ဝုတ်ႉထုတမၢၼ်ႇၸဝ်ႈ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၁
ၵႂႃႇဝဵင်းယေႇရုသလႅမ်ႇ
၁ ႁဝ်းၸင်ႇၽၢတ်ႇၵၼ်တင်းၶဝ်ၼၼ်ႉသေယဝ်ႉၶီႇႁိူဝ်းၵႂႃႇၸူးၵႃႈတီႈၵုၼ်ၵေႃႇသသိုဝ်ႈသိုဝ်ႈလႄႈဝၼ်းမိူဝ်ႈၽုၵ်ႈႁွတ်ႈထိုင်ၵႃႈတီႈၵုၼ်ရေႇတယဝ်ႉၸင်ႇလုၵ်ႉသေၵႃႈတီႈၵုၼ်ၼၼ်ႉႁွတ်ႈထိုင်ၵႃႈတီႈဝဵင်းပႃႇတရဢေႃႈ။
၂ ႁဝ်းထူပ်းႁိူဝ်းဢၼ်တၵ်းၶၢမ်ႈၵႂႃႇၵႃႈတီႈမိူင်းၽိၼိတ်ႉၼၼ်ႉသေယဝ်ႉၶိုၼ်းၶီႇႁိူဝ်းၼၼ်ႉလႄႈသမ်ႉၵႂႃႇထႅင်ႈဢေႃႈ။
၃ မိူဝ်ႈဢၼ်ႁဝ်းႁၼ်ၵုၼ်ၵုပရုၼၼ်ႉၸိုင်ႁဝ်းလဵပ်ႈၵႂႃႇတၢင်းၽၢႆႇၶႂႃမၼ်းလႄႈၶၢမ်ႈၵႂႃႇၸူးၵႃႈတီႈမိူင်းသုရိသေယဝ်ႉ၊သိူၵ်ႈၵႃႈတီႈဝဵင်းတုရုဢေႃႈ။လွင်ႈမၼ်းၸမ်း၊ၶဝ်တၵ်းၶျႃးၶူဝ်းဢၼ်ပႃးၵႃႈၼႂ်းႁိူဝ်းၼၼ်ႉၵႃႈတီႈဝဵင်းၼၼ်ႉဢေႃႈ။
၄ ႁဝ်းထူပ်းတပႄးၸဝ်ႈတင်းလၢႆလႄႈယူႇၵႃႈတီႈၼၼ်ႉၸဵတ်းဝၼ်းဢေႃႈ။လွင်ႈၼင်ႇႁိုဝ်ပေႃးလုတၵ်းဢမ်ႇလႆႈၶိုၼ်းၵႂႃႇၵႃႈတီႈဝဵင်းယေႇရုသလႅမ်ႇပုၼ်ႉၸိုင်ၸွမ်းလူၺ်ႈဝိၺိၺ်ႇမူတ်းၸၢင်ႇၸဝ်ႈလႄႈၶဝ်လၢတ်ႈတီႈမၼ်းဢေႃႈ။
၅ မိူဝ်ႈဢၼ်ၸေးဝၼ်းယဝ်ႉၼၼ်ႉၸိုင်တပႄးၸဝ်ႈတင်းသဵင်ႈတင်းလူင်ဢိၵ်ႇတင်းလုၵ်ႈၶဝ်မေးၶဝ်ၸွမ်းသူင်ႇႁဝ်းတေႃႇထိုင်ႁွတ်ႈၵႃႈၼွၵ်ႈဝဵင်းသေယဝ်ႉႁဝ်းဢွၼ်ၵၼ်ၶုပ်ႉၶဝ်ႇၵႃႈၼိူဝ်ၽ၊င်ႇပၢင်ႇလၢႆႇသေလႄႈသူးတွင်းဢေႃႈ။
၆ ၼင်ႇၵၼ်ၵၼ်တၵ်ႉလၢတ်ႈၵၼ်သေယဝ်ႉႁဝ်းၶိုၼ်းၶိုၼ်ႈၵႂႃႇၵႃႈၼိူဝ်ႁိူဝ်းလႄႈၶဝ်ၸိူဝ်းၼၼ်ႉၵေႃႈၶိုၼ်းမိူဝ်းၵႂႃႇၵႃႈတီႈႁိူၼ်းၶဝ်သေဢေႃႈ။
