Shan Missions

မၢတ်ႈထႄႇ

Chapter   ၁     ၂     ၃     ၄     ၅     ၆     ၇     ၈     ၉     ၁၀     ၁၁     ၁၂     ၁၃     ၁၄     ၁၅     ၁၆     ၁၇     ၁၈     ၁၉     ၂၀     ၂၁     ၂၂     ၂၃     ၂၄     ၂၅     ၂၆     ၂၇     ၂၈ 

၇

တၢင်းဢၼ်ၸီႇယၢင်ႇပိူၼ်ႈ

၁ ၼင်ႇႁိုဝ်သူတၵ်းၵၢင်းလွတ်ႈတင်းတၢင်းဢၼ်ၸီႇယၢင်ႇၸိုင်ယႃႇပေၸီႇယၢင်ႇပိူၼ်ႈ။ သူၸီႇယၢင်ႇပိူၼ်ႈၸွမ်းၼင်ႇတြႃးဢၼ်လႂ်သေဢမ်ႇဝႃႈတၵ်းလႆႈၶၢမ်ႇတၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉဢေႃႈ။ 

၂ သူပၼ်တီႈပိူၼ်ႈဢၼ်တူင်ဢၼ်တဵၵ်းၵႃႈႁိုဝ်သေဢမ်ႇဝႃႈတၵ်းလႆႈၶၢမ်ႇၵႃႈၼင်ႇဢၼ်တူင်ဢၼ်တဵၵ်းၼၼ်ႉဢေႃႈ။ 

၃ မႂ်းယင်းဢမ်ႇၶုၵ်းၸႂ်လႆႈၶႆႈၸႂ်ထူပ်းသဵၼ်ႈဢၼ်မီးယူႇၵႃႈၼႂ်းမၢၵ်ႇတႃမႂ်းလႄႈႁဵတ်းသင်လႄႈသမ်ႉတူၺ်းမုၼ်ႈဢၼ်မီးယူႇၵႃႈၼႂ်းမၢၵ်ႇတႃပီႈၼွင်ႉမႂ်းၼၼ်ႉ။ 

၄ သဵၼ်ႈယင်းမီးယူႇၵႃႈၼႂ်းမၢၵ်ႇတႃမႂ်းလႄႈႁဵတ်းသင်လႄႈသမ်ႉလၢတ်ႈတီႈပီႈၼွင်ႉမႂ်းဝႃႈ၊-ႁႂ်ႈၵဝ်လႆႈဢဝ်မုၼ်ႈဢၼ်မီးယူႇၼႂ်းမၢၵ်ႇတႃမႂ်းၼၼ်ႉဢွၵ်ႇပႅတ်ႈသေၵမ်း၊ဝႃႈၸိူဝ်ႉၼင်ႇၼႆ။ 

၅ ၵူၼ်းဢၼ်ၸၢင်ႊထိမ်ႇၸၢင်ႊမႅပ်းၼႆႉဢိူၺ်း၊ဢဝ်သဵၼ်ႈဢၼ်မီးယူႇၵႃႈၼႂ်းမၢၵ်ႇတႃမႂ်းၼၼ်ႉဢွၵ်ႇပႅတ်ႈဢွၼ်တၢင်းလူးၵွၼ်ႇတႃႉ။ လိုၼ်းၼၼ်ႉၸင်ႇမႂ်းတၵ်းႁၼ်လီလီႁႂ်ႈလႆႈဢဝ်ဢွၵ်ႇမုၼ်ႈဢၼ်မီးၼႂ်းမၢၵ်ႇတႃပီႈၼွင်ႉမႂ်းၼၼ်ႉဢေႃႈ။ 

၆ ယႃႇပေဢဝ်ၶိူင်ႈပိူင်ဢၼ်မူတ်းၸၢင်ႇပၼ်တီႈမႃ။ ယႃႇပေဢဝ်ပလႄးရတၼႃႇတမ်းဝႆႉၵႃႈတီႈၽၢႆႇၼႃႈမူ။ ၶဝ်တၵ်းယဵပ်ႇၶၢမ်ႈၶိူင်ႈပိူင်ၸိူဝ်းၼၼ်ႉလႄႈဝၢႆႇၶိုၼ်းၶူပ်းငၢၼ်ႈသိၵ်ႇၶၢတ်ႇသူဢေႃႈ။ 

