Shan Missions

လိၵ်ႈဢေႃးဝႃႇတႃ့ၵလႃႇတိ

Chapter        ၁          ၂          ၃          ၄          ၅          ၆       

၅

တၢင်းဢၼ်ပွႆႇလွတ်ႈ

၁ ပိူဝ်ႈၼႆလႄႈတႄႇယူႇၼႂ်းဢၶႂၢင်ႉတၢင်းဢၼ်ပွႆႇလွတ်ႈဢၼ်ၸဝ်ႈၶရိၸ်ႉပွႆႇလွတ်ႈႁဝ်းၼၼ်ႉသေလႄႈယႃႇပေသမ်ႉၶိုၼ်းၶၢမ်ႇတၢင်းဢၼ်မတ်ႉၽုၵ်ႇဝႆႉႁႂ်ႈလႆႈႁၢပ်ႇၵၢၼ်းဢၼ်တၵ်းလႆႈၶၢမ်ႇႁဵတ်းၶႃႈၼၼ်ႉသေၵမ်း။

၂ ၵဝ်၊ပေႃးလု၊ဝႃႈတီႈသူၸမ်းပေႃးသူၶၢမ်ႇတၢင်းဢၼ်ထိူဝ်ႁိမ်းၸိုင်ၸဝ်ႈၶရိၸ်ႉၼၼ်ႉတၵ်းဢမ်ႇပွင်ႇလွင်ႈၵႃႈသင်တီႈသူလႃးလႃး။

၃ ၵဝ်သမ်ႉလၢတ်ႈထႅင်ႈတီႈၶဝ်ၸိူဝ်းဢၼ်ထိူဝ်ႁိမ်းၵႃႈမီးတင်းသဵင်ႈတင်းလူင်ၼၼ်ႉၸမ်း၊ၶဝ်ၼၼ်ႉဢမ်ႇလွတ်ႈဢမ်ႇၵၢင်းတေလႆႈၵမ်ၵျၢင်ႉၸွမ်းပိင်းၺၢပ်ႈတြႃးၵႃႈမီးတင်းသဵင်ႈတင်းမူတ်းဢေႃႈ။

၄ သူၸိူဝ်းဢၼ်ဢိင်ပိုင်ႈပိင်းၺၢပ်ႈတြႃးသေလႄႈႁႂ်ႈလႆႈႁွတ်ႈထိုင်တၢင်းဢၼ်သိုဝ်ႈတေႃႇၼၼ်ႉၵူႈၵေႃႉၵူႈၵူၼ်းပဵၼ်ၵေႃႉဢၼ်ၽၢတ်ႇယၢၼ်ၵၼ်တင်းၸဝ်ႈၶရိၸ်ႉလႄႈဢမ်ႇတႄႇယူႇၼႂ်းၵျေးၸူးတြႃး။

၅ သုတ်ႉၶၢႆႉပိူင်ႈၵႂႃႇသဵင်ႈယဝ်ႉ။ႁဝ်းၸမ်းဢိင်ပိုင်ႈဝိၺိၺ်ႇၸဝ်ႈသေလႄႈပႂ်ႉထႃႈၵျေးၸူးၸဝ်ႈဢၼ်မုင်ႈထႃႈမွင်းထႃႈတၢင်းဢၼ်သိုဝ်ႈတေႃႇဢၼ်ပဵၼ်ၵွပ်ႈပိူဝ်ႈတၢင်းယုမ်ႇမၢတ်ႈၼၼ်ႉဢေႃႈ။

၆ ၵႃႈတီႈၸဝ်ႈယေႇသုၶရိၸ်ႉၼၼ်ႉတၢင်းဢၼ်ၶၢမ်ႇထိူဝ်ႁိမ်းဢမ်ႇမီးဢၵျူဝ်း။တၢင်းဢၼ်ဢမ်ႇၶၢမ်ႇထိူဝ်ႁိမ်းၵေႃႈဢမ်ႇမီးဢၵျူဝ်း။

၇ တၢင်းဢၼ်ယုမ်ႇမၢတ်ႈဢိင်ႈပိုင်ႈမႅတ်ႈတႃႇသေလႄႈၸၢင်ႊပွင်ၸၢင်ႊႁဵတ်းၼၼ်ႉၵူၺ်းမီးဢၵျူဝ်းဢေႃႈ။

