Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

 ၃၅

 ယႃႇၵုပ်ႉၶိုၼ်းမိူဝ်းၸူးပေႇသလ

၁ ဝၢႆးၼၼ်ႉၽြႃးပဵၼ်ၸဝ်ႈလၢတ်ႈတီႈ ယႃႇၵုပ်ႉ လႄႈဝႃႈ၊- မႂ်းလုၵ်ႉလႄႈၵွႃႇယူႇၵႃႈတီႈ ပေႇသလ ပုၼ်ႉတႃႉ။ႁဵတ်းယိၸ်ႉပလၢင်ႇပုၼ်ႈၽြႃးပဵၼ်ၸဝ်ႈ ဢၼ်ပေႃႇမႃးတီႈမႂ်း ၼႂ်းမိူဝ်ႈဢၼ်မႂ်းဢွၵ်ႇပၢႆသေၵႃႈတီႈပီႈဢၢႆႈမႂ်းဢေးသေႃးၼၼ်ႉၵႃႈတီႈၼၼ်ႉတႃႉ၊ ဝႃႈၼင်ႇၼႆဢေႃႈ။

၂ မိူဝ်ႈၼၼ်ႉ ယႃႇၵုပ်ႉ ႁွင်ႉဢဝ်ၵူၼ်းႁိူၼ်းၵူၼ်းယေးတင်းလၢႆဢိၵ်ႇတင်း ၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းတင်းသဵင်ႈတင်းလူင်ၼၼ်ႉလႄႈဝႃႈ၊-ပႄႇပႅတ်ႈၽြႃးၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ပႃးတီႈသူၸိူဝ်းၼၼ်ႉတႃႉ။ႁႂ်ႈမီးတၢင်းဢၼ်မူတ်းၸၢင်ႇလႄႈပုတ်ႈလၢႆႈၶူဝ်း လဵင်းတႃႉ။

၃ ဢွၼ်ၵၼ်လုၵ်ႉလႄႈၵွႃႇၵႃႈတီႈပေႇသလပုၼ်ႉတႃႉႁဝ်း။ၵဝ်တၵ်းႁဵတ်းယိၸ်ႉပလၢင်ႇ ပုၼ်ႈၽြႃးပဵၼ်ၸဝ်ႈ ဢၼ်ဢိူဝ်ႈၵဝ်ၼႂ်းၶိင်ႇၵႃႇလႃႉမိူဝ်ႈဢၼ်ၵဝ်လႆႈၶၢမ်ႇတုၵ်ႉၶႃႉတၢင်းၽၢၼ်ၼၼ်ႉလႄႈ မီးယူႇလူၺ်ႈၵၼ်တင်းၵဝ်ၼႂ်းသဵၼ်ႈတၢင်းဢၼ်ၵဝ်ၵွႃႇၼၼ်ႉဢေႃႈ၊ ဝႃႈ ၼႆဢေႃႈ။

၄ ၶဝ်ၼၼ်ႉၵေႃႈ ဢွၼ်ၵၼ်ဢဝ်ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းၵႃႈဢၼ်ပႃးမႃးၵႃႈတီႈၶဝ် တင်းသဵင်ႈတင်းလူင် ဢိၵ်ႇတင်းၶိူင်ႈဢၼ်ပၵ်းၵႃႈတီႈႁူၵႃႈမီးတင်းသဵင်ႈတင်းလူင်ၸိူဝ်းၼၼ်ႉပၼ်တီႈ ယႃႇၵုပ်ႉလႄႈ ယႃႇၵုပ်ႉ ၵေႃႈဢဝ်ၽင်ဝႆႉၵႃႈတႂ်ႈတူၼ်ႈမႆႉၼိမ် ဢၼ်မီးၵႃႈတီႈႁိမ်းဝဵင်း သေႇၶိမ်ႇ ၼၼ်ႉဢေႃႈ။

