1 Cor 7

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁ ၂ ၁၃ ၁၄ ၁၅ ၁၆

၇

လွင်ႈတၢင်းဢၼ်တႄႇၼႃႈႁိူၼ်း

၁ လွင်ႈတၢင်းဢၼ်ပႃးၼႂ်းလိၵ်ႈဢၼ်သူတႅမ်ႈပၼ်မႃးတီႈၵဝ်ၼၼ်ႉၸမ်းပေႃးၵူၼ်းၸၢႆးယင်းဢမ်ႇတႄႇၼႃႈႁိူၼ်းၸိုင်၊လီဢေႃႈ။

၂ ၼႂ်းဝႃႈၼၼ်သေၵေႃႈၼင်ႇႁိုဝ်တၵ်းၵၢင်းလွတ်ႈတင်းမေႇထုင်ႇဢၼ်ဢမ်ႇတြႃးၼၼ်ႉၸိုင်ႁႂ်ႈၵူၼ်းၸၢႆးၵူႈၵေႃႉမီးမေးတူဝ်ၸဝ်ႈၵဝ်ႇတႃႉ။

၃ ႁႂ်ႈၵူၼ်းယိင်းၵူႈၵေႃႉမီးၽူဝ်တူဝ်ၸဝ်ႈၵဝ်ႇတႃႉ။ႁႂ်ႈၵူၼ်းၸၢႆးႁဵတ်းဝၢတ်ႈတၢင်းဢၼ်သိူၵ်ႈသမ်ႇၵၼ်တင်းမေးတူဝ်ၸဝ်ႈၵဝ်ႇတႃႉ။မိူၼ်ၼင်ႇၼၼ်ႁႂ်ႈၵူၼ်းယိင်းႁဵတ်းဝၢတ်ႈတၢင်းဢၼ်သိူၵ်ႈသမ်ႇၵၼ်တင်းၽူဝ်တူဝ်ၸဝ်ႈၵဝ်ႇတႃႉ။

၄ ၵူၼ်းယိင်းၸိုင်ဢမ်ႇပိူင်ႇတူဝ်ၶၼ်ႇထႃႇတူဝ်ၸဝ်ႈၵဝ်ႇ။ၽူဝ်မၼ်းပိူင်ႇဢေႃႈ။မိူၼ်ၼင်ႇၼၼ်ၵူၼ်းၸၢႆးၵေႃႈဢမ်ႇပိူင်ႇတူဝ်ၶၼ်ႇထႃႇတူဝ်ၸဝ်ႈၵဝ်ႇ။

၅ မေးမၼ်းပိူင်ႇဢေႃႈ။ၼွၵ်ႈသေတၢင်းဢၼ်သၽေႃးမိူၼ်ၵၼ်လႄႈၸူဝ်ႈၵႅပ်ႉၼိုင်ႈတႃႇတေႁႂ်ႈလႆႈႁဵတ်းဝၢတ်ႈသူးတွင်းပထၼႃႇၼၼ်ႉၵူၺ်း၊ၵေႃႉၼိုင်ႈလႄႈၵေႃႉၼိုင်ႈယႃႇပဝေေႈပႅတ်ႈဝၢတ်ႈၽူဝ်ဝၢတ်ႈမေးတီႈၵၼ်။ပေႃးဝေႈပႅတ်ႈၸိုင်ၼင်ႇႁိုဝ်ၸႃႇတၢၼ်ႇမႃႇၼၢတ်ႈတၵ်းဢမ်ႇမီးဢၶႂၢင်ႉႁႂ်ႈလႆႈၸူဝ်းၵႂႃႇၸူဝ်းပႆၵႃႈၼႂ်းဢပျႅတ်ႈၵွပ်ႈပိူဝ်ႈဢၼ်သူဢမ်ႇၶျူၵ်ႈတူဝ်ၸဝ်ႈၵဝ်ႇလႆႈၼၼ်ႉၸိုင်သမ်ႉၶိုၼ်းယူႇလူၺ်ႈၵၼ်တႃႉ။

