ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၁၃
တၵ်းလႆႈၶုၵ်းၸႂ်လႆႈမႆႈၸႂ်
၁ ၼႂ်းၶိင်ႇမိူဝ်ႈၼၼ်ႉမီးၵူၼ်းၵမ်ႈၽွင်ႈမႃးတီႈမၼ်းၸဝ်ႈသေလႄႈလဝ်ႈလၢတ်ႈလွင်ႈၶုၼ်ပိလၢတ်ႉဢဝ်လိူတ်ႈၵူၼ်းၵႃႇလိလႄးၵမ်ႈၽွင်ႈလေႃးၵၼ်တင်းတူဝ်ယိၸ်ႉလႄႈပုၵ်ႉၸေႃႇၼၼ်ႉဢေႃႈ။
၂ မၼ်းၸဝ်ႈၵေႃႈၶိုၼ်းလၢတ်ႈတီႈၶဝ်လႄႈဝႃႈ၊-ၸွင်ႇသူထၢင်ႇဝႃႈၵွပ်ႈပိူဝ်ႈၶဝ်လႆႈၶၢမ်ႇၸိူဝ်ႉၼင်ႇၼၼ်လႄႈၶဝ်ပဵၼ်ၵူၼ်းၵႃႇလိလႄးဢၼ်မီးဢပျႅတ်ႈယိင်ႈၶႅၼ်းယႂ်ႇၼႃႇသေၵူၼ်းၵႃႇလိလႄးတၢင်ႇတီႈတၢင်ႇလႅၼ်ၸိူဝ်းၼၼ်ႉ။ယဵင်ႈၶႅၼ်းမီးဢပျႅတ်ႈယႂ်ႇဢမ်ႇၸႂ်ႈ။
၃ သူၵႃႈမီးတင်းသဵင်ႈတင်းလူင်ၸိူဝ်းၼႆႉၵေႃႈပေႃးဢမ်ႇမီးတၢင်းဢၼ်ၶုၵ်းၸႂ်လႆႈမႆႈၸႂ်ၸိုင်တၵ်းႁွတ်ႈထိုင်တၢင်းလူႉတင်းလႅဝ်မိူၼ်မိူၼ်ၵၼ်ဢေႃႈ၊ဝႃႈၼင်ႇၼႆဢေႃႈ။
၄ လိူဝ်သေၼၼ်ႉသူထၢင်ႇၵူၼ်းသိပ်းပႅတ်ႇၵေႃႉဢၼ်ထဵင်လင်းသီႇလွင်ႇလူမ်ႉတဵင်တၢႆၼၼ်ႉယဵင်ႈၶႅၼ်းမီးဢပျႅတ်ႈယႂ်ႇၼႃႇသေၵူၼ်းဢၼ်ယူႇၼႂ်းဝဵင်းယေႇရုသလႅမ်ႇၸိူဝ်းၼၼ်ႉႁိုဝ်။ယဵင်ႈၶႅၼ်းမီးဢပျႅတ်ႈယႂ်ႇဢမ်ႇၸႂ်ႈ။
၅ သူၵႃႈမီးတင်းသဵင်ႈတင်းလူင်ၸိူဝ်းၼႆႉၵေႃႈပေႃးဢမ်ႇမီးတၢင်းဢၼ်ၶုၵ်းၸႂ်လႆႈမႆႈၸႂ်ၸိုင်တၵ်းႁွတ်ႈထိုင်တၢင်းလူႉတၢင်းလႅဝ်မိူၼ်မိူၼ်ၵၼ်ဢေႃႈ၊ဝႃႈၼင်ႇၼႆဢေႃႈ။
၆ ၵမ်းၼၼ်ႉမၼ်းၸဝ်ႈသမ်ႉၶိုၼ်းလၢတ်ႈဢူႉပမႃႇထႅင်ႈလႄႈဝႃႈၸမ်း၊-ၵႃႈတီႈၵူၼ်းၵေႃႉၼိုင်ႈမၼ်းမီးတူၼ်ႈမၢၵ်ႇလိူဝ်ႇသၢင်းၽေႃးတူၼ်ႈၼိုင်ႈဢၼ်ၽုၵ်ႇဝႆႉၵႃႈၼႂ်းသူၼ်ဢူးယဵၼ်ႇမၼ်းၼၼ်ႉဢေႃႈ။ပဵၵ်ႉသမ်ႉမၼ်းၵႂႃႇၵႃႈတီႈတူၼ်ႈၼၼ်ႉလႄႈႁႃမၢၵ်ႇမၼ်းသေၵေႃႈဢမ်ႇထူပ်းဢမ်ႇႁၼ်။
