Shan Missions

လိၵ်ႈဢေႃးဝႃႇတႃ့ဢေးၽႅတ်ႈ

Chapter          ၁          ၂          ၃          ၄           ၅           ၆         

၂

ၸူဝ်ႈတႃႇဢသၢၵ်ႈဢၼ်မႂ်ႇၼႂ်းၸဝ်ႈယေႇသု

၁ ၽြႃးပဵၼ်ၸဝ်ႈႁႂ်ႈသူၸိူဝ်းဢၼ်တၢႆယူႇၼႂ်းတူႉၸရိူၵ်ႈဢပျႅတ်ႈဢၼ်ၸွမ်းလူၺ်ႈလေႃးၵီႇတြႃးၵႂႃႇမႃးယူႇ

၂ ၼႂ်းဢလူဝ်ႇၶုၼ်ဢၼ်ဢုပ်ႉပိူင်ႇတၼ်းၶူဝ်းဢႃႇၵႃႇသႃႉၵၢင်ႁၢဝ်ဢၼ်ပဵၼ်ဝိၺိၺ်ႇဢၼ်ႁဵတ်းၼႂ်းၶဝ်ၸိူဝ်းဢၼ်တွပ်ႇထဵင်ၸိူဝ်းၼၼ်ႉလႆႈဢသၢၵ်ႈလိပ်းယဝ်ႉ။

၃ ႁဝ်းၵႃႈမီးတင်းသဵင်ႈတင်းလူင်မိူဝ်ႈဢွၼ်ၼႆႉၼၼ်ႉၸွမ်းလူၺ်ႈဢလူဝ်ႇတူဝ်ၵႃႇယႃႉဢလူဝ်ႇၸႂ်လႄႈၵႂႃႇမႃးယူႇၵႃႈၼႂ်းၵႃႇမၵုင်ႇႁူမ်ႈလူၺ်ႈၵၼ်တင်းၶဝ်ၼၼ်ႉလႄႈၸွမ်းလူၺ်ႈသၽႃႇဝႃႉၼၼ်ႉလႆႈပဵၼ်ၵေႃႉဢၼ်ထိူၵ်ႈၶၢမ်ႇတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈယဝ်ႉ။

၄ ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈဢၼ်တဵမ်ဝႆႉတင်းၵရူႉၼႃႇၼၼ်ႉၸွမ်းလူၺ်ႈမႁႃႇမႅတ်ႈတႃႇဢၼ်မၼ်းၸဝ်ႈႁၵ်ႉႁဝ်းၼၼ်ႉလႄႈ

၅ မၼ်းၸဝ်ႈႁႂ်ႈႁဝ်းၸိူဝ်းဢၼ်တၢႆယူႇၼႂ်းတူႉၸရိူၵ်ႈဢပျႅတ်ႈၼႆႉၶိုၼ်းလႆႈဢသၢၵ်ႈလိပ်းလူၺ်ႈၵၼ်တင်းၸဝ်ႈၶရိၸ်ႉယဝ်ႉ။ၵွပ်ႈပိူဝ်ႈၵျေးၸူးၸဝ်ႈၵူၺ်းလႄႈသူလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။

၆ ၽြႃးပဵၼ်ၸဝ်ႈႁႂ်ႈႁဝ်းလုၵ်ႉသေၵႃႈတၢင်းတၢႆၶိုၼ်းလိပ်းလူၺ်ႈၵၼ်တင်းၸဝ်ႈယေႇသုၶရိၸ်ႉလႄႈပၼ်တီႈယူႇတီႈသဝ်းတီႈႁဝ်းလူၺ်ႈၵၼ်တင်းမၼ်းၸဝ်ႈ

၇ ၵႃႈၼႂ်းမၼ်းၸဝ်ႈၼၼ်ႉယဝ်ႉ။လွင်ႈမၼ်းၸမ်းၼင်ႇႁိုဝ်မၼ်းၸဝ်ႈတၵ်းႁႂ်ႈၵျေးၸူးမၼ်းၸဝ်ႈဢၼ်ၼမ်ၵိုၼ်းၼႃႇၼၼ်ႉထၢင်ႇသႃးမႃးၼႂ်းၶိင်ႇၵႃႇလႃႉၵမ်းလိုၼ်းၼႂ်းတၢင်းဢၼ်မၼ်းၸဝ်ႈႁဵတ်းၵျေးၸူးတီႈႁဝ်းၼႂ်းၸဝ်ႈယေႇသုၶရိတ်ႉၼၼ်ႉဢေႃႈ။