၅ မိူဝ်ႈဢၼ်ၶဝ်ၶၢႆႉတီႈၵွႃႇၼၼ်ႉၸိုင်၊ၽေးဢၼ်လီၵူဝ်ၼႃႇႁွတ်ႈထိုင်မႃး ၵႃႈၼိူဝ်ဝဵင်း ဢၼ်မီးၵႃႈတီႈႁိမ်းႁွမ်းၼၼ်ႉၵူႈတီႈၵူႈလႅၼ်ဢေႃႈ။ ၵူၼ်းဝဵင်းၸိူဝ်းၼၼ်ႉၵူဝ်ႁႄၽြႃးပဵၼ်ၸဝ်ႈလႄႈ ယင်းဢမ်ႇႁတ်းလိုပ်ႈၸွမ်းလမ်းၸွမ်းလုၵ်ႈၸၢႆး ယႃႇၵုပ်ႉ ၸိူဝ်းၼၼ်ႉဢေႃႈ။

၆ ယႃႇၵုပ်ႉ တင်းၵူၼ်းဢၼ် ပႃးလူၺ်ႈၵၼ်တင်းမၼ်းတင်းသဵင်ႈတင်းလူင်ၼၼ်ႉ ဢွၼ်ၵၼ်ႁွတ်ႈထိုင်ၵႃႈတီႈဝဵင်း လုတ ဢၼ်မီးၼႂ်းမိူင်းၶႃႇၼၼ်ႇဢၼ်ႁွင်ႉဝႃႈ ပေႇသလၼၼ်ႉဢေႃႈ။

၇ မၼ်းႁဵတ်းယိၸ်ႉပလၢင်ႇၵႃႈတီႈၼၼ်ႉလႄႈသမ်ႉႁွင်ႉႁိၵ်ႈၸိုဝ်တီႈၼၼ်ႉဝႃႈ ဢေႇလပေႇသလ ဢေႃႈ။လွင်ႈမၼ်းၸမ်း ၽြႃးပဵၼ်ၸဝ်ႈပေႃႇမႃးတီႈမၼ်း ၼႂ်းမိူဝ်ႈဢၼ်မၼ်းဢွၵ်ႇပၢႆသေၵႃႈတီႈပီႈဢၢႆႈ မၼ်းၵွႃႇၼၼ်ႉဢေႃႈ။

၈ တေႇပေႃးရႃႇဢၼ်ပဵၼ်ၵေႃႉလူၵေႃႉထိင်း ရေႇပိၵ်ႉၵ ၼၼ်ႉတၢႆလႄႈၶၢမ်ႇတၢင်းဢၼ်သၢင်းၵျူဝ်ႇၵႃႈတႂ်ႈတူၼ်ႈမႆႉၼိမ်ၵႃႈတီႈ ပေႇသလၼၼ်ႉဢေႃႈ။တူၼ်ႈၼၼ်ႉၸိုင်၊ၶဝ်ႁွင်ႉႁိၵ်ႈၸိုဝ်ႈ ဢႃႇလုၼ်ႇပႃႇၵုတ်ႉဢေႃႈ။

၉ ဝၢႆးသေ ယႃႇၵုပ်ႉ လုၵ်ႉသေၵႃႈတီႈပႃႇတၢၼ်ႇဢႃႇရၢမ်ႇၶိုၼ်းမႃးယဝ်ႉၼၼ်ႉ ၽြႃးပဵၼ်ၸဝ်ႈသမ်ႉပေႃႇမႃးၵႃႈတီႈမၼ်းလႄႈပၼ်တၢင်းလီတီႈမၼ်းထႅင်ႈသေယဝ်ႉ၊ ၽြႃး ပဵၼ်ၸဝ်ႈလၢတ်ႈတီႈမၼ်းလႄႈဝႃႈ၊-