၇ မိူဝ်ႈဢၼ်ႁဝ်းလုၵ်ႉသေၵႃႈတီႈဝဵင်းတုရုႁွတ်ႈထိုင်ၵႃႈတီႈဝဵင်းပတေႃႇလိၼ်ႇၼၼ်ႉၸိုင်ႁဝ်းတၵ်ႉလၢတ်ႈၵၼ်တင်းပီႈၼွင်ႉၸိူဝ်းဢၼ်မီးၵႃႈၼႂ်းဝဵင်းပတေႃႇလိၼ်ႇၼၼ်ႉလႄႈ
၈ ယူႇဝၼ်းၼိုင်ႈယဝ်ႉၸင်ႇဝၼ်းမိူဝ်ႈၽုၵ်ႈသမ်ႉဢွၵ်ႇၵႂႃႇလႄႈႁွတ်ႈထိုင်ၵႃႈတီႈဝဵင်းၵေႇသရိသေယဝ်ႉၶဝ်ႈၵႃႈၼႂ်းႁိူၼ်းၽိလိပ်ႉပုဢၼ်ပဵၼ်သြႃႇပွင်သႃႇသၼႃႇဢၼ်ပႃးၼႂ်းသြႃႇၸဵတ်းပႃးၼၼ်ႉလႄႈယူႇလူၺ်ႈၵၼ်တင်းမၼ်းဢေႃႈ။
၉ မၼ်းမီးလုၵ်ႈယိင်းသၢဝ်သီႇၵေႃႉဢၼ်ႁဵတ်းပရေႃးၽႅတ်ႈၼၼ်ႉဢေႃး။
၁၀ ၼႂ်းမိူဝ်ႈဢၼ်ႁဝ်းယူႇၼႂ်းႁိူၼ်းၼၼ်ႉႁမ်ႉႁိုင်တၢၼ်ႇတၢၼ်ႇယဝ်ႉၸိုင်ပရေႃးၽႅတ်ႈဢၼ်လႆႈၸိုဝ်ဢႃႇၵဝုၼၼ်ႉလုၵ်ႉသေၵႃႈတီႈမိူင်းယုတမႃးလႄႈၶဝ်ႈၸူးၵႃႈတီႈဢၼ်ႁဝ်းသေယဝ်ႉဢဝ်သၢႆဢႅဝ်ပေႃးလုမတ်ႉတိၼ်မတ်ႉမိုဝ်းတူဝ်ၸဝ်ႈၵဝ်ႇသေယဝ်ႉလၢတ်ႈဝႃႈ၊-
၁၁ ဝိၺိၺ်ႇမူတ်းၸၢင်ႇၸဝ်ႈမီးဢမိင်ႉဝႃႈၸမ်း၊-ၸဝ်ႈသၢႆဢႅဝ်ၼႆႉတၵ်းလႆႈၶၢမ်ႇတၢင်းဢၼ်ၵူၼ်းယုတတင်းလၢႆတၵ်းမတ်ႉၽုၵ်ႇၸိူဝ်ႉၼင်ႇၼႆၵႃႈၼႂ်းဝဵင်းယေႇရုသလႅမ်ႇပုၼ်ႉလႄႈဢၢပ်ႈပၼ်ၵႃႈတီႈမိုဝ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ၊ဝႃႈၼင်ႇၼႆဢေႃႈ။
၁၂ ႁဝ်းလႆႈငိၼ်းၵႂၢမ်းၼၼ်ႉသေယဝ်ႉႁဝ်းဢိၵ်ႇတင်းၶဝ်ၸိူဝ်းဢၼ်မီးယူႇၵႃႈတီႈၼၼ်ႉၼင်ႇႁိုဝ်ပေႃးလုတၵ်းဢမ်ႇၶိုၼ်းၵႂႃႇၵႃႈတီႈဝဵင်းယေႇရုသလႅမ်ႇၸိုင်ႁဝ်းဢွၼ်ၵၼ်တွင်းပၢၼ်ႇမၼ်းဢေႃႈ။
