Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၇

သွင်ႇမင်ႇၵလႃႇၵၼ်တင်းၸဝ်ႈဢၼ်လုၵ်ႉၵႃႈတၢင်းတၢႆၶိုၼ်းလိပ်း

၁ ပီႈၼွင်ႉဢၼ်ႁူႉပိင်းၺၢပ်ႈတြႃးၶဝ်ဢိူၺ်း၊ၸွင်ႇသူဢမ်ႇႁူႉလွင်ႈဢၼ်ဝႃႈ၊ပိင်းၺၢပ်ႈတြႃးဢုပ်ႉပိူင်ႇၵႃႈၼိူဝ်ၵူၼ်းၼႂ်းမိူဝ်ႈဢၼ်မၼ်းဢသၢၵ်ႈလိပ်းယူႇၼၼ်ႉၵူၺ်းဢေႃႈ။

၂ ဢူႉပမႃႇၸမ်း၊ၽူႈယိင်းဢၼ်မီးၽူဝ်ၼၼ်ႉၸူဝ်ႈဢၼ်ၽူဝ်မၼ်းယင်းဢသၢၵ်ႈလိပ်းယူႇၼၼ်ႉၸွမ်းၼင်ႇပိင်းၺၢပ်ႈတြႃးလႄႈမၼ်းလႆႈၸပ်းယူႇတီႈၽူဝ်မၼ်းဢေႃႈ။ပေႃးၽူဝ်မၼ်းတၢႆၸိုင်၊မၼ်းလွတ်ႈတင်းပိင်းၺၢပ်ႈတြႃးဢၼ်လႆႈၸပ်းယူႇတီႈၽူဝ်မၼ်းၼၼ်ႉယဝ်ႉ။

၃ ပိူဝ်ႈၼႆလႄႈၸူဝ်ႈဢၼ်ၽူဝ်မၼ်းယင်းဢသၢၵ်ႈလိပ်းယူႇၼၼ်ႉပေႃးမၼ်းဢဝ်ၽူဝ်တၢင်ၵေႃႉၸိုင်မၼ်းတၵ်းလႆႈၶၢမ်ႇတၢင်းဢၼ်ႁွင်ႉပဵၼ်မေႈယိင်းဢၼ်လဵၼ်ႈၽူဝ်ဢွၼ်ႇဢေႃႈ။ပေႃးၽူဝ်မၼ်းတၢႆၸိုင်၊ပဵၵ်ႉသမ်ႉမၼ်းၶိုၼ်းဢဝ်ၽူဝ်သေၵေႃႈမၼ်းဢမ်ႇမီးလွင်ႈဢၼ်တၵ်းလႆႈၶၢမ်ႇပိူၼ်ႈႁွင်ႉဝႃႈမေႈယိင်းဢၼ်လဵၼ်ႈၽူဝ်ဢွၼ်ႇ။

၄ မိူၼ်ၼင်ႇၼၼ်ပီႈၼွင်ႉၶဝ်ဢိူၺ်း၊သူတၢႆၼႂ်းတူဝ်ၸဝ်ႈၶရိၸ်ႉလႄႈလႆႈၽၢတ်ႇယၢၼ်ၵၼ်တင်းပိင်းၺၢပ်ႈတြႃးသေယဝ်ႉႁႂ်ႈလႆႈပဵၼ်မေးတၢင်ႇၵေႃႉဢၼ်ပဵၼ်ၸဝ်ႈဢၼ်လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉလႄႈမၢၵ်ႇမၢၵ်ႇမႃးပုၼ်ႈၽြႃးပဵၼ်ၸဝ်ႈၼၼ်ႉဢေႃႈ။

၅ မိူဝ်ႈဢၼ်ႁဝ်းယင်းမီးယူႇၼႂ်းၸႃႇတိပၵတိၼၼ်ႉၸိုင်ၸႂ်ဢၼ်ၸၢပ်ႈသႅင်ႇၵၼ်တင်းဢပျႅတ်ႈၼၼ်ႉဢွၵ်ႇမႃးၵွပ်ႈပိူဝ်ႈပိင်းၺၢပ်ႈတြႃးလႄႈပွင်ႁဵတ်းယူႇၵႃႈၼႂ်းဢင်ႇၵႃႇတူဝ်ႁဝ်းတင်းလၢႆႁႂ်ႈလႆႈမၢၵ်ႇမႃးၸွမ်းၼင်ႇဢလူဝ်ႇတြႃးတင်းတၢႆၼၼ်ႉဢေႃႈ။

