Shan Missions

မႃႇၵု

၁     ၂     ၃     ၄     ၅     ၆     ၇     ၈     ၉     ၁၀     ၁၁     ၁၂     ၁၃     ၁၄     ၁၅     ၁၆     

ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇမႃႇၵု

ၽူႈတႅမ်ႈ ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု ၼႆႉပဵၼ်တပႄး ၸဝ်ႈယေႇသု ပႃးၼိုင်ႈ ဢၼ်လႆႈမီး

ၸိုဝ်ႈဝႃႈ မႃႇၵု ၼၼ်ႉဢေႃႈ။ မၼ်းပဵၼ်လုၵ်ႈၸၢႆး မႃႇရိ ပဵၼ်ပီႈၼွင်ႉ ပႃႇၼပ်ႉပ ပဵၼ်ၵေႃႉသေႈ ပေႃးလု ဢေႃႈ။

တႅမ်ႈဝႆႉမိူဝ်ႈ ပီႊသၢၵ်ႈၵရိၸ်ႉ AD ၆၅-၆၈ ၼၼ်ႉဢေႃႈ။ လႆႈႁူႉဝႃႈတႅမ်ႈတီႈ မိူင်းဢိတလိ၊ ဝဵင်းရူဝ်းမ၊ ဝႃႈၼႆဢေႃႈ။

ဢဵၼ်းဢၢၼ်း ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု ၸမ်း၊ ၶႂ်ႈႁႂ်ႈၵူၼ်းယုမ်ႇမၢတ်ႈ ၸဝ်ႈယေႇသု

ဢၼ်ဢမ်ႇၸႂ်ႈ ၵူၼ်းယုတ ဢၼ်ပဵၼ်ၵူၼ်းသႃႇသၼႃႇပႃႉၸိူဝ်းၼၼ်ႉ တၵ်းမီးဢဵၼ်ႁႅင်းၼႂ်းတၢင်းယုမ်ႇမၢတ်ႈ

ၸဝ်ႈယေႇသု ၼၼ်ႉဢေႃႈ။

လွင်ႈတၢင်းဢၼ်ၶဝ်ႈပႃးၼႂ်း ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု ၸမ်း၊-

၁။ လွင်ႈ ၵေႃႇၸႃႉဢမူႉတေႃႇမျၢတ်ႈ ၸဝ်ႈယေႇသု။ ( ၁:၁-၁၃ )

၂။ လွင်ႈ ဢမူႉတေႃႇမျၢတ်ႈ ၸဝ်ႈယေႇသု ၼႂ်း မိူင်းၵႃႇလိလႄး။ ( ၁:၁၄-၆:၂၉ )

၃။ လွင်ႈ ဢွၵ်ႇသေၵႃႈတီႈ မိူင်းၵႃႇလိလႄး ၵႂႃႇ။ ( ၆:၃၀-၉:၃၂ )

၄။ လွင်ႈ ဢမူႉတေႃႇမျၢတ်ႈတီႈလိုၼ်းသုတ်း ၼႂ်း မိူင်းၵႃႇလိလႄး။ ( ၉:၃၃-၅၀ )

၅။ လွင်ႈ ဢမူႉတေႃႇမျၢတ်ႈ ၸဝ်ႈယေႇသု ၼႂ်း မိူင်းယုတ။ ( ၁ဝ:၁-၅၂ )

၆။ လွင်ႈတၢင်းဢၼ် ၸဝ်ႈယေႇသု ၶၢမ်ႇတၢင်းတၢႆ။ ( ၁၁:၁-၁၅:၄၇ )

၇။ လွင်ႈတၢင်းဢၼ် ၸဝ်ႈယေႇသု လုၵ်ႉၵႃႈတၢင်းတၢႆၶိုၼ်းလိပ်း။ ( ၁၆:၁-၂၀ )

 ၁

ယုဝ်းႁၢၼ်ႇမႄႈႁဵၼ်းသဵၼ်ႈတၢင်း

၁ ငဝ်ႈႁၢၵ်ႈတြႃးသတၢင်းသိူဝ်းပျေႃႇၸဝ်ႈယေႇသုၶရိၸ်ႉလုၵ်ႈၽြႃးပဵၼ်ၸဝ်ႈၼၼ်ႉၸိုင်တၵ်းဝႃႈလူးၵွၼ်ႇဢေႃႈ။ 