ယွၼ်းတႃႉ၊ႁႃတႃႉ၊တွႆႇၽၵ်းတူတႃႉ

၇ ယွၼ်းတႃႉ။ ပေႃးယွၼ်းၸိုင်တၵ်းလႆႈဢေႃႈ။ ႁႃတႃႉ။ ပေႃးႁႃၸိုင်တၵ်းထူပ်းႁၼ်ဢေႃႈ။ 

၈ တွႆႇၽၵ်းတူတႃႉ။ ပေႃးတွႆႇၸိုင်တၵ်းၽုၺ်ႇဢေႃႈ။ ၵေႃႉဢၼ်ယွၼ်းၸမ်းလႆႈဢေႃႈ။ ၵေႃႉဢၼ်ႁႃၼၼ်ႉၵေႃႈထူပ်းႁၼ်ဢေႃႈ။ 

၉ တီႈၵေႃႉဢၼ်တွႆႇၽၵ်းတူၼၼ်ႉၵေႃႈၽုၺ်ႇပၼ်ဢေႃႈ။ 

၁၀ ပေႃးလုၵ်ႈလၢင်းယွၼ်းၶဝ်ႈမုၼ်းၸိုင်ပေႃႈၵေႃႉဢၼ်တၵ်းဢဝ်မၢၵ်ႇႁိၼ်ပၼ်၊ပေႃးယွၼ်းပႃၸိုင်ပေႃႈၵေႃႉဢၼ်တၵ်းဢဝ်ငူးပၼ်ၼၼ်ႉၼႂ်းသူၼႆႉၸွင်ႇမီးပေႃႈၸိူဝ်ႉၼင်ႇၼၼ်သေၵေႃႉသေၵူၼ်းႁိုဝ်။ 

၁၁ ပဵၵ်ႉသမ်ႉသူပဵၼ်ၵေႃႉဢၼ်ႁၢႆႉမိူၵ်ႈယူႇသေၵေႃႈပေႃးသူယင်းမေႃပၼ်ၶိူင်ႈပိူင်ဢၼ်လီဢၼ်ငၢမ်းတီႈလုၵ်ႈလၢင်းသူၸိုင်ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉယဵင်ႈၶႅၼ်းတၵ်းပၼ်ၶိူင်ႈပိူင်ဢၼ်လီဢၼ်ငၢမ်းတီႈၶဝ်ၸိူဝ်းဢၼ်သူးတွင်းယွၼ်းၼၼ်ႉဢမ်ႇၸႂ်ႈႁိုဝ်။ 

၁၂ ၼင်ႇၵႃႈဢၼ်သူၶႂ်ႈႁႂ်ႈပိူၼ်ႈႁဵတ်းတီႈသူၼၼ်ႉႁဵတ်းတီႈပိူၼ်ႈတႃႉ။ ၼႆႉၸမ်းပဵၼ်ၵျၢမ်းပိင်းၺၢပ်ႈတိတင်းၵျၢမ်းဢၼႃႇၵၢတ်ႈတိဢေႃႈ။ 

ၽၵ်းတူၵႅပ်ႈတင်းၽၵ်းတူၵႂၢင်ႈ

၁၃ ၶဝ်ႈၽၵ်းတူဢၼ်ၵႅပ်ႈတႃႉ။ ၽၵ်းတူဢိၵ်ႇတင်းသဵၼ်ႈတၢင်းဢၼ်ႁွတ်ႈထိုင်တၢင်းလူႉတၢင်းလႅဝ်ၼၼ်ႉပဵၼ်ဢၼ်ၵႂၢင်ႈဢၼ်ငၢႆႈလႄႈ၊ၶဝ်ၸိူဝ်းဢၼ်ၶဝ်ႈၼၼ်ႉၼမ်ၼႃႇဢေႃႈ။ 

၁၄ ၽၵ်းတူဢိၵ်ႇတင်းသဵၼ်ႈတၢင်းဢၼ်ႁွတ်ႈထိုင်တၢင်းဢၼ်ဢသၢၵ်ႈလိပ်းၼၼ်ႉၸမ်းပဵၼ်ဢၼ်ၵႅပ်ႈဢၼ်ယၢပ်ႇလႄႈၶဝ်ၸိူဝ်းဢၼ်ထူပ်းႁၼ်ၼၼ်ႉၵေႇၼႃႇဢေႃႈ။ 

တူၼ်ႈတင်းမၢၵ်ႇ

၁၅ ႁဵတ်းသတိလႄႈဝေႈပႅတ်ႈမိၵ်ႉသႃႇပရေႃးၽႅတ်ႈတင်းလၢႆဢၼ်ၵႃႈၼႂ်းမၼ်းပဵၼ်မႃၼႆးဢၼ်လိူင်းၵႅမ်းၼႃႇၼၼ်ႉလႄႈဢဝ်တင်းၼင်သူဝ်းသုမ်ႇမႆႊဝႆႉသေယဝ်ႉမႃးၵႃႈတီႈသူၼၼ်ႉတႃႉ။ 

