လိၵ်ႈဢေႃးဝႃႇတႃႉရူဝ်းမ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆
၄
ဢႃႇပြႁၢမ်ႇလႆႈတၢင်းၵႄႇၶျွတ်ႈၵွပ်ႈတၢင်းယုမ်ႇမၢတ်ႈ
၁ ပေႃးပဵၼ်ၸိူဝ်ႉၼင်ႇၼႆၸိုင်ပေႃႈႁဝ်းဢႃႇပြႁၢမ်ႇၼၼ်ႉၸွမ်းၼင်ႇၸႃႇတိပၵတိလႄႈလႆႈဢၵျူဝ်းၵႃႈသင်။
၂ ပေႃးဢႃႇပြႁၢမ်ႇလႆႈႁွတ်ႈထိုင်တၢင်းသိုဝ်ႈတေႃႇၵွပ်ႈပိူဝ်ႈတၢင်းၵမ်တၢင်းၵျၢင်ႉၸိုင်မၼ်းမီးလွင်ႈတၢင်းဢၼ်တၵ်းလႆႈဢုပ်ႇဝၢဝ်းဢေႃႈ။ၵူၺ်းၵႃႈဢမ်ႇၸႂ်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈ။
၃ ၼႂ်းၵျၢမ်းလိၵ်ႈမႃးၸိူဝ်ႉၼင်ႇႁိုဝ်။ဢႃႇပြႁၢမ်ႇၼၼ်ႉမၼ်းယုမ်ႇမၢတ်ႈၽြႃးပဵၼ်ၸဝ်ႈလႄႈၽြႃးပဵၼ်ၸဝ်ႈၸင်ႇမၢတ်ႈမၼ်းပဵၼ်ၵေႃႉဢၼ်ႁွတ်ႈထိုင်တၢင်းသိုဝ်ႈတေႃႇဢေႃႈ။
၄ တီႈၵေႃႉဢၼ်ႁဵတ်းသၢင်ႈၼၼ်ႉၵႃႊၶၼ်ဢၼ်မၼ်းလႆႈၼၼ်ႉဢမ်ႇၸႂ်ႈလၢၵ်ႈသွင်ႇ။ပဵၼ်ၵႃႊၶၼ်ဢၼ်မၼ်းၵိုင်ႇထိူၵ်ႈလႆႈၼၼ်ႉဢေႃႈ။
၅ ၼႂ်းဝႃႈၼၼ်သေၵေႃႈၵေႃႉဢၼ်ဢမ်ႇႁဵတ်းဢမ်ႇသၢင်ႈသေၵေႃႈယႃႇၵွပ်ႈပိူဝ်ႈယုမ်ႇမၢတ်ႈၽူႈဢၼ်ၽေႇလိတ်ႉဢပျႅတ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း၊ၵွပ်ႈတၢင်းယုမ်ႇမၢတ်ႈမၼ်းၼၼ်ႉလႄႈလႆႈၶၢမ်ႇတၢင်းဢၼ်မၢတ်ႈပဵၼ်ၸိူဝ်ႉၼင်ႇတၢင်းဢၼ်သိုဝ်ႈတေႃႇဢေႃႈ။
၆ မိူၼ်ၼင်ႇၼၼ်တႃႇဝိတ်ႉလၢတ်ႈလွင်ႈမင်ႇၵလႃႇၵူၼ်းဢၼ်ၽြႃးပဵၼ်ၸဝ်ႈမၢတ်ႈပဵၼ်ၵူၼ်းသိုဝ်ႈတေႃႇဢၼ်ဢမ်ႇၸႂ်ႈၵွပ်ႈပိူဝ်ႈတၢင်းၵမ်တၢင်းၵျၢင်ႉၶဝ်ၼၼ်ႉလႄႈဝႃႈၸမ်း၊-
၇ ၶဝ်ၸိူဝ်းဢၼ်ႁွတ်ႈထိုင်တၢင်းဢၼ်ပွႆႇလွတ်ႈဢပျႅတ်ႈဢိၵ်ႇတင်းသုမ်ႇႁူမ်ႇတူႉၸရိူၵ်ႈဢပျႅတ်ႈဝႆႉၼၼ်ႉမီးမင်ႇၵလႃႇဢေႃႈ။
