ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၂၆
ဢိၸၵ်ႉ တင်း ဢၽိမလိၵ်ႉ
၁ ၼွၵ်ႈသေ တၢင်းဢၼ်ၶဝ်ႈၵႃႊမၢၵ်ႇပႅင်းဢၼ်ယၢမ်ႈပဵၼ်ၼႂ်းပၢၼ် ဢႃႇပြႁမ်ႇၵႃႈတီႈမိူင်းၼၼ်ႉၼၼ်ႉသမ်ႉၶိုၼ်းပဵၼ်တၢင်းဢၼ် ၶဝ်ႈၵႃႊမၢၵ်ႇပႅင်းထႅင်ႈလႄႈဢိၸၵ်ႉ ၵွႃႇၵႃႈတီႈဝဵင်း ၵေႇရႃႇ တီႈဢၼ်ဢၽိမလိၵ်ႉဢၼ်ပဵၼ်ၶုၼ်လူင်ၵူၼ်း ၽိလိတ်ႉတိ ၸိူဝ်းၼၼ်ႉယူႇ ၼၼ်ႉဢေႃႈ။
၂ ထႃႇဝရႃႉၽြႃးၵေႃႈပေႃႇမႃးတီႈမၼ်းဝႃႈ၊- မႂ်းယႃႇပေလူင်းၵွႃႇၵႃႈတီႈမိူင်းဢေႇၵိပ်ႉတုပုၼ်ႉ။ယူႇၵႃႈတီႈ မိူင်းဢၼ်ၵဝ်တၵ်းလၢတ်ႈၼႄပၼ်တီႈမႂ်း ၼၼ်ႉတႃႉ။
၃ သွၼ်ႈပိုင်ႈယူႇၵႃႈၼႂ်းမိူင်းၼႆႉတႃႉ။ ၵဝ်တၵ်းယူႇၽၢႆႇမႂ်းလႄႈပၼ်တၢင်းလီတီႈမႂ်းဢေႃႈ။ လွင်ႈမၼ်းၸမ်းၵဝ်တၵ်းပၼ်မိူင်းၼႆႉတီႈမႂ်း ဢိၵ်ႇတင်းၸိူဝ်ႉၶိူဝ်းမႂ်းဢေႃႈ။ၵဝ်တၵ်းႁႂ်ႈၵႂၢမ်းဢၼ်ၵဝ်တိူင်ႇဝႃႈဝႆႉတီႈ ပေႃႈမႂ်း ဢႃႇပြႁမ်ႇ ၼၼ်ႉတႄႇပဵၼ်ဢေႃႈ။
၄ ၵဝ်တၵ်းႁႂ်ႈၸိူဝ်ႉၶိူဝ်းမႂ်းယႂ်ႇၽႄႈၼမ်ၵိုၼ်းမႃးမိူၼ်ၸိူဝ်ႉၼင်ႇ လၢဝ်ႈဢၼ်မီးၵႃႈၼိူဝ်ၵၢင်ႁၢဝ်ၼၼ်ႉဢေႃႈ။ၵဝ်တၵ်းပၼ်မိူင်းၵႃႈမီးတင်းသဵင်ႈတင်းလူင်ၸိူဝ်းၼႆႉ တီႈၸိူဝ်ႉၶိူဝ်းမႂ်းဢေႃႈ။ၵႃႈၼႂ်းၸိူဝ်ႉၶိူဝ်းမႂ်းၼႆႉၵူၼ်းမဵဝ်းတင်းသဵင်ႈတင်း လူင်တၵ်းလႆႈၶၢမ်ႇမင်ႇၵလႃႇဢေႃႈ။
၅ လွင်ႈမၼ်းၸမ်းဢႃႇပြႁမ်ႇ ၼၼ်ႉထွမ်ႇဢဝ်ၵႂၢမ်းၵဝ်လႄႈ ပႂ်ႉၵမ်ပႂ်ႉၸွမ်းတၢင်းဢၼ်ၵဝ်သင်ႇလၢတ်ႈဝႆႉပိင်းၺၢပ်ႈၵဝ် ထုင်းၾိင်ႈၵဝ်တြႃးၵဝ်ၵူႈၸိူဝ်ႉၵူႈပိူင်ၸိူဝ်းၼၼ်ႉဢေႃႈ၊ ဝႃႈၼင်ႇၼႆဢေႃႈ။
