Shan Missions

မၢတ်ႈထႄႇ

Chapter ၁     ၂     ၃     ၄     ၅     ၆     ၇     ၈     ၉     ၁၀     ၁၁     ၁၂     ၁၃     ၁၄     ၁၅     ၁၆     ၁၇     ၁၈     ၁၉     ၂၀     ၂၁     ၂၂     ၂၃     ၂၄     ၂၅     ၂၆     ၂၇     ၂၈ 

၁၂

ၸဝ်ႈယေႇသုပဵၼ်ၸဝ်ႈဝၼ်းၵမ်သိၼ်

၁ မိူဝ်ႈဢၼ်ၸဝ်ႈယေႇသုၽႃႇလတ်းၵႂႃႇၵႃႈၼႂ်းႁႆႊၶဝ်ႈၵျုင်ႇၼႂ်းဝၼ်းၵမ်သိၼ်ၼၼ်ႉတပႄးၸဝ်ႈတင်းလၢႆပိူဝ်ႈဢၼ်တွင်ႉမႆႈလႄႈယၵ်းဢဝ်ႁူင်းၶဝ်ႈၵျုင်ႇၵိၼ်ဢေႃႈ။ 

၂ ၽႃႇရိသေးတင်းလၢႆႁၼ်သေယဝ်ႉလၢတ်ႈဝႃႈ၊-တူၺ်းလူႊ၊လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၼၼ်ႉတပႄးၸဝ်ႈႁဝ်းၸိူဝ်းၼႆႉႁဵတ်းလူင်ပေႇ၊ဝႃႈၼင်ႇၼႆဢေႃႈ။ 

၃ မၼ်းၸဝ်ႈၵေႃႈလၢတ်ႈလႄႈဝႃႈ၊-မိူဝ်ႈဢၼ်တႃႇဝိတ်ႉဢိၵ်ႇတင်းၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းၸိူဝ်းၼၼ်ႉ

၄ ဢိုပ်းတၢင်းၵိၼ်ၼၼ်ႉၶဝ်ၶဝ်ႈၵႂႃႇၵႃႈၼႂ်းႁိူၼ်းၽြႃးပဵၼ်ၸဝ်ႈသေယဝ်ႉဢဝ်ၶဝ်ႈမုၼ်းၵိၼ်ဢၼ်ၶဝ်ဢမ်ႇထုၵ်ႇလီၵိၼ်ဢၼ်ယိတ်ႉပရေႃးႁိၵ်ႈၵူၺ်းထုၵ်ႇလီၵိၼ်ၼၼ်ႉ၊သူဢမ်ႇယၢမ်ႈလႆႈၽတ်းႁိုဝ်။ 

၅ လွင်ႈဢၼ်ယိတ်ႉပရေႃးႁိၵ်ႈတင်းလၢႆပဵၵ်ႉသမ်ႉသိၼ်လူႉၼႂ်းပိၵ်ႉမၢၼ်ႇၸဝ်ႈၼႂ်းဝၼ်းၵမ်သိၼ်သေၵေႃႈၶဝ်ဢမ်ႇထူပ်းဢပျႅတ်ႈဢၼ်ဝႃႈၼၼ်ႉၵေႃႈသူဢမ်ႇယၢမ်ႈလႆႈၽတ်းၼႂ်းၵျၢမ်းပိင်းၺၢပ်ႈတိႁိုဝ်။ 

၆ ၵဝ်ဝႃႈၸမ်းဢၼ်ယႂ်ႇဢၼ်မျၢတ်ႈၼႃႇသပေိၵ်ႉမၢၼ်ႇၸဝ်ႈၼၼ်ႉမီးၵႃႈတီႈၼႆႉဢေႃႈ။ 

၇ ပေႃးသူႁူႉပွင်ႇၵျၢမ်းလိၵ်ႈဢၼ်ဝႃႈ၊-ၵဝ်ၵျိူၵ်ႈတၢင်းႁၵ်ႉၵရူႉၼႃႇလိူဝ်တွၼ်းၼႃႇသတေၢင်းဢၼ်ပုၵ်ႉၸေႃႇယိၸ်ႉဢေႃႈ၊ဢၼ်ဝႃႈၼၼ်ႉသူတၵ်းဢမ်ႇၸီႇယၢင်ႇၶဝ်ၸိူဝ်းဢၼ်ဢမ်ႇမီးဢပျႅတ်ႈၼၼ်ႉယဝ်ႉ။ 

