လိၵ်ႈဢေႃးဝႃႇတႃ့ဢေးၽႅတ်ႈ
၅
တၢင်းႁဵတ်းဢၼ်လႅင်းတင်းဢၼ်လပ်းသိင်ႇ
၁ ၼင်ႇၼၼ်လႄႈ၊ၸိူဝ်ႉၼင်ႇဢၼ်သူပဵၼ်လုၵ်ႈႁၵ်ႉၽြႃးပဵၼ်ၸဝ်ႈၼၼ်ႉယိူင်ႈႁႂ်ႈမိူၼ်ၸိူဝ်ႉၼင်ႇဢၼ်ၽြႃးပဵၼ်ၸဝ်ႈတႃႉ။
၂ ၵႂႃႇမႃးယူႇၼႂ်းတၢင်းႁၵ်ႉမႅတ်ႈတႃႇမိူၼ်ၸိူဝ်ႉၼင်ႇၸဝ်ႈၶရိၸ်ႉႁၵ်ႉႁဝ်းလႄႈၸုၼ်ႉတူဝ်မၼ်းၸဝ်ႈပုၼ်ႈႁဝ်းၸိူဝ်ႉၼင်ႇတၢင်းသၢၵ်ႈၵၢပ်ႈပုၵ်ႉၸေႃႇဢၼ်ပဵၼ်ဢၢႆဢၼ်ႁွမ်ဢၼ်ႁူၺ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉတႃႉ။
၃ ၸိူဝ်ႉၼင်ႇဢၼ်ပဵၼ်ၵူၼ်းမူတ်းၸၢင်ႇၼၼ်ႉသူတၵ်းလႆႈဝေႈပႅတ်ႈတၢင်းဢၼ်ၸၢပ်ႈသႅင်ႇၵၼ်တင်းတၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃး၊တၢင်းဢၼ်ၵီႉလေႇသႃႇၵူဝ်ႈၵိူၵ်ႇ၊တၢင်းဢၼ်လေႃးၽႃႉပူၼ်ႉလိူဝ်ၸိူဝ်းၼၼ်ႉဢေႃႈ။
၄ ဝေႈပႅတ်ႈၵႂၢမ်းဢၼ်ၵူဝ်ႈၵိူၵ်ႇ၊ၵႂၢမ်းဢၼ်ႁဵတ်းပျၢၵ်ႈႁဵတ်းၶူဝ်ဢၼ်ဢမ်ႇလီဢမ်ႇထုၵ်ႇၸိူဝ်းၼၼ်ႉသေလႄႈလၢတ်ႈၵႂၢမ်းဢၼ်ယွင်ႈယေႃးၵျေးၸူးၸဝ်ႈၼၼ်ႉၵူၺ်းတႃႉ။
၅ သူႁူႉလွင်ႈဢၼ်ဝႃႈၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃး၊ၵေႃႉဢၼ်ႁဵတ်းလွင်ႈတၢင်းဢၼ်ၵူဝ်ႈၵိူၵ်ႇ၊ၵေႃႉဢၼ်လေႃးၽႃႉပူၼ်ႉလိူဝ်၊ၵေႃႉဢၼ်ၵူဝ်းၵႂၢႆႇရူၵ်ႈထူႉၸိူဝ်းၼၼ်ႉသေၵေႃႉသေၵူၼ်းဢမ်ႇလႆႈၶၢမ်ႇဢမူၺ်ႇမိူင်းၸဝ်ႈၶရိၸ်ႉတင်းမိူင်းၽြႃးပဵၼ်ၸဝ်ႈၼၼ်ႉတႃႉ။
၆ ယႃႇပေႁႂ်ႈၽူႈလႂ်သေၵေႃႉသေၵူၼ်းဢဝ်တင်းၵႂၢမ်းဢၼ်မဝ်မၢင်ႈသေလႄႈပႅတ်ႉလႅၼ်သူ။ၵွပ်ႈပိူဝ်ႈလွင်ႈတၢင်းၸိူဝ်းၼၼ်ႉလႄႈတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈႁွတ်ႈထိုင်ၵႃႈၼိူဝ်ၶဝ်ၸိူဝ်းဢၼ်ၸၢင်ႊတွပ်ႇၸၢင်ႊထဵင်ၸိူဝ်းၼၼ်ႉဢေႃႈ။
