ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၅
ႁွင်ႉဢဝ်တပႄးၸဝ်ႈဢွၼ်တၢင်းသုတ်းပိူၼ်ႈ
၁ ၼႂ်းမိူဝ်ႈဢၼ်မၼ်းၸဝ်ႈၸုၵ်းယူႇၵႃႈတီႈႁိမ်းၼွင်ၵိၼ်ႇၼီႇသႃႇရိတ်ႉလႄႈၵူၼ်းၸူႉၵူၼ်းတုမ်တင်းလၢႆၽိုတ်ႉဢီးၸူးမၼ်းၸဝ်ႈႁႂ်ႈလႆႈထွမ်ႇလႆႈငိၼ်းၼုၵ်ႉၵပၢတ်ႈတြႃးၽြႃးပဵၼ်ၸဝ်ႈယူႇၼၼ်ႉၸိုင်မၼ်းၸဝ်ႈႁၼ်ႁိူဝ်းသွင်လမ်းသိူၵ်ႈဝႆႉၵႃႈတီႈၽင်ႇၼမ်ႉဢေႃႈ။
၂ တမ်ႇငႃႈတင်းလၢႆၵေႃႈဢွၵ်ႇသေၵႃႈၼႂ်းႁိူဝ်းသေယဝ်ႉသုၵ်ႈလွႆးၶႄၶဝ်ယူႇဢေႃႈ။
၃ မၼ်းၸဝ်ႈၶဝ်ႈၵႃႈၼႂ်းႁိူဝ်းသိမုၼ်ႇယဝ်ႉၸင်ႇႁႂ်ႈသိမုၼ်ႇဢဝ်ႁိူဝ်းမၼ်းၽၢတ်ႇယၢၼ်ဢွၵ်ႇသေၵႃႈတီႈၽင်ႇၼမ်ႉဢိတ်းၼိုင်ႈဢေႃႈ။မၼ်းၸဝ်ႈၼင်ႈယူႇၵႃႈၼိူဝ်ႁိူဝ်းၼၼ်ႉသေယဝ်ႉသင်ႇသွၼ်သုင်းမႃႉၵူၼ်းၸူႉၵူၼ်းတုမ်တင်းလၢႆၸိူဝ်းၼၼ်ႉဢေႃႈ။
၄ မိူဝ်ႈဢၼ်ၵႂၢမ်းမၼ်းၸဝ်ႈထၢတ်ႇယဝ်ႉၸိုင်မၼ်းၸဝ်ႈလၢတ်ႈတီႈသိမုၼ်ႇလႄႈဝႃႈ၊-ၶၢႆႉၵႂႃႇၵႃႈတီႈဢၼ်ၼမ်ႉလိုၵ်ႉပုၼ်ႉလူးၵွၼ်ႇတႃႉ။ဝၢၼ်ႇၶႄသူတူၵ်းႁႂ်ႈလႆႈပႃတႃႉ၊မိူဝ်ႈဢၼ်မၼ်းၸဝ်ႈဝႃႈၼင်ႇၼႆၸိုင်၊သိမုၼ်ႇၵေႃႈၶိုၼ်းလၢတ်ႈလႄႈဝႃႈ၊-
၅ ၸဝ်ႈႁဝ်း၊ပဵၵ်ႉသမ်ႉႁဝ်းၶႃႈၶတ်းၸႂ်ဝၢၼ်ႇၶႄတင်းၶိုၼ်းသေၵေႃႈယင်းဢမ်ႇလႆႈသတေူဝ်ၶႃႈ။ၼႂ်းဝႃႈၼၼ်သေၵေႃႈပေႃးၸဝ်ႈႁဝ်းမီးဢမိင်ႉၸိုင်တၵ်းဝၢၼ်ႇၶႄတူၵ်းၶႃႈဢေႃႈ၊ဝႃႈၼင်ႇၼႆဢေႃႈ။