၈ လွင်ႈမၼ်းၸမ်းလုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ဝႃႈၼင်ႇၼႆဢေႃႈ။ 

၉ မၼ်းၸဝ်ႈဢွၵ်ႇသေၵႃႈတီႈၼၼ်ႉလႄႈၶဝ်ႈၵႃႈၼႂ်းၸရွပ်ႈႁေႃးတြႃးဢေႃႈ။ 

၁၀ တီႈၼၼ်ႉမီးၵူၼ်းမိုဝ်းႁဵဝ်ႇၵေႃႉၼိုင်ႈဢေႃႈ။ ၶဝ်ႁႃတီႈဢၼ်တၵ်းလႆႈတၢင်ႇဢပျႅတ်ႈၵႃႈၼိူဝ်မၼ်းၸဝ်ႈလႄႈလဝ်ထၢမ်ဝႃႈ၊-ၼႂ်းဝၼ်းၵမ်သိၼ်ထုၵ်ႇလီႁဵတ်းႁႂ်ႈတၢင်းၶႆႈတၢင်းပဵၼ်ႁၢႆၶႅၼ်းႁိုဝ်၊ဝႃႈၼင်ႇၼႆဢေႃႈ။ 

၁၁ မၼ်းၸဝ်ႈၵေႃႈလၢတ်ႈလႄႈဝႃႈ၊-ၼႂ်းသူၼႆႉၸွင်ႇမီးသေၵေႃႉသေၵူၼ်းဢၼ်မီးသူဝ်းတူဝ်ၼိုင်ႈၵူၺ်းလႄႈပေႃးသူဝ်းမၼ်းတူၵ်းၵႂႃႇၵႃႈၼႂ်းထၢင်ၼႂ်းဝၼ်းၵမ်သိၼ်ၸိုင်မၼ်းယင်းဢမ်ႇယိပ်းဢမ်ႇၵမ်ဢမ်ႇတိူတ်ႉဢမ်ႇၸၼ်ဢမ်ႇဢဝ်ဢွၵ်ႇလႄႈတေယူႇဝႆႉၸိူဝ်ႉၼႆၼၼ်ႉၸွင်ႇမီးႁိုဝ်။ 

၁၂ ၵူၼ်းယဵင်ႈၶႅၼ်းမျၢတ်ႈၼႃႇသသေူဝ်းဢေႃႈ။ ပိူဝ်ႈၼႆလႄႈၼႂ်းဝၼ်းၵမ်သိၼ်ထုၵ်ႇလီႁဵတ်းၵျေးၸူးဢေႃႈ၊ဝႃႈၼင်ႇၼႆယဝ်ႉၸင်ႇမၼ်းၸဝ်ႈလၢတ်ႈတီႈၵေႃႉဢၼ်မိုဝ်းႁဵဝ်ႇၼၼ်ႉလႄႈဝႃႈ၊-

၁၃ ယဵတ်ႇမိုဝ်းမႂ်းတႃႉ၊ဝႃႈၼင်ႇၼႆဢေႃႈ။ မၼ်းၵေႃႈယဵတ်ႇမိုဝ်းမၼ်းလႄႈမိုဝ်းမၼ်းၼၼ်ႉပဵၼ်ဢၼ်လီမႃးၸိူဝ်ႉၼင်ႇတၢင်ႇၶွၼ်ၼၼ်ႉဢေႃႈ။ 

၁၄ မိူဝ်ႈၼၼ်ႉၽႃႇရိသေးၸိူဝ်းၼၼ်ႉဢွၵ်ႇၵႂႃႇသေလႄႈတိူင်ႇပၢင်ႇလၢတ်ႈၸႃၵၼ်တၵ်းလႆႈယႃႉမၼ်းၸဝ်ႈၸိူဝ်ႉၼင်ႇႁိုုဝ်ၼၼ်ႉဢေႃႈ။ 

ၵေႃႉဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်

၁၅ ၸဝ်ႈယေႇသုႁူႉလွင်ႈၼၼ်ႉသေယဝ်ႉၶၢႆႉၵႂႃႇတၢင်ႇတီႈတၢင်ႇလႅၼ်သေဢေႃႈ။ ၵူၼ်းၼမ်ၼႃႇၵေႃႈၸွမ်းပႃႈလင်မၼ်းၸဝ်ႈဢေႃႈ။ မၼ်းၸဝ်ႈႁႂ်ႈတၢင်းၶႆႈတၢင်းပဵၼ်ၵႃႈမီးတင်းသဵင်ႈတင်းလူင်ႁၢႆၶႅၼ်းဢေႃႈ။ 

၁၆ လွင်ႈၼင်ႇႁိုဝ်ၶဝ်တၵ်းဢမ်ႇႁဵတ်းႁႂ်ႈၶၢဝ်ႇသတၢင်းမၼ်းၸဝ်ႈဢွၵ်ႇၸိုင်မၼ်းၸဝ်ႈသင်ႇလၢတ်ႈတီႈၶဝ်ၼႃႇလူင်လၢင်ဢေႃႈ။ 

၁၇ လွင်ႈတၢင်းၼႆႉၸမ်းၼင်ႇႁိုဝ်ၵႂၢမ်းဢၼ်ပရေႃးၽႅတ်ႈဢိသႃႇယႁေႃးလၢတ်ႈဝႆႉၼၼ်ႉတၵ်းတဵမ်ထူၼ်ႈၸိုင်ၸင်ႇပဵၼ်ဢေႃႈ။ 

၁၈ ၵႂၢမ်းၼၼ်ႉၸမ်း၊-တူၺ်းၶႃႈၵဝ်ဢၼ်ၵဝ်လိူၵ်ႈၵဵပ်းဢဝ်ၵေႃႉဢၼ်ၵဝ်ႁၵ်ႉၼႃႇဢၼ်ထုၵ်ႇၸႂ်ၵျိူၵ်ႈၸႂ်ၵဝ်ၼၼ်ႉတႃႉ။ ၵဝ်တၵ်းႁႂ်ႈဝိၺိၺ်ႇၵဝ်တႄႇယူႇၵႃႈၼိူဝ်မၼ်းဢေႃႈ။ မၼ်းတၵ်းပၼ်တြႃးၵႃႈတီႈၵူၼ်းၵူႈၸိူဝ်ႉၵူႈမဵဝ်းတင်းလၢႆဢေႃႈ။ 

၁၉ မၼ်းတၵ်းဢမ်ႇတွပ်ႇဢမ်ႇထဵင်ဢမ်ႇႁွင်ႉဢမ်ႇသႅၼ်ႇ။ ၽူႈလႂ်ၵေႃႈတၵ်းဢမ်ႇလႆႈငိၼ်းသဵင်မၼ်းၵႃႈတီႈၼႂ်းသဵၼ်ႈတၢင်းတင်းလၢႆ။ 

၂၀ မႆႉဢေႃႈဢၼ်ယဵပ်ႇတူပ်ႉၼၼ်ႉမၼ်းတၵ်းဢမ်ႇဢဝ်ႁၵ်း။ တဵၼ်းဢၼ်ဢွၵ်ႇၵႂၼ်းၽႆးၼၼ်ႉမၼ်းတၵ်းဢမ်ႇဢဝ်မွတ်ႇတေႃႇထိုင်ႁွတ်ႈမၼ်းပွႆႇၸႂ်ႉတၢင်းဢၼ်ၸီႇယၢင်ႇတြႃးႁႂ်ႈပႄႉႁႂ်ႈၼႅင်ႇဢေႃႈ။ 

၂၁ ၼႃႇမႃႉၸိုဝ်သဵင်မၼ်းၸဝ်ႈၼၼ်ႉၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတၵ်းဢိင်ပိုင်ႈဢေႃႈ၊ဝႃႈၼင်ႇၼႆဢေႃႈ။ 