၁၆ တူၺ်းမၵ်ၶဝ်ၼၼ်ႉလႄႈတၵ်းႁူႉၸႂ်သၽေႃးၶဝ်ယူႇဢေႃႈ။ ၸၢင်ႊပိတ်းဢဝ်မၢၵ်ႇၸပိတ်ႉၵႃႈတီႈတူၼ်ႈၼၢမ်လႆႈႁိုဝ်း။ ၸၢင်ႊပိတ်းဢဝ်မၢၵ်ႇလိူဝ်ႇသၢင်းၽေႃးၵႃႈတီႈတူၼ်ႈၼၢမ်လိၼ်လႆႈႁိုဝ်း။ 

၁၇ 

တူၼ်ႈဢၼ်လီၼၼ်ႉၸၢင်ႊမၢၵ်ႇမၢၵ်ႇဢၼ်လီဢေႃႈ။ တူၼ်ႈဢၼ်ဢမ်ႇလီၼၼ်ႉၸၢင်ႊမၢၵ်ႇမၢၵ်ႇဢၼ်ဢမ်ႇလီဢေႃႈ။ 

၁၈ တူၼ်ႈဢၼ်လီၼၼ်ႉဢမ်ႇၸၢင်ႊမၢၵ်ႇမၢၵ်ႇဢၼ်ဢမ်ႇလီ။ 

၁၉ တူၼ်ႈဢၼ်ဢမ်ႇလီၼၼ်ႉဢမ်ႇၸၢင်ႊမၢၵ်ႇမၢၵ်ႇဢၼ်လီလႆႈ။ တူၼ်ႈဢၼ်မၢၵ်ႇမၢၵ်ႇဢၼ်ဢမ်ႇလီၵႃႈမီးၸိူဝ်းၼၼ်ႉတၵ်းလႆႈၶၢမ်ႇတၢင်းဢၼ်ၽၼ်းလူမ်ႉသေလႄႈသႂ်ႇၵႃႈၼႂ်းၽႆးဢေႃႈ။ 

၂၀ ပေႃးပဵၼ်ၸိူဝ်ႉၼင်ႇၼႆၸိုင်တူၺ်းမၢၵ်ႇၶဝ်ၼၼ်ႉလႄႈတၵ်းႁူႉၸႂ်သၽေႃးၶဝ်ယူႇဢေႃႈ။ 

၂၁ ၶဝ်ၸိူဝ်းဢၼ်ႁွင်ႉၵဝ်ဝႃႈ၊-ၸဝ်ႈႁဝ်းၸဝ်ႈႁဝ်း၊ဝႃႈၼင်ႇၼႆၼၼ်ႉတၵ်းလႆႈၶဝ်ႈၼႂ်းမိူင်းၵၢင်ႁၢဝ်ၸဝ်ႈၵူႈၵေႃႉဢမ်ႇၸႂ်ႈ။ ၵေႃႉဢၼ်ႁဵတ်းၸွမ်းဢလူဝ်ႇပေႃႈၵဝ်ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉၵူၺ်းတၵ်းလႆႈၶဝ်ႈဢေႃႈ။ 

၂၂ ဝၼ်းၼၼ်ႉၸမ်းၵူၼ်းၼမ်ၼႃႇတၵ်းလဝ်လၢတ်ႈလႄႈဝႃႈ၊-ၸဝ်ႈႁဝ်းၸဝ်ႈႁဝ်း၊ႁဝ်းၶႃႈၼႆႉဢိင်ပိုင်ႈၼႃႇမႃႉၸိုဝ်သဵင်ၸဝ်ႈႁဝ်းသေလႄႈသင်ႇသွၼ်သုင်းမပိူၼ်ႈယူႇယဝ်ႉ၊ဢမ်ႇၸႂ်ႈၶႃႈႁိုဝ်း။ ႁဝ်းၶႃႈၼႆႉဢိင်ပိုင်ႈၼႃႇမႃႉၸိုဝ်သဵင်ၸဝ်ႈႁဝ်းသေလႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈယဝ်ႉဢမ်ႇၸႂ်ႈၶႃႈႁိုဝ်း။ ႁဝ်းၶႃႈၼႆႉဢိင်ပိုင်ႈၼႃႇမႃႉၸိုဝ်သဵင်ၸဝ်ႈႁဝ်းသေလႄႈၼႄပျႃႉတၼ်းၶူဝ်းၼမ်ၼႃႇယဝ်ႉဢမ်ႇၸႂ်ႈၶႃႈႁိုဝ်း၊ဝႃႈၼႆယူႇဢေႃႈ။ 