၇ မိူဝ်ႈၼၼ်ႉမၼ်းလၢတ်ႈတီႈၵေႃႉဢၼ်ပႂ်ႉသူၼ်ဢူးယဵၼ်ႇၼၼ်ႉလႄႈဝႃႈ၊-သၢမ်ပီႊတဵမ်တဵမ်ပဵၵ်ႉသမ်ႉၵဝ်မႃးၵႃႈတီႈတူၼ်ႈမၢၵ်ႇလိူဝ်ႇသၢင်းၽေႃးၼႆႉလႄႈႁႃမၢၵ်ႇမၼ်းသေၵေႃႈဢမ်ႇထူပ်းဢမ်ႇႁၼ်သေႁူၺ်ႇ။
၈ ၽၼ်းပႅတ်ႈတႃႉ။ႁဵတ်းႁိုဝ်လႄႈႁႂ်ႈမၼ်းႁူၵ်ႉလိၼ်ၼႆႉ၊မိူဝ်ႈဢၼ်ဝႃႈၼင်ႇၼႆၸိုင်ၵေႃႉဢၼ်ပႂ်ႉသူၼ်ဢူးယဵၼ်ႇၼၼ်ႉၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်း၊ပီႊၼႆႉတႄႉယႃႇမၼ်းလူးၵွၼ်ႇၶႃႈ။ၵဝ်ၶႃႈတၵ်းၶူတ်ႉယူင်ႁိမ်းငဝ်ႈမၼ်းသေလႄႈသႂ်ႇၽုၼ်ႇလူးၵွၼ်ႇၶႃႈဢေႃႈ။
၉ မၼ်းၸၢင်ႊၶႄးတၵ်းမၢၵ်ႇမႃးယူႇၶႃႈ။ပေႃးဢမ်ႇမၢၵ်ႇၵမ်းလိုၼ်းၸင်ႇၽၼ်းပႅတ်ႈသေၵမ်းၶႃႈ၊ဝႃႈၼင်ႇၼႆဢေႃႈ။
ႁႂ်ႈတၢင်းၶႆႈတၢင်းပဵၼ်ႁၢႆၶႅၼ်းၼႂ်းဝၼ်းၵမ်သိၼ်
၁၀ ၼႂ်းဝၼ်းၵမ်သိၼ်ဝၼ်းၼိုင်ႈမိူဝ်ႈဢၼ်မၼ်းၸဝ်ႈသင်ႇသွၼ်သုင်းမႃႉပၼ်ၵႃႈၼႂ်းၸရွပ်ႈႁေႃးတြႃးယူႇၼၼ်ႉၸိုင်
၁၁ မီးမေႈယိင်းဢၼ်ၽီၶဝ်ႈသိပ်းပႅတ်ႇပီႊတဵမ်တဵမ်လႄႈလႆႈၶၢမ်ႇတၢင်းၶႆႈတၢင်းပဵၼ်ၸပ်းတူဝ်ယူႇၼၼ်ႉလင်ၵွင်းလႄႈဢမ်ႇယဵတ်ႇတူဝ်မၼ်းလႆႈသေဢိတ်း။
၁၂ ၸဝ်ႈယေႇသုႁၼ်မၼ်းသေယဝ်ႉႁွင်ႉမၼ်းသုတ်ႉၸမ်မႃးလႄႈဝႃႈ၊-မေႈယိင်းဢိူၺ်း၊မႂ်းၵၢင်းလွတ်ႈတင်းတၢင်းၶႆႈတၢင်းပဵၼ်မႂ်းယဝ်ႉ၊ဝႃႈၼင်ႇၼႆသေယဝ်ႉ
၁၃ မၼ်းၸဝ်ႈဢဝ်မိုဝ်းတၢင်ႇၵႃႈၼိူဝ်မၼ်းလႄႈမၼ်းၵေႃႈလုၵ်ႉၸုၵ်းလႆႈမႃးသိုဝ်ႈသိုဝ်ႈလႄႈယွင်ႈယေႃးမူၼ်ၵျေးၸူးၽြႃးပဵၼ်ၸဝ်ႈဢေႃႈ။ပိူဝ်ႈဢၼ်ၸဝ်ႈယေႇသုႁႂ်ႈတၢင်းၶႆႈတၢင်းပဵၼ်ႁၢႆၶႅၼ်းၼႂ်းဝၼ်းၵမ်သိၼ်လႄႈၵႄႇၸရွပ်ႈႁေႃးတြႃးၼၼ်ႉမီးတၢင်းဢၼ်ၸႂ်မႆႈၶႂ်ႈၸႃႉလႄႈလၢတ်ႈတီႈပရိၵ်ႈသၢတ်ႈတင်းလၢႆၸိူဝ်းၼၼ်ႉလႄႈဝႃႈ၊-
