃးၼၼ်ႉဢေႃႈ။
၁၀ မိူဝ်ႈဢၼ်ပူၼ်ႉသေၸဵတ်းဝၼ်းယဝ်ႉၼၼ်ႉၸိုင်၊ ၼမ်ႉဢၼ်ထုမ်ႈမိူင်းၼၼ်ႉ ပေႃႇပဵၼ်မႃးၵႃႈၼိူဝ်လိၼ်မိူင်း ဢေႃႈ။
၁၁ ၼႂ်းဝၼ်းဢၼ်ဢသၢၵ်ႈၼုဝ်းဢႃႇထူၼ်ႈထိုင်ႁူၵ်းပၢၵ်ႇပီႊလိူၼ်တုတိယသိပ်းၸဵတ်းဝၼ်းၼၼ်ႉ၊ ႁူးၼမ်ႉၶုမ်ၼမ်ႉ ဢၼ်မီးၵႃႈၼႂ်းတီႈဢၼ်လိုၵ်ႉဢၼ်လမ်ႇ ဢၼ်ယႂ်ႇၵႂၢင်ႈၼႃႇၼၼ်ႉ
၁၂ ၵႃႈမီးတင်းသဵင်ႈတင်းလူင်လူႉလႅဝ်ဢွၵ်ႇၼမ်ႉလႄႈ ႁူးၼမ်ႉၵႃႈၼိူဝ်ၵၢင်ႁၢဝ် တင်းလၢႆၵေႃႈၽုၺ်ႇပိုတ်ႇသေယဝ်ႉ ၽူၼ်တူၵ်းၵႃႈၼိူဝ်လိၼ်မိူင်းသီႇသိပ်းဝၼ်းသီႇသိပ်းၶိုၼ်းတဵမ်တဵမ်ဢေႃႈ။
၁၃ ၼႂ်းဝၼ်းၼၼ်ႉ ၸႃႉၸဵမ်ၼုဝ်းဢႃႇတင်းမေးမၼ်းလုၵ်ႈၸၢႆးမၼ်းသမ်ၵေႃႉဢၼ်ပဵၼ် သေႇမ၊ႁႃႇမ၊ယႃႇၽိတ်ႉ၊တင်းလုၵ်ႈပႂ်ႉမၼ်းသၢမ်ၵေႃႉဢိၵ်ႇတင်း မဵဝ်းတူဝ်ႁၢႆႉမဵဝ်း တူဝ်ယိၼ်ႇငႄႈ မဵဝ်းတရိၵ်ႈသၢၼ်ႇ
၁၄ ဢၼ်ၸၢင်ႊၵွႃႇၸၢင်ႊၵၢၼ်းၵႃႈၼိူဝ်လိၼ်၊ မဵဝ်းၵႆႇ၊ မဵဝ်းၼူၵ်ႉဢၼ်ၸၢင်ႊမိၼ်ၸိူဝ်းၼၼ်ႉ ဢွၼ်ၵၼ်ၶဝ်ႈၵႃႈၼႂ်းႁိူဝ်းသၢင်း ၽေႃးဢေႃႈ။
၁၅ ၵႃႈၼႂ်းသတ်ႉတဝႃႇဢၼ်ဢသၢၵ်ႈလိပ်းၵူႈမဵဝ်းၼၼ်ႉ ပဵၼ်ၵူပ်းပဵၼ်ၵူႈသေလႄႈဢွၼ်ၵၼ်ၶဝ်ႈၸူးၵႃႈတီႈ ၼုဝ်းဢႃႇ ၵႃႈၼႂ်းႁိူဝ်းသၢင်းၽေႃးဢေႃႈ။
၁၆ၵႃႈၼင်ႇဢၼ် ၽြႃးပဵၼ်ၸဝ်ႈ သင်ႇလၢတ်ႈဝႆႉတီႈၼုဝ်းဢႃႇ ၼၼ်ႉၵႃႈၼႂ်းသတ်ႉတဝႃႇၵူႈၸိူဝ်ႉၵူႈမဵဝ်း တူဝ်ပေႃႈတူဝ်မေႈဢွၼ်ၵၼ်ၶဝ်ႈဢေႃႈ။ထႃႇဝရႃႉၽြႃးၵေႃႈဢိုတ်းႁပ်း ၼုဝ်းဢႃႇ ဝႆႉၵႃႈၼႂ်းႁိူဝ်းဢေႃႈ။
၁၇ တၢင်းဢၼ်ၼမ်ႉထုမ်ႈၼၼ်ႉ ယႂ်ႇၽႄႈၼမ်ၵိုၼ်းမႃးၵႃႈၼိူဝ်လိၼ်မိူင်း သီႇသိပ်းဝၼ်း တဵမ်တဵမ်ယူႇသေလႄႈ ႁႂ်ႈႁိူဝ်းသၢင်းၽေႃး ၽၢတ်ႇယၢၼ်ၵၼ်တင်း လိၼ်သေယဝ်ႉယုၵ်ႉၶိုၼ်ႈဢေႃႈ။
