လိၵ်ႈဢေႃးဝႃႇတႃ့ဢေးၽႅတ်ႈ
၄
တၢင်းဢၼ်ပဵၼ်ဢၼ်လဵဝ်ၵၼ်ၼႂ်းဝိၺိၺ်ႇမူတ်းၸၢင်ႇၸဝ်ႈ
၁ ၵဝ်၊ဢၼ်လႆႈၶၢမ်ႇတူၵ်းၵႅၼ်းၵွပ်ႈပိူဝ်ႈၸဝ်ႈၽြႃးၼႆႉတိုၵ်းယူင်းၸူဝ်းဢဝ်သူႁႂ်ႈသူလႆႈၵမ်လႆႈၵျၢင်ႉဢၼ်သၢင်ႇထုၵ်ႇလီငၢမ်းၸွမ်းၼင်ႇဢၼ်သူလႆႈၶၢမ်ႇဢဝ်ၵျေးၸူးတၢင်းဢၼ်မၼ်းၸဝ်ႈႁွင်ႉဢဝ်ၼၼ်ႉဢေႃႈ။
၂ ဢွၼ်ၵၼ်တဵမ်ဝႆႉတင်းတၢင်းဢၼ်ႁူဝ်ၸႂ်ၶျႃးတႅမ်ႇၼႂ်းၵူႈၸိူဝ်ႉၵူႈပိူင်၊တၢင်းဢၼ်ၼိမ်သိမ်ႇဢူၼ်ႈဢွၼ်ႇ၊တၢင်းဢၼ်ၸႂ်ယိုၼ်းၸႂ်ယၢဝ်းၸိူဝ်းၼၼ်ႉသေယဝ်ႉမီးတၢင်းဢၼ်ၵေႃႉၼိုင်ႈလႄႈၵေႃႉၼိုင်ႈပႃးတင်းၸႂ်မႅတ်ႈတႃႇယိူၼ်ႉၶၢမ်ႇၵၼ်လႄႈ
၃ ဢဝ်ႁႅင်းၶတ်းၸႂ်ႁႂ်ႈလႆႈဢဝ်တၢင်းဢၼ်မတ်ႉၵိုၵ်းမတ်ႉႁွမ်းဢၼ်သၢင်ႇထုၵ်ႇၼၼ်ႉသေယဝ်ႉႁဵတ်းၵေႃႉႁဵတ်းသေႈၽွမ်ႉၵၼ်ၼႂ်းဝိၺိၺ်ႇၸဝ်ႈၼၼ်ႉတႃႉ။
၄ ၵႃႈၼင်ႇဢၼ်သူလႆႈၶၢမ်ႇတၢင်းဢၼ်ႁွင်ႉဢဝ်သႂၢင်းသႂ်ႇၵႃႈၼႂ်းတၢင်းမုင်ႈထႃႈမွင်းထႃႈပိူင်ၼိုင်ႈၵူၺ်းၼၼ်ႉ၊
၅ မီးတူဝ်ဢၼ်လဵဝ်မီးဝိၺိၺ်ႇၸဝ်ႈပႃးလဵဝ်မီးၸဝ်ႈပႃးလဵဝ်မီးတၢင်းယုမ်ႇမၢတ်ႈပႃးလဵဝ်မီးပပ်ႉတိၸၢမ်ႇပႃးလဵဝ်
၆ မီးၽြႃးပဵၼ်ၸဝ်ႈဢၼ်ပဵၼ်ပေႃႈတင်းသဵင်ႈတင်းလူင်ပႃးလဵဝ်ဢၼ်မီးၵႃႈၼိူဝ်ၵူၼ်းတင်းသဵင်ႈတင်းလူင်၊မီးၸွတ်ႇတူဝ်ယူႇၵႃႈတီႈႁဝ်းတင်းသဵင်ႈတင်းလူင်ၵႃႈၼႂ်းႁဝ်းတင်းသဵင်ႈတင်းလူင်ၼၼ်ႉဢေႃႈ။