ၸဝ်ႈယေႇသုတင်းပေႇလၸေႇပုလ

၂၂ မိူဝ်ႈၼၼ်ႉၶဝ်ဢဝ်ၵူၼ်းဢၼ်ၽီႁၢႆႉၶဝ်ႈလႄႈဢႃႉတႃမွတ်ႇၼၼ်ႉၵေႃႉၼိုင်ႈမႃးတီႈမၼ်းၸဝ်ႈလႄႈမၼ်းၸဝ်ႈပၼ်ၵတ်းယဵၼ်ၶျၢမ်းသႃႇတီႈၵူၼ်းဢႃႉတႃမွတ်ႇၼၼ်ႉလႄႈႁႂ်ႈတႃႁၼ်လၢတ်ႈၵႂၢမ်းလႆႈမႃးဢေႃႈ။ 

၂၃ ၵူၼ်းၸူႉၵူၼ်းတုမ်ၸိူဝ်းၼၼ်ႉၵႂင်ၸႂ်ယုင်ႈၸႂ်လႄႈဝႃႈ၊-ၵေႃႉၼႆႉပဵၼ်လုၵ်ႈတႃႇဝိတ်ႉဢမ်ႇၸႂ်ႈႁိူဝ်၊ဝႃႈၼင်ႇၼႆဢေႃႈ။ 

၂၄ မိူဝ်ႈဢၼ်ၽႃႇရိသေးတင်းလၢႆငိၼ်းၼၼ်ႉၶဝ်လၢတ်ႈဝႃႈ၊-ၵေႃႉၼႆႉမၼ်းဢိင်ပိုင်းၶုၼ်ၽီႁၢႆႉပေႇလၸေႇပုလသေလႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈဢိူဝ်ႈ၊ဝႃႈၼင်ႇၼႆဢေႃႈ။ 

၂၅ မၼ်းၸဝ်ႈႁူႉၸႅင်ႈတၢင်းၵျၢမ်ႇတၢင်းပွင်ၶဝ်ၼၼ်ႉလႄႈလၢတ်ႈဝႃႈ၊-မိူင်းလႂ်သေဢမ်ႇဝႃႈပေႃးဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ယူႇၸိုင်တၵ်းႁွတ်ႈထိုင်တၢင်းလူႉတၢင်းလႅဝ်ဢေႃႈ။ ဝဵင်းလႄႈသင်ႁိူၼ်းလႄႈသင်ပေႃးဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ယူႇၸိုင်ဢမ်ႇမၼ်ႈဢမ်ႇၶိူင်ႇလႆႈ။ 

၂၆ ၸႃႇတၢၼ်ႇမႃႇၼၢတ်ႈၵေႃႈပေႃးႁေႃႈၸႃႇတၢၼ်ႇမႃႇၼၢတ်ႈဢွၵ်ႇပႅတ်ႈၸိုင်ပဵၼ်တၢင်းဢၼ်ပႅၵ်ႇပိူင်ႈၵၼ်ၽၢတ်ႇၽႄၵၼ်လႄႈမိူင်းမၼ်းတၵ်းမၼ်ႈၶိူင်ႇလႆႈၸိူဝ်ႉၼင်ႇႁိုဝ်။ 

၂၇ ပေႃးၵဝ်ဢိင်ပိုင်ႈပေႇလၸေႇပုလသေလႄႈႁေႃႈၽီႁၢႆႉဢွၵ်ႇပႅတ်ႈၸိုင်လုၵ်ႈလၢင်းသူသမ်ႉဢိင်ပိုင်ႈၽူႈလႂ်သေလႄႈႁေႃႈၽီႁၢႆႉဢွၵ်ႇပႅတ်ႈ။ 

