Roman 9

လိၵ်ႈဢေႃးဝႃႇတႃႉရူဝ်းမ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆

၉

ပေႃးလုမႆႈၸႂ်ပုၼ်ႈၵူၼ်းဢိသရေႇလ

၁ ၸႂ်ဢၼ်ႁူႉတူဝ်ၵဝ်ၼၼ်ႉၶၢမ်ႇသၢၵ်ႈသေႇၽၢႆႇၵဝ်လူၺ်ႈၵၼ်တင်းဝိၺိၺ်ႇမူတ်းၸၢင်ႇၸဝ်ႈယူႇလႄႈၵဝ်ယင်းဢမ်ႇပႃးၵႂၢမ်းမူႉသႃႇလႄႈလၢတ်ႈဢၼ်ၸိုဝ်ႈဢၼ်ၸႂ်ႈၽၢႆႇၼႃႈၸဝ်ႈၶရိၸ်ႉလႄႈဝႃႈၸမ်ႈ၊ၵဝ်မီးတၢင်းဢၼ်ၸႂ်လဵၵ်ႉၼႃႇလူင်လၢင်ဢေႃႈ။

၂ ၼႂ်းႁူဝ်ၸႂ်ၵဝ်မီးဝူၺ်ႇတၼႃႇတၢင်းဢၼ်ယၢပ်ႇၸႂ်ၽိုတ်ႇၸႂ်ဢမ်ႇထၢတ်ႇသေပွၵ်ႈဢေႃႈ။

၃ လွင်ႈမၼ်းၸမ်း၊ၼင်ႇႁိုဝ်တၵ်းပဵၼ်ပုၼ်ႈပီႈၼွင်ႉၵဝ်ၸိူဝ်ႉၶိူဝ်းၵဝ်ဢၼ်ပဵၼ်ၵူၼ်းမဵဝ်းဢိသရေႇလၸိူဝ်းၼၼ်ႉၸိုင်ၵဝ်ႁတ်းၶၢမ်ႇတၢင်းဢၼ်ၽၢတ်ႇယၢၼ်ၵၼ်တင်းၸဝ်ႈၶရိၸ်ႉလႄႈၶၢမ်ႇတၢင်းၵိၼ်ႇတၢင်းဝႃႈယူႇဢေႃႈ။

၄ ၶဝ်ပဵၼ်ၶိူဝ်းဢၼ်လႆႈဢရႃႇလုၵ်ႈ၊လႆႈမူၼ်ၽုင်းဢႃႇၼူႉၽေႃႇတင်းပတိၺိၺ်ႇတြႃး၊လႆႈပိင်းၺၢပ်ႈတြႃး၊လႆႈတၢင်းဢၼ်ႁဵၼ်းဝၢတ်ႈၽြႃးတင်းၵတိၸဝ်ႈတင်းလၢႆၼၼ်ႉဢေႃႈ။

၅ ၶဝ်ပဵၼ်ၶိူဝ်းဢၼ်သိုပ်ႇလူင်းမႃးၵႃႈတီႈပူႇပေႃႈတင်းလၢႆဢေႃႈ။ၸဝ်ႈၶရိၸ်ႉပေႃႇမႃးၼႂ်းၸိူဝ်ႉၶိူဝ်းၶဝ်ဢေႃႈ။မၼ်းၸဝ်ႈဢုပ်ႉပိူင်ႇၵူႈၸိူဝ်ႉၵူႈပိူင်ၵႃႈမီးတင်းသဵင်ႈတင်းလူင်လႄႈပဵၼ်ၽြႃးပဵၼ်ၸဝ်ႈဢၼ်မီးမင်ႇၵလႃႇထႃႇဝရႃႉဢေႃႈ။ဢႃႈမိၼ်ႈ။

၆ မိူဝ်ႈဢၼ်ဝႃႈၸိူဝ်ႉၼင်ႇၼႆၼၼ်ႉၵဝ်ဢမ်ႇဝႃႈၵတိၽြႃးပဵၼ်ၸဝ်ႈဢမ်ႇတႄႇ။လွင်ႈမၼ်းၸမ်းၶဝ်ၸိူဝ်းဢၼ်သိုပ်ႇလူင်းမႃးၵႃႈတီႈၵူၼ်းမဵဝ်းဢိသရေႇလၵႃႈမီးတင်းသဵင်ႈတင်းလူင်ၼၼ်ႉပဵၼ်ၵူၼ်းဢိသရေႇလတႄႉတႄႉဢမ်ႇၸႂ်ႈ။