၆ ၶဝ်ၵေႃႈဝၢၼ်ႇၶႄတူၵ်းလႄႈႁူမ်ႇမႅၼ်ႈပႃၼမ်ၼႃႇထၼ်ႈပေႃးၶႄၶဝ်ၸႃႉသိၵ်ႇၸႃႉၶၢတ်ႇမႃးဢေႃႈ။
၇ ၶဝ်ၼႄမိုဝ်းႁဵတ်းလၵ်ႈၶၼႃႇပၼ်ၵေႃႉသေႈၶဝ်ဢၼ်မီးၼႂ်းႁိူဝ်းတၢင်ႇလမ်းၸိူဝ်းၼၼ်ႉႁႂ်ႈလႆႈမႃးၸွႆႈထႅမ်လႄႈၶဝ်ၵေႃႈမႃးၸွႆႈတိုတ်ႉဢဝ်ပႃလႄႈႁိူဝ်းတင်းသွင်လမ်းတဵမ်ၵႂႃႇတေႃႇထိုင်ႁွတ်ႈထၼ်ႈပေႃးႁိူဝ်းၶဝ်ၸမ်တၵ်းၸူမ်ဢေႃႈ။
၈ သိမုၼ်ႇပေႇတရုႁၼ်လွင်ႈၼၼ်ႉသေယဝ်ႉၶုပ်ႉမူပ်ႇၵႃႈတီႈႁိမ်းတိၼ်ၸဝ်ႈယေႇသုသေလႄႈလဝ်ႈလၢတ်ႈဝႃႈ၊-ၸဝ်ႈႁဝ်း။ပိူဝ်ႈဢၼ်ၵဝ်ၶႃႈပဵၼ်ၵေႃႉဢၼ်မီးဢပျႅတ်ႈၼမ်ၼႃႇၼၼ်ႉလႄႈၸဝ်ႈႁဝ်းဢွၵ်ႇသေၵႃႈတီႈၵဝ်ၶႃႈၼႆႉၵႂႃႇသေၵမ်းၶႃႈ၊ဝႃႈၼင်ႇၼႆဢေႃႈ။
၉ ႁဵတ်းသင်လႄႈလဝ်ႈလၢတ်ႈၸိူဝ်ႉၼင်ႇၼႆဝႃႈၼႆၸမ်းၵႂပ်ႈပိူဝ်ႈၶဝ်လႆႈႁၼ်လွင်ႈဢၼ်ႁူမ်ႇၺႃးမႅၼ်ႈပႃၸိူဝ်းၼၼ်ႉလႄႈ၊သိမုၼ်ႇတင်းၶဝ်ၸိူဝ်းဢၼ်ပႃးလူၺ်ႈၵၼ်တင်းမၼ်းတင်းသဵင်ႈတင်းလူင်
၁၀ ဢိၵ်ႇတင်းယႃႇၵုပ်ႉ၊ယုဝ်းႁၢၼ်ႇ၊လုၵ်ႈၸၢႆးၸေႇပေႇတေး၊ၸိူဝ်းၼၼ်ႉမီးတၢင်းဢၼ်ၵႂင်ၸႂ်ယုင်ႈၸႂ်ၼႃႇဢေႃႈ။ၸဝ်ႈယေႇသုၵေႃႈလၢတ်ႈတီႈသိမုၼ်ႇလႄႈဝႃႈ၊-ယႃႇပေၵူဝ်ပေႁႄ။ၸႃႉၸဵမ်တေႃႈလဵဝ်ၼႆႉၵႂႃႇမႂ်းတၵ်းပဵၼ်တမ်ႇငႃႈဢၼ်ႁႃၵူၼ်းဢေႃႈ၊ဝႃႈၼင်ႇၼႆဢေႃႈ။
၁၁ မိူဝ်ႈဢၼ်သိူၵ်ႈႁိူဝ်းၵႃႈတီႈၽင်ႇၼမ်ႉယဝ်ႉၼၼ်ႉၶဝ်ၸုၼ်ႉပႅတ်ႈၵႃႈမီးတင်းသဵင်ႈတင်းလူင်သေယဝ်ႉၸွမ်းပႃႈလင်မၼ်းၸဝ်ႈၵႂႃႇဢေႃႈ။
ႁႂ်ႈၵူၼ်းတုတ်ႈႁၢႆၶႅၼ်း