၁၄ ပုၼ်ႈဢၼ်ၵူၼ်းတၵ်းလႆႈႁဵတ်းတၢင်းႁဵတ်းၸိုင်မီးႁူၵ်းဝၼ်းယူႇဢိူဝ်ႈ။ၼႂ်းဝၼ်းၸိူဝ်းၼၼ်ႉမႃးလႄႈၶၢမ်ႇဢဝ်ၵျေးၸူးတၢင်းဢၼ်ႁႂ်ႈတၢင်းၶႆႈတၢင်းပဵၼ်ႁၢႆတႃႉ။ၼႂ်းဝၼ်းၵမ်သိၼ်ၼႆႉယႃႇပမေႃးၶၢမ်ႇဢဝ်ၸိူဝ်ႉၼႆ၊ဝႃႈၼင်ႇၼႆဢေႃႈ။
၁၅ ၸဝ်ႈၽြႃးၵေႃႈၶိုၼ်းလၢတ်ႈလႄႈဝႃႈ၊-ၵူၼ်းဢၼ်ၸၢင်ႊထိမ်ႇၸၢင်ႊမႅပ်းတင်းလၢႆၶဝ်ဢိူၺ်း၊ၼႂ်းဝၼ်းၵမ်သိၼ်သူၵႃႈမီးတင်းသဵင်ႈတင်းလူင်ပွႆႇဝူဝ်းဢိၵ်ႇတင်းမႃႉလီႈသူဢွၵ်ႇသေၵႃႈၼႂ်းၶွၵ်ႈလႄႈဢဝ်ၵႂႃႇႁႂ်ႈလႆႈၵိၼ်ၼမ်ႉယူႇဢမ်ႇၸႂ်ႈႁိုဝ်။
၁၆ ၵေႃႉဢၼ်ပဵၼ်လုၵ်ႈယိင်းဢႃႇပြႁၢမ်ႇဢၼ်ၸႃႇတၢၼ်ႇမႃႇၼၢတ်ႈမတ်ႉၽုၵ်ႇဝႆႉသိပ်းပႅတ်ႇပီႊတဵမ်တဵမ်ၼႆႉၼႂ်းဝၼ်းၵမ်သိၼ်ဢမ်ႇထုၵ်ႇလီၶၢမ်ႇတၢင်းဢၼ်ပွႆႇလွတ်ႈသေၵႃႈၼႂ်းတၢင်းဢၼ်မတ်ႉၽုၵ်ႇဝႆႉၼၼ်ႉႁိုဝ်၊ဝႃႈၼင်ႇၼႆဢေႃႈ။
၁၇ မၼ်းၸဝ်ႈလၢတ်ႈၸိူဝ်ႉၼင်ႇၼၼ်သေယဝ်ႉၶဝ်ၸိူဝ်းဢၼ်ယူႇၽၢႆႇၼိုင်ႈတင်းမၼ်းၸဝ်ႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈမီးတၢင်းဢၼ်လီဢူၵ်းလီဢၢႆလႄႈၵူၼ်းၸူႉၵူၼ်းတုမ်တင်းသဵင်ႈတင်းလူင်ၸိူဝ်းၼၼ်ႉသိူဝ်းၸူမ်းမူၼ်ႈပျေႃႇၼႂ်းလွင်ႈတၢင်းဢၼ်လီဢၢမ်းဢၼ်မၼ်းၸဝ်ႈႁဵတ်းၼမ်ၼႃႇၼၼ်ႉဢေႃႈ။
ဢူႉပမႃႇၽၼ်းၽၵ်းၵၢတ်ႇတင်းၸိူဝ်ႉပႅင်ႈ
၁၈ မၼ်းၸဝ်ႈသမ်ႉၶိုၼ်းဝႃႈထႅင်ႈလႄႈဝႃႈ၊-မိူင်းၽြႃးပဵၼ်ၸဝ်ႈမိူၼ်လွင်ႈတၢင်းၸိူဝ်ႉၼင်ႇႁိုဝ်။တၵ်းလႆႈၼႄပျႃႉဢူႉပမႃႇပုင်ႇမၼ်းၸိူဝ်ႉၼင်ႇႁိုဝ်။မိူၼ်ၸိူဝ်ႉၼင်ႇၽၼ်းၽၵ်းၵၢတ်ႇမဵတ်ႉၼိုင်ႈဢၼ်ၵူၼ်းၵေႃႉၼိုင်ႈဢဝ်ၽုၵ်ႇသႂ်ႇၵႃႈၼႂ်းသူၼ်မၼ်းၼၼ်ႉဢေႃႈ။