၁၀ တေႃႈလဵဝ်ၼႆႉၸိုဝ်ႈမႂ်းပဵၼ် ယႃႇၵုပ်ႉ ဢေႃႈ။ၵူၺ်းၵႃႈၵမ်းလိုၼ်းဢမ်ႇလႆႈႁွင်ႉႁိၵ်ႈၸိုဝ် ယႃႇၵုပ်ႉ ယဝ်ႉ။ တၵ်းလႆႈႁွင်ႉႁိၵ်ႈဢိသရေႇလ ဢေႃႈ၊ ဝႃႈၼင်ႇၼႆလႄႈႁွင်ႉႁိၵ်ႈၸိုဝ် မၼ်း ဢိသရေႇလ သေဢေႃႈ။

၁၁ ၽြႃးပဵၼ်ၸဝ်ႈသမ်ႉလၢတ်ႈတီႈမၼ်းလႄႈဝႃႈ၊- ၵဝ်ပဵၼ်ၽြႃးပဵၼ်ၸဝ်ႈၸဝ်ႈဢၼၼ်ႇတႃႉတၼ်းၶူဝ်းဢေႃႈ။ၵိူတ်ႇလဵင်ႉလုၵ်ႈလဵင်ႉလၢင်းလႄႈယႂ်ႇၽႄႈၼမ်ၵိုၼ်းမႃးတႃႉ။ၵူၼ်းမဵဝ်းလဵဝ်ၵူၺ်းဢမ်ႇၵႃး ၵူၼ်းမဵဝ်းၼမ်ၼႃႇတၵ်းဢွၵ်ႇပဵၼ်မႃးၵႃႈၼႂ်းမႂ်းဢေႃႈ။ၶုၼ်ႁေႃၶမ်းတၵ်းပေႃႇဢွၵ်ႇပဵၼ်မႃးၵႃႈၼႂ်းၸိူဝ်ႉၶိူဝ်းမႂ်းဢေႃႈ။

၁၂ ၵဝ်တၵ်းဢဝ်လိၼ်ဢၼ်ၵဝ်ပၼ်တီႈ ဢႃႇပြႁမ်ႇ တင်းဢိၸၵ်ႉ ၼၼ်ႉပၼ်တီႈမႂ်းဢေႃႈ။တီႈၸိူဝ်ႉၶိူဝ်းမႂ်းလိုၼ်းမႂ်းၼၼ်ႉၵေႃႈၵဝ်တၵ်းဢဝ်လိၼ်ၼၼ်ႉပၼ်ဢေႃႈ၊ ဝႃႈ ၼင်ႇၼႆဢေႃႈ။

၁၃ ၽြႃးပဵၼ်ၸဝ်ႈလုၵ်ႉသေၵႃႈတီႈဢၼ်တၵ်ႉလၢတ်ႈၵၼ်တင်းမၼ်းၸိူဝ်ႉၼင်ႇၼၼ်ၼၼ်ႉ သေ လႄႈၶိုၼ်ႈၵွႃႇၵႃႈၼိူဝ်သေဢေႃႈ။

၁၄ ယႃႇၵုပ်ႉ ဢဝ်သဝ်မၢၵ်ႇႁိၼ်ပၵ်း ၵႃႈတီႈဢၼ်ၽြႃးပဵၼ်ၸဝ်ႈတၵ်ႉလၢတ်ႈၵၼ်တင်းမၼ်းၼၼ်ႉသေလႄႈ ဢဝ်တၢင်းပုၵ်ႉၸေႃႇဢၼ်သွၼ်းလေႃႇဢိၵ်တင်း ၼမ်ႉမၼ်းထွၵ်ႇသႂ်ႇၵႃႈ ၼိူဝ်ပၢႆမၢၵ်ႇႁိၼ်ၼၼ်ႉဢေႃႈ။

၁၅ ယႃႇၵုပ်ႉ သမ်ႉၶိုၼ်းႁွင်ႉႁိၵ်ႈ တီႈဢၼ်လႆႈၶၢမ်ႇပျႃႇတိၵ်ႈၽြႃးပဵၼ်ၸဝ်ႈၼၼ်ႉၸိုဝ်ႈ ပေႇသလ ထႅင်ႈဢေႃႈ။