၁၈ ၵမ်းၼၼ်ႉၼမ်ႉယႂ်ႇၽႄႈၼႃႇလႄႈ ၼမ်ၵိုၼ်းမႃးၵႃႈၼိူဝ်လိၼ်မိူင်းၼႃႇလူင်လၢင်လႄႈ ႁိူဝ်းသၢင်းၽေႃးၼၼ်ႉၽူးလွင်ႈၵႃႈၼိူဝ် ၼႃႈၼမ်ႉယူႇဢေႃႈ။
၁၉ လိုၼ်းၼၼ်ႉၼမ်ယႂ်ႇၽႄႈၼႃႇလူင်လၢင်လႄႈ လွႆလူင်ၵႃႈဢၼ်မီးတႂ်ႈၽႃႉၵၢင်ႁၢဝ် တင်းသဵင်ႈတင်းလူင်ၸူမ်ၵွႃႇဢေႃႈ။
၂၀ ၼမ်ႉပူၼ်ႉၶိုၼ်ႈၵႃႈၼိူဝ်ၵႃႈမီးတင်းသဵင်ႈတင်းလူင်သိပ်းႁႃႈသွၵ်ႇလႄႈ လွႆ တင်းသဵင်ႈတင်းလူင်ၸူမ်ၵွႃႇဢေႃႈ။
၂၁ တရိၵ်ႈသၢၼ်ႇဢၼ်ၸၢင်ႊတူင်ႉၸၢင်ႊၼိုင် ၵႃႈၼိူဝ်လိၼ်ၵူႈၸိူဝ်ႉၵူႈမဵဝ်းဢၼ်ဝႃႈၼူၵ်ႉ၊ တူဝ်ယိၼ်ႇငႄႈ၊တူဝ်ႁၢႆႉ၊ တရိၵ်ႈသၢၼ်ႇဢၼ်ၸၢင်ႊၵွႃႇၸၢင်ႊၵၢၼ်း တင်းသဵင်ႈတင်းလူင် ဢိၵ်ႇတင်း ၵူၼ်းတင်းသဵင်ႈတင်းလူင်တၢႆမူတ်း ဢေႃႈ။
၂၂ ၵႃႈဢၼ်ထူၺ်ႈၸႂ်ဢသၢၵ်ႈယူႇလႄႈ မီးၵႃႈၼိူဝ်လိၼ်တင်းသဵင်ႈတင်းလူင်တၢႆသဵင်ႈဢေႃႈ။ မၼ်းၸဝ်ႈ ယႃႉၽဵဝ်ႈၵႃႈဢၼ်ဢသၢၵ်ႈလိပ်းၵႃႈၼိူဝ်ၼႃႈလိၼ်တင်းသဵင်ႈတင်းလူင်ဢၼ်ဝႃႈၵူၼ်းလႂ်၊ တူဝ်ဢၼ်ၸၢင်ႊၵွႃႇၸၢင်ႊၵၢၼ်းလႂ်၊ ၼူၵ်ႉၵၢင်ႁၢဝ်လႂ်ၸိူဝ်း ၼၼ်ႉပႅတ်ႈဢေႃႈ။
၂၃ ၶဝ်ႁွတ်ႈထိုင်တၢင်းဢၼ်လူႉလႅဝ်ႁၢႆလၢႆၵွႃႇၵႃႈၼိူဝ်လိၼ်မိူင်းဢေႃႈ။ယင်းၵိုတ်းဝႆႉၸႃႉၸဵမ်ၼုဝ်းဢႃႇ လႄႈၶဝ်ၸိူဝ်းဢၼ်မီးယူႇလူၺ်ႈၵၼ်တင်း မၼ်းၵႃႈၼိူဝ်ႁိူဝ်းသၢင်းၽေႃးၼၼ်ႉၵူၺ်းဢေႃႈ။
၂၄ ၼမ်ႉၵေႃႈ တႄႇယူႇၵႃႈၼိူဝ်လိၼ်မိူင်းယႂ်ႇၼႃႇလူင်လၢင်ပၢၵ်ႇပၢႆႁႃႈသိပ်းဝၼ်းတဵမ်တဵမ်ဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