၂ ဢၼ်တႅမ်ႈဝႆႉၼႂ်းၵျၢမ်းပရေႃးၽႅတ်ႈဢိသႃႇယလႄႈဝႃႈၸမ်း၊-တူၺ်းလူႊ၊ၵဝ်ပွႆႇၸႂ်ႉတမၢၼ်ႇၵဝ်ဢၼ်တၵ်းမႄးႁႅၼ်းသဵၼ်ႈတၢင်းဢၼ်မႂ်ႇၼၼ်ႉၵႂႃႇၵႃႈတီႈၽၢႆႇၼႃႈမႂ်းဢေႃႈ။ 

၃ သဵင်ၵေႃႉဢၼ်ႁွင်ႉသႅၼ်ႇၵႃႈၼႂ်းထိူၼ်ႇလႄႈဝႃႈ၊-မႄးႁႅၼ်းသဵၼ်ႈတၢင်းထႃႇဝရႃႉၽြႃးတႃႉ။ 

၄ ႁႂ်ႈသဵၼ်ႈတၢင်းမၼ်းၸဝ်ႈသိုဝ်ႈလီတႃႉ၊ဝႃႈၼင်ႇၼႆၼၼ်ႉယုဝ်းႁၢၼ်ႇပေႃႇမႃးလႄႈပၼ်ပပ်ႉတိၸၢမ်ႇၵႃႈၼႂ်းထိူၼ်ႇလႄႈႁေႃးလၢတ်ႈတြႃးပပ်ႉတိၸၢမ်ႇဢၼ်ၸၢပ်ႈသႅင်ႇၵၼ်တင်းတၢင်းဢၼ်ၶုၵ်းၸႂ်လႆႈမႆႈၸႂ်ပုၼ်ႈလွင်ႈၼင်ႇႁိုဝ်တၵ်းလႆႈလွတ်ႈဢပျႅတ်ႈၼၼ်ႉဢေႃႈ။ 

၅ ၸႃႉၸဵမ်ၵူၼ်းဝဵင်းယေႇရုသလႅမ်ႇတင်းသဵင်ႈတင်းလူင်ဢိၵ်ႇတင်းၵူၼ်းမိူင်းယုတၵႃႈမီးၸိူဝ်းၼၼ်ႉဢွၵ်ႇၵႂႃႇၸူးၵႃႈတီႈယုဝ်းႁၢၼ်ႇသေယဝ်ႉၽုၺ်ႇၼႄဢပျႅတ်ႈတူဝ်ၸဝ်ႈၵဝ်ႇတင်းလၢႆယဝ်ႉၸင်ႇၶၢမ်ႇဢဝ်ပပ်ႉတိၸၢမ်ႇၼႂ်းၼမ်ႉႁွင်ႊယေႃးတၢၼ်ႇဢေႃႈ။ 

၆ ယုဝ်းႁၢၼ်ႇၼၼ်ႉၼုင်ႈၶူဝ်းဢၼ်ဢဝ်ၶူၼ်ၵလႃႇဢုၵ်ႉတေႃးႁဵတ်းၼၼ်ႉလႄႈၵႃႈတီႈဢႅဝ်မၼ်းၵေႃႈဢဝ်တင်းသၢႆၼင်ႁတ်ႉသေယဝ်ႉၵိၼ်မႅင်းၵႅင်းတင်းၼမ်ႉၽိုင်ႈဢၼ်မီးၵႃႈၼႂ်းထိူၼ်ႇၼၼ်ႉၵူၺ်းဢေႃႈ။ 