မိူဝ်ႈဢွၼ်ၼၼ်ႉသူၶုၼ်ႇလႅၼ်ႈလီလီငၢမ်းငၢမ်းဢေႃႈ။ပေႃးပဵၼ်ၸိူဝ်ႉၼင်ႇၼႆၸိုင်ၽူႈလႂ်ႁႄႉၶႅၼ်သူဢမ်ႇႁႂ်ႈသူလႆႈထွမ်ႇဢဝ်သမ်ႇမႃႇတြႃး။

၈ တၢင်းဢၼ်ၸူဝ်းဢဝ်သူၼၼ်ႉဢွၵ်ႇသေၵႃႈတီႈၸဝ်ႈဢၼ်ႁွင်ႉဢဝ်သူမႃးၼၼ်ႉဢမ်ႇၸႂ်ႈ။

၉ ၸိူဝ်ႉပႅင်ႈဢိတ်းဢွၼ်ႇၼိုင်ႈၵူၺ်းၸၢင်ႁႂ်ႈၶဝ်ႈမုၼ်းလိပ်းတင်းၵွင်ႊပွင်းၶိုၼ်ႈဢေႃႈ။

၁၀ ၵဝ်ဢိင်ၸဝ်ႈၽြႃးသေလႄႈမီးတၢင်းဢၼ်ၸႂ်ၸပ်းၸႂ်ၸွႆးလွင်ႈဢၼ်သူတၵ်းပႄႇပႅတ်ႈဢယူႇဢၼ်ပႅၵ်ႇဢၼ်ပိူင်ႈတင်းလၢႆၼၼ်ႉဢေႃႈ။ၵေႃႉဢၼ်ယႃႉယူၵ်ႉသူၼၼ်ႉတၵ်းလႆႈၶၢမ်ႇတၢမ်ႇဢပျႅတ်ႈတူဝ်ၸဝ်ႈၵဝ်ႇဢေႃႈ။

၁၁ ပိူင်ၼိုင်ႈၸမ်းပီႈၼွင်ႉၶဝ်ဢိူၺ်း၊ပေႃးၵဝ်ယင်းႁေႃးလၢတ်ႈတြႃးဢၼ်ၶၢမ်ႇတၢင်းဢၼ်ထိူဝ်ႁိမ်းယူႇၸိုင်ႁဵတ်းသင်လႄႈၵဝ်ယင်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးယူႇၸိူဝ်ႉၼႆ။ပေႃးႁေႃးလၢတ်ႈၸိူဝ်ႉၼင်ႇၼၼ်ၸိုင်လွင်ႈဢၼ်တၵ်းတိူဝ်ႉမႅၼ်ႈသဝ်လၵ်းဝႃးမိုဝ်းလႄႈလူမ်ႉၼၼ်ႉလႆႈဢဝ်ပဵတ်ႈယဝ်ႉဢေႃႈ။

၁၂ ၵဝ်မီးဢလူဝ်ႇၶႂ်ႈႁႂ်ႈၶဝ်ၸိူဝ်းဢၼ်ႁဵတ်းႁႂ်ႈသူၽိတ်းတၢင်းပိူင်ႈတၢင်းၼၼ်ႉလႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈဢေႃႈ။

၁၃ ပီႈၼွင်ႉၶဝ်ဢိူၺ်း၊သူပဵၼ်ၵေႃႉဢၼ်လႆႈဢၶႂၢင်ႉတၢင်းဢၼ်ပွႆႇလွတ်ႈဢေႃႈ။ၼႂ်းဝႃႈၼၼ်သေၵေႃႈယႃႇပေဢဝ်ဢၶႂင်ႉတၢင်းဢၼ်ပွႆႇလွတ်ႈၼၼ်ႉသေလႄႈႁဵတ်းၸွမ်းဢလူဝ်ႇၸႃႇတိပၵတိ။ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ႁၵ်ႉၵၼ်သေလႄႈဢွၼ်ၵၼ်ပွင်ႁဵတ်းတေႃႇၵၼ်တႃႉ။

၁၄ လွင်ႈမၼ်းၸမ်းပိင်းၺၢပ်ႈတြႃးတင်းသဵင်ႈတင်းမူတ်းတဵမ်ထူၼ်ႈဝႆႉၼႂ်းပိင်းၺၢပ်ႈပႃးၼိုင်ႈဢၼ်ဝႃႈႁၵ်ႉၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉမိူၼ်ၸိူဝ်ႉၼင်ႇႁၵ်ႉတူဝ်ၸဝ်ႈၵဝ်ႇၼၼ်ႉတႃႉ၊ဢၼ်ဝႃႈၼၼ်ႉဢေႃႈ။