၇ ၵူၼ်းမဵဝ်းၶဝ်ၵႃႈမီးတင်းသဵင်ႈတင်းလူင်ၵေႃႈပဵၼ်လုၵ်ႈလၢင်းဢႃႇပြႁၢမ်ႇဢမ်ႇၸႂ်ႈ။

၈ ၸိူဝ်ႉၶိူဝ်းမႂ်းတၵ်းတႄႇၼႂ်းဢိၸၢၵ်ႉၵူၺ်းဝႃႈၼႆ၊ပျႃႇတိၵ်ႉၸဝ်ႈမီးဝႆႉဢေႃႈ။ပိူဝ်ႈၼႆလႄႈလုၵ်ႈလၢင်းၸႃႇတိပၵတိၸိူဝ်းၼၼ်ႉပဵၼ်လုၵ်ႈၽြႃးပဵၼ်ၸဝ်ႈဢၼ်ၸႅတ်ႈဢၼ်မၢၼ်ႇဢမ်ႇၸႂ်ႈ။လုၵ်ႈလၢင်းၸိူဝ်းဢၼ်ၸၢပ်ႈသႅင်ႇၵၼ်တင်းၵတိၸဝ်ႈၼၼ်ႉၵူၺ်းမၼ်းၸဝ်ႈမၢတ်ႈပဵၼ်ၸိူဝ်ႉၶိူဝ်းဢၼ်ၸႅတ်ႈဢၼ်မၢၼ်ႇဢေႃႈ။

၉ ၵတိၸဝ်ႈမီးဝႆႉလႄႈဝႃႈၸမ်း၊-ၸႃႉၸဵမ်တေႃႈလဵဝ်ၼႆႉလႄႈမိူဝ်ႈဢၼ်ၶိင်ႇမၼ်းထိုင်ၼၼ်ႉၵဝ်တၵ်းမႃးလႄႈၸႃႇရႃႇၵေႃႈတၵ်းလႆႈလုၵ်ႈၸၢႆးဢေႃႈ၊ဝႃႈၼင်ႇၼႆဢေႃႈ။

၁၀ လိူဝ်သေၼၼ်ႉဢမ်ႇၵႃးလုၵ်ႈလၢင်းရေႇပိၵ်ႉၵၸိူဝ်းၼၼ်ႉမီးပေႃႈၵေႃႉလဵဝ်ဢၼ်ပဵၼ်ပေႃႈဢိၸၢၵ်ႉၼၼ်ႉၵူၺ်းဢေႃႈ။

၁၁ ၸူဝ်ႈဢၼ်လုၵ်ႈၽႃၽေဢမ်ႇပႆႇၵိူတ်ႇလဵင်ႉ၊ဢမ်ႇပႆႇႁဵတ်းဢၼ်လီဢၼ်ဢမ်ႇလီၼၼ်ႉၼင်ႇႁိုဝ်တၢင်းၵျၢမ်ႇတၢင်းပွင်ၸဝ်ႈဢၼ်ၸၢပ်ႈသႅင်ႇၵၼ်တင်းတၢင်းဢၼ်ၽြႃးပဵၼ်ၸဝ်ႈလိူၵ်ႈၵဵပ်းဢဝ်၁၂ ၼၼ်ႉ

၁၂ တၵ်းဢမ်ႇတႄႇၼိူဝ်တၢင်းၵမ်တၢင်းၵျၢင်ႉလႄႈတၵ်းတႄႇၼိူဝ်ဢလူဝ်ႇၸဝ်ႈဢၼ်ႁွင်ႉဢဝ်ၼၼ်ႉၸိုင်မၼ်းၸဝ်ႈပၼ်ပျႃႇတိၵ်ႈတီႈမေႈယိင်းၼၼ်ႉလႄႈဝႃႈ၊-လုၵ်ႈၵေႃႉယႂ်ႇတၵ်းလႆႈႁဵတ်းၶႃႈတီႈလုၵ်ႈၵေႃႉလဵၵ်ႉဢေႃႈ၊ဝႃႈၼင်ႇၼႆဢေႃႈ။

၁၃ ပဵၼ်ၸွမ်းၵႃႈၼင်ႇဢၼ်တႅမ်ႈဝႆႉၼႂ်းၵျၢမ်းလိၵ်ႈလႄႈဝႃႈ၊-ၵဝ်ႁၵ်ႉယႃႇၵုပ်ႉလႄႈၸင်းဢေးသေႃးဢေႃႈ၊ဝႃႈၼင်ႇၼႆၼၼ်ႉဢေႃႈ။