၈ ၵေႃႉဢၼ်ၵၢင်းလွတ်ႈတင်းတၢင်းဢၼ်ထႃႇဝရႃႉၽြႃးတၢင်ႇဢပျႅတ်ႈၼၼ်ႉမီးမင်ႇၵလႃႇဢေႃႈ၊ဝႃႈၼင်ႇၼႆဢေႃႈ။
ၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉၵူၺ်းလႆႈမင်ႇၵလႃႇႁိုဝ်။ဢမ်ႇၼၼ်ၵေႃႈၶဝ်ၸိူဝ်းဢၼ်ဢမ်ႇၶၢမ်ႇတၢင်းထိူဝ်ႁိမ်းၼၼ်ႉၵေႃႈလႆႈႁိုဝ်။
၉ ႁဵတ်းသင်လႄႈထၢမ်ၸိူဝ်ႉၼင်ႇၼႆဝႃႈၼႆၸမ်း၊ႁဝ်းဝႃႈ၊-ဢႃႇပြႁၢမ်ႇၼၼ်ႉလႆႈၶၢမ်ႇတၢင်းဢၼ်မၢတ်ႈပဵၼ်ၸိူဝ်ႉၼင်ႇၵူၼ်းသိုဝ်ႈတေႃႇၵွပ်ႈပိူဝ်ႈတၢင်းယုမ်ႇမၢတ်ႈမၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၀ ပေႃးဝႃႈၸိူဝ်ႉၼင်ႇၼႆၸိုင်တၢင်းသိုဝ်ႈတေႃႇမၼ်းၼၼ်ႉပဵၼ်ၸိူဝ်ႉၼင်ႇႁိုဝ်။မၼ်းလႆႈၶၢမ်ႇတၢင်းဢၼ်မၢတ်ႈပဵၼ်ၵူၼ်းသိုဝ်ႈတေႃႇဝၢႆးသေမၼ်းၶၢမ်ႇဢဝ်တၢင်းဢၼ်ထိူဝ်ႁိမ်းႁိုဝ်။ဢမ်ႇၼၼ်ၵေႃႈၸူဝ်ႈဢၼ်မၼ်းယင်းဢမ်ႇပႆႇၶၢမ်ႇဢဝ်တၢင်းဢၼ်ထိူဝ်ႁိမ်းၼၼ်ႉႁိုဝ်။ဢမ်ႇၸႂ်ႈဝၢႆးသေၶၢမ်ႇဢဝ်တၢင်းဢၼ်ထိူဝ်ႁိမ်း။ပဵၼ်ၸဵမ်မိူဝ်ႈဢမ်ႇပႆႇၶၢမ်ႇဢဝ်တၢင်းဢၼ်ထိူဝ်ႁိမ်းၼၼ်ႉဢေႃႈ။
၁၁ မၼ်းၶၢမ်ႇဢဝ်တၢင်းဢၼ်ထိူဝ်ႁိမ်းႁႂ်ႈပဵၼ်လၢၵ်ႈၶၼႃႇတၼ်းသိၵ်ႈတၢင်းသိုဝ်ႈတေႃႇဢၼ်မၼ်းလႆႈၵွပ်ႈပိူဝ်ႈတၢင်းယုမ်ႇမၢတ်ႈမၼ်းၼၼ်ႉၵူၺ်းဢေႃႈ။ၵွပ်ႈပိူဝ်ႈၼႆလႄႈမၼ်းလႆႈပဵၼ်ပေႃႈၶဝ်ၸိူဝ်းဢၼ်ဢမ်ႇပႆႇၶၢမ်ႇတၢင်းဢၼ်ထိူဝ်ႁိမ်းသေၵေႃႈမီးတၢင်းဢၼ်ယုမ်ႇမၢတ်ႈပုၼ်ႈလွင်ႈတၵ်းလႆႈၶၢမ်ႇတၢင်းဢၼ်မၢတ်ႈပဵၼ်ၵူၼ်းသိုဝ်ႈတေႃႇဢမ်ႇၵႃး၊
၁၂ မၼ်းလႆႈပဵၼ်ပေႃႈၶဝ်ၸိူဝ်းဢၼ်ထိူဝ်ႁိမ်းဢၼ်ၸွမ်းႁွႆးတိၼ်တၢင်းယုမ်ႇမၢတ်ႈပေႃႈႁဝ်းဢႃႇပြႁၢမ်ႇၸူဝ်ႈဢၼ်မၼ်းယင်းဢမ်ႇပႆႇၶၢမ်ႇတၢင်းဢၼ်ထိူဝ်ႁိမ်းၼၼ်ႉဢေႃႈ။