၇ ဢၼ်မၼ်းႁေႃးလၢတ်ႈလႄႈဝႃႈၸမ်း၊-ၵေႃႉဢၼ်ယႂ်ႇမျၢတ်ႈၼႃႇသေၵဝ်ၼၼ်ႉတၵ်းမႃးလိုၼ်းၵဝ်ဢေႃႈ။ ၵဝ်ယင်းဢမ်ႇထိူၵ်ႈဢမ်ႇတၢၼ်ႇႁႂ်ႈလႆႈၵူမ်ႈလႄႈၵႄႈဢဝ်ၶႅပ်းတိၼ်မၼ်း။ ၵဝ်ပၼ်တီႈသူပပ်ႉတိၸၢမ်ႇၼႂ်းၼမ်ႉဢေႃႈ။ 

၈ ၵေႃႉၼၼ်ႉၸမ်းတၵ်းပၼ်တီႈသူပပ်ႉတိၸၢမ်ႇၼႂ်းဝိၺိၺ်ႇမူတ်းၸၢင်ႇၸဝ်ႈဢေႃႈ၊ဝႃႈၼင်ႇၼႆဢေႃႈ။ 

ၸဝ်ႈယေႇသုၶၢမ်ႇဢဝ်ပပ်ႉတိၸၢမ်ႇမင်ႇၵလႃႇ

၉ မိူဝ်ႈၼၼ်ႉၸဝ်ႈယေႇသုလုၵ်ႉသေၵႃႈတီႈမိူင်းၵႃႇလိလႄးဝဵင်းၼႃႇၸရႅတ်ႉမႃႈလႄႈၶၢမ်ႇဢဝ်ပပ်ႉတိၸၢမ်ႇၼႂ်းမိုဝ်းယုဝ်းႁၢၼ်ႇၵႃႈၼႂ်းၼမ်ႉႁွင်ႊယေႃးတၢၼ်ႇဢေႃႈ။ 

၁၀ ၼႂ်းမိူဝ်ႈဢၼ်မၼ်းၸဝ်ႈလုၵ်ႉသေၵႃႈၼႂ်းၼမ်ႉဢွၵ်ႇမႃးယူႇၼၼ်ႉၸိုင်လႆႈႁၼ်ၵၢင်ႁၢဝ်ၽုၺ်ႇပိုတ်ႇလႄႈဝိၺိၺ်ႇမူတ်းၸၢင်ႇၸဝ်ႈလူင်းမႃးၵႃႈတီႈၼိူဝ်မၼ်းၸဝ်ႈမိူၼ်ၸိူဝ်ႉၼင်ႇၼူၵ်ႉတူႈလႄႈသဵင်ၸဝ်ႈၵေႃႈပဵၼ်မႃးၵႃႈၼိူဝ်ၵၢင်ႁၢဝ်လႄႈဝႃႈ၊-

၁၁ ၵေႃႉၼႆႉၸမ်းပဵၼ်လုၵ်ႈဢၼ်ၵဝ်ႁၵ်ႉၼႃႇဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၼႃႇလူင်လၢင်ၼၼ်ႉဢေႃႈ၊ဝႃႈၼင်ႇၼႆဢေႃႈ။ 

၁၂ မိူဝ်ႈၼၼ်ႉၵမ်းလဵဝ်ဝိၺိၺ်ႇမူတ်းၸၢင်ႇၸဝ်ႈသူင်ႇၸဝ်ႈယေႇသုၵႂႃႇၵႃႈၼႂ်းထိူၼ်ႇဢေႃႈ။ 

၁၃ သီႇသိပ်းဝၼ်းတဵမ်တဵမ်မၼ်းၸဝ်ႈယူႇၵႃႈၼႂ်းထိူၼ်ႇၼၼ်ႉလႄႈၶၢမ်ႇတၢင်းဢၼ်ၸႃႇတၢၼ်ႇမႃႇၼၢတ်ႈၸၢမ်းတူၺ်းၸူဝ်းဢဝ်ဢေႃႈ။ မၼ်းၸဝ်ႈယူႇလူၺ်ႈၵၼ်တင်းတူဝ်ထိူၼ်ႇတင်းလၢႆဢေႃႈ။ တမၢၼ်ႇၵၢင်ႁၢဝ်တင်းလၢႆၵေႃႈႁဵတ်းလဵင်ႉႁဵတ်းလူမၼ်းၸဝ်ႈဢေႃႈ။ 