၁၃ ပေႃးလုၵေႃႈလၢတ်ႈလႄႈဝႃႈ၊-ႁဵတ်းသင်လႄႈသူႁႆႈႁွင်ႉယူႇသေလႄႈႁဵတ်းႁႂ်ႈႁူဝ်ၸႂ်ၵဝ်တႅၵ်ႇၵႂႃႇလႅဝ်ၵႂႃႇၸိူဝ်ႉၼင်ႇႁိုဝ်။ၵွပ်ႈပိူဝ်ႈၼႃႇမႃႉၸိုဝ်သဵင်ၸဝ်ႈယေႇသုလႄႈတၢင်းဢၼ်တၵ်းလႆႈၶၢမ်ႇမတ်ႉၽုၵ်ႇၵႃႈၼႂ်းဝဵင်းယေႇရုသလႅမ်ႇၼၼ်ႉဢမ်ႇၵႃး၊ပုၼ်ႈဢၼ်တၵ်းၶၢမ်ႇတၢင်းတၢႆၵေႃႈၵဝ်မႄးႁႅၼ်းဝႆႉယဝ်ႉ၊ဝႃႈၼင်ႇၼႆဢေႃႈ။
၁၄ မိူဝ်ႈဢၼ်မၼ်းဢမ်ႇထွမ်ႇဢဝ်တၢင်းဢၼ်ၸူဝ်းဢဝ်ၼၼ်ႉၸိုင်ႁဝ်းယူႇတဵတ်ႇတဵတ်ႇသေလႄႈလၢတ်ႈၼႂ်းၸႂ်ဝႃႈ၊-ႁႂ်ႈပဵၼ်ၸွမ်းဢလူဝ်ႇၸဝ်ႈၽြႃးသေၵမ်းလူၺ်ႈ၊ဝႃႈၼင်ႇၼႆဢေႃႈ။
ပေႃးလုႁွတ်ႈထိုင်ဝဵင်းယေႇရုသလႅမ်ႇ
၁၅ လိုၼ်းၼၼ်ႉႁဝ်းႁႅၼ်းၶူဝ်းလႄႈၶိုၼ်ႈၵႂႃႇၵႃႈတီႈဝဵင်းယေႇရုသလႅမ်ႇဢေႃႈ။
၁၆ တပႄးၸဝ်ႈၵမ်ႈၽွင်ႈဢၼ်ပဵၼ်ၵူၼ်းဝဵင်းၵေႇသရိၼၼ်ႉၸွမ်းလူၺ်ႈၵၼ်တင်းႁဝ်းလႄႈဢဝ်ႁဝ်းၵႂႃႇသူင်ႇၵႃႈတီႈတပႄးၸဝ်ႈဢၼ်ဢသၢၵ်ႈယႂ်ႇဢၼ်မီးၸိုဝ်ဝႃႈမၼႃႇသုၼ်ႇ၊ဢၼ်ပဵၼ်ၵူၼ်းၵုၼ်ၵုပရုဢၼ်တၵ်းၶၢမ်ႇၶႅၵ်ႇႁဝ်းၼၼ်ႉဢေႃႈ။
၁၇ မိူဝ်ႈဢၼ်ႁဝ်းႁွတ်ႈထိုင်ၵႃႈတီႈဝဵင်းယေႇရုသလႅမ်ႇၼၼ်ႉၸိုင်ပီႈၼွင်ႉတင်းလၢႆမီးတင်းၸႂ်ဢၼ်ၸူမ်းသိူဝ်းလႄႈႁပ်ႉတုင်းဢဝ်ႁဝ်းဢေႃႈ။
၁၈ ဝၼ်းမိူဝ်ႈၽုၵ်ႈပေႃးလုဢိၵ်ႇတင်းႁဝ်းၶဝ်ႈၸူးၵႃႈတီႈယႃၵုပ်ႉလႄႈၵူၼ်းဢုပ်ႉၸိူဝ်းၸဝ်ႈတင်းသဵင်ႈတင်းလူင်ၸူႉၵၼ်တုမ်ၵၼ်ဢေႃႈ။
၁၉ မၼ်းတၵ်ႉလၢတ်ႈၶဝ်သေယဝ်ႉၽုၺ်ႇဢွၵ်ႇၼႄပျႃးလွင်ႈတၢင်းၵႃႈဢၼ်ၽြႃးပဵၼ်ၸဝ်ႈႁဵတ်းတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၵွပ်ႈပိူဝ်ႈတၢင်းဢၼ်မၼ်းႁဵတ်းပွင်ဢမူႉထမ်ႇမႃႉသြႃႇၼၼ်ႉဢေႃႈ။