၁၃ လိူဝ်သေၼၼ်ႉၵတိၸဝ်ႈဢၼ်မီးတီႈဢႃႇပြႁၢမ်ႇတင်းၸိူဝ်ႉၶိူဝ်းမၼ်းတင်းလၢႆဢၼ်ဝႃႈ၊တၵ်းလႆႈၶၢမ်ႇဢမူၺ်ႇလေႃးၵႃႉၼႆႉဢေႃႈ၊ဝႃႈၼင်ႇၼႆၼၼ်ႉၶဝ်လႆႈၵွပ်ႈပိူဝ်ႈပိင်းၺၢပ်ႈတြႃးဢမ်ႇၸႂ်ႈ။လႆႈၵွပ်ႈပိူဝ်ႈတၢင်းသိုဝ်ႈတေႃႇဢၼ်ၸၢပ်ႈသႅင်ႇၵၼ်တင်းတၢင်းယုမ်ႇမၢတ်ႈၼၼ်ႉၵူၺ်းဢေႃႈ။
၁၄ လွင်ႈမၼ်းၸမ်းပေႃးၶဝ်ၸိူဝ်းဢၼ်ဢသၢၵ်ႈလိပ်းၸွမ်းၼႂ်းပိင်းၺၢပ်ႈတြႃးၼၼ်ႉပဵၼ်ၵေႃႉဢၼ်လႆႈၶၢမ်ႇဢမူၺ်ႇၸိုင်တြႃးတၢင်းယုမ်ႇမၢတ်ႈၼၼ်ႉဢမ်ႇမီးၵႃႈၶၼ်လႄႈၵတိၸဝ်ႈၵေႃႈတၵ်းပဵၼ်လၢႆလၢႆဢမ်ႇပွင်ႇလွင်ႈၵႃႈသင်ယဝ်ႉဢေႃႈ။
၁၅ လွင်ႈမၼ်းၸမ်းပိင်းၺၢပ်ႈတြႃးဢဝ်တေႃးသႃႉတင်းၸႂ်မႆႈမႃးဢေႃႈ။ပေႃးပိင်းၺၢပ်ႈတြႃးဢမ်ႇမီးၸိုင်ဢပျႅတ်ႈတၢင်းဢၼ်ပူၼ်ႉလိူဝ်ၵေႃႈဢမ်ႇမီး။
၁၆ ၵွပ်ႈႁွႆးၼႆႉလႄႈၼင်ႇႁိုဝ်ၵတိၸဝ်ႈတၵ်းတဵမ်ထူၼ်ႈတီႈၸိူဝ်ႉၶိူဝ်းတင်းသဵင်ႈတင်းလူင်၊ၸိူဝ်ႉၶိူဝ်းဢၼ်ၸၢပ်ႈသႅင်ႇၵၼ်တင်းပိင်းၺၢပ်ႈတြႃးၵူၺ်းဢမ်ႇၵႃး၊တီႈၸိူဝ်ႉၶိူဝ်းဢၼ်ၸၢပ်ႈသႅင်ႇၵၼ်တင်းတြႃးတၢင်းယုမ်ႇမၢတ်ႈဢႃႇပြႁၢမ်ႇဢၼ်ပဵၼ်ပေႃႈႁဝ်းတင်းသဵင်ႈတင်းလူင်ၼၼ်ႉၸိုင်ပဵၼ်မႃးၵွပ်ႈပိူဝ်ႈတြႃးတၢင်းယုမ်ႇမၢတ်ႈဢိၵ်ႇတင်းၵျေးၸူးၸဝ်ႈဢေႃႈ။
၁၇ ၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-ၵဝ်တၵ်းႁႂ်ႈမႂ်းပဵၼ်ပေႃႈၵူၼ်းမဵဝ်းၼမ်ၼႃႇဢေႃႈ၊ဝႃႈၼင်ႇၼႆၼၼ်ႉ၊ဢႃႇပြႁၢမ်ႇပဵၼ်ပေႃႈႁဝ်းတင်းသဵင်ႈတင်းလူင်ၵႃႈတီႈၽၢႆႇၼႃႈၽြႃးပဵၼ်ၸဝ်ႈဢၼ်မၼ်းယုမ်ႇမၢတ်ႈ၊ဢၼ်ပဵၼ်ၸဝ်ႈဢၼ်ႁႂ်ႈၶဝ်ၸိူဝ်းဢၼ်တၢႆၵႂႃႇယဝ်ႉလုၵ်ႉၶိုၼ်းလိပ်း၊ၸဝ်ႈဢၼ်ဢဝ်လွင်ႈတၢင်းဢၼ်ဢမ်ႇပႆႇမီးၼၼ်ႉႁႂ်ႈပေႃႇပဵၼ်မီးမႃးၼၼ်ႉဢေႃႈ။