၆ ၼႂ်းဝႃႈၼၼ်သေၵေႃႈၼႆႉဢမ်ႇၸႂ်ႈပိင်းၺၢပ်ႈ။ပဵၼ်တၢင်းဢၼ်ပၼ်ဢၶႂၢင်ႉၵူၺ်းဢေႃႈ။

၇ ၵဝ်မီးဢလူဝ်ႇၶႂ်ႈႁႂ်ႈၵူၼ်းတင်းသဵင်ႈတင်းလူင်မိူၼ်ၸိူဝ်ႉၼင်ႇၵဝ်ယူႇဢေႃႈ။ၵူၺ်းၵႃႈၵူၼ်းၵူႈၵေႃႉႁင်းၽႂ်ႁင်းမၼ်းလႆႈႁပ်ႉဢဝ်သူႉၵျေးၸူးဢၼ်ၽြႃးပဵၼ်ၸဝ်ႈဢိတ်းလူပၼ်ၼၼ်ႉယေႈၵေႃႉယေႈမဵဝ်းဢေႃႈ။

၈ ပိူဝ်ႈၼႆလႄႈၵဝ်ဝႃႈတီႈၶဝ်ၸိူဝ်းဢၼ်ဢမ်ႇမီးမေးဢိၵ်ႇတင်းမေႈမုၵ်ႉမေႈမၢႆႈတင်းလၢႆၸမ်းပေႃးၶဝ်ယူႇမိူၼ်ၸိူဝ်ႉၼင်ႇၵဝ်ၸိုင်လီဢေႃႈ။

၉ ၼႂ်းဝႃႈၼၼ်သေၵေႃႈပေႃးၶဝ်ဢမ်ႇၶျူၵ်ႈၵႃႇမၵုင်ႇလႆႈၸိုင်ႁႂ်ႈတႄႇၼႃႈႁိူၼ်းတႃႉ။တၢင်းဢၼ်တႄႇၼႃႈႁိူၼ်းၼၼ်ႉလီသေတၢင်းဢၼ်ၸႂ်ၵီႉလေႇသႃႇမႆႈၼႃႇၼၼ်ႉဢေႃႈ။

တႃႇဝုၼ်ႇဝုတ်ႉတြႃးၽူဝ်မေး

၁၀ ၵဝ်ပိင်းၺၢပ်ႈတီႈၶဝ်ၸိူဝ်းဢၼ်မီးၽူဝ်မီးမေးၼၼ်ႉဢမ်ႇၸႂ်ႈ။ပဵၼ်ၸဝ်ႈၽြႃးပိင်းၺၢပ်ႈဝႆႉလႄႈဝႃႈ၊-

၁၁ ယႃႇပေႁႂ်ႈမေးၽၢတ်ႇယၢၼ်ၵၼ်တင်းၽူဝ်တူဝ်ၸဝ်ႈၵဝ်ႇ။ပေႃးယၢၼ်ၸိုင်ယင်းဢမ်ႇဢဝ်ၽူဝ်လႄႈယူႇတႃႉ။ဢမ်ႇၼၼ်ၵေႃႈႁႂ်ႈမၼ်းၶိုၼ်းမႃးၵႃႈတီႈၽူဝ်မၼ်းသေလႄႈယူႇထုၵ်ႇထုၵ်ႇၵၼ်တႃႉ။

၁၂ ၵူၼ်းၸၢႆးၵေႃႈယႃႇပေႁႂ်ႈပႅတ်ႈမေးတူဝ်ၸဝ်ႈၵဝ်ႇ။ဢမ်ႇၸႂ်ႈၸဝ်ႈၽြႃးပိင်းၺၢပ်ႈ။ၵဝ်ပိင်းၺၢပ်ႈတီႈၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼၼ်ႉၸမ်းပေႃးပီႈၼွင်ႉသေၵေႃႉၵေႃႉမီးမေးဢၼ်ဢမ်ႇၸႂ်ႈၵူၼ်းယုမ်ႇမၢတ်ႈလႄႈမေးမၼ်းသမ်ႉမီးဢလူဝ်ႇၶႂ်ႈယူႇလူၺ်ႈၵၼ်တင်းၽူဝ်မၼ်းယူႇၸိုင်၊ယႃႇပေႁႂ်ႈပႅတ်ႈမေးမၼ်း။

၁၃ မိူၼ်ၼင်ႇၼၼ်မေႈယိင်းၵေႃႈပေႃးမီးၽူဝ်ဢၼ်ဢမ်ႇယုမ်ႇမၢတ်ႈလႄႈၽူဝ်မၼ်းသမ်ႉမီးဢလူဝ်ႇၶႂ်ႈယူႇလူၺ်ႈၵၼ်တင်းမေးမၼ်းယူႇၸိုင်ယႃႇပေႁႂ်ႈပႅတ်ႈၽူဝ်မၼ်း။လွင်ႈမၼ်းၸမ်းၽူဝ်ဢၼ်ဢမ်ႇမီးတၢင်းယုမ်ႇမၢတ်ႈၼၼ်ႉလႆႈမူတ်းၸၢင်ႇၵွပ်ႈမေးမၼ်းဢေႃႈ။

၁၄ မေးဢၼ်ဢမ်ႇမီးတၢင်းဢၼ်ယုမ်ႇမၢတ်ႈၼၼ်ႉၵေႃႈလႆႈမူတ်းၸၢင်ႇၵွပ်ႈၽူဝ်မၼ်းဢေႃႈ။ပေႃးဢမ်ႇၼၼ်ၸိုင်လုၵ်ႈလၢၼ်သူတၵ်းဢမ်ႇမူတ်းၸၢင်ႇ။

၁၅ တေႃႈလဵဝ်ၼႆႉၶဝ်မူတ်းၸၢင်ႇယူႇဢေႃႈ။ၵူၺ်းၵႃႈပေႃးၵေႃႉဢၼ်ဢမ်ႇမီးတၢင်းယုမ်ႇမၢတ်ႈၼၼ်ႉၶႂ်ႈၽၢတ်ႇၵႂႃႇၸိုင်၊ႁႂ်ႈၽၢတ်ႇၵႂႃႇတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ပီႈၼွင်ႉၼၼ်ႉပဵၼ်ၽူႈၸၢႆးသေဢမ်ႇဝႃႈ၊ပဵၼ်ၽူႈယိင်းသေဢမ်ႇဝႃႈ၊ဢမ်ႇမီးတၢင်းဢၼ်မတ်ႉၽုၵ်ႇဝႆႉယဝ်ႉ။ၼင်ႇႁိုဝ်ႁဝ်းတၵ်းယူႇထုၵ်ႇထုၵ်ႇၵၼ်ၸိုင်၊ၽြႃးပဵၼ်ၸဝ်ႈႁွင်ႉဢဝ်ႁဝ်းဝႆႉယဝ်ႉ။

၁၆ ၽူႈယိင်းဢိူၺ်း၊မႂ်းတၵ်းၵႄႇၶျွတ်ႈဢဝ်ၽူဝ်မႂ်းႁိုဝ်၊ဢမ်ႇၵႄႇၶျွတ်ႈဢဝ်ႁိုဝ်ဝႃႈၼႆႁဵတ်းၸိူဝ်ႉၼင်ႇႁိုဝ်တၵ်းႁူႉ။ၽူႈၸၢႆးဢိူၺ်း၊မႂ်းတၵ်းၵႄႇၶျွတ်ႈဢဝ်မေးၸဝ်ႈၵဝ်ႇႁိုဝ်၊ဢမ်ႇၵႄႇၶျွတ်ႈဢဝ်ႁိုဝ်ဝႃႈၼႆႁဵတ်းၸိူဝ်ႉၼင်ႇႁိုဝ်တၵ်းႁူႉ။

