ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၁၀
ၸဝ်ႈယေႇသုပွႆႇၸႂ်ႉတပႄးၸဝ်ႈၸဵတ်းသိပ်းၵေႃႉၵႂႃႇ
၁ လိုၼ်းၼၼ်ႉၸဝ်ႈၽြႃးၶၢၼ်းဝႆႉတပႄးၸဝ်ႈတၢင်ႇၵေႃႉၸဵတ်းသိပ်းၵေႃႉလႄႈပွႆႇၸႂ်ႉၶဝ်ၵႂႃႇဢွၼ်တၢင်းမၼ်းၸဝ်ႈသွင်ၵေႃႉယေႈၸုမ်းသွင်ၵေႃႉယေႈၸုမ်းၵႃႈတီႈဝၢၼ်ႈဝဵင်းၵူႈတီႈၵူႈလႅၼ်ဢၼ်မၼ်းၸဝ်ႈတၵ်းၵႂႃႇၼၼ်ႉဢေႃႈ။
၂ မၼ်းၸဝ်ႈလၢတ်ႈတီႈၶဝ်လႄႈဝႃႈ၊-ၶဝ်ႈဢၼ်လီပၢတ်ႇၼၼ်ႉမီးၼမ်ၼႃႇဢေႃႈ။ၵူၼ်းပၢတ်ႇၶဝ်ႈၸမ်းမီးၵေႇၼႃႇဢေႃႈ။ပိူဝ်ႈၼႆလႄႈၼင်ႇႁိုဝ်တၵ်းပွႆႇၸႂ်ႉၵူၼ်းပၢတ်ႇၶဝ်ႈမႃးပုၼ်ႈဢၼ်တၵ်းလႆႈပၢတ်ႇၶဝ်ႈၸိုင်သူးတွင်းယွၼ်းတီႈၸဝ်ႈၼႃးတႃႉ။
၃ ၵႂႃႇၸွမ်းတၢင်းသူၼၼ်ႉတႃႉ။ၵဝ်ပွႆႇၸႂ်ႉသူၵႂႃႇမိူၼ်ၸိူဝ်ႉၼင်ႇပွႆႇၸႂ်ႉသူဝ်းၵႂႃႇၵႃႈၼႂ်းၽုင်မႃထိူၼ်ႇၼၼ်ႉဢေႃႈ။
၄ ယႃႇပေပႃးထူင်ငိုၼ်းထူင်ပႃး၊ၶႅပ်းတိၼ်။ၼႂ်းမိူဝ်ႈဢၼ်ယင်းတိုၵ်ႉၵႂႃႇၸွမ်းတၢင်းယူႇၼၼ်ႉၸိုင်ယႃႇပတေၵ်ႉလၢတ်ႈၽူႈလႂ်သေၵေႃႉ။
၅ မိူဝ်ႈဢၼ်ၶဝ်ႈၵႃႈၼႂ်းႁိူၼ်းလႂ်သေဢမ်ႇဝႃႈလၢတ်ႈဢွၼ်တၢင်းဝႃႈ၊-ႁႂ်ႈၵႃႈတီႈႁိူၼ်းၼၼ်ႉမီးမင်ႇၵလႃႇသေၵမ်းလူၺ်ႈ၊ဝႃႈၼင်ႇၼႆတႃႉ။
၆ ပေႃးၵူၼ်းမင်ႇၵလႃႇမီးၵႃႈတီႈႁိူၼ်းၼၼ်ႉၸိုင်မင်ႇၵလႃႇဢၼ်သူဝႃႈၼၼ်ႉတၵ်းတႄႇဢေႃႈ။ဢမ်ႇၼၼ်ၵေႃႈတၵ်းၶိုၼ်းမႃးတီႈသူဢေႃႈ။
၇ ယူႇၵႃႈၼႂ်းႁိူၼ်းၼၼ်ႉလႄႈၵိၼ်တၢင်းၵိၼ်တၢင်းၶူပ်းဢၼ်ၶဝ်လဵင်ႉလူၼၼ်ႉတႃႉ။လွင်ႈမၼ်းၸမ်းၵေႃႉဢၼ်ႁဵတ်းတၢင်းႁဵတ်းၼၼ်ႉထိူၵ်ႈၶၢမ်ႇဢဝ်ၵႃႊမၼ်းၶၼ်မၼ်းဢေႃႈ။
