Shan Missions

လိၵ်ႈဢေႃးဝႃႇတႃ့ၵလႃႇတိ

Chapter        ၁          ၂          ၃          ၄          ၅          ၆       

၁

တၢင်းဢၼ်တၵ်ႉလၢတ်ႈ

၁ ၵဝ်၊ပေႃးလု၊ပဵၼ်တမၢၼ်ႇၸဝ်ႈ၊ဢၼ်ၵူၼ်းၶၢၼ်းဝႆႉၼၼ်ႉဢမ်ႇၸႂ်ႈ။ၵဝ်လႆႈၶၢမ်ႇၸဝ်ႈယေႇသုၶရိၸ်ႉဢိၵ်ႇတင်းပေႃႈၽြႃးပဵၼ်ၸဝ်ႈ၊ၸဝ်ႈဢၼ်ႁႂ်ႈၸဝ်ႈယေႇသုၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၶၢၼ်းဝႆႉလႄႈ

၂ ၵဝ်ဢိၵ်ႇတင်းပီႈၼွင်ႉဢၼ်မီးယူႇလူၺ်ႈၵၼ်တင်းၵဝ်တင်းသဵင်ႈတင်းလူင်ၸိူဝ်းၼႆႉပၼ်ငိၼ်းၵႂႃႇၵႃႈတီႈၸိူဝ်းၸဝ်ႈတင်းလၢႆဢၼ်မီးၵႃႈၼႂ်းဝဵင်းၵလႃႇတိၼၼ်ႉဢေႃႈ။

၃ ႁႂ်ႈသူႉၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈပေႃႈၽြႃးပဵၼ်ၸဝ်ႈဢိၵ်ႇတင်းၸဝ်ႈႁဝ်းၸဝ်ႈယေႇသုၶရိၸ်ႉၸဝ်ႈဢၼ်ဢဝ်တူဝ်ၸဝ်ႈၵဝ်ႇ

၄ ဢၢပ်ႈပၼ်ၵွပ်ႈပိူဝ်ႈဢပျႅတ်ႈႁဝ်းႁႂ်ႈလႆႈၶျွတ်ႈဢဝ်ႁဝ်းၵႃႈၼႂ်းပိတ်ႉၸူႉပၢၼ်ႇၽဝႃႉဢၼ်ႁၢႆႉမိူၵ်ႈမႅၼ်ႈၼင်ႇဢလူဝ်ႇပေႃႈၽြႃးပဵၼ်ၸဝ်ႈၼၼ်ႉ၊မီးၼိူဝ်သူသေၵမ်းလူၺ်ႈ။

၅ ႁႂ်ႈမူၼ်ၽုင်းမၼ်းၸဝ်ႈၼၼ်ႉယႂ်ႇၼႃႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။

ဢႃႈမိၼ်ႈ။

၆ ၵဝ်မီးတၢင်းဢၼ်ဢၢမ်းလွင်ႈဢၼ်သူႁဵတ်းၼႅတ်ႈၶၼ်ၽႂ်းတုၼ်ႉပႅတ်ႈၵေႃႉဢၼ်ဢိင်ၵျေးၸူးၸဝ်ႈၶရိၸ်ႉသေလႄႈႁွင်ႉဢဝ်သူၼၼ်ႉသေယဝ်ႉသမ်ႉၵႂႃႇႁပ်ႉတုင်းဢဝ်တြႃးတၢင်ႇၸိူဝ်ႉတၢင်ႇဢၼ်ဢၼ်ဢမ်ႇၸႂ်ႈတြႃးသတၢင်းသိူဝ်းပျေႃႇၼၼ်ႉဢေႃႈ။

၇ မီးၵူၼ်းဢၼ်ၸၢင်ႊယႃႉယူၵ်ႉသူလႄႈၶႂၢမ်ႈပိၼ်ႈတြႃးသတၢင်းသိူဝ်းပျေႃႇၸဝ်ႈၶရိၸ်ႉၼၼ်ႉၵမ်ႈၽွင်ႈဢေႃႈ။

၈ လိူဝ်သတြေႃးသတၢင်းသိူဝ်းပျေႃႇဢၼ်ႁဝ်းႁေႃးလၢတ်ႈတီႈသူၼၼ်ႉပေႃးဝႃႈတမၢၼ်ႇၵၢင်ႁၢဝ်လုၵ်ႉသေၵႃႈတီႈမိူင်းၵၢင်ႁၢဝ်မႃးလႄႈႁေႃးလၢတ်ႈတြႃးသတၢင်းသိူဝ်းပျေႃႇတၢင်ႇၸိူဝ်ႉတၢင်ႇဢၼ်ၸိုင်ႁႂ်ႈၵေႃႉဢၼ်ႁေႃးလၢတ်ႈၼၼ်ႉလႆႈၶၢမ်ႇတၢင်းဢၼ်မၼ်းၸဝ်ႈၵိၼ်ႇဝႃႈသေၵမ်းလူၺ်ႈ။

