Shan Missions

၅

 ၸိူဝ်ႉၶိူဝ်းဢႃႇတၢမ်ႇတေႃႇၼုဝ်းဢႃႇ

၁ၸရၢင်းၸူဝ်ႈလုၵ်ႈပၢၼ်လၢၼ်ၸိူဝ်ႉၶိူဝ်း ဢႃႇတမ်ႇၸမ်း၊ ၼႂ်းဝၼ်းဢၼ် ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ၵူၼ်းၼၼ်ႉ မၼ်းၸဝ်ႈၽၢၼ်ႇသၢင်းႁဵတ်းပဵၼ်မၼ်း ၸွမ်းၼင်ႇ ပုင်ႇႁၢင်ႊၽၢင်တူဝ်ၸဝ်ႈၵဝ်ႇ ဢေႃႈ။

၂ မၼ်းၸဝ်ႈၽၢၼ်ႇသၢင်းႁဵတ်းပဵၼ်ၵူၼ်းၸၢႆးၵူၼ်းယိင်းလႄႈပၼ်တၢင်းလီႈၶဝ်ဢေႃႈ။ ၼႂ်းဝၼ်းဢၼ် မၼ်းၸဝ်ႈ ၽၢၼ်ႇသၢင်းႁဵတ်းပဵၼ်ၶဝ်ၼၼ်ႉမၼ်းၸဝ်ႈႁွင်ႉႁိၵ်ႈၸိုဝ်ႈၶဝ်ဝႃႈ ၵူၼ်း ဢေႃႈ။

၃ မိူဝ်ႈ ဢႃႇတမ်ႇ ဢသၢၵ်ႈလႆႈ ပၢၵ်ႇပၢႆသၢမ်သိပ်းပီႊၼၼ်ႉ မၼ်းမီးလုၵ်ႈၸၢႆး မိူၼ်ၼင်ႇပုင်ႇႁၢင်ႊမၼ်း၊ႁၢင်ႊၽၢင် ဢၼ်လဵဝ်ၵၼ်တင်းမၼ်းလႄႈ ႁွင်ႉႁိၵ်ႈ ၸိုဝ်ႈမၼ်းဝႃႈ သေႇထ ဢေႃႈ။

၄ ဝၢႆးသေမီး သေႇထၼၼ်ႉ၊ ဢႃႇတမ်ႇ ဢသၢၵ်ႈထူၼ်ႈပႅတ်ႇပၢၵ်ႇပီႊလႄႈသမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။

၅ ဢႃႇတမ်ႇ ဢသၢၵ်ႈတဵမ်ၵဝ်ႈပၢၵ်ႇပၢႆသၢမ်ႇသိပ်းပီႊလႄႈတၢႆသေဢေႃႈ။

၆သေႇထ ၼၼ်ႉဢသၢၵ်ႈလႆႈပၢၵ်ႇပၢႆႁႃႈပီႊလႄႈ မီးလုၵ်ႈၸၢႆး ဢေႇၼုတ်ႉ ဢေႃႈ။

၇ ဝၢႆးသေမီး ဢေႇၼုတ်ႉယဝ်ႉ သေႇထ ဢသၢၵ်ႈလိပ်းထူၼ်ႈ ပႅတ်ႇပၢၵ်ႇပၢႆၸဵတ်းပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ် ဢေႃႈ။

၈ သေႇထ ဢသၢၵ်ႈတဵမ်ၵဝ်ႈပၢၵ်ႇပၢႆသိပ်းသွင်ပီႊလႄႈတၢႆသေဢေႃႈ။

၉ဢေႇၼုတ်ႉ ၼၼ်ႉဢသၢၵ်ႈလႆႈၵဝ်ႈသိပ်းပီႊလႄႈမီးလုၵ်ႈၸၢႆး ၵႃႇဢိၼၼ် ဢေႃႈ။

၁၀ ဝၢႆးသေမီး ၵႃႇဢိၼၼ်ယဝ်ႉ၊ ဢေႇၼုတ်ႉ ဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆသိပ်းႁႃႈပီႊလႄႈ သမ်ႉမီးလုၵ်ႈၸၢႆးတင်းလုၵ်ႈယိင်းလႂ် ဢေႃႈ။