၈ ယႃႇပလေႄႇၵႂႃႇႁိူၼ်းၼိုင်ႈယဝ်ႉႁိူၼ်းၼိုင်ႈ။သူၶဝ်ႈၵႃႈၼႂ်းဝဵင်းလႂ်သေဢမ်ႇဝႃႈပေႃးၵူၼ်းဝဵင်းၼၼ်ႉႁပ်ႉတုင်းဢဝ်သူၸိုင်ၵိၼ်တၢင်းၵိၼ်ၵႃႈဢၼ်ၶဝ်သႂ်ႇတမ်းပၼ်ၵႃႈတီႈၽၢႆႇၼႃႈသူၼၼ်ႉတႃႉ။
၉ ႁႂ်ႈၵူၼ်းၶႆႈၵူၼ်းပဵၼ်ဢၼ်မီးတီႈၼၼ်ႉႁၢႆၶႅၼ်းတႃႉ။မိူင်းၽြႃးပဵၼ်ၸဝ်ႈႁွတ်ႈထိုင်မႃးႁိမ်းသူယဝ်ႉ၊ဝႃႈၼႆမွၵ်ႇလၢတ်ႈတီႈၶဝ်ၼၼ်ႉတႃႉ။
၁၀ သူၶဝ်ႈၵႃႈၼႂ်းဝဵင်းလႂ်ၵေႃႈပေႃးၵူၼ်းဝဵင်းၼၼ်ႉဢမ်ႇႁပ်ႉတုင်းဢဝ်သူၸိုင်ဢွၵ်ႇၵႂႃႇၸူးၵႃႈၼိူဝ်တၢင်းသေယဝ်ႉလၢတ်ႈဝႃႈ၊-ႁဝ်းသၼ်ႇပႅတ်ႈမုၼ်ႈလိၼ်ဝဵင်းသူဢၼ်ၸပ်းၵႃႈတီႈတိၼ်ႁဝ်းၼႆႉယဝ်ႉ။
၁၁ ဢွၼ်ၵၼ်ႁူႉလွင်ႈဢၼ်ဝႃႈမိူင်းၽြႃးပဵၼ်ၸဝ်ႈႁွတ်ႈမႃးႁိမ်းသူယဝ်ႉ၊ဝႃႈၼႆတႃႉ။
၁၂ ၵဝ်ဝႃႈတီႈသူၸမ်းၼႂ်းဝၼ်းဢၼ်သုတ်းၼၼ်ႉဝဵင်းၼၼ်ႉယဵင်ႈၶႅၼ်းတၵ်းလႆႈၶၢမ်ႇၼႃႇသေဝဵင်းသေႃးတုမ်ႇဢေႃႈ။
၁၃ ဝဵင်းၶေႃႇရၸႅၼ်ႇဢိူၺ်း၊မႂ်းမီးဢႃႉမင်ႇၵလႃႇဢေႃႈ။ဝဵင်းပိတ်ႉၸေႇတဢိူၺ်း၊မႂ်းမီးဢႃႉမင်ႇၵလႃႇဢေႃႈ။လွင်ႈမၼ်းၸမ်းတၼ်းၶူဝ်းတင်းလၢႆဢၼ်လႆႈၼႄပျႃးၼႂ်းသူၼႆႉသင်ဝႃႈယၢမ်ႈလႆႈၼႄပျႃးၵႃႈၼႂ်းဝဵင်းတုရုတင်းဝဵင်းၸိတုင်ႇၸိုင်ဝဵင်းၸိူဝ်းၼၼ်ႉတၵ်းၼုင်ႈၼင်ပေႃလႄႈၼင်ႈယူႇၵႃႈၼႂ်းတဝ်ႊသေယဝ်ႉၶုုၵ်းၸႂ်လႆႈမႆႈၸႂ်မိူဝ်ႈၵႃႇလႃႉဢွၼ်ၼႆႉၼၼ်ႉဢေႃႈ။
၁၄ ဝၼ်းဢၼ်ၸီႇယၢင်ႇတြႃးၼၼ်ႉသူယဵင်ႈၶႅၼ်းတၵ်းလႆႈၶၢမ်ႇၼႃႇသေဝဵင်းတုရုတင်းဝဵင်းၸိတုင်ႇၼၼ်ႉဢေႃႈ။
