Shan Missions

၉

ပတိၺိၺ်ႇၽြႃးပဵၼ်ၸဝ်ႈတီႈၼုဝ်းဢႃႇ

၁ၽြႃးပဵၼ်ၸဝ်ႈၵေႃႈ ပၼ်တၢင်းလီတီႈ ၼုဝ်းဢႃႇတင်းလုၵ်ႈလၢင်းမၼ်းတင်းလၢႆလႄႈဝႃႈ၊- သူၵိူတ်ႇလဵင်ႉလုၵ်ႈလဵင်ႉလၢင်းလႄႈ ယႂ်ႇၽႄႈၼမ်ၵိုၼ်းတႃႉ။

၂ ႁႂ်ႈတဵမ်လိၼ်မိူင်းတႃႉ။တရိၵ်ႈသၢၼ်ႇဢၼ်မီးၵႃႈၼိူဝ်လိၼ်ၵူႈၸိူဝ်ႉၵူႈမဵဝ်း ဢိၵ်ႇတင်း ၼူၵ်ႉၵၢင်ႁၢဝ်ၵူႈၸိူဝ်ႉၵူႈမဵဝ်းတင်းသဵင်ႈတင်းလူင် တၵ်းလႆႈမီးသၽေႃးဢၼ်ၵူဝ်ဢၼ်ႁႄၵႃႈတီႈၽၢႆႇၼႃႈသူဢေႃႈ။ၵဝ်ဢဝ်ၸႃႉၸဵမ် ၵႃႈဢၼ်ၸၢင်ႊတူင်ႉၸၢင်ႊၼိုင်ၵႃႈၼိူဝ်လိၼ်ဢိၵ်ႇတင်းပႃႊပၢင်ႇလၢႆ တင်းသဵင်ႈတင်းလူင်ဢၢပ်ႈ ပၼ်ၵႃႈၼႂ်းမိုဝ်းသူဢေႃႈ။

၃ ၵႃႈဢၼ်ဢသၢၵ်ႈလိပ်းယူႇလႄႈၸၢင်ႊတူင်ႉၸၢင်ႊၼိုင်ၼၼ်ႉ တၵ်းလႆႈပဵၼ်ပုၼ်ႈဢၼ်သူတၵ်းၵိၼ်ဢေႃႈ။ ၵဝ်ဢဝ်ၵႃႈမီးတင်းသဵင်ႈတင်းလူင်ဢၢပ်ႈပၼ်တီႈသူ မိူၼ်ၸိူဝ်ႉၼင်ႇမၢၵ်ႇၸိူဝ်ႉ ၼင်ႇမႂ်ႊႈဢၼ်ၵဝ်ပၼ်ၼၼ်ႉဢေႃႈ။

၄ ၵူၺ်းၵႃႈဢမ်ႇလႆႈၵိၼ်ၼိူဝ်ႉဢၼ်လိူတ်ႈ ဢသၢၵ်ႈယင်းမီးယူႇၵႃႈၼႂ်းမၼ်းၼၼ်ႉ။ ပုၼ်ႈလိူတ်ႈဢသၢၵ်ႈသူၼၼ်ႉၵဝ်တၵ်းယွၼ်း ဢဝ်ၶိုၼ်းဢေႃႈ။

၅ ၵဝ်တၵ်းယွၼ်းဢဝ်ၶိုၼ်း ၵႃႈတီႈတရိၵ်ႈသၢၼ်ႇၵူႈတူဝ်ဢေႃႈ။ၵႃႈတီႈၵူၼ်းၵူႈၵေႃႉၵေႃႈၵဝ်တၵ်းယွၼ်းဢဝ်ၶိုၼ်း ပုၼ်ႈဢသၢၵ်ႈၵူၼ်းၼၼ်ႉ ဢေႃႈ။

၆ ၽူႈလႂ်သေဢမ်ႇဝႃႈၵေႃႉဢၼ်ထွၵ်ႇလိူတ်ႈၵူၼ်းပႅတ်ႈၼၼ်ႉ လိူတ်ႈမၼ်းၵေႃႈတေလႆႈၶၢမ်ႇတၢင်းဢၼ်ၵူၼ်းထွၵ်ႇပႅတ်ႈဢေႃႈ။လွင်ႈမၼ်းၸမ်းၽြႃးပဵၼ်ၸဝ်ႈႁဵတ်းပဵၼ်ၵူၼ်း ၸွမ်းၼင်ႇပုင်ႇႁၢင်ႊမၼ်းၸဝ်ႈဢေႃႈ။

၇ သူၵိူတ်ႇလဵင်ႉလုၵ်ႈလဵင်ႉလၢင်းလႄႈ ယႂ်ႇၽႄႈၼမ်ၵိုၼ်းမႃးတႃႉ။ ၵိူတ်ႇလဵင်ႉယႂ်ႇယႂ်ႇၼမ်ၼမ်ၵႃႈၼိူဝ်လိၼ်မိူင်းလႄႈ ယႂ်ႇၽႄႈၼမ်ၵိုၼ်းမႃးတႃႉ၊ ဝႃႈၼင်ႇၼႆဢေႃႈ။