၁၂ ၼႂ်းမိူဝ်ႈဢၼ်မၼ်းၸဝ်ႈမီးယူႇၵႃႈၼႂ်းဝဵင်းဝဵင်းၼိုင်ႈၼၼ်ႉၵူၼ်းဢၼ်ပဵၼ်တုတ်ႈတင်းတူဝ်တင်းၶိင်းၼၼ်ႉၵေႃႉၼိုင်ႈထူပ်းႁၼ်မၼ်းၸဝ်ႈသေယဝ်ႉၶုပ်ႉမူပ်ႇလႄႈတွင်းပၢၼ်ႇဝႃႈ၊-ၸဝ်ႈႁဝ်းပေႃးၸဝ်ႈႁဝ်းမီးဢလူဝ်ႇၸိုင်ၸဝ်ႈႁဝ်းႁဵတ်းႁႂ်ႈၵဝ်ၶႃႈမူတ်းသႂ်လႆႈယူႇၶႃႈဢေႃႈ၊ဝႃႈၼင်ႇၼႆဢေႃႈ။
၁၃ မၼ်းၸဝ်ႈၵေႃႈယိုၼ်ႈမိုဝ်းမၼ်းၸဝ်ႈသေယဝ်ႉတိူဝ်ႉၵေႃႉၼၼ်ႉလႄႈလၢတ်ႈဝႃႈ၊-ၵဝ်မီးဢလူဝ်ႇယူႇဢေႃႈ၊ႁႂ်ႈမူတ်းသႂ်တႃႉ၊ဝႃႈၼင်ႇၼႆဢေႃႈ။မိူဝ်ႈၼၼ်ႉတုတ်ႈမၼ်းႁၢႆၵမ်းလဵဝ်ဢေႃႈ။
၁၄ မၼ်းၸဝ်ႈၵေႃႈလၢတ်ႈလႄႈဝႃႈ၊-လွင်ႈၼႆႉၸိုင်ယႃႇပေလၢတ်ႈတီႈၽူႈလႂ်သေၵေႃႉသေၵူၼ်း။ၵူၺ်းၵႃႈၵႂႃႇၼႄပျႃႉတူဝ်မႂ်းတီႈယိတ်ႉပရေႃးႁိၵ်ႈၶဝ်တႃႉ။ၵွပ်ႈပိူဝ်ႈဢၼ်ႁွတ်ႈထိုင်တၢင်းဢၼ်မူတ်းသႂ်ယဝ်ႉလႄႈၼင်ႇႁိုဝ်တၵ်းပဵၼ်သၢၵ်ႈသေႇတီႈပိူၼ်ႈတၢင်ႇၵေႃႉၸိုင်သၢၵ်ႈၵၢပ်ႈတၢင်းပုၵ်ႉၸေႃႇဢၼ်မုဝ်းသေႇၸီႇယၢင်ႇသင်ႇလၢတ်ႈဝႆႉၼၼ်ႉတႃႉ၊ဝႃႈၼင်ႇၼႆဢေႃႈ။
၁၅ ၼႂ်းဝႃႈၼၼ်သေၵေႃႈသတၢင်းသဵင်ၶၢဝ်ႇမၼ်းၸဝ်ႈၼၼ်ႉယဵင်ႈၶႅၼ်းၸွတ်ႇသႃႇႁူင်ႁၢင်းလႄႈၵူၼ်းၼမ်ၼႃႇတင်းသဵင်ႈတင်းလူင်ဢွၼ်ၵၼ်မႃးၸူႉၵၼ်တုမ်ၵၼ်ၵႃႈတီႈမၼ်းၸဝ်ႈႁႂ်ႈလႆႈထွမ်ႇလႆႈငိၼ်းတြႃးဢိၵ်ႇတင်းႁႂ်ႈလႆႈၶၢမ်ႇတၢင်းဢၼ်တၢင်းၶႆႈတၢင်းပဵၼ်ႁၢႆၼၼ်ႉဢေႃႈ။
၁၆ မၼ်းၸဝ်ႈၵႂႃႇၵႃႈၼႂ်းထိူၼ်ႇလႄႈသူးတွင်းဢေႃႈ။
ၸဝ်ႈယေႇသုႁႂ်ႈၵူၼ်းတိၼ်တၢႆမိုဝ်းတၢႆႁၢႆၶႅၼ်း