၈ ၵွပ်ႈပိူဝ်ႈတၢင်းယုမ်ႇမၢတ်ႈလႄႈသူလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈၵျေးၸူးၸဝ်ႈဢေႃႈ။သူႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈတူဝ်ၸဝ်ႈၵဝ်ႇဢမ်ႇၸႂ်ႈ။ပဵၼ်ၽြႃးပဵၼ်ၸဝ်ႈဢိတ်းလူပၼ်ၵူၺ်းဢေႃႈ။

၉ သူႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈတၢင်းၵမ်တၢင်းၵျၢင်ႉတူဝ်ၸဝ်ႈၵဝ်ႇဢမ်ႇၸႂ်ႈ။ၵွပ်ႈၼႆလႄႈၽူႈလႂ်ၵေႃႈဢမ်ႇမီးဢၶႂၢင်ႉဢၼ်တၵ်းလႆႈဢုပ်ႇဝၢဝ်း။

၁၀ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းႁဝ်းပဵၼ်ၵေႃႉဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၼႂ်းၸဝ်ႈယေႇသုၶရိၸ်ႉလႄႈႁဝ်းတၵ်းလႆႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢေႃႈ။ၼင်ႇႁိုဝ်ႁဝ်းတၵ်းလႆႈၵမ်ၵျၢင်ႉဢၼ်လီဢၼ်ငၢမ်းၼၼ်ႉၸိုင်ၽြႃးပဵၼ်ၸဝ်ႈမႄးႁႅၼ်းဝႆႉဢွၼ်တၢင်းယဝ်ႉ။

ၵူၼ်းႁိူၼ်းၵူၼ်းယေးၽြႃးပဵၼ်ၸဝ်ႈ

၁၁ ပိူဝ်ႈၼႆလႄႈၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ဝႃႈမိူဝ်ႈၼၼ်ႉသူပဵၼ်ၵူၼ်းသႃႇသၼႃႇပဢၼ်လႆႈၶၢမ်ႇတၢင်းဢၼ်ၵူၼ်းထိူဝ်ႁိမ်းၸိူဝ်းၼၼ်ႉႁွင်ႉသူဝႃႈပဵၼ်ၵူၼ်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းဢၼ်ဢဝ်မိုဝ်းႁဵတ်းတီႈတူဝ်ၵႃႇယႃႉၼၼ်ႉဢမ်ႇၵႃး၊

၁၂ မိူဝ်ႈၼၼ်ႉသူဢမ်ႇႁူႉၸၵ်းၸဝ်ႈၶရိၸ်ႉဢမ်ႇၶဝ်ႈပႃးၼႂ်းမုၵ်ႉၼႂ်းၸိူဝ်းဢိသရေႇလ၊ဢမ်ႇၸၢပ်ႈသႅင်ႇၵၼ်တင်းၵတိၸဝ်ႈၼႂ်းပတိၺိၺ်ႇတြႃးလႄႈဢမ်ႇမီးတၢင်းမုင်ႈမွင်းၼႂ်းလေႃးၵႃႉၼႆႉမိူၼ်ၸိူဝ်ႉၼင်ႇဢၼ်ဢမ်ႇမီးၽြႃးၼၼ်ႉဢေႃႈ။

၁၃ ပဵၵ်ႉသမ်ႉမိူဝ်ႈဢွၼ်ၼႆႉၼၼ်ႉသူမီးတီႈဢၼ်ၵႆသေၵေႃႈတေႃႈလဵဝ်ၼႆႉၸမ်းသူမီးၼႂ်းၸဝ်ႈၶရိၸ်ႉလႄႈႁွတ်ႈမႃးတီႈဢၼ်ၸမ်ၵွပ်ႈပိူဝ်ႈလိူတ်ႈၸဝ်ႈၶရိၸ်ႉၼၼ်ႉယဝ်ႉ။

၁၄ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းတူဝ်မၼ်းၸဝ်ႈပဵၼ်တၢင်းၼိမ်ပဵၼ်ၸဝ်ႈဢၼ်ၵိူၼ်ႇယႃႉပႅတ်ႈလမ်းတမ်ႇတိူင်းၽႃဢုတ်ႇၶိုင်ႈၵၢင်ဢၼ်ႁႄႉဢၼ်ၵင်ႈလႄႈႁဵတ်းႁႂ်ႈသွင်မုၵ်ႉပဵၼ်မုၵ်ႉလဵဝ်ၼႂ်းတၢင်းဢၼ်ပႄႇပႅတ်ႈသေၵႃႈၼႂ်းတူဝ်ၶၼ်ႇထႃႇမၼ်းၸဝ်ႈ