ၸူဝ်ႈတႃႇဢသၢၵ်ႈဢၼ်ၽြႃးပဵၼ်ၸဝ်ႈမႄးႁႅၼ်း

၁၇ ၸိူဝ်ႉၼင်ႇဢၼ်ၽြႃးပဵၼ်ၸဝ်ႈႁွင်ႉဢဝ်လႄႈၸဝ်ႈၽြႃးမႅင်ႇပၼ်တီႈၵူႈၵေႃႉၵူႈၵူၼ်းႁင်းၽႂ်ႁင်းမၼ်းၼၼ်ႉႁႂ်ႈၵူႈၵေႃႉၵူႈၵူၼ်းႁင်းၽႂ်ႁင်းမၼ်းၵမ်ၵျၢင်ႉလႄႈယူႇသဝ်းတႃႉ။ၵဝ်ပိင်းၺၢပ်ႈၸိူဝ်ႉၼင်ႇၼႆဝႆႉတီႈၸိူဝ်းၸဝ်ႈၵႃႈမီးတင်းသဵင်ႈတင်းလူင်ဢေႃႈ။

၁၈ မိူဝ်ႈဢၼ်လႆႈၶၢမ်ႇတၢင်းဢၼ်ႁွင်ႉဢဝ်ၼၼ်ႉပေႃးၵေႃႉၼၼ်ႉယင်းပေႃးလႆႈၶၢမ်ႇတၢင်းဢၼ်ထိူဝ်ႁိမ်းယဝ်ႉၸိုင်ယႃႇပေႁႂ်ႈမၼ်းပဵၼ်ၵေႃႉဢၼ်ဢမ်ႇထိူဝ်ႁိမ်းလႄႈၵေႃႉဢၼ်ယင်းဢမ်ႇပႆႇလႆႈၶၢမ်ႇတၢင်းဢၼ်ထိူဝ်ႁိမ်းၼၼ်ႉၵေႃႈဢမ်ႇလူဝ်ႇၶၢမ်ႇတၢင်းဢၼ်ထိူဝ်ႁိမ်း။

၁၉ တၢင်းဢၼ်ထိူဝ်ႁိမ်းဢမ်ႇမီးဢၵျူဝ်း။တၢင်းဢၼ်ဢမ်ႇထိူဝ်ႁိမ်းၵေႃႈဢမ်ႇမီးဢၵျူဝ်း။တၢင်းဢၼ်ပႂ်ႉၵမ်ပႂ်ႉၸွမ်းပိင်းၺၢပ်ႈၽြႃးပဵၼ်ၸဝ်ႈၼၼ်ႉၵူၺ်းမီးဢၵျူဝ်းဢေႃႈ။

၂၀ ႁႂ်ႈၵူႈၵေႃႉၵူႈၵူၼ်းတႄႇယူႇၵႃႈၼႂ်းမၼ်းမိူၼ်ၸိူဝ်ႉၼင်ႇမိူဝ်ႈဢၼ်မၼ်းလႆႈၶၢမ်ႇတၢင်းဢၼ်မၼ်းၸဝ်ႈႁွင်ႉဢဝ်ၼၼ်ႉတႃႉ။

၂၁ မိူဝ်ႈဢၼ်လႆႈၶၢမ်ႇတၢင်းဢၼ်ႁွင်ႉဢဝ်ၼၼ်ႉၸွင်ႇမႂ်းပဵၼ်ၶႃႈဢၼ်ၶၢမ်ႇတၢင်းၸႂ်ႉတၢင်းသွႆႁိုဝ်။ယႃႇပေမီးတၢင်းဢၼ်မႆႈၸႂ်ၶီၸႂ်။ပေႃးမႂ်းမီးဢၶႂၢင်ႉတၢင်းဢၼ်တၵ်းလႆႈလွတ်ႈၸိုင်ဢဝ်ဢၶႂၢင်ႉတၢင်းဢၼ်လွတ်ႈၼၼ်ႉတႃႉ။