၁၇ မီးဝၼ်းၼိုင်ႈၼႂ်းမိူဝ်ႈဢၼ်မၼ်းၸဝ်ႈသင်ႇသွၼ်သုင်းမႃႉပၼ်ယူႇၼၼ်ႉၸိုင်ၽႃႇရိသေးတင်းလၢႆဢိၵ်ႇတင်းသြႃႇဢၼ်သွၼ်ပၼ်တြႃးတင်းလၢႆဢၼ်လုၵ်ႉသေၵႃႈတီႈဝၢၼ်ႈတီႈဝဵင်းဢၼ်မီးၼႂ်းမိူင်းၵႃႇလိလႄးမိူင်းယုတတင်းဝဵင်းယေႇရုသလႅမ်ႇတင်းသဵင်ႈတင်းလူင်ၸိူဝ်းၼၼ်ႉမႃးလႄႈဢွၼ်ၵၼ်ၼင်ႈယူႇၵႃႈတီႈႁိမ်းမၼ်းၸဝ်ႈဢေႃႈ။ပုၼ်ႈဢၼ်တၵ်းႁႂ်ႈတၢင်းၶႆႈတၢင်းပဵၼ်ႁၢႆၸိုင်တၼ်းၶူဝ်းၸဝ်ႈၽြႃးမီးယူႇၵႃႈတီႈမၼ်းၸဝ်ႈဢေႃႈ။
၁၈ မိူဝ်ႈၼၼ်ႉၵူၼ်းတင်းလၢႆဢဝ်ၵူၼ်းတိၼ်တၢႆမိုဝ်းတၢႆၵေႃႉၼိုင်ႈတၢင်ႇၵႃႈၼိူဝ်တီႈၼွၼ်းမၼ်းမႃးလႄႈၵျၢမ်ႇႁႃႁႂ်ႈလႆႈဢဝ်ၶဝ်ႈၸူးၵႃႈတီႈၽၢႆႇၼႃႈမၼ်းၸဝ်ႈဢေႃႈ။
၁၉ ၵွပ်ႈပိူဝ်ႈမီးၵူၼ်းၼမ်ၼႃႇၸူႉၵၼ်တုမ်ၵၼ်လႄႈၶဝ်ဢမ်ႇႁၼ်တၢင်းဢၼ်တၵ်းလႆႈၶဝ်ႈၸူးၵႃႈတီမၼ်းၸဝ်ႈလႄႈၶဝ်ၶိုၼ်ႈၵႂႃႇၵႃႈၼိူဝ်မုင်းႁိူၼ်းသေယဝ်ႉယႃႉမုင်းႁိူၼ်းယဝ်ႉၸင်ႇဢဝ်ၵူၼ်းပဵၼ်ၼၼ်ႉတၢင်ႇၼိူဝ်တီႈၼွၼ်းမၼ်းသေယဝ်ႉယွၼ်ႇတူၵ်းၵႂႃႇၵႃႈၼႂ်းၵၢင်ၵူၼ်းၵႃႈတီႈၽၢႆႇၼႃႈၸဝ်ႈယေႇသုဢေႃႈ။
၂၀ မၼ်းၸဝ်ႈႁၼ်တၢင်းယုမ်ႇမၢတ်ႈၶဝ်ၼၼ်ႉသေယဝ်ႉလၢတ်ႈတီႈၵေႃႉၼၼ်ႉလႄႈဝႃႈ၊-ၵူၼ်းၵေႃႉၼႆႉဢိူၺ်း။ဢပျႅတ်ႈမႂ်းၸိုင်လႆႈၶၢမ်ႇတၢင်းဢၼ်ပွႆႇလွတ်ႈယဝ်ႉဝႃႈၼင်ႇၼႆဢေႃႈ။