၁၅ ဢၼ်ပဵၼ်ပိင်းၺၢပ်ႈတြႃးဢၼ်ၸၢပ်ႈသႅင်ႇၵၼ်တင်းၼႄးဢူႉပတေႇတင်းလၢႆၼၼ်ႉဢေႃႈ။ဢဵၼ်းဢၢၼ်းမၼ်းၸဝ်ႈၸမ်းလွင်ႈၼင်ႇႁိုဝ်တၵ်းလႆႈႁဵတ်းႁႂ်ႈၵူၼ်းသွင်မုၵ်ႉ

၁၆ ႁႂ်ႈလႆႈပဵၼ်ၵူၼ်းမႂ်ႇၵေႃႉၼိုင်ႈၼႂ်းမၼ်းၸဝ်ႈႁႂ်ႈလႆႈထုၵ်ႇမႅၼ်ႈၵၼ်တင်းၽြႃးပဵၼ်ၸဝ်ႈၵွပ်ႈပိူဝ်ႈသဝ်လၵ်းဝႃးမိုဝ်းၼၼ်ႉသေယဝ်ႉႁဵတ်းႁႂ်ႈတၢင်းၽိတ်းတဵတ်ႇယဵၼ်ဢေႃႈ။

၁၇ မၼ်းၸဝ်ႈမႃးႁေႃးလၢတ်ႈတြႃးဢၼ်ႁႂ်ႈတၢင်းၽိတ်းထၢတ်ႇယဵၼ်ၼၼ်ႉတီႈသူၸိူဝ်းဢၼ်မီးယူႇၵႃႈတီႈဢၼ်ၵႆဢိၵ်ႇတင်းတီႈသူၸိူဝ်းဢၼ်မီးယူႇၵႃႈတီႈဢၼ်ၸမ်ၼၼ်ႉဢေႃႈ။

၁၈ ၼင်ႇၼၼ်လႄႈၵွပ်ႈပိူဝ်ႈမၼ်းၸဝ်ႈၼၼ်ႉႁဝ်းသွင်မုၵ်ႉသွင်ၸိူဝ်းလႆႈဢၶႂၢင်ႉဢၼ်လႆႈၶဝ်ႈၸူးၵႃႈတီႈပေႃႈၸဝ်ႈၼႂ်းဝိၺိၺ်ႇဢၼ်လဵဝ်ၼၼ်ႉဢေႃႈ။

၁၉ ပိူဝ်ႈၼႆလႄႈသူပဵၼ်ၵူၼ်းတၢင်ႇဝၢၼ်ႈတၢင်ႇမိူင်းဢမ်ႇၸႂ်ႈယဝ်ႉ။ပဵၼ်ၶႅၵ်ႇဢမ်ႇၸႂ်ႈယဝ်ႉ။ပဵၼ်ၵူၼ်းမိူင်းလဵဝ်ၵၼ်တင်းၵူၼ်းမူတ်းၸၢင်ႇတင်းလၢႆဢေႃႈ။

၂၀ ပဵၼ်ၵူၼ်းႁိူၼ်းၵူၼ်းယေးၽြႃးပဵၼ်ၸဝ်ႈဢၼ်ၶၢမ်ႇတၢင်းဢၼ်ထၢပ်ႈထႅင်ႈလႄႈတႄႇႁဵတ်းယူႇၵႃႈၼိူဝ်ငဝ်ႈႁၢၵ်ႈတိူၵ်ႈဢၼ်ပဵၼ်တမၢၼ်ႇၸဝ်ႈဢိၵ်ႇတင်းပရေႃးၽႅတ်ႈတင်းလၢႆၼၼ်ႉဢေႃႈ။ငဝ်ႈႁၢၵ်ႈမၢၵ်ႇႁိၼ်ၸဵင်ႇတိူၵ်ႈၸမ်းပဵၼ်ၸဝ်ႈယေႇသုၶရိၸ်ႉဢေႃႈ။

၂၁ ၼႂ်းၸဝ်ႈၼၼ်ႉတိူၵ်ႈတင်းသဵင်ႈတင်းလူင်ၸပ်းသိုပ်ႇၵၼ်ဝႆႉလႄႈယႂ်ႇမႃးပဵၼ်ပိၵ်ႉမၢၼ်ႇၸဝ်ႈဢၼ်မူတ်းၸၢင်ႇပုၼ်ႈၸဝ်ႈၽြႃးဢေႃႈ။

၂၂ ၼႂ်းၸဝ်ႈၼၼ်ႉၵေႃႈသူၶၢမ်ႇတၢင်းဢၼ်တႄႇႁဵတ်းယူႇလူၺ်ႈၵၼ်ပုၼ်ႈလွင်ႈၼင်ႇႁိုဝ်တၵ်းပဵၼ်တီႈဢၼ်ၽြႃးပဵၼ်ၸဝ်ႈဢဝ်တင်းဝိၺိၺ်ႇလႄႈၵိင်းဝၢပ်ႈယူႇၼၼ်ႉဢေႃႈ။