၂၃ 

ၶိင်ႇၼၼ်ႉၵဝ်သမ်ႉတၵ်းလၢတ်ႈလႅင်းလႅင်းတီႈၶဝ်ၸိူဝ်းၼၼ်ႉလႄႈဝႃႈ၊-ၵဝ်ဢမ်ႇႁူႉၸၵ်းသူ။ 

သူၸိူဝ်းဢၼ်ႁဵတ်းဢၼ်ဢမ်ႇတြႃးတင်းလၢႆၼႆႉဢိူၺ်း၊ဝေႈသေၵႃႈတီႈၵဝ်ၼႆႉလႄႈၵႂႃႇတႃႉ၊ဝႃႈၼင်ႇၼႆဢေႃႈ။ 

ၵေႃႉဢၼ်ႁဵတ်းႁိူၼ်းၼိူဝ်မၢၵ်ႇႁိၼ်တင်းၼိူဝ်သၢႆး

၂၄ ၵဝ်တၵ်းၼႄပုင်ႇပမႃႇဢေႃႈ။ ၽူႈလႂ်သေဢမ်ႇဝႃႈၵေႃႉဢၼ်ငိၼ်းၵႂၢမ်းဢၼ်ၵဝ်ႁေႃးလၢတ်ႈၼၼ်ႉလႄႈထွမ်ႇဢဝ်ၼၼ်ႉၵေႃႉၼၼ်ႉမိူၼ်ၸိူဝ်ႉၼင်ႇၵူၼ်းမီးပိင်ႇၺႃႇဢၼ်ႁဵတ်းႁိူၼ်းၵႃႈၼိူဝ်မၢၵ်ႇႁိၼ်ၼၼ်ႉဢေႃႈ။ 

၂၅ မိူဝ်ႈဢၼ်လူမ်းထူဝ်းၽူၼ်တူၵ်းလႄႈၼမ်ႉၼွင်းမႃးၼၼ်ႉႁိူၼ်းၼၼ်ႉပိူဝ်ႈဢၼ်ႁဵတ်းဝႆႉၵႃႈၼိူဝ်မၢၵ်ႇႁိၼ်လႄႈဢမ်ႇလူမ်ႉဢမ်ႇပင်း။ 

၂၆ ၽူႈလႂ်သေဢမ်ႇဝႃႈၵေႃႉဢၼ်ငိၼ်းၵႂၢမ်းဢၼ်ၵဝ်ႁေႃးလၢတ်ႈလႄႈဢမ်ႇထွမ်ႇဢမ်ႇဢဝ်ၼၼ်ႉၵေႃႉၼၼ်ႉမိူၼ်ၸိူဝ်ႉၼင်ႇၵူၼ်းငိူဝ်ႈဢၼ်ႁဵတ်းႁိူၼ်းၵႃႈၼိူဝ်သၢႆးၼၼ်ႉဢေႃႈ။ 

၂၇ မိူဝ်ႈဢၼ်လူမ်းထူဝ်းၽူၼ်တူၵ်းလႄႈၼမ်ႉၼွင်းမႃးၼၼ်ႉႁိူၼ်းၼၼ်ႉလူမ်ႉပင်းၵႂႃႇဢေႃႈ။ 

၂၈ တၢင်းဢၼ်လူမ်ႉပင်းမၼ်းယႂ်ႇၼႃႇဢေႃႈ။ မိူဝ်ႈဢၼ်ၸဝ်ႈယေႇသုႁေႃးလၢတ်ႈတေႇသၼႃႇၸဝ်ႈသုတ်းထၢတ်ႇယဝ်ႉၼၼ်ႉၸိုင်ပရိၵ်ႈသၢတ်ႈ

၂၉ တင်းသဵင်ႈတင်းလူင်ဢွၼ်ၵၼ်ဢၢမ်းလွင်ႈတၢင်းဢၼ်မၼ်းၸဝ်ႈသင်ႇသွၼ်ၼၼ်ႉမိူၼ်ၸိူဝ်ႉၼင်ႇၵူၼ်းထုတ်ႇၵျၢမ်းၶဝ်သင်ႇသွၼ်ၼၼ်ႉဢမ်ႇၸႂ်ႈ။ မိူၼ်ၸိူဝ်ႉၼင်ႇၵေႃႉဢၼ်ဢုပ်ႉပိူင်ႇၼၼ်ႉဢေႃႈ။