၁၉ မဵတ်ႉၼၼ်ႉယႂ်ႇမႃးလႄႈပဵၼ်တူၼ်ႈလူင်ဢေႃႈ။ၼူၵ်ႉၵၢင်ႁၢဝ်တင်းလၢႆၵေႃႈမႃးလိုဝ်ႈမႃးသဝ်းၵႃႈၼႂ်းၵိင်ႇမၼ်းၶႃႊမၼ်းယူႇဢေႃႈ၊ဝႃႈၼင်ႇၼႆဢေႃႈ။
၂၀ မၼ်းၸဝ်ႈသမ်ႉၶိုၼ်းဝႃႈထႅင်ႈၸမ်းမိူင်းၽြႃးပဵၼ်ၸဝ်ႈတၵ်းလႆႈၼႄပျႃႉဢူႉပမႃႇပုင်ႇမၼ်းၸိူဝ်ႉၼင်ႇႁိုဝ်။
၂၁ မိူၼ်ၸိူဝ်ႉၼင်ႇၸိူဝ်ႉပႅင်ႈဢၼ်မေႈယိင်းၵေႃႉၼိုင်ႈဢဝ်သႂ်ႇၵႃႈၼႂ်းၽွင်ၶဝ်ႈမုၼ်းသၢမ်တၢင်တေႃႇထိုင်ႁွတ်ႈၸိူဝ်ႉပႅင်ႈၼၼ်ႉႁႂ်ႈတင်းသဵင်ႈတင်းလူင်ပွင်းၶိုၼ်ႈၼၼ်ႉဢေႃႈ၊ဝႃႈၼင်ႇၼႆဢေႃႈ။
ၽၵ်းတူဢၼ်ၵႅပ်ႈ
၂၂ မိူဝ်ႈၼၼ်ႉမၼ်းၸဝ်ႈတေႇသႃႉၸႃႇရီႇလႄႇလႅပ်ႈၵႃႈၼႂ်းဝၢၼ်ႈၼႂ်းဝဵင်းတင်းလၢႆလႄႈသင်ႇသွၼ်သုင်းမႃႉပၼ်ၸွမ်းတၢင်းၵႂႃႇၵႃႈတီႈဝဵင်းယေႇရုသလႅမ်ႇၼၼ်ႉဢေႃႈ။ၵူၼ်းၵေႃႉၼိုင်ႈလဝ်ႈထၢမ်လႄႈဝႃႈ၊-
၂၃ ၸဝ်ႈႁဝ်း။ၶဝ်ၸိူဝ်းဢၼ်ႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉမီးၵေႇၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈလၢတ်ႈလႄႈဝႃႈ၊-
၂၄ ၶတ်းၸႂ်ႁႂ်ႈလႆႈၶဝ်ႈၽၵ်းတူဢၼ်ၵႅပ်ႈတႃႉ။လွင်ႈမၼ်းၸမ်းပဵၵ်ႉသမ်ႉၵူၼ်းၼမ်ၼႃႇၶႂ်ႈၶဝ်ႈသေၵေႃႈၶဝ်ဢမ်ႇၸၢင်ႊၶဝ်ႈလႆႈ။
၂၅ မိူဝ်ႈဢၼ်ၸဝ်ႈႁိူၼ်းလုၵ်ႉလႄႈဢိုတ်းၽၵ်းတူၼၼ်ႉပဵၵ်ႉသမ်ႉသူၸုၵ်းယူႇၵႃႈၼွၵ်ႈလႄႈတွႆႇၽၵ်းတူလႄႈလဝ်ႈယွၼ်းဝႃႈ၊-ၸဝ်ႈႁဝ်းၸဝ်ႈႁဝ်းၽုၺ်ႇၽၵ်းတူပၼ်ႁဝ်းၶႃႈသေၵမ်းၶႃႈ၊ဝႃႈၼင်ႇၼႆသေၵေႃႈမၼ်းတၵ်းၶိုၼ်းလၢတ်ႈလႄႈဝႃႈ၊-သူလုၵ်ႉၵႃႈလႂ်မႃး။ၵဝ်ဢမ်ႇႁူႉၸၵ်းသူ၊ဝႃႈၼင်ႇၼႆဢေႃႈ။