၂၁ ၵူၼ်းထုတ်ႇၵျၢမ်းတင်းလၢႆဢိၵ်ႇတင်းၽႃႇရိသေးၸိူဝ်းၼၼ်ႉထၢင်ႇၼႂ်းၸႂ်ဝႃႈ၊-ၵေႃႉဢၼ်လၢတ်ႈပူၼ်ႉလၢတ်ႈလိူဝ်ၽြႃးပဵၼ်ၸဝ်ႈၼႆႉပဵၼ်ၽူႈလႂ်။လိူဝ်သေၽြႃးပဵၼ်ၸဝ်ႈၼၼ်ႉၽူႈလႂ်တၵ်းပွႆႇလွတ်ႈဢပျႅတ်ႈလႆႈဝႃႈၼင်ႇၼႆဢေႃႈ။
၂၂ ၸဝ်ႈယေႇသုႁူႉႁၼ်လွင်ႈဢၼ်ၶဝ်ထၢင်ႇၼႂ်းၸႂ်ၶဝ်ၼၼ်ႉလႄႈမၼ်းၸဝ်ႈလၢတ်ႈတီႈၶဝ်လႄႈဝႃႈ၊-ၼႂ်းၸႂ်သူထၢင်ႇၸိူဝ်ႉၼင်ႇႁိုဝ်။
၂၃ ၵႂၢမ်းဢၼ်လႂ်ယဵင်ႈၶႅၼ်းလၢတ်ႈငၢႆႈ။ဢပျႅတ်ႈမႂ်းၸိုင်လႆႈၶၢမ်ႇတၢင်းဢၼ်ပွႆႇလွတ်ႈယဝ်ႉဢၼ်ဝႃႈၼၼ်ႉလၢတ်ႈငၢႆႈႁိုဝ်။မႂ်းလုၵ်ႉလႄႈပႆတၢင်းၵႂႃႇတႃႉ၊ဢၼ်ဝႃႈၼၼ်ႉ၊လၢတ်ႈငၢႆႈႁိုဝ်။
၂၄ ၼင်ႇႁိုဝ်သူတၵ်းႁူႉလွင်ႈဢၼ်လုၵ်ႈၵူၼ်းပိူင်ႇပွႆႇလွတ်ႈဢပျႅတ်ႈၵႃႈၼိူဝ်လိၼ်မိူင်းၼႆႉ၊ဢၼ်ဝႃႈၼၼ်ႉ၊မၼ်းၸဝ်ႈသမ်ႉလၢတ်ႈတီႈၵေႃႉဢၼ်တိၼ်တၢႆမိုဝ်းတၢႆၼၼ်ႉထႅင်ႈလႄႈဝႃႈ၊-ၵဝ်ဝႃႈတီႈမႂ်းၸမ်းလုၵ်ႉလႄႈဢဝ်တီႈၼွၼ်းမႂ်းၶိုၼ်းမိူဝ်းႁိူၼ်းတႃႉ၊ဝႃႈၼင်ႇၼႆဢေႃႈ။
၂၅ ၵေႃႉၼၼ်ႉၵေႃႈလုၵ်ႉၵမ်းလဵဝ်ၵႃႈတီႈၽၢႆႇၼႃႈၶဝ်သေယဝ်ႉဢဝ်တီႈၼွၼ်းမၼ်းၼၼ်ႉလႄႈယွင်ႈယေႃးၽြႃးပဵၼ်ၸဝ်ႈလႄႈမိူဝ်းၵႂႃႇၵႃႈတီႈႁိူၼ်းမၼ်းပုၼ်ႉဢေႃႈ။
၂၆ ၶဝ်တင်းသဵင်ႈတင်းလူင်ၵႂင်ၸႂ်ယုင်ႈၸႂ်လႄႈဢွၼ်ၵၼ်ယွင်ႈယေႃးၽြႃးပဵၼ်ၸဝ်ႈလႄႈဝႃႈ၊-ဝၼ်းမိူဝ်ႈၼႆႉႁဝ်းလႆႈႁၼ်လွင်ႈဢၼ်လီဢၢမ်းၼႃႇယဝ်ႉ၊ဝႃႈၼင်ႇၼႆဢေႃႈ။
ႁွင်ႉဢဝ်လေႇဝိ
၂၇ လိုၼ်းၼၼ်ႉမၼ်းၸဝ်ႈဢွၵ်ႇၵႂႃႇလႄႈထူပ်းႁၼ်ၵူၼ်းၵဵပ်းၶွၼ်ႇၵေႃႉၼိုင်ႈဢၼ်လႆႈၸိုဝ်လေႇဝိၼၼ်ႉၼင်ႈယူႇၵႃႈၼႂ်းသုမ်ႉထဵင်ၵဵပ်းၶွၼ်ႇယူႇဢေႃႈ။