၂၂ မိူဝ်ႈဢၼ်လႆႈၶၢမ်ႇတၢင်းဢၼ်ၸဝ်ႈၽြႃးႁွင်ႉဢဝ်ၼၼ်ႉပေႃးပဵၼ်ၶႃႈၸိုင်မိူဝ်ႈလဵဝ်ၼႆႉလႆႈၶၢမ်ႇတၢင်းဢၼ်ၸဝ်ႈၽြႃးႁႂ်ႈလွတ်ႈသေၼႂ်းတၼ်းၶူဝ်းဢပျႅတ်ႈယဝ်ႉလႄႈပဵၼ်ၵူၼ်းလွတ်ႈၸဝ်ႈၽြႃးဢေႃႈ။မိူဝ်ႈဢၼ်လႆႈၶၢမ်ႇတၢင်းဢၼ်ၸဝ်ႈၽြႃးႁွင်ႉဢဝ်ၼၼ်ႉပေႃးပဵၼ်ၵူၼ်းလွတ်ႈၸိုင်ၵေႃႉဢၼ်လႆႈပဵၼ်ၶႃႈၸဝ်ႈၶရိၸ်ႉဢေႃႈ။

၂၃ သူပဵၼ်ၵေႃႉဢၼ်မၼ်းၸဝ်ႈဢဝ်ၵႃႊၶၼ်သိုဝ်ႉဢဝ်ဢေႃႈ။ယႃႇပေၶၢမ်ႇပဵၼ်ၶႃႈၵူၼ်း။

၂၄ ပီႈၼွင်ႉၶဝ်ဢိူၺ်း၊ႁႂ်ႈၵေႃႉဢၼ်လႆႈၶၢမ်ႇၵျေးၸူးတၢင်းဢၼ်မၼ်းၸဝ်ႈႁွင်ႉဢဝ်ၼၼ်ႉၵူႈၵေႃႉၵူႈၵူၼ်းႁဵတ်းလွင်ႈၵႃႈသင်သေဢမ်ႇဝႃႈႁဵတ်းလွင်ႈၼၼ်ႉၵႃႈၼႂ်းၽြႃးပဵၼ်ၸဝ်ႈသေၵမ်း။

လွင်ႈတၢင်းသင်ႇသွၼ်ၶဝ်ၸိူဝ်းဢၼ်ဢမ်ႇတႄႇၼႃႈႁိူၼ်း

၂၅ ၼႂ်းလွင်ႈၽူႈသၢဝ်ဢမ်ႇတႄႇၼႃႈႁိူၼ်းၼၼ်ႉၸမ်းၵဝ်ဢၢမ်ႇလႆႈပိင်းၺၢပ်ႈၸဝ်ႈၽြႃးသေတႃႉၵေႃႈၵဝ်ၸီႇယၢင်ႇၸိူဝ်ႉၼင်ႇၵေႃႉဢၼ်လႆႈၶၢမ်ႇဢဝ်ၵျေးၸူးၸဝ်ႈၽြႃးလႄႈပဵၼ်ၵေႃႉဢၼ်မီးသႅတ်ႈၸႃႇၼၼ်ႉဢေႃႈ။

၂၆ ၵွပ်ႈပိူဝ်ႈလွင်ႈတၢင်းဢၼ်ယၢပ်ႇၸႂ်ၶၢၼ်ၸႂ်မိူဝ်ႈလဵဝ်ၼႆႉၼၼ်ႉလႄႈသူထုၵ်ႇလီယူႇၸိူဝ်ႉၼင်ႇဢၼ်သူပဵၼ်ယူႇတေႃႈလဵဝ်ၼႆႉဢေႃႈ။

၂၇ ပေႃးမႂ်းမီးမေးၸိုင်ယႃႇပေၵျၢမ်ႇပေပွင်ႁႂ်ႈလႆႈပႅတ်ႈ။ပေႃးမႂ်းဢမ်ႇမီးမေးၸိုင်၊ယႃႇပေႁႃမေး။ၵူၺ်းၵႃႈပေႃးမႂ်းဢဝ်မေးၸိုင်မႂ်းဢမ်ႇမီးဢပျႅတ်ႈ။