၂၀ ၶဝ်ၸိူဝ်းၼၼ်ႉငိၼ်းသေယဝ်ႉဢွၼ်ၵၼ်ယွင်ႈယေႃးမူၼ်ၽုင်းၽြႃးပဵၼ်ၸဝ်ႈလႄႈလၢတ်ႈတီႈပေႃးလုလႄႈဝႃႈ၊-ပီႈၼွင်ႉဢိူၺ်း၊မႂ်းႁူႉႁၼ်လွင်ႈဢၼ်ၵူၼ်းယုတဢၼ်ယုမ်ႇမၢတ်ႈၸိူဝ်းၼႆႉမီးလၢႆႁဵင်လၢႆမုၼ်ႇၼၼ်ႉယူႇဢေႃႈ။ၶဝ်တင်းသဵင်ႈတင်းလူင်ပဵၼ်ၵေႃႉဢၼ်ႁႅင်းယႂ်ႇၵႃႈတီႈၽၢႆႇပိင်းၺၢပ်ႈတြႃးၼႃႇလူင်လၢင်ဢေႃႈ။
၂၁ ၶဝ်လႆႈငိၼ်းလွင်ႈဢၼ်မႂ်းၸၢင်ႊသင်ႇသွၼ်ပၼ်ၵူၼ်းယုတတင်းသဵင်ႈတင်းလူင်ဢၼ်ယူႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉလႄႈႁႂ်ႈၶဝ်လႆႈၸုၼ်ႉပႅတ်ႈတြႃးမုဝ်းသေႇသေယဝ်ႉလၢတ်ႈတီႈၶဝ်လႄႈဝႃႈ၊-ဢမ်ႇလူဝ်ႇႁဵတ်းတၢင်းဢၼ်ထိူဝ်ႁိမ်းတီႈလုၵ်ႈလၢင်းၶဝ်။ဢမ်ႇလူဝ်ႇႁဵတ်းၸွမ်းၼင်ႇထုင်းၸၢမ်ႇမိူဝ်ႈၵႂွၼ်ႇၼၼ်ႉ၊ဝႃႈၼင်ႇၼႆယဝ်ႉ။
၂၂ ပိူဝ်ႈၼႆလႄႈတၵ်းလႆႈႁဵတ်းၸိူဝ်ႉၼင်ႇႁိုဝ်။ပိူဝ်ႈဢၼ်ၶဝ်တၵ်းငိၼ်းလွင်ႈဢၼ်မႂ်းႁွတ်ႈမႃးၼႆႉလႄႈၵူၼ်းၼမ်ၼႃႇယင်းဢမ်ႇၸူႉၵၼ်တုမ်ၵၼ်လႄႈဢမ်ႇယူႇလႆႈ။
၂၃ ၵွပ်ႈႁွႆးၼႆႉလႄႈႁဵတ်းၸွမ်းၵႃႈၼင်ႇဢၼ်ႁဝ်းၶႃႈဝႃႈၼႆႉသေၵမ်း။ႁဝ်းမီးၵူၼ်းဢၼ်ႁဵတ်းၵတိသႅတ်ႈၸႃႇၼၼ်ႉသီႇၵေႃႉဢေႃႈ။
၂၄ ၸွမ်းၶဝ်သေလႄႈႁဵတ်းတၢင်းဢၼ်မူတ်းသႂ်ႁူမ်ႈလူၺ်ႈၵၼ်တင်းၶဝ်သေယဝ်ႉပၼ်ၸရိၵ်ႈပုၼ်ႈၶဝ်ႁႂ်ႈၶဝ်ထႃႁူဝ်သေၵမ်း။ပေႃးႁဵတ်းၸိူဝ်ႉၼင်ႇၼၼ်ၸိုင်ၵူၼ်းတင်းသဵင်ႈတင်းလူင်တၵ်းႁူႉလွင်ႈဢၼ်ဝႃႈ၊သတၢင်းသဵင်ၶၢဝ်ႇဢၼ်ၶဝ်လႆႈငိၼ်းလွင်ႈမႂ်းၼၼ်ႉဢမ်ႇမၢၼ်ႇဢမ်ႇမႅၼ်ႈ၊ဢိၵ်ႇတင်းလွင်ႈဢၼ်ဝႃႈ၊တူဝ်မႂ်းၵေႃႈပႂ်ႉၸွမ်းပိင်းၺၢပ်ႈတြႃးယူႇလႄႈၵမ်ၵျၢင်ႉယူႇၼၼ်ႉဢေႃႈ။