 ဢသၢၵ်ႈရႃႇၶေႇလတင်းဢိၸၵ်ႉသုတ်းသဵင်ႈ

၁၆ ဝၢႆးၼၼ်ႉ ၶဝ်သမ်ႉလုၵ်ႉသေၵႃႈတီႈပေႇသလၼၼ်ႉၸွမ်းတၢင်းၵွႃႇလႄႈ မိူဝ်ႈဢၼ်လူဝ်ႇထႅင်ႈဢိတ်းၼိုင်ႈ ၸမ်တၵ်းႁွတ်ႈထိုင်ဝဵင်းဢေႇၽရၢတ်ႉၼၼ်ႉၸိုင် ရႃႇၶေႇလၼၼ်ႉႁွတ်ႈထိုင် ၶိင်ႇဢၼ်မၼ်းတၵ်းၵိူတ်ႇလဵင်ႉလုၵ်ႈလႄႈ လႆႈၶၢမ်ႇဝူၺ်ႇတၼႃႇဢၼ်ယၢပ်ႇၼႃႇလူင်လၢင် ဢေႃႈ။

၁၇ ၼႂ်းမိူဝ်ႈဢၼ်မၼ်းလႆႈၶၢမ်ႇဝူၺ်ႇတၼႃႇဢၼ်ယၢပ်ႇၼႃႇယူႇၼၼ်ႉၸိုင် မေႈၵဵပ်းလၢတ်ႈလႄႈဝႃႈ၊-ယႃႇပေမႆႈၸႂ်။မႂ်းလႆႈလုၵ်ႈၸၢႆးယဝ်ႉ၊ဝႃႈၼင်ႇၼႆဢေႃႈ။

၁၈ ၼႂ်းမိူဝ်းဢၼ်မၼ်းၸမ်တၢႆၼၼ်ႉမၼ်းႁွင်ႉႁိၵ်ႈၸိုဝ်လုၵ်ႈၸၢႆးၼၼ်ႉဝႃႈ ဢုဝ်ႇၼိ လႄႈတၢႆဢေႃႈ။ ပေႃႈမၼ်းသမ်ႉႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈ ပိၼ်ႇယႃႇ မိၼ်ႇ ဢေႃႈ။

၁၉ ရႃႇၶေႇလ တၢႆလႄႈၶၢမ်ႇတၢင်းဢၼ်သၢင်းၵျူဝ်ႇ ၼႂ်းသဵၼ်ႈတၢင်းဢၼ်ၵွႃႇၸူးၵႃႈတီႈဝဵင်းဢေႇၽရၢတ်ႉ ဢၼ်ဝႃႈဝဵင်း ပႅတ်ႉလိႁႅမ်ႇ ၼၼ်ႉဢေႃႈ။

၂၀ ယႃႇၵုပ်ႉ ၵေႃႈပၵ်းသဝ်တီႈမၢတ်ႈတီႈတွင်းဝႆႉၵႃႈၼိူဝ်သၢင်းၶျႅင်းမၼ်းဢေႃႈ။သဝ်တီႈမၢတ်ႈတီႈတွင်းၼၼ်ႉၸမ်းပဵၼ်သဝ်သၢင်းၶျႅင်း ရႃႇၶေႇလ ႁၢၼ်ႉတေႃႇဝၼ်းမိူဝ်ႈၼႆႉဢေႃႈ။

၂၁ ဢိသရေႇလ သမ်ႉၸွမ်းတၢင်းၵွႃႇထႅင်ႈလႄႈမုင်းသုမ်ႉထဵင်မၼ်းၵႃႈတီႈၽၢႆႇပုၼ်ႉထဵင်လၢင်း ဢေႇတႃႇဢေႃႈ။

၂၂ မိူဝ်ႈဢၼ် ဢိသရေႇလ ယင်းယူႇၵႃႈတီႈမိူင်းၼၼ်ႉယူႇၼၼ်ႉၸိုင် ရူႉပိၼ်ႇ ၵွႃႇလႄႈၼွၼ်းလူၺ်ႈၵၼ်တင်းပိလႁႃႇ မေးၼွႆႉပေႃႈမၼ်းၼၼ်ႉဢေႃႈ။ ဢိသရေႇလလႆႈငိၼ်းသတၢင်းသဵင်ၶၢဝ်ႇၼၼ်ႉဢေႃႈ။