၆ တေႃႈလဵဝ်ၼႆႉၸမ်းလွင်ႈၼင်ႇႁိုဝ်ႁဝ်းယင်းဢမ်ႇဢိင်ပိုင်ႈတြႃးဢၼ်ၵဝ်ႇဢၼ်မႃးၼႂ်းၵျၢမ်းလိၵ်ႈၼၼ်ႉလႄႈတၵ်းဢိင်ပိုင်ႈဝိၺိၺ်ႇၸဝ်ႈဢၼ်မႂ်ႇသေယဝ်ႉပွင်ႁဵတ်းဢမူႉၸဝ်ႈၸိုင်ႁဝ်းလႆႈတၢႆၵႃႈတီႈလွင်ႈတၢင်းဢၼ်ဢုပ်ႉပိူင်ႇႁဝ်းၼၼ်ႉသေယဝ်ႉလႆႈၵၢင်းလွတ်ႈသေၵႃႈတႂ်ႈပိင်းၺၢပ်ႈတြႃးၼၼ်ႉဢေႃႈ။

တၢင်းဢၼ်ၵူၼ်းယုမ်ႇမၢတ်ႈလႆႈၶႄႉၶဵင်ႇ

၇ ပိူဝ်ႈၼႆလႄႈတၵ်းလႆႈဝႃႈၸိူဝ်ႉၼင်ႇႁိုဝ်။ပိင်းၺၢပ်ႈတြႃးၼၼ်ႉပဵၼ်ဢပျႅတ်ႈႁိုဝ်။ဢမ်ႇၸႂ်ႈၸိူဝ်ႉၼင်ႇၼၼ်။ၵွပ်ႈပိူဝ်ႈပိင်းၺၢပ်ႈတြႃးလႄႈၵဝ်လႆႈႁူႉႁူႉဢပျႅတ်ႈဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်း၊ယႃႇပေမီးၸႂ်လေႃးၽႃႉဝႃႈၼႆပေႃးပိင်းၺၢပ်ႈတြႃးဢမ်ႇဝႃႈၸိုင်ၵဝ်ဢမ်ႇႁူႉသၽေႃးလေႃးၽႃႉ။

၈ ဢပျႅတ်ႈတြႃးဢဝ်ဢၶႂၢင်ႉပိင်းၺၢပ်ႈတြႃးလႄႈႁႂ်ႈၸႂ်လေႃးၽႃႉၵူႈၸိူဝ်ႉၵူႈပိူင်ပဵၼ်မႃးၼႂ်းၵဝ်ဢေႃႈ။လွင်ႈမၼ်းၸမ်း၊လိူဝ်သပေိင်းၺၢပ်ႈတြႃးၼၼ်ႉဢပျႅတ်ႈတြႃးပဵၼ်တၢင်းတၢႆဢေႃႈ။

၉ မိူဝ်ႈဢွၼ်ၼၼ်ႉပိူဝ်ႈဢၼ်ပိင်းၺၢပ်ႈတြႃးဢမ်ႇမီးလႄႈၵဝ်ဢသၢၵ်ႈလိပ်းယူႇဢေႃႈ။မိူဝ်ႈဢၼ်ပိင်းၺၢပ်ႈတြႃးႁွတ်ႈမႃးၼၼ်ႉၸိုင်ဢပျႅတ်ႈတြႃးသမ်ႉၶိုၼ်းလိပ်းမႃးဢေႃႈ။

၁၀ ၵဝ်ၵေႃႈလႆႈတၢႆဢေႃႈ။ပိင်းၺၢပ်ႈတြႃးဢၼ်ထၢင်ႇဝႃႈတၵ်းပၼ်တၢင်းဢၼ်ဢသၢၵ်ႈလိပ်းၼၼ်ႉသမ်ႉပဵၼ်တၢင်းတၢႆဢေႃႈ။

၁၁ လွင်ႈမၼ်းၸမ်း၊ဢပျႅတ်ႈတြႃးဢဝ်ဢၶႂၢင်ႉပိင်းၺၢပ်ႈတြႃးလႄႈပႅတ်ႉလႅၼ်ၵဝ်ယဝ်ႉၸင်ႇဢဝ်ၵဝ်တၢႆဢေႃႈ။