၂၆ မိူဝ်ႈၼၼ်ႉသူၵေႃႈတၵ်းၶိုုၼ်းလဝ်ႈလၢတ်ႈလႄႈဝႃႈ၊-ႁဝ်းၶႃႈယၢမ်ႈလႆႈၵိၼ်လႆႈၶူပ်းလူၺ်ႈၸဝ်ႈႁဝ်းယူႇၶႃႈဢေႃႈ။ၸဝ်ႈႁဝ်းလႆႈသင်ႇသွၼ်သုင်းမႃႉပၼ်ႁဝ်းၶႃႈယူႇၼႂ်းသဵၼ်ႈတၢင်းဝၢၼ်ႈဝဵင်းႁဝ်းၶႃႈယူႇၶႃႈဢေႃႈ၊ဝႃႈၼႆသေၵေႃႈယႃႇ၊မၼ်းတၵ်းၶိုၼ်းလၢတ်ႈလႄႈဝႃႈ၊-
၂၇ ၵဝ်ဝႃႈတီႈသူၸမ်းလွင်ႈဢၼ်သူလုၵ်ႉၵႃႈလႂ်မႃးၼၼ်ႉၵဝ်ဢမ်ႇႁူႉ။ၵူၼ်းၸိူဝ်းဢၼ်ႁဵတ်းလွင်ႈတၢင်းဢၼ်ဢမ်ႇတြႃးတင်းသဵင်ႈတင်းလူင်ၼႆႉဢိူၺ်း၊ဝေႈသေၵႃႈတီႈၵဝ်လႄႈၵႂႃႇတႃႉ၊ဝႃႈၼင်ႇၼႆဢေႃႈ။
၂၈ မိူဝ်ႈဢၼ်သူႁၼ်ဢႃႇပြႁၢမ်ႇဢိၸၢၵ်ႉ၊ယႃႇၵုပ်ႉ၊ဢိၵ်ႇတင်းပရေႃးၽႅတ်ႈတင်းလႆၵႃႈၼႂ်းမိူင်းၽြႃးပဵၼ်ၸဝ်ႈၼၼ်ႉလႄႈသူသမ်ႉလႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈၵႃႈၼွၵ်ႈၼၼ်ႉၸိုင်သူတၵ်းမီးတၢင်းဢၼ်ႁွင်ႉႁႆႈဢိၵ်ႇတင်းတၢင်းဢၼ်ၵတ်းၶဵဝ်ႈၵတ်းၽၢၼ်ႈယူႇဢေႃႈ။
၂၉ မိူဝ်ႈၼၼ်ႉၵူၼ်းတင်းလၢႆတၵ်းလုၵ်ႉသေၵႃႈတီႈတၢင်းဝၼ်းဢွၵ်ႇတၢင်းဝၼ်းတူၵ်းတၢင်းႁွင်ႇတၢင်းၸၢၼ်းမႃးလႄႈၼင်ႈယူႇၵႃႈႁိမ်းၽိူၼ်တီႈၵိၼ်မိူင်းၽြႃးပဵၼ်ၸဝ်ႈၼၼ်ႉဢေႃႈ။
၃၀ ၶဝ်ၸိူဝ်းဢၼ်တူၵ်းလိုၼ်းၵမ်ႈၽွင်ႈတၵ်းတူၵ်းဢွၼ်တၢင်းဢေႃႈ။ၶဝ်ၸိူဝ်းဢၼ်တူၵ်းဢွၼ်တၢင်းၵမ်ႈၽွင်ႈတၵ်းတူၵ်းလိုၼ်းဢေႃႈ၊ဝႃႈၼင်ႇၼႆဢေႃႈ။
ၸဝ်ႈယေႇသုၸႂ်လဵၵ်ႉပုၼ်ႈဝဵင်းယေႇရုသလႅမ်ႇ
၃၁ မိူဝ်ႈၼၼ်ႉၽႃႇရိသေးၵမ်ႈၽွင်ႈမႃးတီႈမၼ်းၸဝ်ႈသေလႄႈလဝ်ႈလၢတ်ႈလႄႈဝႃႈ၊-ဢွၵ်ႇသေၵႃႈတီႈၼႆႉၵႂႃႇသေၵမ်းၶႃႈ။ၶုၼ်ႁေႇရူတ်ႉမီးတၢင်းၵျၢမ်ႇတၢင်းပွင်တၵ်းဢဝ်ၸဝ်ႈႁဝ်းတၢႆၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈလၢတ်ႈလႄႈဝႃႈ၊-