၆ ၼႂ်းမိူဝ်ႈဢၼ် ဢိၸၵ်ႉ ယူႇၵႃႈတီႈဝဵင်း ၵေႇရႃႇယူႇၼၼ်ႉၵူၼ်းဝဵင်းၸိူဝ်းၼၼ်ႉ တွင်ႈထၢမ်လွင်ႈမေးမၼ်းတီႈမၼ်းလႄႈမၼ်းၵေႃႈလၢတ်ႈလႄႈဝႃႈ၊-မၼ်းပဵၼ်ၼွင်ႉယိင်းၵဝ်ဢေႃႈ၊ဝႃႈၼင်ႇၼႆဢေႃႈ။
၇ လွင်ႈမၼ်းၸမ်း မၼ်းၵူဝ်ၵူၼ်းမိူင်းၼႆႉတၵ်းဢဝ်မၼ်းတၢႆၵွပ်ႈပိူဝ်ႈ ရေႇပိၵ်ႉၵ လႄႈမၼ်းဢမ်ႇႁတ်းဝႃႈ ရေႇပိၵ်ႉၶပဵၼ်မေးမၼ်း။လွင်ႈမၼ်းၸမ်း ရေႇပိၵ်ႉၵ ႁၢင်ႊလီ ၽၢင်လီဢေႃႈ။
၈ မိူဝ်ႈဢၼ်မၼ်းယူႇၵႃႈတီႈဝဵင်းၼၼ်ႉႁိုင်တၢၼ်ႇတၢၼ်ႇယဝ်ႉၼၼ်ႉၸိုင် ဝၼ်းၼိုင်ႈ ဢၽိမလိၵ်ႉ ဢၼ်ပဵၼ်ၶုၼ်လူင်ၵူၼ်း ၽိလိတ်ႉတိ ၼၼ်ႉယူႇၵႃႈတီႈႁူးလၢင်းတဵၼ်မုင်ႈႁၼ် ဢိၸၵ်ႉ ယဝ်ႉယွၵ်ႇၵၼ်တင်းမေးမၼ်း ရေႇပိၵ်ႉၵ ယူႇၼၼ်ႉၸိုင်၊ ဢၽိမလိၵ်ႉႁွင်ႉဢဝ် ဢိၸၵ်ႉ လႄႈဝႃႈ၊-တူၺ်းလူႊ၊မၼ်းပဵၼ်မေး မႂ်းဢမၢၼ်ႇၶၼ်ပဵၼ်ဢေႃႈ။
၉ ၵူၺ်းၵႃႈႁဵတ်းသင်လႄႈမႂ်းလၢတ်ႈဝႃႈ၊-မၼ်းပဵၼ်ၼွင်ႉယိင်းမႂ်းဝႃႈၼင်ႇၼႆ၊ မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်၊ ဢိၸၵ်ႉ ၵေႃႈလဝ်ႈလၢတ်ႈလႄႈဝႃႈ၊-ၵွပ်ႈပိူဝ်ႈၵဝ်ၶႃႈၵူဝ်တၢႆၵွပ်ႈပိူဝ်ႈမၼ်းလႄႈ ၸင်ႇဝႃႈၶႃႈယဝ်ႉ၊ ဝႃႈၼင်ႇၼႆဢေႃႈ။