၁၁ ဢေႇၼုတ်ႉ ဢသၢၵ်ႈတဵမ်ၵဝ်ႈပၢၵ်ႇပၢႆႁႃႈပီႊလႄႈတၢႆသေဢေႃႈ။

၁၂ ၵႃႇဢိၼၼ် ၼၼ်ႉဢသၢၵ်ႈလႆႈၸဵတ်းသိပ်းပီႊလႄႈမီးလုၵ်ႈၸၢႆး မႁႃႇလေႇလေႇလ ဢေႃႈ။

၁၃ ဝၢႆးသေမီးမႁႃႇလေႇလေႇလ ၼၼ်ႉ ၵႃႇဢိၼၼ် ဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆသီႇသိပ်းပီႊလႄႈ သမ်ႉမီးလုၵ်ႈၸၢႆး လႂ်တင်းလုၵ်ႈယိင်းလႂ်ဢေႃႈ။

၁၄ ၵႃႇဢိၼၼ် ဢသၢၵ်ႈတဵမ်ၵဝ်ႈပၢၵ်ႇပၢႆသိပ်းပီႊလႄႈတၢႆသေဢေႃႈ။

၁၅ မႁႃႇလေႇလေႇလ ၼၼ်ႉဢသၢၵ်ႈလႆႈႁူၵ်းသိပ်းပၢႆႁႃႈပီႊလႄႈမီးလုၵ်ႈၸၢႆး ယႃႇရိတ်ႉ ဢေႃႈ။

၁၆ ဝၢႆးသေမီး ယႃႇရိတ်ႉ ၼၼ်ႉ မႁႃႇလေႇလေႇလဢသၢၵ်ႈလိပ်းထူၼ်ႈ ပႅတ်ႈပၢၵ်ႇပၢႆသၢမ်သိပ်းပီႊလႄႈသမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။

၁၇ မႁႃႇလေႇလေႇလ ဢသၢၵ်ႈတဵမ်ပႅတ်ႇပၢၵ်ႇၵဝ်ႈသိပ်းပၢႆႁႃႈပီႊလႄႈတၢႆသေဢေႃႈ။

၁၈ ယႃႇရိတ်ႉ ၼၼ်ႉဢသၢၵ်ႈလႆႈပၢၵ်ႇပၢႆႁူၵ်းသိပ်းပၢႆသွင်ပီႊလႄႈမီးလုၵ်ႈၸၢႆး ဢေးၼွၵ်ႉ ဢေႃႈ။

၁၉ ဝၢႆးသေမီး ဢေးၼွၵ်ႉ ၼၼ်ႉ ယႃႇရိတ်ႉ ဢသၢၵ်ႈလိပ်းထူၼ်ႈပႅတ်ႇပၢၵ်ႇပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။ယႃႇရိတ်ႉ ဢသၢၵ်ႈတဵမ်ၵဝ်ႈပၢၵ်ႇႁူၵ်းသိပ်းပၢႆသွင်ပီႊလႄႈတၢႆသေဢေႃႈ။

၂၀ ဢေးၼွၵ်ႉ ၼၼ်ႉဢသၢၵ်ႈလႆႈႁူၵ်းသိပ်းပၢႆႁႃႈပီႊလႄႈ မီးလုၵ်ႈၸၢႆး မထုသလ ဢေႃႈ။

၂၁ ဝၢႆးသေမီး မထုသလယဝ်ႉ ဢေးၼွၵ်ႉ ၵွႃႇၵွႃႇမႃးမႃးလူၺ်ႈၵၼ်တင်းၽြႃးပဵၼ်ၸဝ်ႈ သၢမ်ပၢၵ်ႇပီႊတဵမ်တဵမ်လႄႈ သမ်ႉမီးလုၵ်ႈ ၸၢႆးလႂ်တင်းလုၵ်ႈယိင်းလႂ်ဢေႃႈ။