ႁွင်ႉဢဝ်တပႄးၸဝ်ႈ

၁၄ မိူဝ်ႈဢၼ်ယုဝ်းႁၢၼ်ႇလႆႈၶၢမ်ႇတၢင်းဢၼ်ၶင်ဝႆႉၵႃႈၼႂ်းထွင်ႇၼၼ်ႉၸဝ်ႈယေႇသုၵႂႃႇၸူးၵႃႈတီႈမိူင်းၵႃႇလိလႄးပုၼ်ႉလႄႈႁေႃးတြႃးသတၢင်းသိူဝ်းပျေႃႇဢၼ်ၸၢပ်ႈသႅင်ႇၵၼ်တင်းမိူင်းၽြႃးပဵၼ်ၸဝ်ႈလႄႈဝႃႈ၊-

၁၅ ၶိင်ႇမၼ်းႁွတ်ႈထိုင်ယဝ်ႉ။ မိူင်းၽြႃးပဵၼ်ၸဝ်ႈၸမ်တၵ်းတႄႇပဵၼ်ယဝ်ႉ။ ၶုၵ်းၸႂ်လႆႈမႆႈၸႂ်တႃႉ။ ယုမ်ႇမၢတ်ႈတြႃးသတၢင်းသိူဝ်းပျေႃႇတႃႉ၊ဝႃႈၼင်ႇၼႆဢေႃႈ။ 

၁၆ ၼႂ်းမိူဝ်ႈဢၼ်မၼ်းၸဝ်ႈၸွမ်းႁိမ်းၼွင်ၵႃႇလိလႄးၵႂႃႇယူႇၼၼ်ႉၸိုင်မၼ်းၸဝ်ႈထူပ်းႁၼ်သိမုၼ်ႇတင်းၼွင်ႉၸၢႆးမၼ်းဢၼ်ႇတရေႇဝၢၼ်ႇၶႄတူၵ်းၵႃႈၼႂ်းၼွင်ယူႇဢေႃႈ။ ၶဝ်ၸိူဝ်းၼၼ်ႉပဵၼ်တမ်ႇငႃႈႁႃပႃဢေႃႈ။ ၸဝ်ႈယေႇသုလၢတ်ႈတီႈၶဝ်လႄႈဝႃႈ၊-

၁၇ ၸွမ်းပႃႈလင်ၵဝ်တႃႉ။ ၵဝ်တၵ်းႁႂ်ႈသူပဵၼ်တမ်ႇငႃႈဢၼ်ႁႃၵူၼ်းဢေႃႈ၊

၁၈ မိူဝ်ႈဢၼ်ဝႃႈၼင်ႇၼႆၸိုင်ၶဝ်ၼၼ်ႉၵေႃႈပႅတ်ႈဝႆႉၶႄၶဝ်ၵမ်းလဵဝ်သေယဝ်ႉၸွမ်းပႃႈလင်မၼ်းၸဝ်ႈၵႂႃႇဢေႃႈ။ 

၁၉ မၼ်းၸဝ်ႈပူၼ်ႉသေၵႃႈတီႈၼၼ်ႉၵႂႃႇယဝ်ႉဢိတ်းၼိုင်ႈသမ်ႉထူပ်းႁၼ်ယႃႇၵုပ်ႉဢၼ်ပဵၼ်လုၵ်ႈၸၢႆးၸေႇပေႇတေးတင်းၼွင်ႉၸၢႆးမၼ်းယုဝ်းႁၢၼ်ႇ၊ၶဝ်ၽုင်ၶႄယူႇၵႃႈၼိူဝ်ႁိူဝ်းလႄႈမၼ်းၸဝ်ႈႁွင်ႉဢဝ်ၶဝ်ဢေႃႈ။ 

၂၀ ၶဝ်ၼၼ်ႉၵေႃႈၸုၼ်ႉပေႃႈၶဝ်ၸေႇပေႇတေးဢိၵ်ႇတင်းၵူၼ်းၵိၼ်ၸၢင်ႊၵိၼ်ငႃးတင်းလၢႆၸိူဝ်းၼၼ်ႉၵႃႈၼိူဝ်ႁိူဝ်းသေယဝ်ႉၸွမ်းပႃႈလင်မၼ်းၸဝ်ႈၵႂႃႇၵမ်းလဵဝ်ဢေႃႈ။ 