၁၀ ၶုၼ်ဢၽိမလိၵ်ႉၵေႃႈလၢတ်ႈလႄႈဝႃႈ၊-လွင်ႈတၢင်းဢၼ်မႂ်းႁဵတ်းတီႈႁဝ်းၼႆႉၸမ်း၊ပဵၼ်ၸိူဝ်ႉၼင်ႇႁိုဝ်။ပေႃးသေၵေႃႉသေၵူၼ်းဢမ်ႇႁဵတ်းသတိလႄႈ ၵွႃႇယူႇလူၺ်ႈၼွၼ်းလူၺ်ႈမေးမႂ်းၸိုင် မႂ်းတၵ်းႁႂ်ႈဢပျႅတ်ႈႁွတ်ႈထိုင်ၵႃႈၼိူဝ်မၼ်းယဝ်ႉ လူင်ပေႇ၊ဝႃႈၼင်ႇၼႆသေယဝ်ႉ၊
၁၁ ၶုၼ်ဢၽိမလိၵ်ႉ သင်ႇလၢတ်ႈတီႈ ၵူၼ်းမၼ်းတင်းသဵင်ႈတင်းလူင်လႄႈဝႃႈ၊-ၵေႃႉဢၼ်ၽိတ်းပိူင်ႈသွင်ၶႃႈၽူဝ်မေးၼၼ်ႉ တၵ်းလႆႈၶၢမ်ႇတၢင်းတၢႆဢမၢၼ်ႇၶၼ်ပဵၼ်ဢေႃႈ၊ ဝႃႈၼင်ႇၼႆဢေႃႈ။
၁၂ဢိၸၵ်ႉ ဝၢၼ်ႇၸိူဝ်ႉဝၢၼ်ႇၽၼ်းၵႃႈတီႈမိူင်းၼၼ်ႉလႄႈ ၼႂ်းပီႊၼိုင်ႈမၼ်းလႆႈသိမ်းဢဝ်မၢၵ်ႇႁူင်းပၢၵ်ႇပုၼ်ႊဢေႃႈ။ ထႃႇဝရႃႉၽြႃးၵေႃႈ ပၼ်တၢင်းလီတီႈ မၼ်းဢေႃႈ။
၁၃ မၼ်းၵေႃႈယႂ်ႇၽႄႈၼမ်ၵိုၼ်းမႃးလႄႈယႂ်ႇၵႂၢင်ႈတူဝ်းတွၼ်းယူႇတႃႇသေႇ တေႃႇထိုင်ႁွတ်ႈမၼ်းလႆႈပဵၼ် ၵေႃႉဢၼ်ယႂ်ႇၽႄႈၼမ်ၵိုၼ်းမႃးၼႃႇလူင် လၢင်ဢေႃႈ။
၁၄ မၼ်းတဵမ်ဝႆႉလိူင်ႇၸႂ်မၢၵ်ႈမီးၽုင်သူဝ်းၽုင်ဝူဝ်းဢိၵ်ႇတင်း ၶႃႈၵူၼ်းဢၼ်ၼမ်ၼႃႇၼၼ်ႉဢေႃႈ။ပိူဝ်ႈၼႆလႄႈၵူၼ်း ၽိလိတ်ႉတိ တင်းလၢႆဢွၼ်ၵၼ်သီႇၵေႉႁေႈတႃမၼ်းဢေႃႈ။
၁၅ ၶဝ်ဢွၼ်ၵၼ် ဢဝ်လိၼ်ထိူမ်ဢိုတ်းႁူးၼမ်ႉမေႃႇၶႃႈပေႃႈမၼ်းၵႃႈမီးတင်းသဵင်ႈတင်းလူင်ဢၼ်ၶုတ်ႉဝႆႉ ၼႂ်း ၶိင်ႇပၢၼ်ပေႃႈမၼ်း ဢႃႇပြႁမ်ႇ ၼၼ်ႉဢေႃႈ။
၁၆ ၶုၼ်ဢၽိမလိၵ်ႉၵေႃႈလၢတ်ႈတီႈ ဢိၸၵ်ႉ လႄႈဝႃႈ၊-မႂ်းၼႆႉ တၼ်းၶူဝ်းယႂ်ႇၼႃႇသေႁဝ်းဢေႃႈ။
၁၇ ဢွၵ်ႇသေၵႃႈတီႈႁဝ်းၼႆႉၵွႃႇတႃႉ၊ ပိူဝ်ႈဢၼ်ဝႃႈၼင်ႇၼႆလႄႈ ဢိၸၵ်ႉၵေႃႈဢွၵ်ႇသေၵႃႈတီႈဝဵင်းၼၼ်ႉၵွႃႇသေယဝ်ႉ မုင်းသုမ်ႉထဵင်မၼ်းယူႇၵႃႈတီႈပၢင်ႇႁူၺ်ႈ ၵေႇရႃႇ ဢေႃႈ။