၁၅ ပေႃးၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ၶူပ်းၵၼ်ၵိၼ်ၵၼ်ယူႇၸိုင်သူၵေႃႉၼိုင်ႈလႄႈၵေႃႉၼိုင်ႈတၵ်းဢဝ်ၵၼ်လူႉလဵဝ်ဢေႃႈ၊ဝႃႈၼႆဢွၼ်ၵၼ်ႁဵတ်းသတိတႃႉ။

၁၆ ၵဝ်ပိင်းၺၢပ်ႈၸမ်းၵမ်ၵျၢင်ႉၸွမ်းၼင်ႇဝိၺိၺ်ႇပၵတိတႃႉ။ပေႃးၵမ်ၵျၢင်ႉၸိူဝ်ႉၼင်ႇၼၼ်ၸိုင်သူတၵ်းဢမ်ႇၸွမ်းဢလူဝ်ႇၸႃႇတိပၵတိ။

၁၇ လွင်ႈမၼ်းၸမ်းၸႃႇတိပၵတိတင်းဝိၺိၺ်ႇပၵတိပႃးၼိုင်ႈလႄႈပႃးၼိုင်ႈမီးတၢင်းဢၼ်ၶတ်းၵၼ်ဝႆႉဢေႃႈ။ပႃးၼိုင်ႈလႄႈပႃးၼိုင်ႈၶတ်းၶဵင်ႇၵၼ်ယူႇတေႃႇထိုင်ႁွတ်ႈထၼ်ႈပေႃးဢမ်ႇႁႂ်ႈသူလႆႈၵမ်လႆႈၵျၢင်ႉတၢင်းၵမ်တၢင်းၵျၢင်ႉဢၼ်သူၶႂ်ႈၵမ်ၶႂ်ႈၵျၢင်ႉၸိူဝ်းၼၼ်ႉ။

၁၈ ၼႂ်းဝႃႈၼၼ်သေၵေႃႈပေႃးသူၸွမ်းဢလူဝ်ႇဝိၺိၺ်ႇပၵတိၸိုင်သူလွတ်ႈပိင်းၺၢပ်ႈတြႃးဢေႃႈ။

၁၉ တၢင်းႁဵတ်းတၢင်းသၢင်ႈၸႃႇတိပၵတိၸိူဝ်းၼၼ်ႉထၢင်ႇသႃးယူႇဢေႃႈ။

၂၀ တၢင်းႁဵတ်းတၢင်းသၢင်ႈၸိူဝ်းၼၼ်ႉၸမ်းပဵၼ်တၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃး၊တၢင်းဢၼ်ႁဵတ်းဢၼ်ၵူဝ်ႈၵိူၵ်ႇ၊တၢင်းဢၼ်ၵိလေႇသႃႇပူၼ်ႉလိူဝ်၊တၢင်းဢၼ်ၵူဝ်းၵႂၢႆႇရူၵ်ႈထူႉ၊တၢင်းဢၼ်မီးၽိူဝ်ႉလႄႈႁဵတ်းတီႈပိူၼ်ႈ၊တၢင်းဢၼ်ၸင်းပိူၼ်ႈ၊တၢင်းဢၼ်ၽိတ်းၵၼ်၊တၢင်းဢၼ်ၶႄႉၶဵင်ႇၵၼ်၊တၢင်းဢၼ်ၸႂ်မႆႈၶႂ်ႈၸႃႉဢွၵ်ႇ၊တၢင်းဢၼ်တွပ်ႇၵၼ်ထဵင်ၵၼ်၊

၂၁ တၢင်းဢၼ်ၵေႃႉၼိုင်ႈလႄႈၵေႃႉၼိုင်ႈၽၢတ်ႇၽႄၵၼ်၊တၢင်းဢၼ်ၽႄၵိူင်းၶႂၢႆးၵိူင်းၵၼ်၊တၢင်းဢၼ်သီႇၵေႉႁေႈတႃ၊တၢင်းဢၼ်ဢဝ်ဢသၢၵ်ႈၵူၼ်းတၢႆ၊တၢင်းဢၼ်ၵိၼ်လဝ်ႈမဝ်းၵမ်၊တၢင်းဢၼ်ႁဵတ်းပွႆးႁဵတ်းလၢမ်းဢမ်ႇလီၸိူဝ်းၼၼ်ႉဢေႃႈ။