ၸဝ်ႈယေသုႁေႃႈႁိုပ်ႉၽီႁၢႆႉ

၂၁ ၶဝ်ၶဝ်ႈၵႂႃႇၵႃႈၼႂ်းဝဵင်းၵပိူဝ်ႇၼေႇဢုမ်ႇယဝ်ႉၸင်ႇမိူဝ်ႈဝၼ်းၵမ်သိၼ်ၼၼ်ႉမၼ်းၸဝ်ႈၶဝ်ႈၵႃႈၼႂ်းၸရွပ်ႈႁေႃးတြႃးသေလႄႈသင်ႇသွၼ်ပၼ်ဢေႃႈ။ 

၂၂ ပရိၵ်ႈသၢတ်ႈတင်းလၢႆၵေႃႈဢၢမ်းလွင်ႈတၢင်းဢၼ်မၼ်းၸဝ်ႈသင်ႇသွၼ်ပၼ်ၼၼ်ႉၼႃႇလူင်လၢင်ဢေႃႈ။ လွင်ႈမၼ်းၸမ်းမၼ်းၸဝ်ႈသင်ႇသွၼ်ပၼ်ၶဝ်မိူၼ်ၸိူဝ်ႉၼင်ႇၵူၼ်းထုတ်ႇၵျၢမ်းၸိူဝ်းၼၼ်ႉဢမ်ႇၸႂ်ႈ။ မိူၼ်၂၃ ၸိူဝ်ႉၼင်ႇၵေႃႉဢၼ်ဢုပ်ႉပိူင်ႇၼၼ်ႉဢေႃႈ။ 

၂၃ ၼႂ်းၸရွပ်ႈႁေႃးတြႃးၼၼ်ႉမီးၵူၼ်းဢၼ်ၽီၵူဝ်ႈၵိူၵ်ႇၶဝ်ႈၼၼ်ႉၵေႃႉၼိုင်ႈဢေႃႈ။ 

၂၄ မၼ်းႁွင်ႉသႅၼ်ႇလႄႈဝႃႈ၊-ဢူဝ်း၊ၸဝ်ႈယေႇသုၵူၼ်းဝဵင်းၼႃႇၸရႅတ်ႉတီႈၶႃႈ။ ၸဝ်ႈႁဝ်းၸၢပ်ႈသႅင်ႇၵၼ်တင်းၵဝ်ၶႃႈၸိူဝ်ႉၼင်ႇႁိုဝ်ၶႃႈ။ 

ၸဝ်ႈႁဝ်းမႃးႁႂ်ႈလႆႈယႃႉပႅတ်ႈၵဝ်ၶႃႈၶႃႈႁိုဝ်း။ လွင်ႈဢၼ်ဝႃႈၸဝ်ႈႁဝ်းပဵၼ်ၽူႈလႂ်ဢၼ်ဝႃႈၼၼ်ႉၵဝ်ၶႃႈႁူႉယူႇၶႃႈဢေႃႈ။ ပဵၼ်ၵေႃႉဢၼ်မူတ်းၸၢင်ႇၽြႃးပဵၼ်ၸဝ်ႈၶႃႈဢေႃႈ၊ဝႃႈၼင်ႇၼႆဢေႃႈ။ 

၂၅ ၸဝ်ႈယေႇသုၵေႃႈလၢတ်ႈတီႈမၼ်းဝႃႈ၊-ယူႇတဵတ်ႇတဵတ်ႇတႃႉ။ ဢွၵ်ႇသေၵႃႈၼႂ်းမၼ်းၼၼ်ႉၵႂႃႇတႃႉ၊မိူဝ်ႈဢၼ်ဝႃႈၼင်ႇၼႆၸိုင်

၂၆ ၽီဢၼ်ၵူဝ်ႈၵိူၵ်ႇၼၼ်ႉၵေႃႈႁႂ်ႈၵေႃႉၼၼ်ႉၵႅၼ်ႇၶႅင်ၵႂႃႇယဝ်ႉၸင်ႇႁဵတ်းတင်းသဵင်ဢၼ်ယႂ်ႇၼႃႇ

