Mar 2

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆

၂

ႁႂ်ႈၵူၼ်းတိၼ်တၢႆမိုဝ်းတၢႆႁၢႆၶႅၼ်း

၁ ဝၼ်းၼိုင်ႈမၼ်းၸဝ်ႈၶိုၼ်းၶဝ်ႈၵႂႃႇၵႃႈၼႂ်းဝဵင်းၵပိူဝ်ႇၼေႇဢုမ်ႇလႄႈမိူဝ်ႈဢၼ်ငိၼ်းလွင်ႈဢၼ်မၼ်းၸဝ်ႈ ၂ မီးယူႇၵႃႈၼႂ်းႁိူၼ်းၼိုင်ႈၸိုင်ၵူၼ်းၼမ်ၼႃႇၸူႉၵၼ်တုမ်ၵၼ်ၵမ်းလဵဝ်တေႃႇထိုင်ႁွတ်ႈထၼ်ႈပေႃးႁိမ်းၼႃႈၽၵ်းတူဢမ်ႇမီးတီႈယူႇလႆႈဢေႃႈ။မၼ်းၸဝ်ႈ ၃ ႁေႃးလၢတ်ႈတြႃးတီႈၶဝ်ဢေႃႈ။မိူဝ်ႈၼၼ်ႉၵူၼ်းသီႇၵေႃႉႁၢပ်ႇဢဝ်ၵူၼ်းဢၼ်တိၼ်တၢႆမိုဝ်းတၢႆၵေႃႉၼိုင်ႈ ၄ မႃးသူင်ႇၵႃႈတီႈမၼ်းၸဝ်ႈဢေႃႈ။ၵွပ်ႈပိူဝ်ႈဢၼ်မီးၵူၼ်းၸူႉၵူၼ်းတုမ်ၼမ်ၼႃႇလႄႈၶဝ်ဢမ်ႇသုတ်ႉၸမ်မႃးတီႈမၼ်းၸဝ်ႈလႆႈလႄႈၶဝ်ၶုတ်ႉယႃႉမုင်းႁိူၼ်းဢၼ်မီးၵႃႈၼိူဝ်မၼ်းၸဝ်ႈၼၼ်ႉယဝ်ႉၸင်ႇဢဝ်ၵေႃႉဢၼ်တိၼ်တၢႆမိုဝ်းတၢႆၼၼ်ႉတၢင်ႇသႂ်ႇၵႃႈၼိူဝ်ၵူႇတီႈၼွၼ်းသေယဝ်ႉယွၼ်ႇတူၵ်းၸူးၵႃႈတီႈမၼ်းၸဝ်ႈ ၅ ဢေႃႈ။ၸဝ်ႈယေႇသုႁၼ်တၢင်းယုမ်ႇမၢတ်ႈၶဝ်ၼၼ်ႉလႄႈလၢတ်ႈတီႈၵေႃႉဢၼ်တိၼ်တၢႆမိုဝ်းတၢႆၼၼ်ႉလႄႈဝႃႈ၊-လုၵ်ႈၵဝ်ဢိူၺ်း၊ဢပျႅတ်ႈမႂ်းၸိုင်လႆႈၶၢမ်ႇ ၆ တၢင်းဢၼ်ပွႆႇလွတ်ႈယဝ်ႉ၊ဝႃႈၼင်ႇၼႆဢေႃႈ။ၵူၼ်းထုတ်ႇၵျၢမ်းၵမ်ႈၽွင်ႈဢၼ်ၼင်ႈယူႇၵႃႈတီႈၼၼ်ႉထၢင်ႇၼႂ်းၸႂ်ၶဝ်လႄႈဝႃႈ၊-ႁဵတ်းသင်လႄႈၵေႃႉၼႆႉ ၇ လၢတ်ႈၸိူဝ်ႉၼင်ႇၼႆ။မၼ်းလၢတ်ႈပူၼ်ႉလၢတ်ႈလိူဝ်ၽြႃးပဵၼ်ၸဝ်ႈယဝ်ႉ။လိူဝ်သေၽြႃးပဵၼ်ၸဝ်ႈသူႇလဵဝ်ၵူၺ်းၼၼ်ႉၽူႈလႂ်ၸၢင်ႊပွႆႇလွတ်ႈဢပျႅတ်ႈလႆႈ၊ဝႃႈ ၈ ၼင်ႇၼႆဢေႃႈ။ၸဝ်ႈယေႇသုႁူႉႁၼ်လွင်ႈဢၼ်ၶဝ်ထၢင်ႇၼႂ်းၸႂ်ၶဝ်ၼၼ်ႉလႄႈမၼ်းၸဝ်ႈလၢတ်ႈတီႈၶဝ်လႄႈဝႃႈ၊-ႁဵတ်းသင်လႄႈၼႂ်းၸႂ်သူထၢင်ႇဝႃႈၸိူဝ်ႉ ၉ ၼင်ႇၼႆ။ၵႂၢမ်းဢၼ်လႂ်ယဵင်ႈၶႅၼ်းလၢတ်ႈငၢႆႈၵႃႈတီႈၵေႃႉဢၼ်တိၼ်တၢႆမိုဝ်းတၢႆၼႆႉ။ဢပျႅတ်ႈမႂ်းလႆႈၶၢမ်ႇတၢင်းဢၼ်ပွႆႇလွတ်ႈယဝ်ႉ၊ဢၼ်ဝႃႈၼၼ်ႉလၢတ်ႈငၢႆႈႁိုဝ်။မႂ်းလုၵ်ႉလႄႈဢဝ်တီႈၼွၼ်းမႂ်းပႆတၢင်းၵႂႃႇ ၁၀ တႃႉ၊ဢၼ်ဝႃႈၼၼ်ႉလၢတ်ႈငၢႆႈႁိုဝ်။ၼင်ႇႁိုဝ်သူတၵ်းႁူႉလွင်ႈဢၼ်ဝႃႈလုၵ်ႈၵူၼ်းပိူင်ႇပွႆႇလွတ်ႈဢပျႅတ်ႈၵႃႈၼိူဝ်လိၼ်မိူင်းဢၼ်ဝႃႈၼၼ်ႉ၊မၼ်းၸဝ်ႈသမ်ႉလၢတ်ႈတီႈၵေႃႉဢၼ်တိၼ်တၢႆမိုဝ်းတၢႆၼၼ်ႉထႅင်ႈ ၁၁ လႄႈဝႃႈ၊-ၵဝ်ဝႃႈတီႈမႂ်းၸမ်းလုၵ်ႉဢဝ်တီႈၼွၼ်းမႂ်းလႄႈမိူဝ်းၵႂႃႇၵႃႈတီႈႁိူၼ်းမႂ်းပုၼ်ႉတႃႉ၊ဝႃႈၼင်ႇၼႆဢေႃႈ။ၵေႃႉၼၼ်ႉၵေႃႈလုၵ်ႉဢဝ်တီႈၼွၼ်းမၼ်းလႄႈပႆၵႂႃႇၵႃႈတီႈၽၢႆႇၼႃႈၵူၼ်းတင်းသဵင်ႈတင်းလူင်ၸိူဝ်း ၁၂ ၼၼ်ႉၵမ်းလဵဝ်ဢေႃႈ။ၵူၼ်းတင်းသဵင်ႈတင်းလူင်ၸိူဝ်းၼၼ်ႉၵႂင်ၸႂ်ယုင်ႈၸႂ်သေလႄႈယွင်ႈယေႃးၽြႃးပဵၼ်ၸဝ်ႈလႄႈဝႃႈ၊-ဢမ်ႇတွၼ်ႉလႆႈႁၼ်ၸိူဝ်ႉၼင်ႇၼႆသေပွၵ်ႈ၊ဝႃႈၼင်ႇၼႆဢေႃႈ။