၁၈ မိူဝ်ႈၼၼ်ႉ ဢိၸၵ်ႉ သမ်ႉမႄးၶုတ်ႉၼမ်ႉမေႃႇဢၼ်ၶႃႈပေႃႈမၼ်း ဢႃႇပြႁမ်ႇ ၶုတ်းဝႆႉဢၼ်ၵူၼ်း ၽိလိတ်ႉတိၶဝ်ထိူမ်ပႅတ်ႈ လိုၼ်းသပေေႃႈမၼ်းတၢႆယဝ်ႉၼၼ်ႉလႄႈၶိုၼ်းႁွင်ႉႁိၵ်ႈၸိုဝ်ႈသဵင် မိူၼ်ၸိူဝ်ႉၼင်ႇဢၼ်ပေႃႈမၼ်း ႁွင်ႉႁိၵ်ႈမိူဝ်ႈဢွၼ်တၢင်းၼၼ်ႉဢေႃႈ။
၁၇ ၶႃႈဢိၸၵ်ႉ တင်းလၢႆၵေႃႈ ၶုတ်ႉၵႃႈၼႂ်းပၢင်ႇႁူၺ်ႈၼၼ်ႉလႄႈထူပ်းၼမ်ႉ ဢွၵ်ႇႁူးဢေႃႈ။
၂၀ ၵူၼ်းလဵင်ႉဝူဝ်းၵူၼ်းမဵဝ်း ၵေႇရႃႇ တင်းလၢႆႁိမ်ၵၼ်တင်းၵူၼ်းလဵင်ႉဝူဝ်း ဢိၸၵ်ႉ တင်းလၢႆလႄႈလၢတ်ႈဝႃႈ၊- ၼမ်ႉၼႆႉပဵၼ်ၼမ်ႉႁဝ်းဢေႃႈ၊ ဝႃႈၼင်ႇၼႆဢေႃႈ။ပိူဝ်ႈဢၼ်ၶဝ်ႁိမ်ၵၼ်ၸိူဝ်ႉၼင်ႇၼၼ်လႄႈ မၼ်းႁွင်ႉႁိၵ်ႈၼမ်ႉမေႃႇၼၼ်ႉၸိုဝ်ႈ ဢေႇသိၵ်ႉ ဢေႃႈ။
၂၁ လိုၼ်းၼၼ်ႉၶဝ်သမ်ႉၶုတ်ႉၼမ်ႉမေႃႇတၢင်ႇတီႈထႅင်ႈဢေႃႈ။ၼမ်ႉမေႃႇၼၼ်ႉၵေႃႈၶဝ်သမ်ႉၶိုၼ်းႁိမ်ၵၼ်ထႅင်ႈလႄႈမၼ်းႁွင်ႉႁိၵ်ႈၸိုဝ်ႈ သိတၼ ဢေႃႈ။
၂၂ မၼ်းသမ်ႉၶၢႆႉသေၵႃႈတီႈၼၼ်ႉလႄႈ သမ်ႉၶုတ်ႉၼမ်ႉမေႃႇတၢင်ႇတီႈထႅင်ႈဢေႃႈ။ ၼမ်ႉမေႃႇၼၼ်ႉၸိုင်ၵွပ်ႈပိူဝ်ႈဢၼ်ၽူႈလႂ်ဢမ်ႇႁိမ်ၵၼ်လႄႈမၼ်းႁွင်ႉႁိၵ်ႈၸိုဝ်ႈရႁေႃႇၽုတ်ႉ သေလႄႈဝႃႈ၊-ပိူဝ်ႈဢၼ်ထႃႇဝရႃႉၽြႃးပၼ်ဢၶႂၢင်ႉဢၼ်ႁဝ်းလႆႈယူႇတေႃႈလဵဝ်ၼႆႉယဝ်ႉ၊ ႁဝ်းၼႆႉ တၵ်းပဵၼ်တိုၼ်းပဵၼ်ႁွၼ်းၼမ်ၼႃႇလူင်လၢင်ၵႃႈတီႈမိူင်းၼႆႉဢေႃႈ၊ဝႃႈၼင်ႇၼႆဢေႃႈ။