၉ ၸိူဝ်ႉၼင်ႇဢၼ်ၵဝ်ဝႃႈဝႆႉဢၼ်ဝႃႈ၊-လိူဝ်သေတြႃးသတၢင်းသိူဝ်းပျေႃႇဢၼ်သူလႆႈၶၢမ်ႇဢဝ်ယဝ်ႉၼၼ်ႉပေႃးသေၵေႃႉသေၵူၼ်းသမ်ႉႁေႃးလၢတ်ႈတြႃးတၢင်ႇၸိူဝ်ႉတၢင်ႇဢၼ်ၸိုင်ႁႂ်ႈၵေႃႉၼၼ်ႉလႆႈၶၢမ်ႇတၢင်းဢၼ်မၼ်းၸဝ်ႈၵိၼ်ႇဝႃႈသေၵမ်းလူၺ်ႈ၊ဝႃႈၼင်ႇၼႆၼၼ်ႉ၊တေႃႈလဵဝ်ၼႆႉၵေႃႈၵဝ်သမ်ႉထၢပ်ႈထႅင်ႈလႄႈဝႃႈလူးၵွၼ်ႇဢေႃႈ။

၁၀ တေႃႈလဵဝ်ၼႆႉၸွင်ႇၵဝ်ၶတ်းၸႂ်ႁဵတ်းႁႂ်ႈလႆႈတၢင်းဢၼ်မၢတ်ႈပဵၼ်ၵႃႈတီႈၵူၼ်းႁိုဝ်၊ၵႃႈတီႈၽြႃးႁိုဝ်။ၸွင်ႇၵဝ်ၶတ်းၸႂ်ႁဵတ်းႁႂ်ႈလႆႈထုၵ်ႇၸႂ်ၵူၼ်းၵူၺ်းႁိုဝ်။ပေႃးၵဝ်ယင်းၵူၺ်းၵျၢမ်ႇႁႃႁႂ်ႈလႆႈထုၵ်ႇၸႂ်ၵူၼ်းၵူၺ်းၸိုင်၊ၵဝ်ဢမ်ႇၸႂ်ႈၶႃႈၸဝ်ႈၶရိၸ်ႉယဝ်ႉ။

ပေႃးလုလႆႈပျႃႇတိၵ်ႈၸဝ်ႈယေႇသု

၁၁ ပီႈၼွင်ႉၶဝ်ဢိူၺ်း၊ၵဝ်ၶႂ်ႈႁႂ်ႈသူႁူႉလွင်ႈဢၼ်ဝႃႈတြႃးသတၢင်းသိူဝ်းပျေႃႇဢၼ်ၵဝ်ႁေႃးလၢတ်ႈၼၼ်ႉဢမ်ႇၸႂ်ႈတြႃးဢၼ်ၵူၼ်းႁဵတ်းဢွၵ်ႇမႃး။

၁၂ ဢမ်ႇၸႂ်ႈဝႃႈၵဝ်လႆႈႁပ်ႉၶၢမ်ႇဢဝ်ၵႃႈတီႈၵူၼ်းလႆႈသွၼ်ဢဝ်ၵႃႈတီႈၵူၼ်းမႃး။ၵဝ်လႆႈႁပ်ႉဢဝ်မႃးၸွမ်းၼင်ႇပျႃႇတိၵ်ႈၸဝ်ႈယေႇသုၶရိၸ်ႉၼၼ်ႉၵူၺ်းဢေႃႈ။

၁၃ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းသူယၢမ်ႈလႆႈႁူႉလႆႈငိၼ်းလွင်ႈဢၼ်ဝႃႈမိူဝ်ႈၵွၼ်ႇဢွၼ်ၼၼ်ႉၵဝ်ပဵၼ်ၵေႃႉဢၼ်ယူႇၼႂ်းၽႃႇသႃႇယုတလႄႈၼိၵ်ႈၸၢၵ်ႈငႅၼ်းသေးႁႂ်ႈလႆႈယႃႉပႅတ်ႈၸိူဝ်းၸဝ်ႈၽြႃးပဵၼ်ၸဝ်ႈဢေႃႈ။

၁၄ ၵဝ်ပဵၼ်ၵေႃႉဢၼ်ႁႅင်းယႂ်ႇၼႂ်းၼႄးဢူႉပတေႇၽႃႇသႃႇယုတမိူဝ်ႈၵွၼ်ႇဢၼ်ၵဝ်လႆႈၶၢမ်ႇဢဝ်ၼႂ်းမိုဝ်းပူႇမွၼ်ႇၼၼ်ႉၼႃႇသေၵူၼ်းဢၼ်ဢသၢၵ်ႈပဵင်းၵၼ်တင်းၵဝ်ၼႂ်းၸိူဝ်ႉၶိူဝ်းၵဝ်ၸိူဝ်းၼၼ်ႉယူႇယဝ်ႉ။