ၸဝ်ႈသေႇသုႁွင်ႉဢဝ်ၵူၼ်းၵဵပ်းၶွၼ်ႇ

၁၃ လိုၼ်းၼၼ်ႉမၼ်းၸဝ်ႈသမ်ႉၵႂႃႇၵႃႈတီႈႁိမ်းၽင်ႇၼွင်ထႅင်ႈလႄႈၵူၼ်းၸူႉၵူၼ်းတုမ်ၵႃႈမီးတင်းသဵင်ႈတင်းလူင်မႃးတီႈမၼ်းၸဝ်ႈသေယဝ်ႉမၼ်းၸဝ်ႈသင်ႇသွၼ် ၁၄ ပၼ်ၶဝ်ဢေႃႈ။ၼႂ်းမိူဝ်ႈဢၼ်မၼ်းၸဝ်ႈၸွမ်းတၢင်းၵႂႃႇယူႇၼၼ်ႉၸိုင်မၼ်းၸဝ်ႈထူပ်းႁၼ်လေႇဝိ၊လုၵ်ႈၸၢႆးဢႃႇလၽေႇ၊ၼင်ႈယူႇၵႃႈတီႈၼႂ်းသုမ်ႉထဵင်ၵဵပ်းၶွၼ်ႇလႄႈမၼ်းၸဝ်ႈလၢတ်ႈတီႈမၼ်းလႄႈဝႃႈ၊-ၸွမ်းပႃႈလင်ၵဝ်တႃႉ၊ဝႃႈၼင်ႇၼႆလႄႈ၊ၵေႃႉၼၼ်ႉၵေႃႈလုၵ်ႉ ၁၅ ၸွမ်းပႃႈလင်မၼ်းၸဝ်ႈၵႂႃႇဢေႃႈ။ၼႂ်းမိူဝ်ႈဢၼ်မၼ်းၸဝ်ႈၵိၼ်ၶဝ်ႈၶမ်ႈယူႇၵႃႈၼႂ်းႁိူၼ်းၵေႃႉၼၼ်ႉၵူၼ်းၵဵပ်းၶွၼ်ႇတင်းၵူၼ်းဢၼ်မီးဢပျႅတ်ႈၼမ်ၼႃႇၵိၼ်လူၺ်ႈၵၼ်တင်းမၼ်းၸဝ်ႈတင်းတပႄးၸဝ်ႈၸိူဝ်းၼၼ်ႉဢေႃႈ။ပိူဝ်ႈဢၼ်ၵူၼ်းၼမ်ၼႃႇၸွမ်းပႃႈလင်မၼ်း ၁၆ ၸဝ်ႈၼၼ်ႉဢေႃႈ။ၵူၼ်းထုတ်ႇၵျၢမ်းဢိၵ်ႇတင်းၽႃႇရိသေးတင်းလၢႆမိူဝ်ႈဢၼ်ႁၼ်မၼ်းၸဝ်ႈၵိၼ်လူၺ်ႈၵၼ်တင်းၵူၼ်းၵဵပ်းၶွၼ်ႇတင်းၵူၼ်းဢၼ်မီးဢပျႅတ်ႈၸိူဝ်းၼၼ်ႉၸိုင်ၶဝ်လၢတ်ႈတီႈတပႄးၸဝ်ႈတင်းလၢႆလႄႈဝႃႈ၊-ႁဵတ်းသင်လႄႈမၼ်းၸဝ်ႈၵိၼ်လူၺ်ႈၵၼ်တင်းၵူၼ်းဢၼ်မီးဢပျႅတ်ႈတင်းၵူၼ်းၵဵပ်းၶွၼ်ႇၸိူဝ်း ၁၇ ၼၼ်ႉဝႃႈၼင်ႇၼႆဢေႃႈ။မိူဝ်ႈဢၼ်ၸဝ်ႈယေႇသုငိၼ်းၼၼ်ႉၸိုင်မၼ်းၸဝ်ႈလၢတ်ႈတီႈၶဝ်လႄႈဝႃႈ၊-ၶဝ်ၸိူဝ်းဢၼ်ယူႇလီၼၼ်ႉဢမ်ႇလူဝ်ႇမေႃယႃ။ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၼၼ်ႉၵူၺ်းလူဝ်ႇမေႃယႃဢေႃႈ။ၵဝ်မႃးႁႂ်ႈလႆႈႁွင်ႉဢဝ်ၵူၼ်းသိုဝ်ႈတေႃႇတင်းလၢႆဢမ်ႇၸႂ်ႈ။ၵဝ်မႃးႁႂ်ႈလႆႈႁွင်ႉဢဝ်ၵူၼ်းဢၼ်မီးဢပျႅတ်ႈတင်းလၢႆဢေႃႈ၊ဝႃႈၼင်ႇၼႆဢေႃႈ။