၂၈ မၼ်းၸဝ်ႈလၢတ်ႈတီႈမၼ်းလႄႈဝႃႈ၊-ၸွမ်းပႃႈလင်ၵဝ်တႃႉ၊ဝႃႈၼင်ႇၼႆလႄႈၵေႃႉၼၼ်ႉၵေႃႈၸုၼ်ႉပႅတ်ႈၵႃႈမီးတင်းသဵင်ႈတင်းလူင်သေယဝ်ႉလုၵ်ႉၸွမ်းပႃႈလင်မၼ်းၸဝ်ႈၵႂႃႇဢေႃႈ။
၂၉ လိုၼ်းၼၼ်ႉၸင်ႇလေႇဝိႁဵတ်းပွႆးဢၼ်ယႂ်ႇၼႃႇၵႃႈတီႈႁိူၼ်းမၼ်းပုၼ်ႈမၼ်းၸဝ်ႈလႄႈၵူၼ်းၵဵပ်းၶွၼ်ႇၼမ်ၼႃႇဢိၵ်ႇတင်းပိူၼ်ႈတၢင်ႇၵေႃႉၼင်ႈႁိမ်းၽိူၼ်တီႈၵိၼ်လူၺ်ႈၵၼ်တင်းၶဝ်ၸိူဝ်းၼၼ်ႉဢေႃႈ။
၃၀ ၵူၼ်းထုတ်ႇၵျၢမ်းဢိၵ်ႇတင်းၽႃႇရိသေးတင်းလၢႆသေႉသွမ်းတၢင်ႇဢပျႅတ်ႈတီႈတပႄးၸဝ်ႈၸိူဝ်းၼၼ်ႉလႄႈဝႃႈ၊-ႁဵတ်းႁိုဝ်လႄႈသူၵိၼ်လူၺ်ႈၵၼ်တင်းၵူၼ်းၵဵပ်းၶွၼ်ႇတင်းၵူၼ်းႁၢႆႉၸိူဝ်းၼႆႉမိူဝ်ႈဢၼ်ဝႃႈၼင်ႇၼႆၸိုင်ၸဝ်ႈယေႇသုၵေႃႈၶိုၼ်းလၢတ်ႈတီႈၶဝ်လႄႈဝႃႈ၊-
၃၁ ၶဝ်ၸိူဝ်းဢၼ်ယူႇလီၼၼ်ႉဢမ်ႇလူဝ်ႇမေႃယႃ။ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၼၼ်ႉၵူၺ်းလူဝ်ႇမေႃယႃဢေႃႈ။
၃၂ ပုၼ်ႈလွင်ႈၼင်ႇႁိုဝ်တၵ်းၶုၵ်းၸႂ်လႆႈမႆႈၸႂ်ဢပျႅတ်ႈၸိုင်ၵဝ်မႃးႁႂ်ႈလႆႈႁွင်ႉဢဝ်ၵူၼ်းသိုဝ်ႈတေႃႇဢမ်ႇၸႂ်ႈ။ၵဝ်မႃးႁႂ်ႈလႆႈႁွင်ႉဢဝ်ၵူၼ်းဢၼ်မီးဢပျႅတ်ႈတင်းလၢႆဢေႃႈ၊ဝႃႈၼင်ႇၼႆဢေႃႈ။
ထၢမ်လွင်ႈဢၼ်ၵမ်တၢင်းၵိၼ်
၃၃ ၶဝ်ၼၼ်ႉလဝ်ႈထၢမ်လႄႈဝႃႈ၊-
တပႄးယုဝ်းႁၢၼ်ႇဢိၵ်ႇတင်းၽႃႇရိသေးၶဝ်ၵမ်တၢင်းၵိၼ်လႄႈႁဵတ်းတၢင်းဢၼ်သူးတွင်းပထၼႃႇၶိူဝ်းၶိူဝ်းယႂ်းယႂ်းယူႇဢေႃႈ။ႁဵတ်းသင်လႄႈတပႄးၸဝ်ႈၸိူဝ်းၼႆႉၵိၼ်ၶူပ်းယူႇၶႃႈ၊ဝႃႈၼင်ႇၼႆဢေႃႈ။