၇ ပိူဝ်ႈၼႆလႄႈယႃႇပေႁူမ်ႈပွင်းၵၼ်တင်းၶဝ်။မိူဝ်ႈဢွၼ်ၼၼ်ႉသူပဵၼ်ဢၼ်လပ်းသိင်ႇဢေႃႈ။
၈ တေႃႈလဵဝ်ၼႆႉၸမ်းသူပဵၼ်ဢၼ်လႅင်းၼႂ်းၸဝ်ႈၽြႃးဢေႃႈ။ပိူဝ်ႈၼႆလႄႈယူႇသဝ်းၸိူဝ်ႉၼင်ႇလုၵ်ႈဢၼ်လႅင်းၼၼ်ႉတႃႉ။
၉ မၢၵ်ႇဢၼ်လႅင်းၸမ်းပဵၼ်တၢင်းဢၼ်လီငၢမ်းၵူႈၸိူဝ်ႉၵူႈပိူင်၊တၢင်းဢၼ်သိုဝ်ႈတေႃႇ၊တၢင်းဢၼ်ပႂ်ႉသႅတ်ႈၸႃႇၸိူဝ်းၼၼ်ႉဢေႃႈ။
၁၀ လွင်ႈတၢင်းဢၼ်ထုၵ်ႇၸႂ်ၸဝ်ႈၽြႃးၸမ်းပဵၼ်လွင်ႈတၢင်းၸိူဝ်ႉၼင်ႇႁိုဝ်ဢၼ်ဝႃႈၼၼ်ႉဢွၼ်ၵၼ်သွၼ်ဢဝ်တႃႉ။
၁၁ ဢမ်ႇၶဝ်ႈပႃးၼႂ်းတၢင်းဢၼ်ၸၢပ်ႈသႅင်ႇၵၼ်တင်းဢၼ်လပ်းသိင်ႇဢၼ်ဢမ်ႇမီးဢၵျူဝ်းၸိူဝ်းၼၼ်ႉၵူၺ်းဢမ်ႇၵႃးယင်းၼႄပျႃႉဢပျႅတ်ႈလွင်ႈတၢင်းၸိူဝ်းၼၼ်ႉတႃႉ။
၁၂ လွင်ႈမၼ်းၸမ်းလွင်ႈတၢင်းဢၼ်ၽူၺ်ႇဢွၵ်ႇၼႄပျႃႉတၢင်းႁဵတ်းဢၼ်ၶဝ်ႁဵတ်းၼႂ်းလပ်းသိင်ႇၼၼ်ႉယင်းပဵၼ်တၢင်းဢၼ်လီဢူၵ်းလီဢၢႆယူႇဢေႃႈ။
၁၃ ဢၼ်လႅင်းႁဵတ်းႁႂ်ႈၵႃႈမီးတင်းသဵင်ႈတင်းလူင်ထၢင်ႇသႃးမႃးဢေႃႈ။
၁၄ ၵႃႈမီးတင်းသဵင်ႈတင်းလူင်ၼၼ်ႉၵေႃႈလႆႈထၢင်ႇသႃးမႃးၵွပ်ႈပိူဝ်ႈဢၼ်လႅင်းဢေႃႈ။ပိူဝ်ႈၼႆလႄႈဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်း၊-ၵေႃႉဢၼ်ၼွၼ်းလပ်းယူႇဢိူၺ်း၊တိုၼ်ႇမႃးတႃႉ။လုၵ်ႉၵႃႈတၢင်းတၢႆၶိုၼ်းလိပ်းတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်၊ၸဝ်ႈၶရိၸ်ႉတၵ်းပၼ်ဢၼ်လႅင်းတီႈမႂ်းဢေႃႈ၊ဝႃႈၼင်ႇၼႆဢေႃႈ။
၁၅ ပိူဝ်ႈၼႆလႄႈယႃႇပေပဵၼ်ၸိူဝ်ႉၼင်ႇၶဝ်ၸိူဝ်းဢၼ်ဢမ်ႇမီးပိင်ႇၺႃႇၼၼ်ႉ။ပဵၼ်ၸိူဝ်ႉၼင်ႇၶဝ်ၸိူဝ်းဢၼ်မီးပိင်ႇၺႃႇၼၼ်ႉလႄႈဢသၢၵ်ႈလိပ်းၵႂႃႇတႃႉ။
၁၆ ၵွပ်ႈပိူဝ်ႈၶိင်ႇဝၼ်းၵႃႇလႃႉတေႃႈလဵဝ်ၼႆႉႁၢႆႉယွတ်ႈၼႃႇလႄႈဢဝ်ဢၶိင်ႇဢၶႂၢင်ႉႁဵတ်းဢၼ်လီဢၼ်ငၢမ်းတႃႉ။