၂၃ ၵမ်းၼၼ်ႉမၼ်းသမ်ႉလုၵ်ႉသေၵႃႈတီႈၼၼ်ႉလႄႈ ၶၢႆႉၵွႃႇၸူးၵႃႈတီႈပေႇရသေႇၽဢေႃႈ။ၼႂ်းၶိုၼ်းၼၼ်ႉ ထႃႇဝရႃႉၽြႃးပေႃႇမႃးတီႈမၼ်းလႄႈဝႃႈ၊- ၵဝ်ပဵၼ်ၽြႃးပေႃႈမႂ်း ဢႃႇပြႁမ်ႇ ၼၼ်ႉဢေႃႈ။ ယႃႇပေမႆႈၸႂ်ၵႃႈ သင်။
၂၄ ၵဝ်မီးယူႇၽၢႆႇမႂ်းဢေႃႈ။ၵဝ်တၵ်းပၼ်တၢင်းလီတီႈမႂ်းဢေႃႈ။ ၵဝ်တၵ်းႁႂ်ႈ ၸိူဝ်ႉၶိူဝ်းမႂ်းယႂ်ႇၽႄႈၼမ်ၵိုၼ်းမႃးၵွပ်ႈပိူဝ်ႈၶႃႈၵဝ် ဢႃႇပြႁမ်ႇ ၼၼ်ႉဢေႃႈ၊ဝႃႈ ၼင်ႇၼႆဢေႃႈ။
၂၅ မၼ်းတႄႇႁဵတ်းယိၸ်ႉပလၢင်ႇၵႃႈတီႈၼၼ်ႉလႄႈ ႁဵတ်းပထၼႃႇတီႈၼႃႇမႃႉၸိုဝ်ႈသဵင်ထႃႇဝရႃႉၽြႃးဢေႃႈ။ သုမ်ႉထဵင်မၼ်းၵေႃႈမၼ်းမုင်းလႄႈၶႃႈမၼ်းတင်းလၢႆၶုတ်ႉၼမ်ႉမေႃႇထႅင်ႈဢေႃႈ။
၂၆ မိူဝ်ႈၼၼ်ႉၶုၼ်လူင် ဢၽိမလိၵ်ႉ ႁွင်ႉဢဝ်ၵေႃႉသေႈမၼ်းဢႁုၸၵ်ႉဢိၵ်ႇတင်းၵႄႇႁူဝ်သိုၵ်းမၼ်း ၽိၵေႃႇလ လႄႈလုၵ်ႉသေၵႃႈတီႈဝဵင်း ၵေႇရႃႇ ၵွႃႇၸူးၵႃႈတီႈမၼ်းဢေႃႈ။
၂၇ ဢိၸၵ်ႉ ၵေႃႈထၢမ်လႄႈဝႃႈ၊- သူၸဝ်ႈၶၢၼ်ႉႁၼ်ၵဝ်လႄႈ ႁေႃႈၵဝ်ဢွၵ်ႇသေၵႃႈတီႈသူသေယဝ်ႉႁဵတ်းႁိုဝ်လႄႈ သမ်ႉမႃးၸူးၵႃႈတီႈၵဝ်၊မိူဝ်ႈဢၼ်ဝႃႈၼင်ႇၼႆၸိုင် ၶဝ်ၵေႃႈလၢတ်ႈလႄႈဝႃႈ၊-
၂၈ ပိူဝ်ႈဢၼ်ႁဝ်းႁူႉႁၼ်လွင်ႈဢၼ်ထႃႇဝရႃႉၽြႃး မီးယူႇၵႃႈတီႈၽၢႆႇမႂ်းဢမၢၼ်ႇၶၢၼ်ပဵၼ်လႄႈ ႁဝ်းဝႃႈႁႂ်ႈသႅတ်ႉၸႃႇၵတိမီးဝူင်ႈၵၢင် ႁဝ်းဢၼ်ဝႃႈ ဝူင်ႈၵၢင်ႁဝ်းတင်းမႂ်းလႄႈ