၇ ၼႂ်းဝႃႈၼၼ်သေၵေႃႈႁဝ်းလႆႈၶၢမ်ႇဢဝ်ၵျေးၸူးၸဝ်ႈႁင်းၽႂ်ႁင်းမၼ်းလဵၵ်ႉလဵၵ်ႉယႂ်ႇယႂ်ႇၸွမ်းၵႃႈၼင်ႇဢၼ်ၸဝ်ႈၶရိၸ်ႉပၼ်သူႉၵျေးၸူးၼၼ်ႉယဝ်ႉ။
၈ မႅၼ်ႈၸိူဝ်ႉၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်း၊-မၼ်းၸဝ်ႈၶိုၼ်ႈၵႂႃႇၵႃႈတီႈဢၼ်သုင်ၼၼ်ႉသေယဝ်ႉပႃးဢဝ်ၵူၼ်းၵႂႃႇၼမ်ၼႃႇဢၼ်လႆႈၶၢမ်ႇတၢင်းဢၼ်တီႉဢဝ်ၸိူဝ်းၼၼ်ႉသေလႄႈပၼ်သူးလၢပ်ႈတီႈၶဝ်တင်းလၢႆယဝ်ႉ၊ဝႃႈၼင်ႇၼႆဢေႃႈ။
သူႉၵျေးၸူးဝိၺိၺ်ႇမူတ်းၸၢင်ႇၸဝ်ႈ
၉ မိူဝ်ႈဢၼ်ဝႃႈၶိုၼ်ႈၵႂႃႇဝႃႈၼင်ႇၼႆၼၼ်ႉ၊ၶႂ်ႈဝႃႈမၼ်းၸဝ်ႈလူင်းမႃးၵႃႈတႂ်ႈတီႈလိၼ်မိူင်းယဝ်ႉဢမ်ႇၸႂ်ႈႁိုဝ်။
၁၀ ၵေႃႉဢၼ်လူင်းမႃးၼၼ်ႉပဵၼ်တၢင်ႇၵေႃႉတၢင်ႇၵူၼ်းဢမ်ႇၸႂ်ႈ။ပဵၼ်ၵေႃႉဢၼ်ၶိုၼ်ႈၵႂႃႇလႄႈပူၼ်ႉပၢႆၸိၵ်းၸွမ်ၵၢင်ႁၢဝ်ၵႃႈမီးတင်းသဵင်ႈတင်းလူင်သေယဝ်ႉႁႂ်ႈလႆႈတဵမ်ၵႂႃႇၼႂ်းတင်းသဵင်ႈတင်းလူင်ၼၼ်ႉဢေႃႈ။
၁၁ မၼ်းၸဝ်ႈပဵၼ်ၸဝ်ႈဢၼ်ၶၢၼ်းဝႆႉမၢင်ႈၵေႃႉႁႂ်ႈလႆႈဢရႃႇတမၢၼ်ႇၸဝ်ႈမၢင်ႈၵေႃႉဢရႃႇပရေႃးၽႅတ်ႈမၢင်ႈၵေႃႉ
၁၂ ဢရႃႇသြႃႇပွင်သႃႇသၼႃႇမၢင်ႈၵေႃႉဢရႃႇသြႃႇဢုပ်ႉၸိူဝ်းၸဝ်ႈမၢင်ႈၵေႃႉသြႃႇဢၼ်သွၼ်ၵျၢမ်းလိၵ်ႈႁင်းၽႂ်ႁင်းမၼ်းႁႂ်ႈလႆႈမႄးႁႅၼ်းၵူၼ်းၽြႃးပဵၼ်ၸဝ်ႈတင်းလၢႆပုၼ်ႈလွင်ႈၼင်ႇႁိုဝ်တၵ်းတႄႇႁဵတ်းတူဝ်ၸဝ်ႈၶရိၸ်ႉဢေႃႈ။