၃၂ ဝၼ်းမိူဝ်ႈၼႆႉတင်းဝၼ်းမိူဝ်ႈၽုၵ်ႈၵဝ်ႁေႃႈၽီႁၢႆႉဢွၵ်ႇပႅတ်ႈလႄႈႁႂ်ႈတၢင်းၶႆႈတၢင်းပဵၼ်တင်းလၢႆႁၢႆၶႅၼ်းဢေႃႈ။မိူဝ်ႈဢၼ်ထူၼ်ႈထိုင်သၢမ်ဝၼ်းၼၼ်ႉၸိုင်ၵဝ်တၵ်းႁွတ်ႈထိုင်တၢင်းဢၼ်တဵမ်ထူၼ်ႈဢေႃႈ၊ဝႃႈၼႆ၊သူၵႂႃႇလဝ်ႈလၢတ်ႈတီႈမႃလိၼ်ၸိူဝ်းၼၼ်ႉတႃႉ။
၃၃ ၼႂ်းဝႃႈၼၼ်သေၵေႃႈၼႂ်းဝၼ်းမိူဝ်ႈၼႆႉဝၼ်းမိူဝ်ႈၽုၵ်ႈဝၼ်းမိူဝ်ႈႁိုဝ်းၵဝ်တၵ်းလႆႈၵႂႃႇယူႇလူးၵွၼ်ႇဢေႃႈ။လွင်ႈမၼ်းၸမ်းလိူဝ်သေၵႃႈတီႈၼႂ်းဝဵင်းယေႇရုသလႅမ်ႇၼၼ်ႉပရေႃးၽႅတ်ႈဢမ်ႇလႆႈလူႉလႆႈလႅဝ်ၵႃႈတီႈတၢင်ႇတီႈတၢင်ႇလႅၼ်။
၃၄ ဢူဝ်း၊ဝဵင်းယေႇရုသလႅမ်ႇဝဵင်းယေႇရုသလႅမ်ႇဢၼ်ဢဝ်ပရေႃးၽႅတ်ႈတင်းလၢႆတၢႆလႄႈဢဝ်မၢၵ်ႇႁိၼ်ထိမ်ႈၶဝ်ၸိူဝ်းဢၼ်ပွႆႇၸႂ်ႉမႃးၵႃႈတီႈမႂ်းတင်းလၢႆသေႇသေႇၼႆႉဢိူၺ်း၊ၸိူဝ်ႉၼင်ႇဢၼ်ၵႆႇမေႈႁႂ်ႈလုၵ်ႈဢွၼ်ႇမၼ်းၸူႉၵၼ်တုမ်ၵၼ်ၵႃႈတႂ်ႈပိၵ်ႇမၼ်းၼၼ်ႉၵဝ်မီးဢလူဝ်ႇၶႂ်ႈႁႂ်ႈလုၵ်ႈဢွၼ်ႇမႂ်းၸူႉၵၼ်တုမ်ၵၼ်ယူႇဢမ်ႇႁူႉလၢႆၽဝ်ႇလၢႆပွၵ်ႈယဝ်ႉ။မႂ်းၸမ်းဢမ်ႇမီးဢလူဝ်ႇ။
၃၅ တူၺ်းလူႊႁိူၼ်းသူၼၼ်ႉၵိုတ်းဝႆႉတီႈသူလႄႈပဵၼ်တီႈဢၼ်ၽိတ်ႇၵူၼ်းယၢဝ်ၵူၼ်းဢေႃႈ။
ၵဝ်ဝႃႈတီႈသူၸမ်းတေႃႇထိုင်ႁွတ်ႈၸူဝ်ႈဢၼ်သူဢမ်ႇပႆႇလၢတ်ႈလႄႈဝႃႈ၊-ႁႂ်ႈၵေႃႉဢၼ်ပႃးတင်းဢၶႂၢင်ႉထႃႇဝရႃႉၽြႃးမႃးၼၼ်ႉမီးမင်ႇၵလႃႇသေၵမ်းလူၺ်ႈ၊ဝႃႈၼင်ႇၼႆၼၼ်ႉၸႃႉၸဵမ်တေႃႈလဵဝ်ၼႆႉလႄႈသူတၵ်းဢမ်ႇလႆႈႁၼ်ၼႃႈၵဝ်၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