၂၈ ပိူဝ်ႈၼႆလႄႈၶဝ်တၵ်းပဵၼ်ၵေႃႉဢၼ်ၸီႇယၢင်ႇတြႃးတီႈသူဢေႃႈ။ ပေႃးၵဝ်ဢိင်ပိုင်ႈဝိၺိၺ်ႇမူတ်းၸၢင်ႇၸဝ်ႈသေလႄႈႁေႃႈၽီႁၢႆႉတင်းလၢႆဢွၵ်ႇပႅတ်ႈၸိုင်မိူင်းၽြႃးပဵၼ်ၸဝ်ႈႁွတ်ႈမႃးၵႃႈတီႈသူဢမၢၼ်ႇၶၼ်ပဵၼ်ယဝ်ႉ။ 

၂၉ ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်ၽူႈလႂ်တၵ်းၶဝ်ႈၵႃႈၼႂ်းႁိူၼ်းမၼ်းသေလႄႈႁိမ်ဢဝ်ၶူဝ်းလဵင်းမၼ်းလႆႈ။ မတ်ႉၽုၵ်ႇၵူၼ်းႁႅင်းဝႆႉယဝ်ႉဢွၼ်တၢင်းၸင်ႇႁိမ်ဢဝ်ႁိူၼ်းမၼ်းလႆႈဢေႃႈ။ 

၃၀ ၵေႃႉဢၼ်ဢမ်ႇယူႇၽၢႆႇၵဝ်ၼၼ်ႉပဵၼ်ရၢၼ်ႇသူႇၵဝ်ဢေႃႈ။ ၵေႃႉဢၼ်ဢမ်ႇၸူႉဢမ်ႇသိမ်းလူၺ်ႈၵၼ်တင်းၵဝ်ၼၼ်ႉပဵၼ်ၵေႃႉဢၼ်ပိူၼ်ႈမိူၵ်ႇပိူၼ်ႈမိူဝ်ပႅတ်ႈဢေႃႈ။ 

၃၁ ပိူဝ်ႈၼႆလႄႈၵဝ်ဝႃႈၸမ်းၵူၼ်းတင်းလၢႆႁွတ်ႈထိုင်တၢင်းဢၼ်ပွႆႇလွတ်ႈပၼ်ဢပျႅတ်ႈဢၼ်ၽိတ်းပိူင်ႈဢိၵ်ႇတင်းဢပျႅတ်ႈဢၼ်သေႉသွမ်းၽြႃးပဵၼ်ၸဝ်ႈၼၼ်ႉလႆႈယူႇဢေႃႈ။ ၵူၺ်းၵႃႈဢပျႅတ်ႈဢၼ်သေႉသွမ်းဝိၺိၺ်ႇမူတ်းၸၢင်ႇၸဝ်ႈၼၼ်ႉၸမ်းဢမ်ႇႁွတ်ႈထိုင်တၢင်းဢၼ်ပွႆႇလွတ်ႈလႆႈ။ 

၃၂ ၽူႈလႂ်သေဢမ်ႇဝႃႈၵေႃႉဢၼ်ၽိတ်းသူပ်းၽိတ်းၵႂၢမ်းတီႈလုၵ်ႈၵူၼ်းၼၼ်ႉၵေႃႈႁွတ်ႈထိုင်တၢင်းဢၼ်ပွႆႇလွတ်ႈလႆႈယူႇဢေႃႈ။ ၵေႃႉဢၼ်ၽိတ်းသူပ်းၽိတ်းၵႂၢမ်းတီႈဝိၺိၺ်ႇမူတ်းၸၢင်ႇၸဝ်ႈၼၼ်ႉၸမ်းၸၢတ်ႈၼႆႉၸၢတ်ႈၼႃႈဢမ်ႇႁွတ်ႈထိုင်တၢင်းဢၼ်ပွႆႇလွတ်ႈလႆႈ။ 

၃၃ ႁႂ်ႈတူၼ်ႈပဵၼ်ဢၼ်လီလႄႈမၢၵ်ႇမၼ်းပဵၼ်ဢၼ်လီတႃႉ။ ဢမ်ႇၼၼ်ႁႂ်ႈတူၼ်ႈပဵၼ်ဢၼ်ဢမ်ႇလီလႄႈမၢၵ်ႇမၼ်းပဵၼ်ဢၼ်ဢမ်ႇလီတႃႉ။ လွင်ႈမၼ်းၸမ်းၵွပ်ႈပိူဝ်ႈမၢၵ်ႇလႄႈႁူႉလွင်ႈတူၼ်ႈဢေႃႈ။ 