တၢင်းသိုဝ်ႈတေႃႇတင်းတၢင်းဢိတ်းလူၽြႃးပဵၼ်ၸဝ်ႈ

၁၄ ပိူဝ်ႈၼႆလႄႈတၵ်းလႆႈလၢတ်ႈၸိူဝ်ႉၼင်ႇႁိုဝ်။ၽြႃးပဵၼ်ၸဝ်ႈႁဵတ်းတၢင်းဢၼ်ဢမ်ႇတြႃးႁိုဝ်။ဢမ်ႇၸႂ်ႈၸိူဝ်ႉၼင်ႇၼၼ်။

၁၅ မၼ်းၸဝ်ႈလၢတ်ႈတီႈမုဝ်းသေႇလႄႈဝႃႈ၊-ၵဝ်တၵ်းႁဵတ်းၵျေးၸူးတီႈၵေႃႉဢၼ်ၵဝ်ၶႂ်ႈႁဵတ်းၵျေးၸူးၼၼ်ႉဢေႃႈ။ၵေႃႉဢၼ်ၵဝ်ၶႂ်ႈဢိတ်းလူၵေႃႈၵဝ်တၵ်းဢိတ်းလူဢေႃႈ၊ဝႃႈၼင်ႇၼႆဢေႃႈ။

၁၆ ပိူဝ်ႈၼႆလႄႈလွင်ႈတၢင်းၼၼ်ႉတႄႇၼိူဝ်ဢလူဝ်ႇသၢၼ်ႇတႃႉၵူၼ်းဢမ်ႇၸႂ်ႈ။တႄႇၼိူဝ်တၢင်းဢၼ်ၶတ်းၸႂ်ႁဵတ်းၵေႃႈဢမ်ႇၸႂ်ႈ။ပဵၼ်ၵွပ်ႈပိူဝ်ႈဢၼ်ၽြႃးပဵၼ်ၸဝ်ႈႁဵတ်းၵျေးၸူးၼၼ်ႉၵူၺ်းဢေႃႈ။

၁၇ ဢၼ်ဝႃႈတီႈၶုၼ်ၽႃႇရေႃးၼႂ်းၵျၢမ်းလိၵ်ႈၼၼ်ႉလႄႈဝႃႈၸမ်း၊-လွင်ႈၼင်ႇႁိုဝ်ၵဝ်တၵ်းလႆႈၼႄပျႃးတၼ်းၶူဝ်းၵဝ်ၵႃႈၼႂ်းမႂ်းလႄႈႁႂ်ႈၼႃႇမႃႉၸိုဝ်ႈသဵင်ၵဝ်သႃႇၸွတ်ႇၵႂႃႇၵႃႈၼိူဝ်လိၼ်မိူင်းတင်းသဵင်ႈတင်းမူတ်းၼၼ်ႉၸိုင်ၵဝ်ယုၵ်ႉယွင်ႈမႂ်းဝႆႉယဝ်ႉ၊ဝႃႈၼင်ႇၼႆဢေႃႈ။

၁၈ ၵႃႈၼင်ႇဢၼ်ပဵၼ်ၼၼ်ႉမၼ်းၸဝ်ႈႁဵတ်းၵျေးၸူးတီႈၵေႃႉဢၼ်မၼ်းၸဝ်ႈၶႂ်ႈႁဵတ်းၵျေးၸူးၼၼ်ႉဢေႃႈ။ၵေႃႉဢၼ်မၼ်းၸဝ်ႈၶႂ်ႈႁႂ်ႈၵႅၼ်ႇၶႅင်ၼၼ်ႉၵေႃႈမၼ်းၸဝ်ႈႁႂ်ႈၵႅၼ်ႇၶႅင်ဢေႃႈ။

၁၉ ၼႂ်းသူၼႆႉၵေႃႉၼိုင်ႈတၵ်းလၢတ်ႈတီႈၵဝ်လႄႈဝႃႈ၊-ႁဵတ်းသင်လႄႈၽြႃးပဵၼ်ၸဝ်ႈယင်းတၢင်ႇဢပျႅတ်ႈႁဝ်းယူႇ။