လွင်ႈတၢင်းဢၼ်ၵမ်တၢင်းၵိၼ်

၁၈ မိူဝ်ႈၶိင်ႇၼၼ်ႉတပႄးယုဝ်းႁၢၼ်ႇတင်းၽႃႇရိသေးၸိူဝ်းၼၼ်ႉယင်းတိုၵ်ႉၵမ်တၢင်းၵိၼ်ယူႇဢေႃႈ။ၵူၼ်းၸိူဝ်းၼၼ်ႉသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်ႈထၢမ်လႄႈဝႃႈ၊-တပႄးယုဝ်းႁၢၼ်ႇဢိၵ်ႇတင်းၽႃႇရိသေးတင်းလၢႆၸိူဝ်းၼၼ်ႉၶဝ်ၵမ်တၢင်းၵိၼ်ဢေႃႈ။ႁဵတ်းသင်လႄႈတပႄးၸဝ်ႈႁဝ်းၸိူဝ်းၼႆႉ ၁၉ ဢမ်ႇၵမ်တၢင်းၵိၼ်ၶႃႈ၊ဝႃႈၼင်ႇၼႆဢေႃႈ။ၸဝ်ႈယေႇသုၵေႃႈလၢတ်ႈလႄႈဝႃႈ၊-မိူဝ်ႈဢၼ်ၵူၼ်းသွင်ႇမင်ႇၵလႃႇမီးယူႇလူၺ်ႈၵၼ်တင်းၵေႃႉသေႈမၼ်းယူႇၼၼ်ႉၶဝ်ၸၢင်ႊၵမ်တၢင်းၵိၼ်ႁိုဝ်။ၸူဝ်ႈဢၼ်မၼ်းမီးယူႇလူၺ်ႈၵၼ်တင်းၶဝ်ၼၼ်ႉၶဝ်ဢမ်ႇၸၢင်ႊၵမ်တၢင်း ၂၀ ၵိၼ်။ၶိင်ႇၵႃႇလႃႉဢၼ်တၵ်းလႆႈဢဝ်ၵူၼ်းသွင်ႇမင်ႇၵလႃႇၽၢတ်ႇၵၼ်တင်းၵေႃႉသေႈမၼ်းတင်းလၢႆၼၼ်ႉတၵ်းႁွတ်ႈထိုင်မႃးယူႇဢေႃႈ။ၶိင်ႇမိူဝ်ႈၼၼ်ႉၶဝ် ၂၁ တၵ်းၵမ်တၢင်းၵိၼ်ဢေႃႈ။ၽူႈလႂ်ဢမ်ႇဢဝ်ၽႅၼ်ႇမႂ်ႇၽုင်ၵူပ်းၶူဝ်းၵဝ်ႇ။ပေႃးၽုင်ၸိုင်ၽႅၼ်ႇဢၼ်မႂ်ႇဢၼ်ၽုင်ၵူပ်းၼၼ်ႉတၵ်းႁုတ်ႉၸၼ်ၶူဝ်းၵဝ်ႇၼၼ်ႉလႄႈ ၂၂ ႁူးမၼ်းယဵင်ႈၶႅၼ်းတၵ်းယႂ်ႇဢေႃႈ။ပိူင်လဵဝ်ၵၼ်ၽူႈလႂ်ဢမ်ႇဢဝ်ၼမ်ႉၸပိတ်ႉဢၼ်မႂ်ႇသႂ်ႇၼႂ်းထူင်ၼင်ဢၼ်ၵဝ်ႇ။ပေႃးသႂ်ႇၸိုင်ၼမ်ႉၸပိတ်ႉဢၼ်မႂ်ႇၼၼ်ႉတၵ်းႁႂ်ႈထူင်ၼင်တႅၵ်ႇလႄႈၼမ်ႉၸပိတ်ႉတင်းထူင်ၼင်ၵေႃႈတၵ်းလူႉတၵ်းလႅဝ်ဢေႃႈ၊ဝႃႈၼင်ႇၼႆဢေႃႈ။