၃၄ မၼ်းၸဝ်ႈၵေႃႈလၢတ်ႈလႄႈဝႃႈ၊-မိူဝ်ႈဢၼ်ၵေႃႉဢၼ်သွင်ႇမင်ႇၵလႃႇမီးယူႇလူၺ်ႈၵၼ်တင်းၵေႃႉသေႈမၼ်းတင်းလၢႆၼၼ်ႉသူႁႂ်ႈၶဝ်ၵမ်တၢင်းၵိၼ်လႆႈႁိုဝ်။
၃၅ ၶိင်ႇၵႃႇလႃႉဢၼ်တၵ်းလႆႈဢဝ်ၵေႃႉဢၼ်သွင်ႇမင်ႇၵလႃႇၽၢတ်ႇၵၼ်တင်းၵေႃႉသေႈမၼ်းၼၼ်ႉတၵ်းႁွတ်ႈထိုင်မႃးယူႇဢေႃႈ။ၶိင်ႇမိူဝ်ႈၼၼ်ႉၶဝ်တၵ်းၵမ်တၢင်းၵိၼ်ဢေႃႈ။
၃၆ ဢူႉပမႃႇၸမ်းၽႂ်ၵေႃႈဢမ်ႇဢဝ်ၽႅၼ်ႇမႂ်ႇၽုင်ၵူပ်းၶူဝ်းၵဝ်ႇ။ပေႃးၽုင်ၸိူဝ်ႉၼင်ႇၼၼ်ၸိုင်ၽႅၼ်ႇမႂ်ႇၼၼ်ႉၸၢင်ႊႁႂ်ႈၶူဝ်းၵဝ်ႇသိၵ်ႇဢေႃႈ။ၽႅၼ်ႇမႂ်ႇဢၼ်ၵူပ်းၼၼ်ႉဢမ်ႇၸၢင်ႊထုၵ်ႇၵၼ်တင်းၶူဝ်းၵဝ်ႇ။
၃၇ ပိူင်လဵဝ်ၵၼ်ၽႂ်ၵေႃႈဢမ်ႇဢဝ်ၼမ်ႉၸပိတ်ႉဢၼ်မႂ်ႇသႂ်ႇၼႂ်းထူင်ၼင်ဢၼ်ၵဝ်ႇ။ပေႃးသႂ်ႇၸိုင်ၼမ်ႉၸပိတ်ႉဢၼ်မႂ်ႇၼၼ်ႉတၵ်းႁႂ်ႈထူင်ၼင်ဢၼ်ၵဝ်ႇတႅၵ်ႇဢေႃႈ။ၼမ်ႉၸပိတ်ႉတၵ်းႁူဝ်ႊလႄႈထူင်ၼင်ၼၼ်ႉၵေႃႈတၵ်းလူႉတၵ်းလႅဝ်ဢေႃႈ။
၃၈ ၼမ်ႉၸပိတ်ႉဢၼ်မႂ်ႇၼၼ်ႉတၵ်းလႆႈသႂ်ႇၼႂ်းထူင်ၼင်ဢၼ်မႂ်ႇဢေႃႈ။ပေႃးသႂ်ႇၸိုင်တင်းသွင်ၸိူဝ်ႉသွင်ပိူင်ဢမ်ႇလူႉဢမ်ႇလႅဝ်။
၃၉ ၵေႃႉဢၼ်ၵိၼ်ၼမ်ႉၸပိတ်ႉဢၼ်ၵဝ်ႇယဝ်ႉၼၼ်ႉဢမ်ႇၶႂ်ႈၵိၼ်ၼမ်ႉၸပိတ်ႉဢၼ်မႂ်ႇ။မၼ်းႁူႉၼမ်ႉၸပိတ်ႉဢၼ်ၵဝ်ႇၼၼ်ႉယဵင်ႈၶႅၼ်းလီဢေႃႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