Shan Missions

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter    ၁    ၂     ၃     ၄     ၅     ၆     ၇     ၈     ၉     ၁၀      ၁၁     ၁၂     ၁၃     ၁၄     ၁၅     ၁၆   

၁၆

ၸဝ်ႈယေႇသုလုၵ်ႉၵႃႈတၢင်းတၢႆၶိုၼ်းလိပ်း

၁ မိူဝ်ႈဢၼ်ပူၼ်ႉဝၼ်းၵမ်သိၼ်ယဝ်ႉၸိုင်မႃႇရိမႃႇၵတလတင်းမႃႇရိဢၼ်ပဵၼ်မေႈယႃႇၵုပ်ႉဢိၵ်ႇတင်းသႃႇလုမ်ႇၼၼ်ႉၶဝ်သိုဝ်ႉဢဝ်ၼၢမ်ႇသႃႇဢၼ်တေလႆႈတႃးတူဝ်တၢႆမၼ်းၸဝ်ႈၼၼ်ႉယဝ်ႉၸင်ႇ

၂ ဝၼ်းဢၼ်ပဵၼ်ဝၼ်းပထမၼႂ်းၸဵတ်းဝၼ်းၶိင်ႇၵၢင်ၼႂ်ၸဝ်ႉၸဝ်ႉၶိင်ႇဢၼ်ဝၼ်းၸမ်တၵ်းဢွၵ်ႇၼၼ်ႉၶဝ်ၵႂႃႇၸူးၵႃႈတီႈသၢင်းၶျႅင်းမၼ်းၸဝ်ႈဢေႃႈ။ ၶဝ်ၼင်ႇၵၼ်ၵၼ်လၢတ်ႈၵၼ်လႄႈဝႃႈ၊-

၃ ၽႂ်တၵ်းၵိင်ႈၶႅပ်းမၢၵ်ႇႁိၼ်ၼၼ်ႉဢွၵ်ႇသေၵႃႈတီႈႁူးၶုမ်သၢင်းၶျႅင်း၊ဝႃႈၼင်ႇၼႆဢေႃႈ။ 

၄ မိူဝ်ႈဢၼ်လူႈတူၺ်းၼၼ်ႉလႆႈႁၼ်ၶႅပ်းမၢၵ်ႇႁိၼ်ၼၼ်ႉၵိင်ႈဢွၵ်ႇဝႆႉဢေႃႈ။ ၶႅပ်းမၢၵ်ႇႁိၼ်ၼၼ်ႉၸမ်းပဵၼ်မၢၵ်ႇႁိၼ်ဢၼ်ယႂ်ႇၼႃႇဢေႃႈ။ 

၅ ၶဝ်ၼၼ်ႉၶဝ်ႈၵႂႃႇၵႃႈၼႂ်းၶုမ်သၢင်းၶျႅင်းသေယဝ်ႉထူပ်းႁၼ်ၵူၼ်းၼုမ်ႇဢၼ်ၼုင်ႈသိူဝ်ႈယၢဝ်းဢၼ်ၽိူၵ်ႇဢၼ်ၶၢဝ်ၼၼ်ႉၵေႃႉၼိုင်ႈၼင်ႈယူႇၵႃႈတီႈၽၢႆႇၶႂႃဢွင်ႈတီႈဢၼ်ဝႆႉတူဝ်တၢႆမၼ်းၸဝ်ႈၼၼ်ႉလႄႈၶဝ်တူၵ်းၸႂ်ၼႃႇဢေႃႈ။ 

၆ ၵေႃႉၼၼ်ႉၵေႃႈလၢတ်ႈလႄႈဝႃႈ၊-ယႃႇပေတူၵ်းၸႂ်။ သူႁႃၸဝ်ႈယေႇသုၵူၼ်းဝဵင်းၼႃႇၸရႅတ်ႉဢၼ်လႆႈၶၢမ်ႇတၢင်းဢၼ်တွၵ်ႇၵႃႈၼိူဝ်သဝ်လၵ်းဝႃးမိုဝ်းၼၼ်ႉဢမ်ႇၸႂ်ႈႁိုဝ်။ မၼ်းၸဝ်ႈလုၵ်ႉၶိုၼ်းယဝ်ႉ။ ဢမ်ႇမီးၵႃႈတီႈၼႆႉ။ တူၺ်းတီႈဢၼ်ဝႆႉတူဝ်တၢႆမၼ်းၸဝ်ႈၼႆႉတႃႉ။ 

၇ ၵႂႃႇလႄႈမွၵ်ႇလၢတ်ႈတီႈပေႇတရုဢိၵ်ႇတင်းတပႄးမၼ်းၸဝ်ႈတင်းလၢႆၸိူဝ်းၼၼ်ႉဝႃႈ၊-မၼ်းၸဝ်ႈၵႂႃႇၵႃႈတီႈမိူင်းၵႃႇလိလႄးပုၼ်ႉဢွၼ်တၢင်းသူယဝ်ႉ၊ဝႃႈၼင်ႇၼႆတႃႉ။ သူတၵ်းထူပ်းႁၼ်မၼ်းၸဝ်ႈၵႃႈတီႈမိူင်းၼၼ်ႉၵႃႈၼင်ႇဢၼ်မၼ်းၸဝ်ႈသင်ႇလၢတ်ႈဝႆႉၼၼ်ႉဢေႃႈ၊ဝႃႈၼင်ႇၼႆဢေႃႈ။ 