၂၈ ၽူႈသၢဝ်ဢၼ်ဢမ်ႇတွၼ်ႉဢဝ်ၽူဝ်ၼၼ်ႉၵေႃႈပေႃးဢဝ်ၽူဝ်ၸိုင်ဢမ်ႇမီးဢပျႅတ်ႈ။ၼႂ်းဝႃႈၼၼ်သေၵေႃႈၶဝ်ၸိူဝ်းဢၼ်တႄႇၼႃႈႁိူၼ်းၼၼ်ႉတၵ်းထူပ်းတၢင်းယၢပ်ႇတၢင်းၽိုတ်ႇၼႂ်းလေႃးၵီႇၼႆႉဢေႃႈ၊ဝႃႈၼႆၵဝ်လၢတ်ႈဝႆႉႁႂ်ႈသူလွတ်ႈတၢင်းတုၵ်ႉၶႃႉဢေႃႈ။

၂၉ ပီႈၼွင်ႉၶဝ်ဢိူၺ်း၊ၵဝ်ၶႂ်ႈဝႃႈပိူဝ်ႈဢၼ်ၶိင်ႇၵႃႇလႃႉဢၼ်ၵိုတ်းဢၼ်ၵျၢၼ်ႇၼၼ်ႉပွတ်းၼႃႇလႄႈႁႂ်ႈၵေႃႉဢၼ်မီးမေးၼၼ်ႉမိူၼ်ၸိူဝ်ႉၼင်ႇဢမ်ႇမီးမေးၼၼ်ႉတႃႉ။

၃၀ ၵေႃႉဢၼ်ႁွင်ႉဢၼ်ႁႆႈၼၼ်ႉၵေႃႈပဵၼ်ၸိူဝ်ႉၼင်ႇဢမ်ႇႁွင်ႉဢမ်ႇႁႆႈၼၼ်ႉတႃႉ။ၵေႃႉဢၼ်သိူဝ်းပျေႃႇၼၼ်ႉၵေႃႈပဵၼ်ၸိူဝ်ႉၼင်ႇဢမ်ႇသိူဝ်းဢမ်ႇပျေႃႇၼၼ်ႉတႃႉ။ၵေႃႉဢၼ်သိုဝ်ႉဢုၵ်ႉၸႃႇၶူဝ်းလဵင်းၼၼ်ႉၵေႃႈပဵၼ်ၸိူဝ်ႉၼင်ႇဢမ်ႇမီးၶူဝ်းသင်ၼၼ်ႉတႃႉ။

၃၁ ၵေႃႉဢၼ်သိူၵ်ႈသမ်ႇၵၼ်တင်းလေႃးၵႃႉၼႆႉၼၼ်ႉၵေႃႈပဵၼ်ၸိူဝ်ႉၼင်ႇဢမ်ႇလႆႈသိူၵ်ႈသမ်ႇၼၼ်ႉတႃႉ။လွင်ႈမၼ်းၸမ်းပုင်ႇႁၢင်ႊလေႃးၵႃႉၼႆႉၶၢႆႉပုတ်ႈလႄႈႁၢႆလၢႆၵႂႃႇယူႇဢေႃႈ။

၃၂ ၵဝ်မီးဢလူဝ်ႇၶႂ်ႈႁႂ်ႈသူၵၢင်းလွတ်ႈတင်းတၢင်းဢၼ်မႆႈၸႂ်ၶီၸႂ်ဢေႃႈ။ၵေႃႉဢၼ်ဢမ်ႇမီးမေးၼၼ်ႉၸမ်းၼင်ႇႁိုဝ်တၵ်းထုၵ်ႇၸႂ်ၸဝ်ႈၽြႃးၸိုင်ၸၢင်ႊဝႆႉသတိၼႂ်းလွင်ႈတၢင်းဢၼ်ၸၢပ်ႈသႅင်ႇၵၼ်တင်းၸဝ်ႈၽြႃးၼၼ်ႉဢေႃႈ။