၃၄ ၸိူဝ်ႉၶိူဝ်းငူးႁၢႆႉၸိူဝ်းၼႆႉဢိူၺ်း၊သူၼႆႉပဵၼ်ဢၼ်ႁၢႆႉမိူၵ်ႈလႄႈတၵ်းလၢတ်ႈၵႂၢမ်းဢၼ်လီလႆႈၸိူဝ်ႉၼင်ႇႁိုဝ်။ သူပ်းၸၢင်ႊမွၵ်ႇလၢတ်ႈၸွမ်းၵႃႈၼင်ႇဢၼ်မီးတဵမ်ဝႆႉၵႃႈၼႂ်းႁူဝ်ၸႂ်ၼၼ်ႉဢေႃႈ။ 

၃၅ ၵေႃႉဢၼ်လီၼၼ်ႉၸၢင်ႊဢဝ်လွင်ႈတၢင်းဢၼ်လီၵႃႈၼႂ်းတိူၵ်ႈၽၼ်ႇတႃႇႁူဝ်ၸႂ်မၼ်းၼၼ်ႉဢွၵ်ႇလႄႈၼႄပျႃႉဢေႃႈ။ 

၃၆ ၵဝ်ဝႃႈတီႈသူၸမ်းၵႂၢမ်းဢၼ်မဝ်မၢင်ႈလၢႆႈလၢႆႈလွၵ်ႇလွၵ်ႇဢၼ်ၵူၼ်းတင်းလၢႆလၢတ်ႈၵႃႈမီးတင်းသဵင်ႈတင်းလူင်ၼၼ်ႉတၵ်းမွၵ်ႇလၢတ်ႈၽုၺ်ႇၼႄၼႂ်းဝၼ်းဢၼ်ၸီႇယၢင်ႇတြႃးၼၼ်ႉဢေႃႈ။ 

၃၇ လွင်ႈမၼ်းၸမ်းၵွပ်ႈပိူဝ်ႈၵႂၢမ်းမႂ်းလႄႈတၵ်းလႆႈၶၢမ်ႇတၢင်းဢၼ်သိုဝ်ႈတေႃႇဢေႃႈ။ ၵွပ်ႈပိူဝ်ႈၵႂၢမ်းမႂ်းလႄႈတၵ်းလႆႈၶၢမ်ႇတၢင်းဢၼ်ၸီႇယၢင်ႇဢေႃႈ၊ဝႃႈၼင်ႇၼႆဢေႃႈ။ 

လၵ်ႈၶၼႃႇယုဝ်းၼ

၃၈ မိူဝ်ႈၼၼ်ႉၵူၼ်းထုတ်ႇၵျၢမ်းဢိၵ်ႇတင်းၽႃႇရိသေးၶဝ်လဝ်လၢတ်ႈလႄႈဝႃႈ၊-သြႃႇၸဝ်ႈ၊ႁဝ်းၶႃႈၶႂ်ႈႁၼ်ၼီႉမိၵ်ႈလၵ်ႈၶၼႃႇဢၼ်ၸဝ်ႈႁဝ်းၼႄပျႃးသေၸိူဝ်ႉသေပိူင်ၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။ 

၃၉ မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊-ၵူၼ်းမဵဝ်းဢၼ်ႁၢႆႉမိူၵ်ႈလႄႈၽိတ်းၵႃႇမေႇသုၼႆႉယွၼ်းၼီႉမိၵ်ႈလၵ်ႈၶၼႃႇလူင်ပေႇ။ လိူဝ်သေၼီႉမိၵ်ႈလၵ်ႈၶၼႃႇပရေႃးၽႅတ်ႈယုဝ်းၼၼၼ်ႉတၵ်းဢမ်ႇလႆႈၼႄပျႃးၼီႉမိၵ်ႈလၵ်ႈၶၼႃႇဢၼ်လႂ်တီႈၶဝ်။ 