၁၇ ပိူဝ်ႈၼႆလႄႈယႃႇပေပဵၼ်ၵူၼ်းငိူဝ်ႈ။ပဵၼ်ၵေႃႉဢၼ်ၶႆႈၸႂ်လႄႈႁူႉလွင်ႈဢလူဝ်ႇၽြႃးပဵၼ်ၸဝ်ႈမီးၸိူဝ်ႉႁိုဝ်ၼၼ်ႉတႃႉ။
၁၈ ပႃႇပေမဝ်းၼမ်ႉၸပိတ်ႉဢၼ်ႁႂ်ႈလူႉသုမ်းၼၼ်ႉ။
၁၉ ႁႂ်ႈလႆႈတဵမ်ဝႆႉတင်းဝိၺိၺ်ႇၸဝ်ႈတႃႉ။ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ဢဝ်တင်းတၢင်းဢၼ်ႁဵတ်းၵႂၢမ်းသႃႇလၢမ်ႇၵႂၢမ်းထမ်ႇမႃႉသေလႄႈလၢတ်ႈတေႃႇၵၼ်တႃႉ။
၂၀ ဢွၼ်ၵၼ်မီးတင်းၸႂ်ဢၼ်ဢူၼ်ႈဢွၼ်ႇဢိုၼ်းယွင်ႈသေလႄႈႁဵတ်းၵႂၢမ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈတႃႉ။
ၼႂ်းလွင်ႈတၢင်းၵႃႈမီးတင်းသဵင်ႈတင်းလူင်ဢွၼ်ၵၼ်ယွင်ႈယေႃးၵျေးၸူးၽြႃးပဵၼ်ၸဝ်ႈ၊ၼႂ်းၼႃႇမႃႉၸိုဝ်သဵင်ၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉတႃႇသေႇဢမ်ႇထၢတ်ႇတႃႉ။
ၽူဝ်မေးတင်းၸိူဝ်းၸဝ်ႈ
၂၁ ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ဢဝ်တူဝ်ၸဝ်ႈၵဝ်ႇၶျႃးတႅမ်ႇၵႃႈတႂ်ႈၵၼ်ၵႃႈၼင်ႇဢၼ်ရူဝ်ႇသေႇၵူဝ်ယမ်ၸဝ်ႈၶရိၸ်ႉၼၼ်ႉတႃႉ။
၂၂ မေးၶဝ်ဢိူၺ်း၊ၸိူဝ်ႉၼင်ႇဢၼ်သူႁပ်ႉတုင်းဢဝ်တၢင်းဢၼ်ၸဝ်ႈၽြႃးဢုပ်ႉပိူင်ႇသူၼၼ်ႉ၊ႁပ်ႉတုင်းဢဝ်တၢင်းဢၼ်ၽူဝ်သူဢုပ်ႉပိူင်ႇတႃႉ။
၂၃ လွင်ႈမၼ်းၸမ်းၸိူဝ်ႉၼင်ႇဢၼ်ၸဝ်ႈၶရိၸ်ႉပဵၼ်ႁူဝ်ၸိူဝ်းၸဝ်ႈၼၼ်ႉၽူဝ်ၵေႃႈပဵၼ်ႁူဝ်ၵႃႈၼိူဝ်မေးမၼ်းဢေႃႈ။မၼ်းၸဝ်ႈပဵၼ်ၸဝ်ႈဢၼ်ၵႄႇၶျွတ်ႈဢဝ်ၸိူဝ်းၸဝ်ႈဢၼ်ပဵၼ်တူဝ်မၼ်းၸဝ်ႈၼၼ်ႉဢေႃႈ။
၂၄ ၸိူဝ်ႉၼင်ႇဢၼ်ၸိူဝ်းၸဝ်ႈႁပ်ႉတုင်းဢဝ်တၢင်းဢၼ်ၸဝ်ႈၶရိၸ်ႉဢုပ်ႉပိူင်ႇၼၼ်ႉမေးတင်းလၢႆၵေႃႈတၵ်းလႆႈႁပ်ႉတုင်းဢဝ်တၢင်းဢၼ်ၽူဝ်ၶဝ်ဢုပ်ႉပိူင်ႇၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉဢေႃႈ။