၁၂ ပိူဝ်ႈၼႆလႄႈပိင်းၺၢပ်ႈတြႃးမူတ်းၸၢင်ႇဢေႃႈ။တြႃးၸဝ်ႈၵေႃႈမူတ်းၸၢင်ႇသိုဝ်ႈတေႃႇမျၢတ်ႈလီဢေႃႈ။

၁၃ ပေႃးပဵၼ်ၸိူဝ်ႉၼင်ႇၼၼ်ၸိုင်ဢၼ်မျၢတ်ႈလီၼၼ်ႉပဵၼ်တၢင်းတၢႆတီႈၵဝ်ႁိုဝ်။ဢမ်ႇပဵၼ်ၸိူဝ်ႉၼင်ႇၼၼ်။ၼင်ႇႁိုဝ်သၽေႃးဢပျႅတ်ႈတြႃးတၵ်းလႆႈထၢင်ႇသႃးမႃးၸိုင်မၼ်းဢဝ်လွင်ႈတၢင်းဢၼ်မျၢတ်ႈလီမၼ်းၼၼ်ႉႁဵတ်းတၢင်းတၢႆတီႈၵဝ်ဢေႃႈ။ပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈဢပျႅတ်ႈတြႃးမီးတၢင်းဢၼ်တဵမ်ဝႆႉတင်းဢပျႅတ်ႈၼႃႇလူင်လၢင်ၵွပ်ႈပိူဝ်ႈပိင်းၺၢပ်ႈတြႃးဢေႃႈ။

၁၄ ႁဝ်းႁူႉလွင်ႈဢၼ်ပိင်းၺၢပ်ႈတြႃးၸၢပ်ႈသႅင်ႇၵၼ်တင်းဝိၺိၺ်ႇပၵတိယူႇဢေႃႈ။ၵဝ်ၸမ်း၊မီးၸႃႇတိပၵတိလႄႈလႆႈၶၢမ်ႇတၢင်းဢၼ်ၶၢႆပႅတ်ႈႁႂ်ႈပဵၼ်ၶႃႈတႂ်ႈမိုဝ်းဢပျႅတ်ႈတြႃးဢေႃႈ။

၁၅ လွင်ႈမၼ်းၸမ်း၊ၵဝ်ယင်းဢမ်ႇႁူႉဢၼ်ၵဝ်ႁဵတ်းၼၼ်ႉ။ဢၼ်ၵဝ်ၶႂ်ႈႁဵတ်းၼၼ်ႉၵဝ်ဢမ်ႇႁဵတ်း။ၵဝ်ႁဵတ်းဢၼ်ၵဝ်လီႁင်ႈၼၼ်ႉဢေႃႈ။

၁၆ ပေႃးၵဝ်ႁဵတ်းဢၼ်ၵဝ်ဢမ်ႇၶႂ်ႈႁဵတ်းၼၼ်ႉၸိုင်၊ပိင်းၺၢပ်ႈတြႃးပဵၼ်ဢၼ်လီဢေႃႈ၊ဝႃႈၼႆၵဝ်ႁပ်ႉတုင်းဢဝ်ဢေႃႈ။

၁၇ ပေႃးပဵၼ်ၸိူဝ်ႉၼင်ႇၼႆၸိုင်၊ဢၼ်ဢမ်ႇလီၸိူဝ်းၼၼ်ႉပဵၼ်ၵဝ်ႁဵတ်းဢမ်ႇၸႂ်ႈ။ပဵၼ်ဢပျႅတ်ႈတြႃးဢၼ်မီးယူႇၵႃႈၼႂ်းၵဝ်ၼၼ်ႉႁဵတ်းဢေႃႈ။

၁၈ ၵဝ်ႁူႉလွင်ႈဢၼ်ဝႃႈဢၼ်လီဢၼ်ငၢမ်းသေၸိူဝ်ႉသေပိူင်ဢမ်ႇတႄႇဢမ်ႇမီးၵႃႈၼႂ်းၵဝ်ဢၼ်ပဵၼ်ၸႃႇတိပၵတိၵဝ်ၼႆႉ။လွင်ႈမၼ်းၸမ်းပဵၵ်ႉသမ်ႉၵဝ်မီးၸႂ်ဢၼ်ၶႂ်ႈၵမ်ၶႂ်ႈၵျၢင်ႉဢၼ်မၢၼ်ႇဢၼ်မႅၼ်ႈသေၵေႃႈၵဝ်ဢမ်ႇၵမ်ဢမ်ႇၵျၢင်ႉလႆႈ။