ႁွင်ႉသႅၼ်ႇလႄႈဢွၵ်ႇပၢႆႊၵႂႃႇဢေႃႈ။ 

၂၇ ၵူၼ်းတင်းသဵင်ႈတင်းလူင်ၸိူဝ်းၼၼ်ႉၵႂင်ၸႂ်ယုင်ႈၸႂ်ၼႃႇတေႃႇထိုင်ႁွတ်ႈထၼ်ႈပေႃးၵေႃႉၼိုင်ႈလႄႈၵေႃႉၼိုင်ႈတွင်ႈထၢမ်လၢတ်ႈၸႃၵၼ်လႄႈဝႃႈ၊-လွင်ႈတၢင်းၼႆႉပဵၼ်ၸိူဝ်ႉ

ၼင်ႇႁိုဝ်ၼေႃး။ ပဵၼ်တၢင်းဢၼ်သင်ႇသွၼ်ပၼ်ဢၼ်မႂ်ႇလႄႈပႃးတင်းဢႃႇၼႃႇတၼ်းၶူဝ်းလူင်ပေႇ။ ၽီဢၼ်ၵူဝ်ႈၵိူၵ်ႇတင်းလၢႆယင်းထွမ်ႇဢဝ်ၵႂၢမ်းမၼ်းလူင်ပေႇ၊ဝႃႈၼင်ႇၼႆဢေႃႈ။ 

၂၈ သတၢင်းသဵင်ၶၢဝ်ႇမၼ်းၸဝ်ႈၼၼ်ႉၵေႃႈၸွတ်ႇၸႅတ်ႇၵႂႃႇၵူႈတီႈၵူႈလႅၼ်ၵႃႈၼႂ်းမိူင်းၵႃႇလိလႄးၼၼ်ႉၵမ်းလဵဝ်ဢေႃႈ။ 

ၸဝ်ႈယေႇသုႁႂ်ႈၵူၼ်းပဵၼ်ၼမ်ၼႃႇႁၢႆၶႅၼ်း

၂၉ မိူဝ်ႈဢၼ်ဢွၵ်ႇသေၵႃႈၼႂ်းၸရွပ်ႈႁေႃးတြႃးၼၼ်ႉၸိုင်ၶဝ်ၸိူဝ်းၼၼ်ႉဢိၵ်ႇတင်းယႃႇၵုပ်ႉတင်းယုဝ်းႁၢၼ်ႇၶဝ်ႈၵႂႃႇၵႃႈၼႂ်းႁိူၼ်းသိမုၼ်ႇတင်းဢၼ်ႇတရေႇဢေႃႈ။ 

၃၀ ဢွၵ်ႇၼၢႆးသိမုၼ်ႇၼၼ်ႉၼၢဝ်လႄႈၼွၼ်းလိုၼ်ႈယူႇဢေႃႈ။ ၶဝ်လၢတ်ႈၼႄလွင်ႈၼၼ်ႉတီႈမၼ်းၸဝ်ႈၵမ်းလဵဝ်ဢေႃႈ။ 

၃၁ မၼ်းၸဝ်ႈၵေႃႈမႃးလႄႈယိပ်းၵမ်မိုဝ်းမေႈယိင်းၼၼ်ႉယဝ်ႉၸင်ႇယုၵ်ႉယွင်ႊဢဝ်မၼ်းဢေႃႈ။ ၼၢဝ်မၼ်းၵေႃႈႁၢႆၵမ်းလဵဝ်လႄႈမၼ်းလုၵ်ႉႁဵတ်းဝၢတ်ႈၶႅၵ်ႇတီႈၶဝ်ဢေႃႈ။ 

၃၂ မိူဝ်ႈဢၼ်ဝၼ်းတူၵ်းယဝ်ႉလႄႈႁွတ်ႈထိုင်ၶိင်ႇၵၢင်ၶမ်ႈၸိုင်ၶဝ်ဢဝ်ၵူၼ်းၶႆႈၵူၼ်းပဵၼ်ဢိၵ်ႇတင်းၵူၼ်းဢၼ်ၽီႁၢႆႉၶဝ်ႈၵႃႈမီးတင်းသဵင်ႈတင်းလူင်မႃးတီႈမၼ်းၸဝ်ႈလႄႈ