၃၃ ၵေႃႉဢၼ်မီးမေးၼၼ်ႉၸမ်းၼင်ႇႁိုဝ်တၵ်းထုၵ်ႇၸႂ်မေးမၼ်းၸိုင်ၸၢင်ႊဝႆႉသတိလွင်ႈတၢင်းဢၼ်ၸၢပ်ႈသႅင်ႇၵၼ်တင်းလေႃးၵႃႉၼႆႉဢေႃႈ။

၃၄ မိူၼ်ၼင်ႇၼၼ်ၽူႈယိင်းဢၼ်ဢမ်ႇမီးၽူဝ်၊ဢိၵ်ႇတင်းၽူႈယိင်းဢၼ်မီးၽူဝ်ၼၼ်ႉမီးတီႈဢၼ်ပႅၵ်ႇပိူင်ႈၵၼ်ဢေႃႈ။ၽူႈယိင်းဢၼ်ဢမ်ႇမီးၽူဝ်ၼၼ်ႉၼင်ႇႁိုဝ်တူဝ်ၶၼ်ႇထႃႇတင်းၸႂ်ဝိၺိၺ်ႇမၼ်းသွင်ပႃးတၵ်းမူတ်းၸၢင်ႇၸိုင်ၸၢင်ႊဝႆႉသတိလွင်ႈတၢင်းဢၼ်ၸၢပ်ႈသႅင်ႇၵၼ်တင်းၸဝ်ႈၽြႃးၼၼ်ႉၵူၺ်းဢေႃႈ။ၽူႈယိင်းဢၼ်မီးၽူဝ်ၼၼ်ႉၸမ်းၼင်ႇႁိုဝ်တၵ်းထုၵ်ႇၸႂ်ၽူဝ်မၼ်းၸိုင်ၸၢင်ႊဝႆႉသတိလွင်ႈတၢင်းဢၼ်ၸၢပ်ႈသႅင်ႇၵၼ်တင်းလေႃးၵႃႉၼႆႉဢေႃႈ။

၃၅ မိူဝ်ႈဢၼ်ဝႃႈၸိူဝ်ႉၼင်ႇၼႆၼၼ်ႉၵဝ်ထွၵ်ႈလူၺ်ႈဢၵျူဝ်းသူၵူၺ်းလႄႈဝႃႈဢေႃႈ။ၼင်ႇႁိုဝ်တၵ်းဢဝ်တူင်ႇၸိူၵ်ႈထိမ်ႈသုပ်းဢဝ်သူလႄႈၵဝ်ဝႃႈဢမ်ႇၸႂ်ႈ။ၼင်ႇႁိုဝ်သူတၵ်းၵမ်ၵျၢင်ႉဢၼ်ထုၵ်ႇဢၼ်လီလႄႈယင်းဢမ်ႇမီးတၢင်းဢၼ်သုၵ်ႉၸႂ်ယုင်ႈၸႂ်လႄႈႁဵတ်းဝၢတ်ႈၸဝ်ႈၽြႃးသေႇသေႇၸိုင်ၵဝ်ၸင်ႇဝႃႈၼင်ႇၼႆဢေႃႈ။

၃၆ ပေႃးသေၵေႃႉသေၵူၼ်းထၢင်ႇဝႃႈမၼ်းႁဵတ်းလွင်ႈဢၼ်ဢမ်ႇထုၵ်ႇဢမ်ႇလီတီႈၽူႈသၢဝ်ၵၼ်ႇၺႃႇမၼ်းဢၼ်ဢသၢၵ်ႈထူၼ်ႈယဝ်ႉလႄႈယင်းဢမ်ႇမီးၽူဝ်ၼၼ်ႉႁႂ်ႈၵေႃႉၼၼ်ႉႁဵတ်းၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇမီးၼၼ်ႉလႄႈႁႂ်ႈဢဝ်မၼ်းတႃႉ။