၂၀ ၽူႈလႂ်ႁႄႉၶႅၼ်ဢမူႉမၼ်းၸဝ်ႈ၊ဝႃႈၼႆဢိူဝ်ႈ။မႂ်းပဵၼ်ၵူၼ်းၸိူဝ်ႉၼင်ႇႁိုဝ်လႄႈတၵ်းတွပ်ႇထဵင်ၽြႃးပဵၼ်ၸဝ်ႈ။ၶိူင်ႈပိူင်ဢၼ်လႆႈၶၢမ်ႇတၢင်းဢၼ်ႁဵတ်းၼၼ်ႉတၵ်းလႆႈလၢတ်ႈတီႈၵေႃႉဢၼ်ႁဵတ်းမၼ်းၼၼ်ႉလႄႈဝႃႈ၊-ၵွပ်ႈပိူဝ်ႈသင်လႄႈမႂ်းႁဵတ်းၵဝ်ဝႆႉၸိူဝ်ႉၼင်ႇၼႆ၊ဝႃႈၼႆႁိုဝ်။

၂၁ ၸဝ်ႈမေႃႈၼၼ်ႉပိူင်ႇလိၼ်ၼဵဝ်ၼၼ်ႉလႄႈၸွမ်းၼင်ႇဢလူဝ်ႇမၼ်းမီးၼၼ်ႉမၼ်းႁဵတ်းမေႃႈလီမေႃႈၺၢမ်ႉႁင်းၽႂ်ႁင်းမၼ်ဢမ်ႇၸႂ်ႈႁိုဝ်။

၂၂ ပေႃးၽြႃးပဵၼ်ၸဝ်ႈမီးဢလူဝ်ႇၶႂ်ႈၼႄပျႃးမူၼ်ၽုင်းတၼ်းၶူဝ်းမၼ်းၸဝ်ႈၼႂ်းတၢင်းၸႂ်မႆႈမၼ်းၸဝ်ႈလႄႈယိူၼ်ႉၶၢမ်ႇၼိူဝ်တၢင်းဢၼ်မၼ်းၸဝ်ႈႁဵတ်းဝႆႉတေႃႇႁွတ်ႈထိုင်တၢင်းလူႉတၢင်းလႅဝ်ၼၼ်ႉၸိုင်တၵ်းဝႃႈၸိူဝ်ႉၼင်ႇႁိုဝ်။

၂၃ ပေႃးမၼ်းၸဝ်ႈႁဵတ်းႁႂ်ႈၵရူႉၼႃႇဢၼ်မၼ်းၸဝ်ႈဢၼ်လိူင်ၼမ်ၼႃႇၼၼ်ႉတူၵ်းႁွတ်ႈၵႃႈၼိူဝ်ႁဝ်းၸိူဝ်းဢၼ်မၼ်းၸဝ်ႈႁွင်ႉဢဝ်ဢၼ်ပဵၼ်ၵူၼ်းယုတဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၸိုင်တၵ်းဝႃႈၸိူဝ်ႉၼင်ႇႁိုဝ်။

၂၄ ဢၼ်မႃးၼႂ်းၵျၢမ်းလိၵ်ႈႁူဝ်ႇသေႇၼၼ်ႉလႄႈဝႃႈၸမ်း၊-ဢၼ်ဢမ်ႇၸႂ်ႈၵူၼ်းၵဝ်ၼၼ်ႉၵဝ်တၵ်းႁွင်ႉဝႃႈၵူၼ်းၵဝ်ဢေႃႈ။

၂၅ လုၵ်ႈယိင်းသၢဝ်ဢၼ်ၵဝ်ဢမ်ႇႁၵ်ႉၵေႃႈၵဝ်တၵ်းႁွင်ႉဝႃႈဢၼ်ႁၵ်ႉဢေႃႈ။ၵႃႈတီႈဢၼ်လၢတ်ႈတီႈၶဝ်ဝႃႈ၊-

၂၆ သူဢမ်ႇၸႂ်ႈၵူၼ်းၵဝ်၊ဝႃႈၼင်ႇၼႆၼၼ်ႉ၊တၵ်းလႆႈၶၢမ်ႇတၢင်းဢၼ်ႁွင်ႉဝႃႈပဵၼ်လုၵ်ႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉဢေႃႈ၊ဝႃႈၼင်ႇၼႆဢေႃႈ။

၂၇ ပရေႃးၽႅတ်ႈဢိသႃႇယၵေႃႈႁေႃးလၢတ်ႈလူၺ်ႈလွင်ႈၵူၼ်းမဵဝ်းဢိသရေႇလၶဝ်လႄႈဝႃႈၸမ်း၊-ပဵၵ်ႉသမ်ႉၵူၼ်းဢိသရေႇလတင်းလၢႆၼမ်ထၢၼ်ႇသၢႆးၼမ်ႉသမ်ႇမုၵ်ႉတြႃႇသေၵေႃႈၶဝ်ၸိူဝ်းဢၼ်ၵိူတ်းဢၼ်ၵျၢၼ်ႇဢိတ်းဢွၼ်ႇၼၼ်ႉၵူၺ်းတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။