၃၃ ၵူၼ်းတင်းဝဵင်းၸူႉၵၼ်တုမ်ၵၼ်ယူႇၵႃႈတီႈၽၵ်းတူဢေႃႈ။ 

၃၄ မၼ်းၸဝ်ႈၵေႃႈႁႂ်ႈၵူၼ်းၼမ်ၼႃႇဢၼ်မီးတၢင်းၶႆႈတၢင်းပဵၼ်ၵူႈၸိူဝ်ႉၵူႈပိူင်ၼၼ်ႉႁၢႆၶႅၼ်းမႃးလႄႈၽီႁၢႆႉၼမ်ၼႃႇၵေႃႈမၼ်းၸဝ်ႈႁေႃႈပႅတ်ႈဢေႃႈ။ ပိူဝ်ႈဢၼ်ၽီႁၢႆႉၸိူဝ်းၼၼ်ႉႁူႉမၼ်းၸဝ်ႈလႄႈမၼ်းၸဝ်ႈဢမ်ႇပၼ်ၶဝ်လၢတ်ႈၵႂၢမ်းသေၶေႃႈသေၵမ်း။ 

၃၅ ၸဝ်ႈယေႇသုသူးတွင်းၶိင်ႇၵၢင်ၼႂ်ၶိင်ႇၵၢင်ၼႂ်ၸူဝ်ႈဢၼ်မိူင်းဢမ်ႇပႆႇလႅင်းၼၼ်ႉမၼ်းၸဝ်ႈလုၵ်ႉသေယဝ်ႉဢွၵ်ႇၵႂႃႇၵႃႈတီႈၼႂ်းထိူၼ်ႇသေလႄႈသူးတွင်းၵႃႈတီႈၼၼ်ႉဢေႃႈ။ 

၃၆ သိမုၼ်ႇတင်းၶဝ်ၸိူဝ်းဢၼ်မီးယူႇလူၺ်ႈၵၼ်တင်းမၼ်းၸိူဝ်းၼၼ်ႉၸွမ်းႁႃမၼ်းၸဝ်ႈလႄႈမိူဝ်ႈဢၼ်ထူပ်းႁၼ်မၼ်းၸဝ်ႈၼၼ်ႉၸိုင်လဝ်ႈလၢတ်ႈလႄႈဝႃႈ၊-

၃၇ ၵူၼ်းတင်းသဵင်ႈတင်းလူင်ႁႃၸဝ်ႈႁဝ်းယူႇၶႃႈဢေႃႈ၊ဝႃႈၼင်ႇ

ၼႆဢေႃႈ။ 

၃၈ မၼ်းၸဝ်ႈၵေႃႈလၢတ်ႈတီႈၶဝ်လႄႈဝႃႈ၊-ၼင်ႇႁိုဝ်တၵ်းလႆႈႁေႃးတြႃးၸိုင်ၵႂႃႇၼႂ်းဝၢၼ်ႈဢၼ်မီးၸမ်ၵႃႈတီႈႁိမ်းၼႆႉတႃႉႁဝ်း။ ၵဝ်မႃးပုၼ်ႈလွင်ႈၼင်ႇႁိုဝ်တၵ်းလႆႈႁဵတ်းၸိူဝ်ႉၼင်ႇၼႆယဝ်ႉ၊ဝႃႈၼင်ႇၼႆယဝ်ႉ

၃၉ ၸင်ႇမၼ်းၸဝ်ႈႁေႃးလၢတ်ႈတြႃးၵႃႈတီႈၼႂ်းၸရွပ်ႈႁေႃးတြႃးတင်းလၢႆၼႂ်းမိူင်းၵႃႇလိလႄးၵူႈတီႈၵူႈလႅၼ်လႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈယူႇဢေႃႈ။ 

ႁႂ်ႈၵူၼ်းပဵၼ်တုတ်ႈႁၢႆၶႅၼ်း

၄၀ ၵူၼ်းဢၼ်ပဵၼ်တုတ်ႈၵေႃႉၼိုင်ႈမႃးတီႈမၼ်းၸဝ်ႈသေယဝ်ႉၶုပ်ႉၶဝ်ႇလႄႈတွင်းပၢၼ်ႇလဝ်ႈလၢတ်ႈလႄႈဝႃႈ၊-ပေႃးၸဝ်ႈႁဝ်းမီးဢလူဝ်ႇၸိုင်ႁႂ်ႈၵဝ်ၶႃႈမူတ်းသႂ်လႆႈယူႇၶႃႈဢေႃႈ၊ဝႃႈၼင်ႇၼႆဢေႃႈ။ 

၄၁ ၸဝ်ႈယေႇသုၵေႃႈမီးၸႂ်ဢၼ်ဢိတ်းလူလႄႈယိုၼ်ႈမိုဝ်းမၼ်းၸဝ်ႈတိူဝ်ႉၵေႃႉၼၼ်ႉသေယဝ်ႉလၢတ်ႈဝႃႈ၊-ၵဝ်မီးဢလူဝ်ႇယူႇဢေႃႈ။ ႁႂ်ႈမူတ်းသႂ်တႃႉ၊ဝႃႈၼင်ႇၼႆဢေႃႈ။ 

၄၂ မိူဝ်ႈၼၼ်ႉတုတ်ႈမၼ်းႁၢႆၵမ်းလဵဝ်လႄႈႁွတ်ႈထိုင်တၢင်းဢၼ်မူတ်းသႂ်မႃးဢေႃႈ။ 

၄၃ မၼ်းၸဝ်ႈၵေႃႈႁၢမ်ႈတၢပ်ႈႁႄႉၶႅၼ်မၼ်းၼႃႇလူင်လၢင်လႄႈဝႃႈ၊-မႂ်းႁဵတ်းသတိတႃႉ။ 

၄၄ လွင်ႈၼႆႉၸိုင်ယႃႇပလေၢတ်ႈတီႈၽူႈလႂ်သေဢိတ်း။ ၵူၺ်းၵႃႈၵႂႃႇၼႄပျႃႉတူဝ်မႂ်းၵႃႈတီႈယိတ်ႉပရေႃးႁိၵ်ႈတႃႉ။ ၵွပ်ႈပိူဝ်ႈဢၼ်ႁွတ်ႈထိုင်တၢင်းဢၼ်မူတ်းသႂ်လႄႈၼင်ႇႁိုဝ်တၵ်းပဵၼ်သၢၵ်ႈသေႇတီႈပိူၼ်ႈတၢင်ႇၵေႃႉၸိုင်သၢၵ်ႈၵၢပ်ႈတၢင်းပုၵ်ႉၸေႃႇဢၼ်မုဝ်းသေႇသင်ႇလၢတ်ႈဝႆႉၼၼ်ႉတႃႉ၊ဝႃႈၼင်ႇၼႆလႄႈႁႂ်ႈမၼ်းၵႂႃႇၵမ်းလဵဝ်ဢေႃႈ။ 

၄၅ ၵူၺ်းၵႃႈၵေႃႉၼၼ်ႉဢွၵ်ႇၵႂႃႇၶႆႊၼႄလၢတ်ႈၼႄပိူၼ်ႈလွင်ႈတၢင်းၼၼ်ႉၸွတ်ႇတူဝ်ၵႂႃႇၵူႈတီႈၵူႈလႅၼ်ဢေႃႈ။ ပိူဝ်ႈၼႆလႄႈဝၢႆးသေၼၼ်ႉယဝ်ႉမၼ်းၸဝ်ႈဢမ်ႇၸၢင်ႊၶဝ်ႈၵႃႈၼႂ်းဝဵင်းထၢင်ႇထၢင်ႇသႃးသႃးလႄႈယူႇၵႃႈတီႈဢၼ်ဢမ်ႇထၢင်ႇဢမ်ႇသႃးၼၼ်ႉဢေႃႈ။ ၵူၼ်းတင်းလၢႆလုၵ်ႉသေၵူႈတီႈၵူႈလႅၼ်မႃးၸူးတီႈမၼ်းၸဝ်ႈဢေႃႈ။