၁၅ ၵူၺ်းၵႃႈၽြႃးပဵၼ်ၸဝ်ႈဢၼ်လိူၵ်ႈၵဵပ်းဢဝ်ၵဝ်ၸဵမ်မိူဝ်ႈၵဝ်မီးၼႂ်းတွင်ႉမေႈၵဝ်ၼၼ်ႉႁွင်ႉဢဝ်ၵဝ်ၸွမ်းလူၺ်ႈၵျေးၸူးမၼ်းၸဝ်ႈၼၼ်ႉ

၁၆ ၼႄပျႃးလုၵ်ႈမၼ်းၸဝ်ႈတီႈၵဝ်ႁႂ်ႈၵဝ်လႆႈႁေႃးလၢတ်ႈတြႃးသတၢင်းသိူဝ်းပျေႃႇလုၵ်ႈၸဝ်ႈၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။

၁၇ ၵဝ်ဢမ်ႇတိူင်ႇပၢင်ႇၵၼ်တင်းၶဝ်ၸိူဝ်းဢၼ်ပဵၼ်တမၢၼ်ႇၸဝ်ႈဢွၼ်တၢင်းၵဝ်ၼႂ်းဝဵင်းယေႇရုသလႅမ်ႇၼၼ်ႉ။ၵဝ်ဢမ်ႇၵႂႃႇၸူးတီႈၶဝ်။ၵဝ်ၵႂႃႇၵႃႈတီႈမိူင်းဢရေႇပျႃႉၵမ်းလဵဝ်လႄႈသမ်ႉၶိုၼ်းမိူဝ်းၵႂႃႇၵႃႈတီႈဝဵင်းထမ်ႇမသႅတ်ႈဢေႃႈ။

၁၈ ဝၢႆးသသေၢမ်ပီႊယဝ်ႉၵဝ်ၵႂႃႇၵႃႈတီႈဝဵင်းယေႇရုသလႅမ်ႇႁႂ်ႈလႆႈမိုတ်ႈၵိုဝ်းၵၼ်တင်းၵေႇၽလႄႈယူႇလူၺ်ႈၵၼ်တင်းမၼ်းသိပ်းႁႃႈဝၼ်းဢေႃႈ။

၁၉ လိူဝ်သေမၼ်းဢိၵ်ႇတင်းယႃႇၵုပ်ႉ၊ၼွင်ႉၸၢႆးၸဝ်ႈၽြႃးၼၼ်ႉၵဝ်ဢမ်ႇထူပ်းဢမ်ႇႁၼ်တမၢၼ်ႇၸဝ်ႈတၢင်ႇတီႈတၢင်ႇပႃးသေၵေႃႉသေၵူၼ်း။

၂၀ လွင်ႈတၢင်းဢၼ်ၵဝ်တႅမ်ႈပၼ်ငိၼ်းၵႂႃႇတီႈသူၸိူဝ်ႉၼင်ႇၼႆၸမ်းၵဝ်ဢမ်ႇသုင်းဢမ်ႇဢဝ်ၵႂၢမ်းမူႉသႃႇလၢတ်ႈ၊ဝႃႈၼႆ၊ၵဝ်ဝႃႈၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။

၂၁ ဝၢႆးၼၼ်ႉၵဝ်ၵႂႃႇၵႃႈတီႈမိူင်းသုရိတင်းမိူင်းၵိလိၵိဢေႃႈ။

၂၂ ၸိူဝ်းၸဝ်ႈၵႃႈၼႂ်းမိူင်းယုတတင်းလၢႆယင်းဢမ်ႇႁူႉၸၵ်းၵဝ်။ၶဝ်လႆႈငိၼ်းပိူၼ်ႈဝႃႈ၊-

၂၃ ၵေႃႉဢၼ်ယၢမ်ႈၼိၵ်ႈၸၢၵ်ႈငႅၼ်းသေးႁဝ်းၼၼ်ႉတေႃႈလဵဝ်ၼႆႉမၼ်းႁေႃးလၢတ်ႈတြႃးတၢင်းယုမ်ႇမၢတ်ႈဢၼ်တူဝ်ၸဝ်ႈၵဝ်ႇယၢမ်ႈယႃႉပႅတ်ႈမိူဝ်ႈဢွၼ်ၼႆႉၼၼ်ႉဢေႃႈ၊ဝႃႈၼင်ႇၼႆၵူၺ်းလႄႈၶဝ်ယွင်ႈယေႃးၽြႃးပဵၼ်ၸဝ်ႈၵွပ်ႈပိူဝ်ႈလွင်ႈၵဝ်ဢေႃႈ။