၁၅ ဝဵင်းၵပိူဝ်ႇၼေႇဢုမ်ႇဢိူၺ်း၊မႂ်းၼႆႉပဵၵ်ႉသမ်ႉလႆႈၶၢမ်ႇတၢင်းဢၼ်ယုၵ်ႉယွင်ႈတေႃႇထိုင်ႁွတ်ႈၼိူဝ်ၽႃႉၵၢင်ႁၢဝ်သေၵေႃႈတၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတဵမ်ႇတေႃႇထိုင်ႁွတ်ႈမိူင်းမႃႇရၼႃႉပုၼ်ႉဢေႃႈ။
၁၆ ၵေႃႉဢၼ်ထွမ်ႇဢဝ်ၵႂၢမ်းသူၼၼ်ႉထွမ်ႇဢဝ်ၵႂၢမ်းၵဝ်ဢေႃႈ။ၵေႃႉဢၼ်ပႄႇပႅတ်ႈသူၼၼ်ႉပႄႇပႅတ်ႈၵဝ်ဢေႃႈ။ၵေႃႉဢၼ်ပႄႇပႅတ်ႈၵဝ်ၼၼ်ႉပႄႇပႅတ်ႈၸဝ်ႈဢၼ်ပွႆႇၸႂ်ႉၵဝ်မႃးၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၇ တပႄးၸဝ်ႈၸဵတ်းသိပ်းၵေႃႉၸိူဝ်းၼၼ်ႉမီးၸႂ်ဢၼ်သိူဝ်းပျေႃႇလႄႈၶိုၼ်းမႃးသေယဝ်ႉလဝ်ႈလၢတ်ႈဝႃႈ၊-ၸဝ်ႈႁဝ်း၊ၵွပ်ႈပိူဝ်ႈၼႃႇမႃႉၸိုဝ်သဵင်ၸဝ်ႈႁဝ်းၼၼ်ႉႁဝ်းၶႃႈလႆႈပႄႉၼႅင်ႇၽီႁၢႆႉတင်းလၢႆၶႃႈဢေႃႈ၊ဝႃႈၼင်ႇၼႆဢေႃႈ။
၁၈ မၼ်းၸဝ်ႈၵေႃႈလၢတ်ႈတီႈၶဝ်လႄႈဝႃႈ၊-ၵဝ်ႁၼ်ၸႃႇတၢၼ်ႇမႃႇၼၢတ်ႈတူၵ်းသေၵႃႈၼိူဝ်ၵၢင်ႁၢဝ်မႃးမိူၼ်ၸိူဝ်ႉၼင်ႇၽႃႉမႅပ်ႈၼၼ်ႉယဝ်ႉ။
၁၉ ၵဝ်ပၼ်ဢၶႂၢင်ႉဢၼ်သူတၵ်းလႆႈယိပ်းၵမ်ငူးလႂ်မႅင်းငေႃးလႂ်ဢိၵ်ႇတင်းတၼ်းၶူဝ်းဢၼ်ပႄႉၼႅင်ႇရၢၼ်ႇသူႇလႂ်ၼၼ်ႉတီႈသူယဝ်ႉ။ၽေးဢၼ်လႂ်ၵေႃႈတၵ်းဢမ်ႇလႆႈၼိၵ်ႈၸၢၵ်ႈငႅၼ်းသေးသူ။
ၼႂ်းဝႃႈၼၼ်သေၵေႃႈယႃႇပေမီးတၢင်းဢၼ်သိူဝ်းပျေႃႇၵွပ်ႈပိူဝ်ႈလႆႈပႄႉၼႅင်ႇၽီႁၢႆႉၼၼ်ႉ။
၂၀ ႁႂ်ႈမီးတၢင်းဢၼ်သိူဝ်းပျေႃႇလူၺ်ႈလွင်ႈဢၼ်ဝႃႈၸိုဝ်သဵင်သူလႆႈၶၢမ်ႇတၢင်းဢၼ်တႅမ်ႈသႂ်ႇဝႆႉၵႃႈၼႂ်းၸရၢင်းၵၢင်ႁၢဝ်ၼၼ်ႉတႃႉ၊ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉမၼ်းၸဝ်ႈမီးတင်းၸႂ်ဢၼ်သိူဝ်းၸူမ်းလႄႈဝႃႈ၊-ဢူဝ်း၊ပေႃႈၸဝ်ႈၵၢင်ႁၢဝ်တင်းလိၼ်မိူင်းတီႈၶႃႈ၊လွင်ႈတၢင်းၸိူဝ်းၼႆႉၸိုင်ပိူဝ်ႈဢၼ်ၸဝ်ႈႁဝ်းသိူင်ႇဝႆႉလပ်ႉဝႆႉတီႈၶဝ်ၸိူဝ်းဢၼ်မီးပိင်ႇၺႃႇလၵ်းလႅမ်တင်းလၢႆၼၼ်ႉသေယဝ်ႉသမ်ႉၽုၺ်ႇဢွၵ်ႇၼႄပျႃးပၼ်တီႈလုၵ်ႈဢွၼ်ႇတင်းလၢႆလႄႈၵဝ်ၶႃႈယွင်ႈယေႃးၵျေးၸူးၸဝ်ႈႁဝ်းၶႃႈဢေႃႈ။ၸႂ်ႈတီႈၶႃႈယဝ်ႉ၊ၸဝ်ႈပေႃႈ။လွင်ႈတၢင်းၼႆႉပဵၼ်ဢလူဝ်ႇၸဝ်ႈႁဝ်းၶႃႈဢေႃႈ။
၂၂ ၸဝ်ႈပေႃႈၵဝ်ဢဝ်ၵႃႈဢၼ်မီးတင်းသဵင်ႈတင်းလူင်ၸိူဝ်းၼၼ်ႉဢၢပ်ႈပၼ်တီႈၵဝ်ယဝ်ႉ။လုၵ်ႈၸဝ်ႈပဵၼ်ၽူႈလႂ်ဝႃႈၼႆလိူဝ်သေပေႃႈၸဝ်ႈၼၼ်ႉၽူႈလႂ်သေၵေႃႉသေၵူၼ်းဢမ်ႇႁူႉ။ပေႃႈၸဝ်ႈပဵၼ်ၽူႈလႂ်ဝႃႈၼႆလိူဝ်သေပေႃႈၸဝ်ႈဢိၵ်ႇတင်းၵေႃႉဢၼ်လုၵ်ႈၸဝ်ႈၶႂ်ႈႁႂ်ႈႁူႉႁၼ်ၼၼ်ႉၵူၺ်းၽူႈလႂ်သေၵေႃႉသေၵူၼ်းဢမ်ႇႁူႉ၊ဝႃႈၼင်ႇၼႆဢေႃႈ။
၂၃ မိူဝ်ႈၼၼ်ႉမၼ်းၸဝ်ႈဝၢႆႇတူၺ်းတီႈတပႄးၸဝ်ႈတင်းလၢႆသေလႄႈလၢတ်ႈတဵတ်ႇတဵတ်ႇဝႃႈ၊-မၢၵ်ႇတႃဢၼ်ႁၼ်ၵႃႈဢၼ်သူလႆႈႁၼ်တင်းသဵင်ႈတင်းလူင်ၸိူဝ်းၼႆႉၼၼ်ႉမီးမင်ႇၵလႃႇဢေႃႈ။
၂၄ ၵဝ်ဝႃႈတီႈသူၸမ်းလွင်ႈဢၼ်သူလႆႈႁၼ်ၸိူဝ်းၼႆႉပဵၵ်ႉသမ်ႉပရေႃးၽႅတ်ႈဢိၵ်ႇတင်းၶုၼ်ႁေႃၶမ်းတင်းလၢႆမီးဢလူဝ်ႇၶႂ်ႈႁၼ်သေၵေႃႈၶဝ်ဢမ်ႇလႆႈႁၼ်။ဢၼ်သူလႆႈငိၼ်းၸိူဝ်းၼႆႉပဵၵ်ႉသမ်ႉၶဝ်မီးဢလူဝ်ႇၶႂ်ႈငိၼ်းသေၵေႃႈၶဝ်ဢမ်ႇလႆႈငိၼ်း၊ဝႃႈၼင်ႇၼႆဢေႃႈ။
ဢူႉပမႃႇၵူၼ်းသမႃႇရိဢၼ်လီ
၂၅ မိူဝ်ႈၼၼ်ႉၵူၼ်းမေႃၵျၢမ်းၵေႃႉၼိုင်ႈလုၵ်ႉသေလႄႈၼင်ႇႁိုဝ်တၵ်းလႆႈၸၢမ်းတူၺ်းယႃႉယူၵ်ႉမၼ်းၸဝ်ႈၼၼ်ႉမၼ်းလဝ်ႈထၢမ်လႄႈဝႃႈ၊-ၼင်ႇႁိုဝ်တၵ်းလႆႈၶၢမ်ႇဢမူၺ်ႇထႃႇဝရႃႉဢသၢၵ်ႈၸိုင်ၵဝ်ၶႃႈတၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊
၂၆ မၼ်းၸဝ်ႈၵေႃႈၶိုၼ်းထၢမ်လႄႈဝႃႈ၊-ၼႂ်းၵျၢမ်းပိင်းၺၢပ်ႈတိမီးမႃးၸိူဝ်ႉၼင်ႇႁိုဝ်။မႂ်းလႆႈၽတ်းၸိူဝ်ႉၼင်ႇႁိုဝ်၊ဝႃႈၼင်ႇၼႆလႄႈၵေႃႉၼၼ်ႉၵေႃႈၶိုၼ်းလဝ်ႈလၢတ်ႈလႄႈဝႃႈ၊-
၂၇ ၽြႃးပဵၼ်ၸဝ်ႈမႂ်းထႃႇဝရႃႉၽြႃးၸိုင်မႂ်းတၵ်းလႆႈပႃးတင်းၸႂ်သဵင်ႈသဵင်ႈ၊ပႃးတင်းႁူဝ်ၸႂ်သဵင်ႈသဵင်ႈ၊ပႃးတင်းၵႃႈဢၼ်ၵတ်ႉဢၼ်ၶၼ်သဵင်ႈသဵင်ႈ၊တင်းၺၢၼ်ႇၵႃႈဢၼ်မီးတင်းသဵင်ႈတင်းလူင်သေလႄႈႁၵ်ႉဢေႃႈ။ၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉၵေႃႈတၵ်းလႆႈႁၵ်ႉမိူၼ်ၸိူဝ်ႉၼင်ႇႁၵ်ႉတူဝ်ၸဝ်ႈၵဝ်ႇၼၼ်ႉဢေႃႈ၊ဝႃႈၼႆမီးမႃးၼင်ႇၼႆၶႃႈဢေႃႈ၊ဝႃႈၼင်ႇၼႆဢေႃႈ။
၂၈ မၼ်းၸဝ်ႈၵေႃႈလၢတ်ႈလႄႈဝႃႈ၊-ၵႂၢမ်းမႂ်းၼႆႉၸႂ်ႈတႄႉတႄႉယဝ်ႉ။ႁဵတ်းၸိူဝ်ႉၼင်ႇၼၼ်တႃႉ။မႂ်းတၵ်းဢသၢၵ်ႈလိပ်းဢေႃႈ၊ဝႃႈၼင်ႇၼႆဢေႃႈ။
၂၉ ၵေႃႉၼၼ်ႉၵေႃႈမီးၸႂ်ဢၼ်ၶႂ်ႈႁဵတ်းၸိူဝ်ႉၼင်ႇႁၢင်ႊတူဝ်ၸဝ်ႈၵဝ်ႇဢမ်ႇၽိတ်းပိူင်ႈၵႃႈသင်ၼၼ်ႉသေလႄႈၶိုၼ်းလဝ်ႈလၢတ်ႈတီႈၸဝ်ႈယေႇသုလႄႈဝႃႈ၊-ၽူႈလႂ်ပဵၼ်ၵေႃႉဢၼ်ၸၢပ်ႈသႅင်ႇၵၼ်တင်းၵဝ်ၶႃႈ၊ဝႃႈၼင်ႇၼႆဢေႃႈ။
၃၀ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၵူၼ်းၵေႃႉၼိုင်ႈမိူဝ်ႈဢၼ်မၼ်းလုၵ်ႉသေၵႃႈတီႈဝဵင်းယေႇရုသလႅမ်ႇၵႂႃႇၸူးဝဵင်းယေႇရိၶုဝ်းၼၼ်ႉမၼ်းထူပ်းၺႃးၸူၼ်ၼႂ်းၵၢင်တၢင်းဢေႃႈ။ၶဝ်ႁိမ်ဢဝ်ၶူဝ်းၼုင်ႈမၼ်းသေယဝ်ႉပေႃႉယႅၼ်ႉမၼ်းၸဵပ်းၼႃႇလူင်လၢင်လႄႈတေႃႇပေႃးၸမ်တၵ်းတၢႆၼၼ်ႉၶဝ်ပႅတ်ႈမၼ်းဝႆႉသေယဝ်ႉပၢႆႊၵွႃႇဢေႃႈ။