၂၂ ၸိူဝ်ႉၼင်ႇဢၼ်ၵဝ်လၢတ်ႈဝႆႉမိူဝ်ႈဢွၼ်ၼႆႉၼၼ်ႉလႄႈဝႃႈ၊ၶဝ်ၸိူဝ်းဢၼ်ႁဵတ်းၸိူဝ်ႉၼင်ႇၼၼ်ၼၼ်ႉတၵ်းဢမ်ႇလႆႈၶၢမ်ႇဢမူၺ်ႇမိူင်းၽြႃးပဵၼ်ၸဝ်ႈ၊ဝႃႈၼင်ႇၼႆၼၼ်ႉ၊တေႃႈလဵဝ်ႈၼႆႉၵေႃႈၵဝ်လၢတ်ႈထႅင်ႈဢေႃႈ။ၼႂ်းဝႃႈၼၼ်သေၵေႃႈမၢၵ်ႇဝိၺိၺ်ႇပၵတိၸမ်းပဵၼ်တၢင်းဢၼ်ႁၵ်ႉပႅင်း၊တၢင်းဢၼ်သိူဝ်းပျေႃႇ၊တၢင်းၼိမ်၊တၢင်းဢၼ်ၸႂ်ယႂ်ႇၸႂ်ယၢဝ်း၊တၢင်းဢၼ်ႁဵတ်းၵျေးၸူး၊

၂၃ တၢင်းဢၼ်မျၢတ်ႈလီ၊တၢင်းဢၼ်ယုမ်ႇမၢတ်ႈ၊တၢင်းဢၼ်ၸႂ်ၼိမ်သိမ်ႇဢူၼ်ႈဢွၼ်ႇၶျႃးတႅမ်ႇ၊တၢင်းဢၼ်ၶျုၵ်ႈထိင်းၸႂ်တူဝ်ၸဝ်ႈၵဝ်ႇ၊ၸိူဝ်းၼၼ်ႉဢေႃႈ။ပိင်းၺၢပ်ႈတြႃးဢၼ်လႂ်ၵေႃႈဢမ်ႇႁၢမ်ႈဢမ်ႇတၢပ်ႈဢမ်ႇႁႄႉၶႅၼ်တၢင်းၵမ်တၢင်းၵျၢင်ႉၸိူဝ်ႉၼင်ႇၼၼ်ၼၼ်ႉ။

၂၄ ၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းၸဝ်ႈၶရိၸ်ႉၼၼ်ႉဢဝ်ၸႃႇတိပၵတိဢိၵ်ႇတင်းၸႂ်ဢလူဝ်ႇသၢၼ်ႇတႃႉၸႃႇတိပၵတိယႅၼ်ႉတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းယဝ်ႉဢေႃႈ။

ႁႂ်ႈပိင်းၺၢပ်ႈၸဝ်ႈယေႇသုပျေႉၸုမ်ႇ

၂၅ ပေႃးႁဝ်းဢသၢၵ်ႈလိပ်းၵွပ်ႈပိူဝ်ႈဝိၺိၺ်ႇၸဝ်ႈၸိုင်ဢွၼ်ၵၼ်ၵမ်ၵျၢင်ႉၸွမ်းဝိၺိၺ်ႇၸဝ်ႈတႃႉႁဝ်း။

၂၆ ဢွၼ်ၵၼ်ဝေႈပႅတ်ႈတၢင်းဢၼ်ၸႂ်ၸပ်းၸႂ်ၸွႆးလွင်ႈတၢင်းဢၼ်သႃႇၸွတ်ႇႁူင်ႁၢင်းဢၼ်ပဵၼ်လၢႆလၢႆဢမ်ႇပွင်ႇလွင်ႈၵႃႈသင်၊တၢင်းဢၼ်ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ဝႆႉတၢင်းၽိတ်းတေႃႇၵၼ်၊ယႃႉယူၵ်ႉၵၼ်၊တၢင်းဢၼ်ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်သီႇၵေႉႁေႈတႃတေႃႇၵၼ်၊ၸိူဝ်းၼၼ်ႉပဵတ်ႈတႃႉႁဝ်း။