၃၇ ဢမ်ႇမီးဢပျႅတ်ႈ။ၵူၺ်းၵႃႈပဵၵ်ႉသမ်ႉမီးဢၶႂၢင်ႉဢၼ်လႆႈႁဵတ်းၸိူဝ်ႉၼင်ႇဢၼ်မၼ်းၶႂ်ႈႁဵတ်းၼၼ်ႉသေၵေႃႈၵေႃႉဢၼ်ႁႂ်ႈႁူဝ်ၸႂ်မၼ်ႈၶိူင်ႇလႄႈၶျူၵ်ႉဝႆႉဢလူဝ်ႇမၼ်းသေယဝ်ႉတႅပ်းတတ်းၵႃႈၼႂ်းႁူဝ်ၸႂ်မၼ်းလႄႈဝႃႈ၊-ၵဝ်တၵ်းဢမ်ႇႁႂ်ႈၽူႈသၢဝ်ၵၼ်ႇၺႃႇမၼ်းလူႉဝႃႈၼင်ႇၼႆၼၼ်ႉပဵၼ်တၢင်းဢၼ်ႁဵတ်းဢၼ်လီဢေႃႈ။

၃၈ ၵေႃႉဢၼ်ဢဝ်ၽူႈသၢဝ်ၵၢၼ်ႇၺႃႇလႄႈတႄႇၼႃႈႁိူၼ်းၼၼ်ႉႁဵတ်းဢၼ်လီဢေႃႈ။ၵေႃႉဢၼ်ဢမ်ႇဢဝ်ၽူႈသၢဝ်ၵၢၼ်ႇၺႃႇလႄႈဢမ်ႇတႄႇၼႃႈႁိူၼ်းၼၼ်ႉယဵင်ႈၶႅၼ်းႁဵတ်းဢၼ်လီဢေႃႈ။

လွင်ႈတၢင်းဢၼ်သင်ႇသွၼ်မေႈမုၵ်းမေႈမၢႆႈ

၃၉ ၽူႈယိင်းၸမ်း၊ၼႂ်းၶိင်ႇၵႃႇလႃႉၸူဝ်ႈဢၼ်ၽူဝ်မၼ်းဢမ်ႇပႆႇတၢႆၼၼ်ႉၸိုင်မိူၼ်ၼင်ႇမတ်ႉၽုၵ်ႇဝႆႉယူႇဢေႃႈ။ပေႃးၽူဝ်မၼ်းတၢႆယဝ်ႉၸိုင်ၵႃႈၼင်ႇဢၼ်ဢလူဝ်ႇတူဝ်ၸဝ်ႈၵဝ်ႇမီးၼၼ်ႉမၼ်းမီးဢၶႂၢင်ႉဢၼ်လႆႈၶိုၼ်းတႄႇၼႃႈႁိူၼ်းဢေႃႈ။ၵူၺ်းၵႃႈၽူဝ်မၼ်းတၵ်းလႆႈပဵၼ်ၵူၼ်းၸဝ်ႈၽြႃးဢေႃႈ။

၄၀ ပဵၵ်ႉသမ်ႉမၼ်းမီးဢၶႂၢင်ႉၶိုၼ်းတႄႇၼႃႈႁိူၼ်းသေၵေႃႈပေႃးမၼ်းဢမ်ၶိုၼ်းတႄႇၼႃႈႁိူၼ်းၸိုင်ယဵင်ႈၶႅၼ်းတၵ်းမီးတၢင်းဢၼ်ၸူမ်းသိူဝ်းဢေႃႈ၊ဝႃႈၼႆ၊ၵဝ်မီးသၽေႃးၸိူဝ်ႉၼႆဢေႃႈ။တီႈၵဝ်ၵေႃႈမီးဝိၺိၺ်ႇၽြႃးပဵၼ်ၸဝ်ႈယူႇ၊ဝႃႈၼႆၵဝ်ထၢင်ႇယူႇဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