၁၃ လွင်ႈတၢင်းၸိူဝ်းၼႆႉတၵ်းပဵၼ်တေႃႇထိုင်ႁွတ်ႈႁဝ်းၵႃႈမီးတင်းသဵင်ႈတင်းလူင်ၶိုတ်းထိုင်ၵႃႈတီႈတၢင်းယုမ်ႇမၢတ်ႈဢိၵ်ႇတင်းတၢင်းဢၼ်ႁူႉၸၵ်းလုၵ်ႈၸဝ်ႈမိူၼ်မိူၼ်ၵၼ်လႄႈထိုင်ပဵၼ်ၵူၼ်းယႂ်ႇၵူၼ်းၵႄႇၼႂ်းပမႃႇၼႃႉတၢင်းဢၼ်ၸဝ်ႈၶရိၸ်ႉတဵမ်ထူၼ်ႈၼၼ်ႉဢေႃႈ။
၁၄ လွင်ႈမၼ်းၸမ်းၵမ်းလိုၼ်းမႃးၼင်ႇႁိုဝ်ႁဝ်းတၵ်းဢမ်ႇပဵၼ်လုၵ်ႈဢွၼ်ႇဢၼ်ၸၢင်ႊမေႃယုမ်ႇဢေႃးဝႃႈတႃႉဢၼ်ပိူၼ်ႈတၢင်ႇၵေႃႉဢဝ်တင်းပရိယႄႇပႅတ်ႉလႅၼ်လၢတ်ႈၸူဝ်းၵူၼ်းႁႂ်ႈၵႂႃႇၼႂ်းဢပျႅတ်ႈလႄႈႁႂ်ႈၽူင်ႉၵႂႃႇၵူႈတီႈၵူႈလႅၼ်ၼၼ်ႉဢေႃႈ။
၁၅ ဢဝ်တင်းၸႂ်မႅတ်ႈတႃႇသေလႄႈလၢတ်ႈၸွမ်းသမ်ႇမႃႇတြႃးတႃႉ။ႁႂ်ႈတၵ်းလႆႈယႂ်ႇမႃးၵႃႈၼႂ်းၵူႈၸိူဝ်ႉၵူႈပိူင်ၵႃႈတီႈႁူဝ်ႁဝ်းဢၼ်ပဵၼ်ၸဝ်ႈၶရိၸ်ႉၼၼ်ႉဢေႃႈ။
၁၆ ၼႂ်းမၼ်းၸဝ်ႈၼၼ်ႉတင်းတူဝ်တင်းၶိင်းလုပ်ႇဢဵၼ်တင်းလၢႆငီႇၽွမ်ႉမတ်ႉၽွတ်ႇၸွမ်းၵၼ်လႄႈတႄႇႁဵတ်းလူၺ်ႈၵၼ်ၼႂ်းတၢင်းႁၵ်ႉမႅတ်ႈတႃႇႁင်းၽႂ်ႁင်းမၼ်းဢေႃႈ။
ၸူဝ်ႈတႃႇဢသၢၵ်ႈဢၼ်ၵဝ်ႇတင်းဢၼ်မႂ်ႇ
၁၇ ပိူဝ်ႈၼႆလႄႈၵမ်းလိုၼ်းၼင်ႇႁိုဝ်သူတၵ်းဢမ်ႇၵမ်ဢမ်ႇၵျၢင်ႉမိူၼ်ၸိူဝ်ႉၼင်ႇၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ယင်းၵိုတ်းယင်းၵျၢၼ်ႇတင်းလၢႆမီးၸႂ်ဢၼ်မဝ်မၢင်ႈသေလႄႈၵမ်ၵျၢင်ႉၼၼ်ႉၸိုင်ၵဝ်ဢဝ်တင်းဢၶႂၢင်ႉၸဝ်ႈၽြႃးလႄႈသင်ႇလၢတ်ႈၵႂႃႇဢေႃႈ။
၁၈ တၢင်းႁူႉတၢင်းႁၼ်ၶဝ်ၼၼ်ႉလပ်းသိင်ႇဝႆႉလႄႈၶဝ်လႆႈၽၢတ်ႇယၢၼ်ၵၼ်တင်းဢသၢၵ်ႈၽြႃးပဵၼ်ၸဝ်ႈၵွပ်ႈပိူဝ်ႈၶဝ်ဢမ်ႇႁူႉၵႃႈသင်လႃးလႃးလႄႈႁူဝ်ၸႂ်ၶဝ်ၵႅၼ်ႇၶႅင်ၼၼ်ႉဢေႃႈၶဝ်ၼၼ်ႉဢမ်ႇမီးတၢင်းဢၼ်ၵူဝ်ဢၼ်ဢၢႆ။