၂၅ ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ယုမ်ႇမၢတ်ႈၸိူဝ်းၼၼ်ႉၸမ်းႁဝ်းလႆႈၸီႇယၢင်ႇလႄႈပၼ်ငိၼ်းၵႂႃႇတီႈၶဝ်ယဝ်ႉလွင်ႈဢၼ်ဝႃႈၶဝ်တၵ်းဢမ်ႇလႆႈၵိၼ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႉထူႉဢိၵ်ႇတင်းလိူတ်ႈတင်းၶိူင်ႈပိူင်ဢၼ်ငႅၼ်းၶေႃးဢဝ်တၢႆတင်းမေႇထုင်ႇဢၼ်ဢမ်ႇတြႃးၸိူဝ်ႉၼၼ်ႉ၊ဝႃႈၼင်ႇၼႆဢေႃႈ။
၂၆ မိူဝ်ႈၽုၵ်ႈပေႃးလုႁဵတ်းတၢင်းဢၼ်မူတ်းသႂ်လူၺ်ႈၵၼ်တင်းၶဝ်သေယဝ်ႉၶဝ်ႈၵႃႈၼႂ်းပိၵ်ႉမၢၼ်ႇၸဝ်ႈလႄႈမွၵ်ႇလၢတ်ႈၶိင်ႇဝၼ်းဢၼ်တၵ်းလႆႈႁဵတ်းတၢင်းဢၼ်မူတ်းသႂ်ၶိင်ႇဢၼ်တၵ်းလႆႈႁဵတ်းတၢင်းဢၼ်ပုၵ်ႉၸေႃႇပုၼ်ႈၶဝ်ႁင်းၽႂ်ႁင်းမၼ်းႁႂ်ႈထၼ်ႈပေႃးၸေးၸုမ်ႇၸုမ်ႇဢေႃႈ။
ပေႃးလုလႆႈၶၢမ်ႇတၢင်းဢၼ်တီႉဢဝ်
၂၇ မိူဝ်ႈဢၼ်ၸမ်တၵ်းၸေးၸဵတ်းဝၼ်းၼၼ်ႉၸိုင်ၵူၼ်းယုတဢၼ်လုၵ်ႉသေၵႃႈတီႈမိူင်းဢႃႇသိမႃးၸိူဝ်းၼၼ်ႉထူပ်းႁၼ်ပေႃးလုၵႃႈၼႂ်းပိၵ်ႉမၢၼ်ႇၸဝ်ႈလႄႈတိုၵ်းယူင်းၸူဝ်းဢဝ်ၵူၼ်းၸူႉၵူၼ်းတုမ်တင်းသဵင်ႈတင်းလူင်လႄႈတီႉဢဝ်ပေႃးလုသေယဝ်ႉႁွင်ႉသႅၼ်ႇဝႃႈ၊-
၂၈ ၵူၼ်းဢိသရေႇလၶဝ်ဢိူၺ်း၊ၸွႆႈထႅမ်ႁဝ်းသေၵမ်း။ၵေႃႉၼႆႉပဵၼ်ၵေႃႉဢၼ်သင်ႇသွၼ်ပၼ်ၵူၼ်းတင်းလၢႆၵူႈတီႈၵူႈလႅၼ်လႄႈႁဵတ်းၶတ်းၵၼ်တင်းၸိူဝ်ႉၶိူဝ်းၵူၼ်းႁဝ်း၊ပိင်းၺၢပ်ႈတြႃးႁဝ်း၊ဢိၵ်ႇတင်းပိၵ်ႉမၢၼ်ႇၼႆႉဢေႃႈ။လိူဝ်သေၼၼ်ႉဢမ်ႇၵႃးမၼ်းယင်းဢဝ်ၶဝ်ၸိူဝ်းဢၼ်ပဵၼ်ၵူၼ်းႁေႇလသၸိူဝ်းၼၼ်ႉၶဝ်ႈႁွတ်ႈမႃးၵႃႈၼႂ်းပိၵ်ႉမၢၼ်ႇၸဝ်ႈလႄႈႁဵတ်းႁႂ်ႈထႃႇၼႃႉဢၼ်မူတ်းၸၢင်ႇၼႆႉၵူဝ်ႈၵိူၵ်ႇယဝ်ႉ၊ဝႃႈၼင်ႇၼႆဢေႃႈ။
၂၉ လွင်ႈမၼ်းၸမ်းပိူဝ်ႈဢၼ်ၶဝ်လႆႈႁၼ်တရေႃႇၽိမ်ႇ၊ဢၼ်ပဵၼ်ၵူၼ်းဝဵင်းဢေးၽႅတ်ႈၼၼ်ႉၵေႃႉၼိုင်ႈမီးယူႇလူၺ်ႈၵၼ်တင်းပေႃးလုၵႃႈၼႂ်းဝဵင်းၼၼ်ႉလႄႈၶဝ်ထၢင်ႇဝႃႈပေႃးလုႁွင်ႉဢဝ်ၵေႃႉၼၼ်ႉမႃးၵႃႈၼႂ်းပိၵ်ႉမၢၼ်ႇၸဝ်ႈၼၼ်ႉဢေႃႈ။
၃၀ ပဵၼ်တၢင်းဢၼ်ယုင်ႈယၢင်ႈဢူၼ်ဢဵၼ်တင်းဝဵင်းလႄႈၵူၼ်းတင်းလၢႆဢွၼ်ၵၼ်လႅၼ်ႊမႃးၸူႉၵၼ်တုမ်ၵၼ်သေယဝ်ႉယိပ်းၵမ်ဢဝ်ပေႃးလုဢီးဢွၵ်ႇၵႃႈၼွၵ်ႈပိၵ်ႉမၢၼ်ႇသေယဝ်ႉဢိုတ်းၽၵ်းတူဝႆႉၵမ်းလဵဝ်ဢေႃႈ။
၃၁ မိူဝ်ႈဢၼ်ၶဝ်ၵျၢမ်ႇႁႃဢဝ်ပေႃးလုတၢႆၼၼ်ႉၵႄႇသိုၵ်းဢၼ်ဢုပ်ႉၵႃႈၼိူဝ်ၵူၼ်းႁဵင်ၼိုင်ႈၼၼ်ႉငိၼ်းသတၢင်းလွင်ႈဢၼ်ဝဵင်းယေႇရုသလႅမ်ႇဢူၼ်ဢဵၼ်ၵႂႃႇတင်းဝဵင်းၼၼ်ႉၸိုင်၊
၃၂
မၼ်းႁွင်ႉဢဝ်ၵူၼ်းသိုၵ်းဢိၵ်ႇတင်းတပ်ႉမူးတင်းလၢႆၵမ်းလဵဝ်သေယဝ်ႉလႅၼ်ႊလူင်းၵႂႃႇၸူးၵႃႈတီႈဢၼ်ၶဝ်မီးၼၼ်ႉဢေႃႈ။ၶဝ်ၼၼ်ႉႁၼ်ၵႄႇသိုၵ်းဢိၵ်ႇတင်းၵူၼ်းသိုၵ်းတင်းလၢႆၸိူဝ်းၼၼ်ႉလႄႈၶဝ်ယင်းဢမ်ႇပေႃႉယႅၼ်ႉပေႃးလုလႄႈၵိုတ်းယူႇဢေႃႈ။
၃၃ မိူဝ်ႈၼၼ်ႉၵႄႇသိုၵ်းၼၼ်ႉမႃးၸမ်ၸမ်သေလႄႈယိပ်းၵမ်ဢဝ်ပေႃးလုယဝ်ႉၸင်ႇဢဝ်တင်းၸိူၵ်ႈလဵၵ်းသွင်သဵၼ်ႈမတ်ႉၽုၵ်ႇမၼ်းလႄႈထၢမ်ဝႃႈ၊-ၵေႃႉၼႆႉပဵၼ်ၽူႈလႂ်။မၼ်းလႆႈႁဵတ်းဢမူႉဢၼ်လႂ်ယဝ်ႉ၊ဝႃႈၼင်ႇၼႆဢေႃႈ။
၃၄ ၵူၼ်းၸူႉၵူၼ်းတုမ်ၸိူဝ်းၼၼ်ႉၵမ်ႈၽွင်ႈႁွင်ႉသႅၼ်ႇယေႈၵေႃႉယေႈမဵဝ်းႁင်းၽႂ်ႁင်းမၼ်းလႄႈမိူဝ်ႈဢၼ်ၵႄႇသိုၵ်းဢမ်ႇႁူႉဢၼ်မၢၼ်ႇဢၼ်မႅၼ်ႈလႆႈၵွပ်ႈပိူဝ်ႈတၢင်းဢၼ်ဢူၼ်ဢဵၼ်ၼၼ်ႉၸိုင်မၼ်းသမ်ႉၸီႇယၢင်ႇႁႂ်ႈဢဝ်ပေႃးလုၵႂႃႇၵႃႈၼႂ်းတပ်ႉသေဢေႃႈ။