၂၅ ၽူဝ်ၶဝ်ဢိူၺ်း၊သူၵေႃႈႁၵ်ႉမေးသူမိူၼ်ၸိူဝ်ႉၼင်ႇၸဝ်ႈၶရိၸ်ႉႁၵ်ႉၸိူဝ်းၸဝ်ႈလႄႈ
၂၆ ၸုၼ်ႉတူဝ်ၸဝ်ႈၵဝ်ႇပုၼ်ႈၸိူဝ်းၸဝ်ႈ၊သုၵ်ႈပွတ်ႈၵႃႈၼႂ်းၼမ်ႉၼုၵ်ႉၵပၢတ်ႈတြႃးၸဝ်ႈႁႂ်ႈၸိူဝ်းၸဝ်ႈလႆႈမူတ်းၸၢင်ႇ၊
၂၇ ႁႂ်ႈၸိူဝ်းၸဝ်ႈမီးမူၼ်သရေႇဢၼ်ၵၢင်းလွတ်ႈတင်းတၢင်းဢၼ်ၵူဝ်ႈၵိူၵ်ႇၵူႈၸိူဝ်ႉၵူႈပိူင်လႄႈပဵၼ်ဢၼ်မူတ်းၸၢင်ႇၵၢင်းလွတ်ႈတင်းဢပျႅတ်ႈၼၼ်ႉတႃႉ။
၂၈ မိူၼ်ၸိူဝ်ႉၼင်ႇၼၼ်ၽူဝ်တင်းလၢႆၵေႃႈတၵ်းလႆႈႁၵ်ႉမေးၶဝ်မိူၼ်ၸိူဝ်ႉၼင်ႇဢၼ်ၶဝ်ႁၵ်ႉတူဝ်ၶဝ်ၼၼ်ႉဢေႃႈ။ၵေႃႉဢၼ်ႁၵ်ႉမေးမၼ်းၼၼ်ႉပဵၼ်ၵေႃႉဢၼ်ႁၵ်ႉတူဝ်ၸဝ်ႈၵဝ်ႇဢေႃႈ။
၂၉ ၵေႃႉဢၼ်ၸင်းၼိူဝ်ႉၸင်းလိူတ်ႈတူဝ်ၸဝ်ႈၵဝ်ႇၼၼ်ႉဢမ်ႇမီးသေၵေႃႉသေၵူၼ်း။မၼ်းၸၢင်ႊႁဵတ်းလဵင်ႉႁဵတ်းလူၼိူဝ်ႉလိူတ်ႈမၼ်းမိူၼ်ၸိူဝ်ႉၼင်ႇ
၃၀ ၸဝ်ႈၶရိၸ်ႉႁဵတ်းလဵင်ႉႁဵတ်းလူၸိူဝ်းၸဝ်ႈၵွပ်ႈပိူဝ်ႈႁဝ်းပဵၼ်ဢင်ႇၵႃႇၼႂ်းတူဝ်မၼ်းၸဝ်ႈၼၼ်ႉဢေႃႈ။
၃၁ ၵွပ်ႈပိူဝ်ႈလွင်ႈတၢင်းၼၼ်ႉလႄႈၽူႈၸၢႆးတၵ်းလႆႈၽၢတ်ႇလႆႈယၢၼ်ၵၼ်တင်းပေႃႈမေႈမၼ်းသေလႄႈၸပ်းၸွမ်းတင်းမေးမၼ်းယူႇဢေႃႈ။သွင်ၶႃတၵ်းလႆႈပဵၼ်ၼိူဝ်ႉပဵၼ်လိူတ်ႈဢၼ်လဵဝ်ၵၼ်ဢေႃႈ။
၃၂ လွင်ႈတၢင်းၼႆႉပဵၼ်လွင်ႈတၢင်းဢၼ်လိုၵ်ႉဢၼ်လမ်ႇၼႃႇလူင်လၢင်ဢေႃႈ။မိူဝ်ႈဢၼ်ၵဝ်ဝႃႈၸိူဝ်ႉၼင်ႇၼၼ်ၼၼ်ႉၸိုင်ၵဝ်ၶႂ်ႈဝႃႈလွင်ႈၸဝ်ႈၶရိၸ်ႉတင်းၸိူဝ်းၸဝ်ႈဢေႃႈ။
၃၃ ၼႂ်းဝႃႈၼၼ်သေၵေႃႈၸိူဝ်ႉၼင်ႇဢၼ်သူႁၵ်ႉတူဝ်ၸဝ်ႈၵဝ်ႇႁင်းၽႂ်ႁင်းမၼ်းၼၼ်ႉႁၵ်ႉမေးတူဝ်ၸဝ်ႈၵဝ်ႇတႃႉ။မေးၵေႃႈႁႂ်ႈမီးတၢင်းဢၼ်ရူဝ်ႇသေႇၵူဝ်ယမ်ၽူဝ်တူဝ်ၸဝ်ႈၵဝ်ႇတႃႉ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