၈ ၶဝ်ၵေႃႈဢွၵ်ႇသေၵႃႈၼႂ်းၶုမ်သၢင်းၶျႅင်းၸဝ်ႈလႄႈပဵၼ်ဢၼ်သၼ်ႇဝႆယူႇၵႂင်ၸႂ်ယုင်ႈၸႂ်ယူႇသေလႄႈလႅၼ်ႈပၢႆႊၵႂႃႇဢေႃႈ။ ပိူဝ်ႈဢၼ်ၶဝ်ၵူဝ်ႁႄၼႃႇလူင်လၢင်လႄႈၶဝ်ဢမ်ႇလၢတ်ႈၵႃႈသင်တီႈၽူႈလႂ်သေၵေႃႉသေၵူၼ်း။ 

၉ မၼ်းၸဝ်ႈၼၼ်ႉဝၼ်းဢၼ်ပဵၼ်ဝၼ်းပထမၼႂ်းၸဵတ်းဝၼ်းမိူဝ်ႈၶိင်ႇၵၢင်ၼႂ်ၸဝ်ႉၸဝ်ႉၼၼ်ႉလုၵ်ႉၶိုၼ်းလိပ်းယဝ်ႉၸင်ႇၼႄပျႃႉတူဝ်မၼ်းၸဝ်ႈဢွၼ်ႈတၢင်းပိူၼ်ႈတီႈမႃႇရိမႃႇၵတလၵေႃႉဢၼ်မၼ်းႁေႃႈၽီႁၢႆႉၸဵတ်းတူဝ်ဢွၵ်ႇပႅတ်ႈၼၼ်ႉဢေႃႈ။ 

၁၀ မၼ်းၵေႃႈၵႂႃႇလႄႈမွၵ်ႇလၢတ်ႈတီႈၶဝ်ၸိူဝ်းဢၼ်လႆႈႁဵတ်းၵေႃႉႁူမ်ႈလူၺ်ႈၵၼ်တင်းမၼ်းၸဝ်ႈၼႂ်းမိူဝ်ႈဢၼ်ၶဝ်ယင်းတိုၵ်ႉမႆႈၸႂ်ၶီၸႂ်ႁႆႈႁွင်ႉယူႇၼၼ်ႉဢေႃႈ။ 

၁၁ မိူဝ်ႈဢၼ်ၶဝ်ငိၼ်းလွင်ႈဢၼ်မၼ်းၸဝ်ႈဢသၢၵ်ႈလိပ်းယူႇ၊လွင်ႈဢၼ်မေႈယိင်းၼၼ်ႉလႆႈႁၼ်မၼ်းၸဝ်ႈယဝ်ႉၼၼ်ႉၸိုင်ၶဝ်ဢမ်ႇယုမ်ႇ။ 

၁၂ လိုၼ်းသေၼၼ်ႉၼႂ်းမိူဝ်ႈဢၼ်တပႄးၸဝ်ႈသွင်ၵေႃႉပႆတၢင်းၵႂႃႇၸူးၵႃႈတီႈဝၢၼ်ႈၼွၵ်ႈၼႃးပၢင်ႇယူႇၼၼ်ႉၸိုင်၊မၼ်းၸဝ်ႈႁဵတ်းႁၢင်ႊၽၢင်ဢၼ်ပႅၵ်ႇပိူင်ႈသေလႄႈၼႄပျႃႉတူဝ်မၼ်းၸဝ်ႈတီႈၶဝ်ၼၼ်ႉဢေႃႈ။ 

၁၃ ၶဝ်ၵေႃႈၶိုၼ်းမႃးလႄႈမွၵ်ႇလၢတ်ႈလွင်ႈတၢင်းၼၼ်ႉတီႈၶဝ်ၸိူဝ်းဢၼ်ၵိုတ်းယူႇတင်းလၢႆၸိူဝ်းၼၼ်ႉဢေႃႈ။ ၶဝ်ၸိူဝ်းၼၼ်ႉၵေႃႈဢမ်ႇယုမ်ႇသွင်ၵေႃႉၼၼ်ႉ။ 

၁၄ လိုၼ်းသေၼၼ်ႉၼႂ်းမိူဝ်ႈဢၼ်တပႄးၸဝ်ႈသိပ်းဢဵတ်းပႃးၼင်ႈယူႇၵႃႈတီႈႁိမ်းၽိူၼ်တီႈၵိၼ်ၼၼ်ႉၸိုင်မၼ်းၸဝ်ႈၼႄပျႃႉတူဝ်မၼ်းၸဝ်ႈတီႈၶဝ်လႄႈတၢင်ႇဢပျႅတ်ႈသင်ႇသွၼ်သုင်းမႃႉတၢင်းဢၼ်ၸႂ်ၶဝ်ဢမ်ႇယုမ်ႇမၢတ်ႈဢိၵ်ႇတင်းတၢင်းဢၼ်ၸႂ်ၶဝ်ၵႅၼ်ႇၶႅင်ၵွပ်ႈပိူဝ်ႈဢၼ်ၶဝ်ဢမ်ႇယုမ်ႇၵႂၢမ်းၶဝ်ၸိူဝ်းဢၼ်လႆႈထူပ်းလႆႈႁၼ်မၼ်းၸဝ်ႈၸိူဝ်းၼၼ်ႉဢေႃႈ။ 