၂၃ လုၵ်ႈၸၢႆး ယႃႇၵုပ်ႉ မီးသိပ်းသွင်ၵေႃႉဢေႃႈ။ လုၵ်ႈၸၢႆး လေႇဢႃႇ ပဵၼ် ရူႉပိၼ်ႇ လုၵ်ႈတူၼ်ႈ ယႃႇၵုပ်ႉဢိၵ်ႇတင်း သိမုၼ်ႇ၊ လေႇဝိ၊ ယုတ၊ ဢိသၶႃႇ၊၂၄ ၸေႇပုလုၼ်ႇ ဢေႃႈ။

၂၄ လုၵ်ႈၸၢႆး ရႃႇၶေႇလ ပဵၼ် ယုဝ်းသႅပ်ႉ တင်း ပိၼ်ႇယႃႇမိၼ်ႇ ဢေႃႈ။

၂၅ လုၵ်ႈၸၢႆးပိလႁႃႇ မေႈယိင်းၶႃႈရႃႇၶေႇလ ၸမ်း ပဵၼ် တၢၼ်ႇ တင်း ၼပ်ႉထလိ ဢေႃႈ။

၂၆ လုၵ်ႈၸၢႆး ၸိလပ ဢၼ်ပဵၼ်မေႈယိင်းၶႃႈ လေႇဢႃႇ ၼၼ်ႉၸမ်းပဵၼ် ၵၢတ်ႉတင်း ဢႃႇသႃႇ ဢေႃႈ။ ၶဝ်ၸိူဝ်းၼႆႉပဵၼ်လုၵ်ႈၸၢႆးယႃႇၵုပ်ႉ ဢၼ်ၵိူတ်ႇလဵင်ႉမႃးတီႈမၼ်းၵႃႈၼႂ်းမိူင်း ပႃႇတၼ်ႇဢႃႇရမ်ႇ ၼၼ်ႉဢေႃႈ။

၂၇လိုၼ်းၼၼ်ႉ ယႃႇၵုပ်ႉ ၵွႃႇႁွတ်ႈထိုင်တီႈပေႃႈမၼ်းဢိၸၵ်ႉ ၵႃႈတီႈ မမ်ႇရေႇ ဝဵင်းၵိရယသႃႇပ ဢၼ်ဝႃႈဝဵင်းႁေႇပုၼ်ႇ၊ တီႈဢၼ် ဢႃႇပြႁမ်ႇ တင်း ဢိၸၵ်ႉသွၼ်ႈပိုင်ႈယူႇၼၼ်ႉဢေႃႈ။

၂၈ ဢသၢၵ်ႈ ဢိၸၵ်ႉ လႆႈပၢၵ်ႇပၢႆပႅတ်ႇသိပ်းပီႊဢေႃႈ။ဢိၸၵ်ႉမီးဢသၢၵ်ႈၵႄႇထူၼ်ႈထဝ်ႈယဝ်ႉ ဢိၵ်ႇတင်းၶိင်ႇၵႃႇလႃႉဝၼ်းမၼ်းတဵမ်ယဝ်ႉၸေးယဝ်ႉလႄႈ မၼ်းၶျုၵ်ႈၸႂ်တၢႆသေယဝ်ႉ ႁွတ်ႈထိုင်ၵႃႈတီႈဢၼ်ၵူၼ်းမဵဝ်းတင်းလၢႆၸူႉတုမ်ၼၼ်ႉဢေႃႈ။

၂၉ လုၵ်ႈၸၢႆးမၼ်း ဢေးသေႃး တင်း ယႃႇၵုပ်ႉ ၸိူဝ်းၼၼ်ႉဢဝ်မၼ်းသၢင်းၵျူဝ်ႇဢေႃႈ။