၁၉ လွင်ႈမၼ်းၸမ်းဢၼ်လီဢၼ်ငၢမ်းဢၼ်ၵဝ်ၶႂ်ႈၵမ်ၶႂ်ႈၵျၢင်ႉၸိူဝ်းၼၼ်ႉၵေႃႈၵဝ်ဢမ်ႇၵမ်ဢမ်ႇၵျၢင်ႉ။ဢၼ်ႁၢႆႉဢၼ်မိူၵ်ႈဢၼ်ၵဝ်ဢမ်ႇၶႂ်ႈႁဵတ်းၼၼ်ႉၵေႃႈၵဝ်ႁဵတ်းဢေႃႈ။

၂၀ ပေႃးၵဝ်ႁဵတ်းဢၼ်ၵဝ်ဢမ်ႇၶႂ်ႈႁဵတ်းၼၼ်ႉၸိုင်ပဵၼ်ၵဝ်ႁဵတ်းဢမ်ႇၸႂ်ႈ။ပဵၼ်ဢပျႅတ်ႈတြႃးဢၼ်မီးယူႇၵႃႈၼႂ်းၵဝ်ၼၼ်ႉႁဵတ်းဢေႃႈ။

၂၁ ၵဝ်လႆႈႁၼ်ပိင်းၺၢပ်ႈတြႃးဢၼ်ဝႃႈမိူဝ်ႈဢၼ်ၵဝ်ၶႂ်ႈႁဵတ်းဢၼ်လီဢၼ်ငၢမ်းၼၼ်ႉၸိုင်ဢၼ်ႁၢႆႉဢၼ်မိူၵ်ႈၼၼ်ႉမီးၸမ်ဝႆႉဢေႃႈ။

၂၂ ၸွမ်းၼင်ႇၵူၼ်းၵႃႈၼႂ်းၼၼ်ႉၵဝ်ၸၢင်ႊမူၼ်ႈပျေႃႇၼႂ်းပိင်းၺၢပ်ႈတြႃးၽြႃးပဵၼ်ၸဝ်ႈဢေႃႈ။

၂၃ ၵူၺ်းၵႃႈၵဝ်ႁၼ်တြႃးပႃးၼိုင်ႈဢၼ်မီးၼႂ်းတူဝ်ၶိင်းၵဝ်ၼၼ်ႉတိုၵ်းၵၼ်တင်းၸႂ်ဝိၺိၺ်ႇတြႃးလႄႈတီႉဢဝ်ၵဝ်ၵႂႃႇဢၢပ်ႈပၼ်ၵႃႈၼႂ်းမိုဝ်းဢပျႅတ်ႈတြႃးဢၼ်မီးၼႂ်းတူဝ်ၶိင်းၵဝ်ၼၼ်ႉဢေႃႈ။

၂၄ ၵဝ်ပဵၼ်ၵေႃႉဢၼ်မႆႈၸႂ်ယၢပ်ႇၸႂ်ၼႃႇလူင်လၢင်ႈဢေႃႈ။ၽူႈလႂ်တၵ်းၵႄႇသႄႇၵဝ်ႁႂ်ႈလွတ်ႈဢွၵ်ႇသေၵႃႈတီႈတူဝ်တၢႆၼႆႉ။

၂၅ ၵျေးၸူးၽြႃးပဵၼ်ၸဝ်ႈဢၼ်ပွႆႇလွတ်ႈပၼ်ၵွပ်ႈပိူဝ်ႈၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉယႂ်ႇၼႃႇလူင်လၢင်ဢေႃႈ။ၼင်ႇၼၼ်လႄႈၸွမ်းလူၺ်ႈၸႂ်ဝိၺိၺ်ႇၼၼ်ႉၵဝ်ပဵၼ်ၶႃႈတြႃးၽြႃးပဵၼ်ၸဝ်ႈဢေႃႈ။ၸွမ်းလူၺ်ႈတူဝ်ၶိင်းၼၼ်ႉၵဝ်ပဵၼ်ၶႃႈဢပျႅတ်ႈတြႃးဢေႃႈ။