၁၅ လိုၼ်းသေမၼ်းၸဝ်ႈလုၵ်ႉၶိုၼ်းယဝ်ႉမၼ်းၸဝ်ႈလၢတ်ႈတီႈၶဝ်လႄႈဝႃႈ၊-သူၵႂႃႇၵႃႈတီႈမိူင်းလေႃးၵီႇၵူႈတီႈၵူႈလႅၼ်ၵႃႈမီးသေလႄႈႁေႃးမွၵ်ႇလၢတ်ႈတြႃးသတၢင်းသိူဝ်းပျေႃႇတီႈၵူၼ်းဝူၺ်ႇၼေႇယႃႉသတ်ႉတဝႃႇတင်းသဵင်ႈတင်းလူင်တႃႉ။ 

၁၆ ၵေႃႉဢၼ်ယုမ်ႇမၢတ်ႈလႄႈၶၢမ်ႇဢဝ်ပပ်ႉတိၸၢမ်ႇၼၼ်ႉတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢဝ်ဢေႃႈ။ ၵေႃႉဢၼ်ဢမ်ႇယုမ်ႇမၢတ်ႈၼၼ်ႉၸမ်းတၵ်းလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈဢေႃႈ။ 

၁၇ ၼီႉမိၵ်ႈလၵ်ႈၶၼႃႇဢၼ်တၵ်းပဵၼ်တီႈၶဝ်ၸိူဝ်းဢၼ်ယုမ်ႇမၢတ်ႈၼၼ်ႉၸမ်းၶဝ်တၵ်းဢိင်ပိုင်ႈၼႃႇမႃႉၸိုဝ်သဵင်ၵဝ်သေလႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈဢေႃႈ။ ၶဝ်တၵ်းလၢတ်ႈၵႂၢမ်းၽႃႇၽႃႇသႃႇဢၼ်မႂ်ႇတင်းလၢႆၼၼ်ႉဢေႃႈ။ 

၁၈ ၶဝ်တၵ်းယိပ်းၵမ်ငူးဢေႃႈ။ ပေႃးၵိၼ်မႅၼ်ငူၼ်ႉဢၼ်ၸၢင်ႊတၢႆၼၼ်ႉၵေႃႈၶဝ်တၵ်းၵၢင်းလွတ်ႈၽေးဢူးပၢတ်ႈဢေႃႈ။ ၶဝ်တၵ်းဢဝ်မိုဝ်းတၢင်ႇၵႃႈၼိူဝ်ၶဝ်ၸိူဝ်းဢၼ်ဢမ်ႇယူႇလီၵိၼ်ဢမ်ႇဝၢၼ်တင်းလၢႆၼၼ်ႉလႄႈၶဝ်တၵ်းယူႇလီၵိၼ်ဝၢၼ်မႃးဢေႃႈ၊ဝႃႈၼင်ႇၼႆဢေႃႈ။ 

၁၉ ၸဝ်ႈၽြႃးလၢတ်ႈတီႈၶဝ်ၸိူဝ်ႉၼင်ႇၼႆယဝ်ႉၸင်ႇၶၢမ်ႇတၢင်းဢၼ်ဢဝ်ၶိုၼ်ႈၵႂႃႇၵႃႈၼိူဝ်မိူင်းၵၢင်ႁၢဝ်ပုၼ်ႉလႄႈၼင်ႈယူႇၵႃႈတီႈၽၢႆႇၶႂႃၽြႃးပဵၼ်ၸဝ်ႈဢေႃႈ။ 

၂၀ ၶဝ်ၵေႃႈဢွၵ်ႇၵႂႃႇလႄႈပႃးတင်းတၢင်းဢၼ်ၽြႃးပဵၼ်ၸဝ်ႈၸွႆႈထႅမ်မႃႉၸႃႉဢိၵ်ႇတင်းတၢင်းဢၼ်မၼ်းၸဝ်ႈဢဝ်ၼီႉမိၵ်ႈလၵ်ႈၶၼႃႇဢၼ်ပၼ်တီႈၶဝ်ၼၼ်ႉလႄႈႁႂ်ႈၼုၵ်ႉၵပၢတ်ႈတြႃးၸဝ်ႈတႄႇပဵၼ်သေယဝ်ႉႁေႃးမွၵ်ႇလၢတ်ႈတြႃးၸဝ်ႈၵူႈတီႈၵူႈလႅၼ်ဢေႃႈ။ 

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵုယဝ်ႉယဝ်ႉဢေႃႈ