၃၅ မိူဝ်ႈဢၼ်ပေႃးလုႁွတ်ႈထိုင်ၵႃႈၼိူဝ်ၶူဝ်လႆၼၼ်ႉပိူဝ်ႈဢၼ်ၵူၼ်းၸူႉၵူၼ်းတုမ်ၼမ်ၼႃႇလႄႈၵူၼ်းသိုၵ်းၸိူဝ်းၼၼ်ႉလႆႈႁၢမ်ဢဝ်ပေႃးလုၵႂႃႇဢေႃႈ။
၃၆ လွင်ႈမၼ်းၸမ်းၵူၼ်းတင်းလၢႆဢွၼ်ၵၼ်ႁွင်ႉသႅၼ်ႇဝႃႈ၊-ဢဝ်မၼ်းတၢႆပႅတ်ႈသေတႃႉ၊ဝႃႈၼႆလႄႈၸွမ်းၵႂႃႇဢေႃႈ။
ပေႃးလုလၢတ်ႈတေႃႇၵူၼ်းဢၼ်ၸူႉတုမ်
၃၇ ပေႃးလုၼၼ်ႉမိူဝ်ႈဢၼ်ၸမ်တၵ်းၶဝ်ႈၵႃႈၼႂ်းတပ်ႉၼၼ်ႉၸိုင်မၼ်းထၢမ်ၵႄႇသိုၵ်းလႄႈဝႃႈ၊-ၸွင်ႇၵဝ်ၶႃႈလၢတ်ႈၵႂၢမ်းတေႃႇၸဝ်ႈႁဝ်းလႆႈယူႇၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၵႄႇသိုၵ်းၼၼ်ႉၵေႃႈထၢမ်လႄႈဝႃႈ၊-
၃၈ မႂ်းမေႃလၢတ်ႈၵႂၢမ်းႁေႇလသႁိုဝ်။မႂ်းပဵၼ်ၵူၼ်းဢေႇၵႅပ်ႉတုဢၼ်လုၵ်ႉၽိုၼ်ႉမိူဝ်ႈၼၼ်ႉလႄႈႁွင်ႉဢဝ်ၵူၼ်းသီႇႁဵင်ၶဝ်ႈထိူၼ်ႇၵႂႃႇဢမ်ႇၸႂ်ႈႁိုဝ်၊ဝႃႈၼင်ႇၼႆဢေႃႈ။
၃၉ ပေႃးလုၵေႃႈလၢတ်ႈလႄႈဝႃႈ၊-ၵဝ်ၶႃႈပဵၼ်ၵူၼ်းယုတဢၼ်ၵိူတ်ႇလဵင်ႉမႃးၵႃႈၼႂ်းဝဵင်းတႃႇသုမိူင်းၵိလိၵိၶႃႈဢေႃႈ။ဝဵင်းဢၼ်ၵဝ်ၶႃႈယူႇၼၼ်ႉၸမ်းပဵၼ်ဝဵင်းယႂ်ႇဝဵင်းလူင်ဢေႃႈ။ပၼ်ဢၶႂၢင်ႉႁႂ်ႈၵဝ်ၶႃႈႁႂ်ႈလႆႈလၢတ်ႈတေႃႇၵူၼ်းၸိူဝ်းၼႆႉသေၵမ်းၶႃႈ။ၵဝ်ၶႃႈလဝ်ႈယွၼ်းၵႃႈတီႈၸဝ်ႈႁဝ်းၶႃႈဢေႃႈ၊ဝႃႈၼင်ႇၼႆဢေႃႈ။
၄၀ ၵႄႇသိုၵ်းၵေႃႈပၼ်ဢၶႂၢင်ႉလႄႈပေႃးလုၵေႃႈၸုၵ်းယူႇၵႃႈၼိူဝ်ၶူဝ်လႆသေယဝ်ႉၼႄမိုဝ်းမၼ်းတီႈၵူၼ်းတင်းလၢႆႁႂ်ႈၶဝ်ယူႇတဵတ်ႇတဵတ်ႇယဵၼ်ယဵၼ်ယဝ်ႉၸင်ႇမၼ်းဢဝ်တင်းၵႂၢမ်းၽႃႇသႃႇႁေႇပြႄးမွၵ်ႇလၢတ်ႈလႄႈဝႃႈ၊-
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