၃၁ ယိတ်ႉပရေႃးႁိၵ်ႈၵေႃႉၼိုင်ႈပႆၸွမ်းသဵၼ်ႈတၢင်းၼၼ်ႉမႃးလႄႈထူပ်းႁၼ်ၵေႃႉဢၼ်မၢတ်ႇၼၼ်ႉသေၵေႃႈဝေႈတၢင်းလႄႈပၢႆႊၵႂႃႇဢေႃႈ။
၃၂ မိူၼ်ၼင်ႇၼၼ်ၵူၼ်းလေႇဝိၵေႃႉၼိုင်ႈမိူဝ်ႈဢၼ်ႁွတ်ႈထိုင်မႃးၵႃႈတီႈၼၼ်ႉလႄႈထူပ်းႁၼ်ၵေႃႉဢၼ်မၢတ်ႇၼၼ်ႉသေၵေႃႈမၼ်းဝေႈတၢင်းလႄႈပၢႆႊၵႂႃႇဢေႃႈ။
၃၃ ၵူၼ်းသမႃႇရိၵေႃႉၼိုင်ႈမိူဝ်ႈဢၼ်ၸွမ်းတၢင်းၵႂႃႇလႄႈထူပ်းႁၼ်ၵေႃႉဢၼ်မၢတ်ႇၼၼ်ႉၸိုင်မၼ်းမီးၸႂ်ဢၼ်ဢိတ်းလူၼႃႇသေယဝ်ႉ၊သုတ်ႉၸပ်းသုတ်ႉၸူးတီႈမၼ်းသေလႄႈ
၃၄ ဢဝ်ၼမ်ႉမၼ်းတင်းၼမ်ႉၸပိတ်ႉထွၵ်ႇသႂ်ႇၵႃႈတီႈၸဵပ်းမၼ်းၸိူဝ်းၼၼ်ႉယဝ်ႉၸင်ႇဢဝ်ၶူဝ်းလဵင်းပူၵ်ႉႁေႃႇသေယဝ်ႉဢဝ်တၢင်ႇၵႃႈၼိူဝ်မႃႉမၼ်းလႄႈၵႂႃႇသူင်ႇၵႃႈတီႈႁိူၼ်းဢၼ်ၶႅၵ်ႇလိုဝ်ႈၼၼ်ႉဢေႃႈ။
၃၅ ဝၼ်းမိူဝ်ႈၽုၵ်ႈမိူဝ်ႈဢၼ်မၼ်းၸမ်တေသိုပ်ႇၶၢဝ်းတၢင်းၵႂႃႇၼၼ်ႉမၼ်းဢဝ်တေႇၼႃႇရီႇသွင်ၶႅပ်းပၼ်တီႈၸဝ်ႈႁိူၼ်းၼၼ်ႉသေလႄႈသင်ႇလၢတ်ႈဝႃႈ၊-ပႂ်ႉလူလူမ်းလႃးၵေႃႉၼႆႉသေၵမ်းၶႃႈ။ၵႃႈဢၼ်တူၵ်းသဵင်ႈၵႂႃႇၼၼ်ႉမိူဝ်ႈဢၼ်ၵဝ်ၶႃႈၶိုၼ်းမႃးၼၼ်ႉၵဝ်ၶႃႈတၵ်းတႅၼ်းပၼ်ယူႇၶႃႈ၊ဝႃႈၼင်ႇၼႆဢေႃႈ။
၃၆ ၸဝ်ႈယေႇသုၵေႃႈထၢမ်ဝႃႈ၊-မႂ်းထၢင်ႇၸိူဝ်ႉၼင်ႇႁိုဝ်။ၼႂ်းၶဝ်သၢမ်ၵေႃႉၼၼ်ႉၵေႃႉလႂ်ပဵၼ်ၵေႃႉဢၼ်ၸၢပ်ႈသႅင်ႇၵၼ်တင်းၵေႃႉဢၼ်တူၵ်းၼႂ်းမိုဝ်းၸူၼ်ၼၼ်ႉမိူဝ်ႈဢၼ်ဝႃႈၼင်ႇၼႆၸိုင်၊ၵူၼ်းမေႃၵျၢမ်းၵေႃႉၼၼ်ႉၵေႃႈလဝ်ႈလၢတ်ႈလႄႈဝႃႈ၊-