၄၀ ၸိူဝ်ႉၼင်ႇဢၼ်ယုဝ်းၼလႆႈယူႇၵႃႈၼႂ်းတွင်ႉပႃလူင်သၢမ်ဝၼ်းသၢမ်ၶိုၼ်းၼၼ်ႉလုၵ်ႈၵူၼ်းတၵ်းလႆႈယူႇၵႃႈၼႂ်းလိၼ်သၢမ်ဝၼ်းသၢမ်ၶိုၼ်းဢေႃႈ။ 

၄၁ ၶိင်ႇမိူဝ်ႈဢၼ်ၸီႇယၢင်ႇတြႃးၼၼ်ႉၵူၼ်းဝဵင်းၼိၼေႇဝူၺ်ႇတင်းလၢႆတၵ်းလုၵ်ႉယူႇၽၢႆႇၼိုင်ႈသေလႄႈႁႂ်ႈၵူၼ်းမဵဝ်းၼႆႉလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈဢေႃႈ။ လွင်ႈမၼ်းၸမ်းၶဝ်ၼၼ်ႉၵွပ်ႈပိူဝ်ႈၵႂၢမ်းဢၼ်ယုဝ်းၼႁေႃးလၢတ်ႈၼၼ်ႉလႄႈၶုၵ်းၸႂ်လႆႈမႆႈၸႂ်ဢေႃႈ။ ၵႃႈတီႈၼႆႉၸမ်းမီးၵေႃႉဢၼ်ယႂ်ႇမျၢတ်ႈၼႃႇသေယူဝ်းၼၼၼ်ႉဢေႃႈ။ 

၄၂ ၶိင်ႇမိူဝ်ႈဢၼ်ၸီႇယၢင်ႇတြႃးၼၼ်ႉၼၢင်းႁေႃၶမ်းမိူင်းတၢင်းၸၢၼ်းတၵ်းလုၵ်ႉၶိုၼ်ႈယူႇၽၢႆႇၼိုင်ႈသေလႄႈႁႂ်ႈၵူၼ်းမဵဝ်းၼႆႉလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈဢေႃႈ။ လွင်ႈမၼ်းၸမ်းၼၢင်းႁေႃၶမ်းၼၼ်ႉလုၵ်ႉသေၵႃႈတီႈႁိမ်းလႅၼ်သုတ်းလိၼ်မိူင်းပုၼ်ႉမႃးႁႂ်ႈလႆႈထွမ်ႇလႆႈငိၼ်းၵႂၢမ်းပိင်ႇၺႃႇၶုၼ်လူင်သေႃးလမုၼ်ႇၼၼ်ႉဢေႃႈ။ ၵႃႈတီႈၼႆႉၸမ်းမီးၵေႃႉဢၼ်ယႂ်ႇမျၢတ်ႈၼႃႇသေၶုၼ်လူင်သေႃးလမုၼ်ႇၼၼ်ႉဢေႃႈ။ 

၄၃ ၽီဢၼ်ၵူဝ်ႈၵိူၵ်ႇၼၼ်ႉမိူဝ်ႈဢၼ်ဢွၵ်ႇသေၵႃႈၼႂ်းၵူၼ်းၵႂႃႇယဝ်ႉၼၼ်ႉၸိုင်ၵႂႃႇလႄႇၵႃႈၼႂ်းတီႈဢၼ်ႁႅင်ႈဢၼ်ႁွင်တင်းလၢႆလႄႈႁႃတၢင်းၼိမ်သေၵေႃႈဢမ်ႇထူပ်းဢမ်ႇႁၼ်။ 