၂၉ ႁႂ်ႈႁဝ်းႁဵတ်းပတိၺိၼ်ႇလူၺ်ႈၵၼ်တင်းမႂ်း လွင်ႈဢၼ်မႂ်းတၵ်းဢမ်ႇႁဵတ်းဢပျႅတ်ႈတီႈႁဝ်းၸွမ်း ၵႃႈၼင်ႇဢၼ်ႁဝ်းဢမ်ႇတိူဝ်ႉဢမ်ႇၶိူၵ်ႈမႂ်း၊ ႁဵတ်းၵျေးၸူးတီႈမႂ်းၵူၺ်းလႄႈ ပွႆႇမႂ်းၵွႃႇၼိမ်ၼိမ်လီလီဢေႃႈ။
၃၀ တေႃႈလဵဝ်ၼႆႉ မႂ်းပဵၼ် ၵေႃႉဢၼ်ထႃႇဝရႃႉၽြႃးပၼ်တၢင်းလီယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈႁဵတ်းပွႆးၵိၼ်ပွႆးၶူပ်းပုၼ်ႈၶဝ်လႄႈ ဢွၼ်ၵၼ်ၵိၼ်ၶူပ်း ဢေႃႈ။
၃၁ ၶိင်ႇၵၢင်ၼႂ်ၸဝ်ႉၸဝ်ႉၶဝ်လုၵ်ႉလႄႈ ၵေႃႉၼိုင်ႈလႄႈၵေႃႉၼိုင်ႈ ၼင်ႇၵၼ်ၵၼ် ႁဵတ်းသႅတ်ႉၸႃႇၵတိတီႈၵၼ်သေယဝ်ႉ ဢိၸၵ်ႉ ပွႆႇၶဝ်လႄႈ ၶဝ်ၵေႃႈမိူဝ်း ၵွႃႇၼိမ်ၼိမ်လီလီဢေႃႈ။
၃၂ ၼႂ်းဝၼ်းၼၼ်ႉၶႃႈဢိၸၵ်ႉတင်းလၢႆ ဢွၼ်ၵၼ်မႃးလၢတ်ႈၼႄတီႈမၼ်း လွင်ႈၼမ်ႉမေႃႇဢၼ်ၶဝ်ၶုတ်ႉၼၼ်ႉလႄႈဝႃႈ၊- ႁဝ်းၶႃႈလႆႈထူပ်းႁၼ်ၼမ်ႉယဝ်ႉ၊မိူဝ်ႈဢၼ်ဝႃႈၼင်ႇၼႆၸိုင်၊ မၼ်းႁွင်ႉႁိၵ်ႈၸိုဝ်ႈၼမ်ႉမေႃႇၼၼ်ႉ သႇၽ ဢေႃႈ။
၃၃ ပိူဝ်ႈၼႆလႄႈ ဝဵင်းတီႈၼၼ်ႉၸိုင်လႆႈႁွင်ႉႁိၵ်ႈၸိုဝ်ႈဝဵင်းပေႇရသေႇၽ ႁၢၼ်ႉတေႃႇဝၼ်းမိူဝ်ႈၼႆႉဢေႃႈ။
၃၄ ဢေးသေႃး ၼၼ်ႉမိူဝ်ႈဢၼ်ဢသၢၵ်ႈလႆႈ သီႇသိပ်းပီႊၼၼ်ႉပဵၼ်ႁိူၼ်းပဵၼ်ယေးလူၺ်ႈၵၼ်တင်း ယုတိတ်ႉလုၵ်ႈယိင်းပေႇရိ၊ ဢၼ်ပဵၼ်ၵူၼ်းႁတ်ႉတိ၊ ဢိၵ်ႇတင်းပသမတ်ႉ၊ လုၵ်ႈယိင်း ဢေႇလုၼ်ႇ၊ ဢၼ်ပဵၼ်ၵူၼ်း ႁိတ်ႉတိ ၼၼ်ႉဢေႃႈ။
၃၅ မေႈယိင်းၼၼ်ႉပဵၼ်လွင်ႈဢၼ်မႆႈၸႂ်ယၢပ်ႇၸႂ်တီႈ ဢိၸၵ်ႉ တင်း ရေႇပိၵ်ႉၵ ဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