၃၇ ပဵၼ်ၵေႃႉဢၼ်ဢိတ်းလူၵေႃႉမၢတ်ႇၼၼ်ႉၶႃႈဢေႃႈ၊ဝႃႈၼင်ႇၼႆလႄႈၸဝ်ႈယေႇသုၵေႃႈလၢတ်ႈလႄႈဝႃႈ၊-မႂ်းၵေႃႈၵႂႃႇလႄႈႁဵတ်းၸိူဝ်ႉၼင်ႇၼၼ်တႃႉ၊ဝႃႈၼင်ႇၼႆဢေႃႈ။
ၼႂ်းႁိူၼ်းမႃႇထတင်းမႃႇရိ
၃၈ ၼႂ်းမိူဝ်ႈဢၼ်ၶဝ်ၸွမ်းတၢင်းၵႂႃႇယူႇၼၼ်ႉၸိုင်မၼ်းၸဝ်ႈၶဝ်ႈၵႂႃႇၵႃႈၼႂ်းဝၢၼ်ႈဝၢၼ်ႈၼိုင်ႈလႄႈမေႈယိင်းၵေႃႉၼိုင်ႈဢၼ်လႆႈၸိုဝ်မႃႇထၼၼ်ႉႁပ်ႉတုင်းဢဝ်မၼ်းၸဝ်ႈသေလႄႈၶၢမ်ႇၶႅၵ်ႇၵႃႈၼႂ်းႁိူၼ်းမၼ်းဢေႃႈ။
၃၉ မေႈယိင်းၼၼ်ႉမၼ်းမီးၼွင်ႉယိင်းၵေႃႉၼိုင်ႈဢၼ်လႆႈၸိုဝ်မႃႇရိၼၼ်ႉဢေႃႈ။မႃႇရိၼၼ်ႉၼင်ႈယူႇၵႃႈတီႈႁိမ်းတိၼ်မၼ်းၸဝ်ႈသေလႄႈထွမ်ႇဢဝ်ၵႂၢမ်းတြႃးမၼ်းၸဝ်ႈယူႇဢေႃႈ။
၄၀ မႃႇထၸမ်းမီးတၢင်းဢၼ်ယၢပ်ႇၸႂ်လူၺ်ႈလွင်ႈတၢင်းဢၼ်တၵ်းႁဵတ်းလဵင်ႉႁဵတ်းလူၼၼ်ႉဢေႃႈ။မၼ်းသုတ်ႉၸပ်းသုတ်ႉၸူးတီႈမၼ်းၸဝ်ႈသေယဝ်ႉလဝ်ႈလၢတ်ႈလႄႈဝႃႈ၊-ၸဝ်ႈႁဝ်း၊ၸဝ်ႈႁဝ်းဢမ်ႇၶႆႈၸႂ်လူၺ်ႈလွင်ႈဢၼ်ၼွင်ႉယိင်းၵဝ်ၶႃႈပႅတ်ႈဝႆႉၵဝ်ၶႃႈၵေႃႉလဵဝ်ႁႂ်ႈလႆႈႁဵတ်းလဵင်ႉႁဵတ်းလူၼၼ်ႉၶႃႈႁိုဝ်။ၶႅၼ်းတေႃႈဝႃႈမၼ်းႁႂ်ႈမၼ်းမႃးၸွႆႈမႃးထႅမ်ၵဝ်ၶႃႈသေၵမ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ၸဝ်ႈယေႇသုၵေႃႈလၢတ်ႈလႄႈဝႃႈ၊-
၄၁ မႃႇထဢိူၺ်း။မႂ်းၼႆႉမႆႈၸႂ်လႅင်ၸႂ်လူၺ်ႈလွင်ႈတၢင်းၼမ်ၼႃႇလႄႈမီးတၢင်းဢၼ်ယၢပ်ႇၸႂ်ယူႇဢေႃႈ။
၄၂ လွင်ႈဢၼ်လူဝ်ႇထႅင်ႈယင်းမီးယူႇဢၼ်ၼိုင်ႈဢေႃႈ။မႃႇရိၸမ်းလိူၵ်ႈဢဝ်ပုၼ်ႈဢၼ်လီဝႆႉယဝ်ႉ။ဢၼ်ၼၼ်ႉၸိုင်ၽူႈလႂ်သေၵေႃႉသေၵူၼ်းဢမ်ႇႁိမ်ဢမ်ႇဢဝ်လႆႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