၂၂ ဢေးၼွၵ်ႉ ဢသၢၵ်ႈတဵမ်သၢမ်ပၢၵ်ႇႁူၵ်းသိပ်းပၢႆႁႃႈပီႊဢေႃႈ။

၂၃ ဢေးၼွၵ်ႉၼၼ်ႉ ၵွႃႇၵွႃႇမႃးမႃးလူၺ်ႈၵၼ်တင်းၽြႃးပဵၼ်ၸဝ်ႈ ဢေႃႈ။

၂၄ လိုၼ်းၼၼ်ႉမၼ်းဢမ်ႇမီး။ လွင်ႈမၼ်းၸမ်း၊ၽြႃးပဵၼ်ၸဝ်ႈသိမ်းဢဝ်မၼ်းဢေႃႈ။

၂၅မထုသလ ၼၼ်ႉဢသၢၵ်ႈလႆႈပၢၵ်ႇပၢႆပႅတ်ႇသိပ်းပၢႆၸဵတ်းပီႊလႄႈမီးလုၵ်ႈၸၢႆး လႃႇမိၵ်ႉ ဢေႃႈ။

၂၆ ဝၢႆးသေမီး လႃႇမိၵ်ႉ ၼၼ်ႉ မထုသလ ဢသၢၵ်ႈလိပ်းထူၼ်ႈၸဵတ်းပၢၵ်ႇပႅတ်ႇသိပ်းပၢႆသွင်ပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။

၂၇ မထုသလ ဢသၢၵ်ႈတဵမ်ၵဝ်ႈပၢၵ်ႇႁူၵ်းသိပ်းပၢႆၵဝ်ႈပီႊလႄႈတၢႆသေဢေႃႈ။

၂၈ လႃႇမိၵ်ႉ ၼၼ်ႉဢသၢၵ်ႈလႆႈပၢၵ်ႇပၢႆပႅတ်ႇသိပ်းပၢႆသွင် ပီႊလႄႈမီးလုၵ်ႈၸၢႆးဢေႃႈ။

၂၉ မၼ်းႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈ ၼုဝ်းဢႃႇ၊ ဝႃႈၼႆလႄႈဝႃႈ၊-ၵေႃႉၼႆႉၸမ်း၊ တၵ်းပဵၼ်ၵေႃႉဢၼ်တၵ်းႁႂ်ႈႁဝ်းသၢၵ်ႈသႃႇလွင်ႈၵၢၼ်ငၢၼ်းႁဝ်းဢိၵ်ႇတင်း တၢင်းဢၼ်ႁဝ်းဢဝ်မိုဝ်းႁဵတ်းသၢင်ႈယၢပ်ႇၽိုတ်ႇၼႃႇ ၵွပ်ႈပိူဝ်ႈ လိၼ်ဢၼ် ထႃႇဝရႃႉၽြႃးၵိၼ်ႇဝႃႈဝႆႉၼၼ်ႉဢေႃႈ။

၃၀ ဝၢႆးသေမီးလုၵ်ႈၸၢႆး ၼုဝ်းဢႃႇ ၼၼ်ႉ၊ လႃႇမိၵ်ႉ ဢသၢၵ်ႈလိပ်းထူၼ်ႈႁႃႈပၢၵ်ႇၵဝ်ႈသိပ်းပၢႆႁႃႈပီႊလႄႈ သမ်ႉမီးလုၵ်ႈၸၢႆးလႂ် တင်းလုၵ်ႈယိင်းလႂ်ဢေႃႈ။

၃၁ လႃႇမိၵ်ႉ ဢသၢၵ်ႈတဵမ်ၸဵတ်းပၢၵ်ႇၸဵတ်းသိပ်းပၢႆၸဵတ်းပီႊလႄႈ တၢႆသေဢေႃႈ။

၃၂ၼုဝ်းဢႃႇ ၼၼ်ႉဢသၢၵ်ႈလႆႈႁႃႈပၢၵ်ႇပီႊဢေႃႈ။ ၼုဝ်းဢႃႇ မီးလုၵ်ႈၸၢႆး သေႇမ၊ ႁႃႇမ၊ တင်းယႃႇၽိတ်ႉ ဢေႃႈ။