၁၉ ဢဝ်တူဝ်ၸဝ်ႈၵဝ်ႇဢၢပ်ႈၵႃႈၼႂ်းမိုဝ်းၵီႉလေႇသႃႇႁႂ်ႈလႆႈမီးၸႂ်ဢၼ်ၸပ်းၸွႆးႁႅင်းယႂ်ႇလႄႈႁဵတ်းဢၼ်ၵူဝ်ႈၵိူၵ်ႇၵူႈၸိူဝ်ႉၵူႈပိူင်ဢေႃႈ။
၂၀ သူသွၼ်ဢဝ်တြႃးၸဝ်ႈၶရိၸ်ႉႁႂ်ႈလႆႈပဵၼ်ၸိူဝ်ႉၼင်ႇၼၼ်ဢမ်ႇၸႂ်ႈ။
၂၁ သူလႆႈငိၼ်းၵႂၢမ်းၸဝ်ႈၶရိၸ်ႉၼၼ်ႉလႄႈၶၢမ်ႇဢဝ်ၼႄးတီႈမၼ်းၸဝ်ႈၵႃႈၼင်ႇဢၼ်သမ်ႇမႃႇတြႃးမီးၼႂ်းၸဝ်ႈယေႇသုၼၼ်ႉ
၂၂ ႁႂ်ႈသူလႆႈထွတ်ႇပႅတ်ႈၵူၼ်းၵဝ်ႇသူဢၼ်တူႇၼဝ်ႈလူႉလႅဝ်ၵွပ်ႈပိူဝ်ႈၸႂ်လေႃးၽႃႉဢၼ်ၸၢင်ႊပႅတ်ႉလႅၼ်ၼႂ်းလွင်ႈတၢင်းဢၼ်သူၵႂႃႇမႃးမိူဝ်ႈဢွၼ်ၼၼ်ႉတႃႉ။
၂၃ ႁႂ်ႈမီးႁူဝ်ၸႂ်သၽေႃးဢၼ်မႂ်ႇတႃႉ။ဢဝ်တင်းပႃႇရမီႇတၢင်းဢၼ်သိုဝ်ႈတေႃႇတၢင်းဢၼ်မူတ်းၸၢင်ႇ
၂၄ ဢၼ်ၸၢပ်ႈသႅင်ႇၵၼ်တင်းသမ်ႇမႃႇတြႃးဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ၼၼ်ႉၼုင်ႈမႆႊတႃႉ။
၂၅ ပိူဝ်ႈၼႆလႄႈပႄႇပႅတ်ႈၵႂၢမ်းမူႉသႃႇသေယဝ်ႉၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်လၢတ်ႈၵႂၢမ်းဢၼ်မၢၼ်ႇဢၼ်မႅၼ်ႈတေႃႇၵၼ်ၵူၺ်းတႃႉ။လွင်ႈမၼ်းၸမ်းႁဝ်းပဵၼ်ဢင်ႇၵႃႇၼႂ်းတူဝ်ဢၼ်လဵဝ်ဢေႃႈ။
၂၆ မီးတၢင်းၸႂ်မႆႈၶႂ်ႈၸႃႉသေၵေႃႈယႃႇပေႁႂ်ႈလႆႈႁဵတ်းဢပျႅတ်ႈ။ၸူဝ်ႈဝၼ်းပႆႇတူၵ်းၼၼ်ႉႁႂ်ႈတၢင်းၸႂ်မႆႈၶႂ်ႈၸႃႉႁၢႆတႃႉ။