၂၈ မၼ်းၸဝ်ႈတၵ်းႁႂ်ႈဢမူႉမၼ်းၸဝ်ႈယဝ်ႉတူဝ်လႄႈတႅပ်းတတ်းသိုဝ်ႈသိုဝ်ႈတေႃႇတေႃႇၸွမ်းၼင်ႇတြႃးဢေႃႈ။ထႃႇဝရႃႉၽြႃးတၵ်းတႅပ်းတတ်းဢမူႉၵႃႈၼိူဝ်လိၼ်မိူင်းၼႆႉၶၼ်ၶၼ်ဝႆးဝႆးလႄႈပဵၼ်တီႈသုတ်းတီႈၵွႆႈဢေႃႈ။

၂၉ မိူၼ်ၸိူဝ်ႉၼင်ႇဢိသႃႇယသမ်ႉႁေႃးလၢတ်ႈဝႆႉမိူဝ်ႈဢွၼ်ၼၼ်ႉလႄႈဝႃႈ၊-ပေႃးၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉဢမ်ႇႁႂ်ႈၸိူဝ်ႉၶိူဝ်းႁဝ်းၵိုတ်းၵျၢၼ်ႇဝႆႉၵႃႈၼႂ်းႁဝ်းၸိုင်ႁဝ်းတၵ်းလႆႈပဵၼ်ၸိူဝ်ႉၼင်ႇဝဵင်းသေႃးတုမ်ႇလႄႈလႆႈမိူၼ်ၸိူဝ်ႉၼင်ႇဝဵင်းၵေႃးမေႃးရၼၼ်ႉယဝ်ႉ၊ဝႃႈၼင်ႇၼႆဢေႃႈ။

ၶၢဝ်ႇငၢဝ်းသတၢင်းသိူဝ်းပျေႃႇဢၼ်ဢၢပ်ႈပၼ်ၸဝ်ႈယေႇသု

၃၀ ပိူဝ်ႈၼႆလႄႈႁဝ်းတၵ်းလႆႈဝႃႈၸိူဝ်ႉၼင်ႇႁိုဝ်။ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ဢမ်ႇၸွမ်းႁႃႁႂ်ႈလႆႈတၢင်းဢၼ်သိုဝ်ႈတေႃႇၼၼ်ႉလႆႈတၢင်းသိုဝ်ႈတေႃႇၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။

၃၁ ၵူၼ်းဢိသရေႇလဢၼ်ၸွမ်းႁႃႁႂ်ႈလႆႈတၢင်းသိုဝ်ႈတေႃႇၼႂ်းပိင်းၺၢပ်ႈတြႃးၼၼ်ႉဢမ်ႇလႆႈတၢင်းသိုဝ်ႈတေႃႇ။

၃၂ ႁဵတ်းသင်လႄႈဢမ်ႇလႆႈ။ပိူဝ်ႈဢၼ်ဢမ်ႇၸွမ်းႁႃၼႂ်းတၢင်းယုမ်ႇမၢတ်ႈလႄႈၸွမ်းႁႃၼႂ်းတၢင်းၵမ်တၢင်းၵျၢင်ႉပိင်းၺၢပ်ႈတြႃးၼၼ်ႉၵူၺ်းလႄႈဢမ်ႇလႆႈ။ၶဝ်ၶီႇလိုတ်ႈၼိူဝ်မၢၵ်ႇႁဵၼ်လႄႈလူမ်ႉဢေႃႈ။

၃၃ ၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-ၵဝ်ဢဝ်မၢၵ်ႇႁိၼ်ဢၼ်ႁဵတ်းႁႂ်ႈတိူဝ်ႉမႅၼ်ႈလႄႈၶီႇလိုတ်ႈ၊မၢၵ်ႇႁိၼ်ဢၼ်ႁဵတ်းႁႂ်ႈလူမ်ႉၼၼ်ႉၶျႃးဝႆႉၵႃႈၼိူဝ်လွႆၸိဢုၼ်ႇဢေႃႈ။ၵေႃႉဢၼ်ဢိင်ပိုင်ႈမၼ်းၸဝ်ႈၼၼ်ႉဢမ်ႇလႆႈမီးတၢင်းဢူၵ်းဢၢႆ၊ဝႃႈၼင်ႇၼႆဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