ၸဝ်ႈဝၼ်းၵမ်သိၼ်

၂၃ ၼႂ်းဝၼ်းၵမ်သိၼ်ဝၼ်းၼိုင်ႈမိူဝ်ႈဢၼ်မၼ်းၸဝ်ႈၽႃႇလတ်းၵႂႃႇၵႃႈၼႂ်းႁႆႊၶဝ်ႈၵျုင်ႇယူႇၼၼ်ႉၸိုင်တပႄးၸဝ်ႈတင်းလၢႆယၵ်းဢဝ်ၶဝ်ႈၵျုင်ႇလႄႈၵိၼ် ၂၄ ဢေႃႈ။ၽႃႇရိသေးတင်းလၢႆၵေႃႈလဝ်ႈလၢတ်ႈတီႈမၼ်းၸဝ်ႈလႄႈဝႃႈ၊-တူၺ်းလူႊ၊လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၼၼ်ႉႁဵတ်းသင်လႄႈ ၂၅ ၶဝ်ၸိူဝ်းၼႆႉႁဵတ်းၶႃႈ၊ဝႃႈၼင်ႇၼႆဢေႃႈ။မၼ်းၸဝ်ႈၵေႃႈလၢတ်ႈလႄႈဝႃႈ၊-သူဢမ်ႇယၢမ်ႈလႆႈၽတ်းလွင်ႈတႃႇဝိတ်ႉဢိၵ်ႇတင်းၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းၸိူဝ်းၼၼ်ႉႁဵတ်းၵႃႈၼႂ်းၵျွင်းပိၵ်ႉမၢၼ်ႇၼၼ်ႉႁိုဝ်။ ၂၆ မိူဝ်ႈဢၼ်ၶဝ်ဢိုပ်းတၢင်းၵိၼ်ၼၼ်ႉမၼ်းၶဝ်ႈၵႂႃႇၵႃႈၼႂ်းႁိူၼ်းၽြႃးပဵၼ်ၸဝ်ႈသေယဝ်ႉၵိၼ်ၶဝ်ႈမုၼ်းဢၼ်ယိတ်ႉပရေႃးႁိၵ်ႈၶဝ်ၵူၺ်းထုၵ်ႇလီၵိၼ်ၼၼ်ႉသေယဝ်ႉ ၂၇ သမ်ႉဢဝ်ပၼ်တီႈၶဝ်ၸိူဝ်းဢၼ်မီးယူႇလူၺ်ႈၵၼ်တင်းမၼ်းၼႂ်းၸူဝ်ႈပၢၼ်ယိတ်ႉပရေႃးႁိၵ်ႈလူင်ဢႃႇပျႃႇထႃႇၼၼ်ႉဢေႃႈ။ဝၼ်းၵမ်သိၼ်ပဵၼ်ပုၼ်ႈၵူၼ်း ၂၈ ဢေႃႈ။ၵူၼ်းပဵၼ်ပုၼ်ႈဝၼ်းၵမ်သိၼ်ဢမ်ႇၸႂ်ႈ။ပိူဝ်ႈၼႆလႄႈလုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ဝႃႈၼင်ႇၼႆဢေႃႈ။

ထမ်ႇမ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ

ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