၂၇ ယႃႇပပေၼ်ဢၶႂၢင်ႉတီႈၸႃႇတၢၼ်ႇမႃႇၼၢတ်ႈ။
၂၈ ႁႂ်ႈၵေႃႉဢၼ်ၸၢင်ႊလၵ်ႉၸၢင်ႊလွမ်ၼၼ်ႉၵမ်းလိုၼ်းယင်းဢမ်ႇလၵ်ႉဢမ်ႇလွမ်လႄႈဢဝ်တင်းမိုဝ်းတူဝ်ၸဝ်ႈၵဝ်ႇႁဵတ်းတၢင်းႁဵတ်းဢၼ်လီဢၼ်ငၢမ်းႁႂ်ႈလႆႈမီးပုၼ်ႈဢၼ်တၵ်းလႆႈမႅင်ႇပၼ်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉတႃႉ။
၂၉ ယႃႇပေႁႂ်ႈၵႂၢမ်းဢၼ်ၵူဝ်ႈဢၼ်ၵိူၵ်ႇၼၼ်ႉလႆႈဢွၵ်ႇၵႃႈၼႂ်းသူပ်းသူသေၶေႃႈသေၵမ်း။လၢတ်ႈၵႂၢမ်းဢၼ်လီဢၼ်ငၢမ်းပုၼ်ႈဢၼ်တၵ်းတႄႇႁဵတ်းႁႂ်ႈလႆႈပွင်ဢၵျူဝ်းၶဝ်ၸိူဝ်းဢၼ်လႆႈထွမ်ႇလႆႈငိၼ်းၼၼ်ႉၵူၺ်းတႃႉ။
၃၀ ယႃႇပေႁႂ်ႈဝိၺိၺ်ႇမူတ်းၸၢင်ႇၽြႃးပဵၼ်ၸဝ်ႈဢၼ်တွၵ်ႇတၼ်းသိၵ်ႈတီႈသူတေႃႇထိုင်ႁွတ်ႈဝၼ်းဢၼ်တၵ်းထူတ်ႇဢဝ်သူၼၼ်ႉလႆႈၸဵပ်းၸႂ်။
၃၁ ပႄႇပႅတ်ႈတၢင်းဢၼ်ၸႂ်ပွတ်းၸႂ်လွတ်းၵူႈၸိူဝ်ႉၵူႈပိူင်၊တၢင်းဢၼ်ၸႂ်မႆႈၸႂ်လိူတ်ႇတၢင်းဢၼ်တေႃးသႃႉဢွၵ်ႇ၊တၢင်းဢၼ်ႁိုတ်းသႅၼ်ႇ၊တၢင်းဢၼ်လၢတ်ႈယႃႉသရေႇပိူၼ်ႈ၊ဢိၵ်ႇတင်းတၢင်းဢၼ်သီႇၵေႉႁေႈတႃပိူၼ်ႈၸိူဝ်းၼၼ်ႉတႃႉ။
၃၂ ႁႂ်ႈမီးတၢင်းဢၼ်ၵေႃႉၼိုင်ႈလႄႈၵေႃႉၼိုင်ႈႁဵတ်းၵျေးၸူးတီႈၵၼ်တၢင်းဢၼ်ဢိတ်းလူႁၵ်ႉပႅင်းၵၼ်၊တၢင်းဢၼ်ပွႆႇလွတ်ႈဢပျႅတ်ႈၵၼ်၊မိူၼ်ၸိူဝ်ႉၼင်ႇဢၼ်ၽြႃးပဵၼ်ၸဝ်ႈပွႆႇလွတ်ႈဢပျႅတ်ႈသူၵွပ်ႈပိူဝ်ႈၸဝ်ႈၶရိၸ်ႉၼၼ်ႉတႃႉ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