၄၄ ၵမ်းၼၼ်ႉမၼ်းဝႃႈ၊-ၵဝ်တၵ်းၶိုၼ်းမိူဝ်းၵႃႈတီႈႁိူၼ်းဢၼ်ၵဝ်ႇဢၼ်ၵဝ်ဢွၵ်ႇမႃးယဝ်ႉၼၼ်ႉလူးၵွၼ်ႇ၊ဝႃႈၼႆသေယဝ်ႉ၊မိူဝ်ႈဢၼ်ၶိုၼ်းမိူဝ်းႁွတ်ႈမိူဝ်းထိုင်ၼၼ်ႉမၼ်းထူပ်းႁၼ်ႁိူၼ်းၼၼ်ႉမီးတၢင်းဢၼ်ပဝ်ႇဝႆႉမႄးပတ်းဝႆႉမႄးၽဵဝ်ႈဝႆႉလႄႈမၼ်းသမ်ႉၵႂႃႇႁွင်ႉဢဝ်ၽီဢၼ်ႁၢႆႉဢၼ်မိူၵ်ႈၼႃႇသမေၼ်းၼၼ်ႉၸဵတ်းတူဝ်ယဝ်ႉၸင်ႇၶဝ်ႈယူႇၵႃႈၼႂ်းၵူၼ်းၵေႃႉၼၼ်ႉဢေႃႈ။ 

၄၅ ၵေႃႉၼၼ်ႉတၢင်းဢၼ်ပဵၼ်ၵမ်းလိုၼ်းၼႆႉယဵင်ႈၶႅၼ်းႁၢႆႉၼႃႇသတေၢင်းဢၼ်ပဵၼ်ဢွၼ်တၢင်းၼၼ်ႉဢေႃႈ။ တီႈၵူၼ်းမဵဝ်းဢၼ်ႁၢႆႉမိူၵ်ႈၼႆႉတၵ်းပဵၼ်ၸိူဝ်ႉၼင်ႇၼၼ်ဢေႃႈ၊ဝႃႈၼင်ႇၼႆဢေႃႈ။ 

မႄႈၸဝ်ႈတင်းၼွင်ႉၸဝ်ႈ

၄၆ ၼႂ်းမိူဝ်ႈဢၼ်မၼ်းၸဝ်ႈယင်းတိုၵ်ႉႁေႃးလၢတ်ႈတီႈပရိၵ်ႈသၢတ်ႈယူႇၼၼ်ႉၸိုင်မႄႈၸဝ်ႈဢိၵ်ႇတင်းၼွင်ႉၸဝ်ႈတင်းလၢႆၶႂ်ႈတၵ်ႉၶႂ်ႈလၢတ်ႈမၼ်းၸဝ်ႈလႄႈၸုၵ်းယူႇၵႃႈၼွၵ်ႈဢေႃႈ။ 

၄၇ ၵူၼ်းၵေႃႉၼိုင်ႈလဝ်လၢတ်ႈလႄႈဝႃႈ၊-မႄႈၸဝ်ႈႁဝ်းဢိၵ်ႇတင်းၼွင်ႉၸဝ်ႈႁဝ်းၸိူဝ်းၼၼ်ႉၶႂ်ႈတၵ်ႉၶႂ်ႈလၢတ်ႈတေႃႇၸဝ်ႈႁဝ်ႈလႄႈၸုၵ်းယူႇၵႃႈၼွၵ်ႈၶႃႈဢေႃႈ၊ဝႃႈၼင်ႇၼႆဢေႃႈ။ 

၄၈ မၼ်းၸဝ်ႈၵေႃႈထၢမ်ဝႃႈ၊-မႄႈၵဝ်ပဵၼ်ၽူႈလႂ်၊ဝႃႈၼင်ႇၼႆယဝ်ႉၸင်ႇယိုၼ်ႈမိုဝ်းမၼ်းၸဝ်ႈၸီႉၼႄတပႄးၸဝ်ႈတင်းလၢႆသေလႄႈလၢတ်ႈဝႃႈ၊-

၄၉ ၶဝ်ၸိူဝ်းၼႆႉပဵၼ်မႄႈၵဝ်ၼွင်ႉၵဝ်ဢေႃႈ။ 

ၽူႈလႂ်သေဢမ်ႇဝႃႈၵေႃႉဢၼ်ႁဵတ်းၸွမ်းဢလူဝ်ႇပေႃႈၵဝ်ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉၵေႃႉၼၼ်ႉပဵၼ်ၼွင်ႉၸၢႆးၵဝ်ၼွင်ႉယိင်းၵဝ်မႄႈၵဝ်ဢေႃႈ၊ဝႃႈၼင်ႇၼႆဢေႃႈ။