၁၈ မိူဝ်ႈဢၼ်ၽြႃးပဵၼ်ၸဝ်ႈပၼ်ၵတိဢႃႇပြႁၢမ်ႇဝႃႈမၼ်းတၵ်းလႆႈပဵၼ်ပေႃႈၸိူဝ်ႉၶိူဝ်းၵူၼ်းမဵဝ်းၼမ်ၼႃႇၼၼ်ႉဢေႃႈ၊ဝႃႈၼင်ႇၼႆၼၼ်ႉဢႃႇပြႁၢမ်ႇယုမ်ႇမၼ်းၸဝ်ႈဢေႃႈ။မၼ်းၸဝ်ႈယင်းမီးဢမိင်ႉဝႆႉဝႃႈ၊-ၸိူဝ်ႉၶိူဝ်းမႂ်းတၵ်းၼမ်ၼႃႇလူင်လၢင်ဢေႃႈ၊ဝႃႈၼႆသေၵေႃႈမိူၼ်ၼင်ႇႁၢင်ႊဢမ်ႇပဵၼ်လႆႈလႃးလႃးဢေႃႈ။
၁၉ ၼႂ်းဝႃႈၼၼ်သေၵေႃႈပဵၵ်ႉသမ်ႉမၼ်းႁူႉတူဝ်ၸဝ်ႈၵဝ်ႇဢသၢၵ်ႈပေႃးမီးပၢၵ်ႇပီႊယဝ်ႉလႄႈတူဝ်မၼ်းမိူၼ်ၼင်ႇတူဝ်တၢႆၵူၺ်းဢမ်ႇၵႃးထူင်လုၵ်ႈဢွၼ်ႇၸႃႇရႃႇၼၼ်ႉၵေႃႈမိူၼ်ၼင်ႇဢၼ်တၢႆၼင်ႇၵဝ်ႇဢေႃႈ။
၂၀ ၼႂ်းဝႃႈၼၼ်သေၵေႃႈတၢင်းယုမ်ႇမၢတ်ႈဢႃႇပြႁၢမ်ႇၼႂ်းၵတိၽြႃးပဵၼ်ၸဝ်ႈၼၼ်ႉဢမ်ႇမီးတၢင်းဢၼ်ႁႅင်းဢူၼ်ႈၵႂႃႇၵူၺ်းဢမ်ႇၵႃးယိင်ႈၶႅၼ်းႁႅင်းယႂ်ႇမႃးလႄႈပၼ်မူၼ်ၵုင်ႇၽြႃးပဵၼ်ၸဝ်ႈဢေႃႈ။
၂၁ မၼ်းတူၵ်းၵၢင်ၸႂ်ဝႃႈ၊ၸဝ်ႈဢၼ်ဝႆႉၵတိၼၼ်ႉတတ်ႈၼိုင်ႇလႆႈၵႃႈၼင်ႇဢၼ်ၵတိၸဝ်ႈမီးၼၼ်ႉဢေႃႈ။
၂၂ ၵွပ်ႈပိူဝ်ႈတၢင်းယုမ်ႇမၢတ်ႈမၼ်းၼၼ်ႉမၼ်းၸဝ်ႈမၢတ်ႈမၼ်းပဵၼ်ၸိူဝ်ႉၼင်ႇၵူၼ်းသိုဝ်ႈတေႃႇဢေႃႈ။
၂၃ မၼ်းၸဝ်ႈမၢတ်ႈမၼ်းပဵၼ်ၸိူဝ်ႉၼင်ႇၼၼ်ဝႃႈၼႆတႅမ်ႈဝႆႉၼႂ်းၵျၢမ်းလိၵ်ႈပုၼ်ႈဢၵျူဝ်းဢႃႇပြႁၢမ်ႇၵူၺ်းဢမ်ႇၸႂ်ႈ။
၂၄ တႅမ်ႈဝႆႉပုၼ်ႈဢၵျူဝ်းႁဝ်းၵေႃႈၸႂ်ႈဢေႃႈ။ပေႃးႁဝ်းယုမ်ႇမၢတ်ႈၽူႈဢၼ်ႁႂ်ႈၸဝ်ႈႁဝ်းၸဝ်ႈယေႇသုလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၸိုင်၊မၼ်းၸဝ်ႈတၵ်းမၢတ်ႈတၢင်းယုမ်ႇမၢတ်ႈႁဝ်းၼၼ်ႉပဵၼ်ၸိူဝ်ႉၼင်ႇတၢင်းသိုဝ်ႈတေႃႇဢေႃႈ။
၂၅ ၸဝ်ႈယေႇသုၼၼ်ႉၶၢမ်ႇတၢင်းဢၼ်ဢၢပ်ႈၵွပ်ႈပိူဝ်ႈဢပျႅတ်ႈႁဝ်းလႄႈသမ်ႉလုၵ်ႉၶိုၼ်းႁႂ်ႈႁဝ်းလႆႈႁွတ်ႈထိုင်တၢင်းသိုဝ်ႈတေႃႇဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