၈ ၵမ်းၼၼ်ႉၽြႃးပဵၼ်ၸဝ်ႈသမ်ႉလၢတ်ႈတီႈ ၼုဝ်းဢႃႇဢိၵ်ႇတင်း လုၵ်ႈမၼ်းလၢင်းမၼ်းတင်းလၢႆလႄႈဝႃႈ ၸမ်း၊-

၉ ၵဝ်တူဝ်ၸဝ်ႈၵဝ်ႇႁဵတ်းပတိၺိၺ်ႇလူၺ်ႈၵၼ်တင်းသူ ဢိၵ်ႇတင်း ၸိူဝ်ႉၶိူဝ်းသူဢၼ်တၵ်းပဵၼ်မႃးမိူဝ်းၼႃႈ တင်းတရိၵ်ႈသၢၼ်ႇဢၼ်ဢသၢၵ်ႈလိပ်းယူႇၵႃႈတီႈသူဢၼ်ဝႃႈၼူၵ်ႉ၊ တူဝ်ယိၼ်ႇတူဝ်ငႄႈ၊ တူဝ် ထိူၼ်ႇၵႃႈၼိူဝ်လိၼ်

၁၀ ၵႃႈမီးတင်းသဵင်ႈတင်းလူင်ၸႃႉၸဵမ် ၵႃႈဢၼ်ဢွၵ်ႇသေၵႃႈၼႂ်းႁိူဝ်းသၢင်းၽေႃးလႄႈတရိၵ်ႈသၢၼ်ႇၵႃႈၼိူဝ်လိၼ်ၵႃႈမီး တင်းသဵင်ႈတင်းလူင်ၼၼ်ႉဢေႃႈ။

၁၁ ပတိၺိၺ်ႇဢၼ်ၵဝ်ႁဵတ်းလူၺ်ႈ ၵၼ်တင်းသူၸမ်း၊ၵမ်းလိုၼ်း သတ်ႉတဝႃႇ ၵႃႈမီးတင်းသဵင်ႈတင်းလူင်တၵ်းဢမ်ႇလႆႈသုမ်းလူၺ်ႈ တၢင်းဢၼ်ၼမ်ႉထုမ်ႈမိူင်း။ၵမ်းလိုၼ်းတၢင်းဢၼ်ၼမ်ႉထုမ်ႈမိူင်း တၵ်းဢမ်ႇလႆႈမီးပုၼ်ႈဢၼ်တၵ်းယႃႉၽဵဝ်ႈလိၼ်မိူင်းပႅတ်ႈ၊ ဝႃႈၼင်ႇၼႆဢေႃႈ။

၁၂ လိူဝ်သေၼၼ်ႉၽြႃးပဵၼ်ၸဝ်ႈဝႃႈ၊- လၢၵ်ႈၶၼႃႇသၢၵ်ႈသေႇပတိၺိၺ်ႇ ဢၼ်ၵဝ်ႁဵတ်းဝူင်ႈၵၢင်ၵဝ်တင်းၸႃႉၸဵမ်သူတင်း တရိၵ်ႈသၢၼ်ႇၵႃႈဢၼ်ဢသၢၵ်ႈလိပ်းယူႇ ၵႃႈတီႈသူၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်ႈတၢမ်ႈဢမ်ႇထၢတ်ႇၼၼ်ႉၸမ်း၊ ၵဝ်ဢဝ်ႁူင်းႁႆးၵဝ်ဝႆႉတီႈ မွၵ်ႇၵုမ်ႈဢေႃႈ။

၁၃ ဢၼ်ၼၼ်ႉ တၵ်းပဵၼ်လၢၵ်ႈၶၼႃႇသၢၵ်ႈသေႇပတိၺိၺ်ႇ ဢၼ်ၵဝ်ႁဵတ်းလူၺ်ႈၵၼ်တင်း လိၼ်မိူင်းဢေႃႈ။

၁၄ မိူဝ်ႈဢၼ်ၵဝ်ႁႂ်ႈၽူၼ်ၵုမ်ႈမႃးၼၼ်ႉၸိုင်ႁူင်းႁႆးၼၼ်ႉတၵ်းထၢင်ႇသႃးၵႃႈတီႈမွၵ်ႇၵုမ်ႈဢေႃႈ။

၁၅ မိူဝ်ႈၼၼ်ႉၵဝ်တၵ်းၶုၵ်းၸႂ်လႆႈၶႆႈၸႂ်ထူပ်း ပတိၺိၺ်ႇၵဝ်ဢၼ်မီးဝူင်ႈၵၢင်ၵဝ်တင်းၸႃႉၸဵမ်သူလႄႈ သတ်ႉတဝႃႇတရိၵ်ႈသၢၼ်ႇၵႃႈဢၼ်ဢသၢၵ်ႈလိပ်းယူႇ တင်းသဵင်ႈ တင်းလူင်ၼၼ်ႉဢေႃႈ။

၁၆ ၵမ်းလိုၼ်းတၢင်းဢၼ်ၼမ်ႉထုမ်ႈမိူင်းႁႂ်ႈလႆႈယႃႉၽဵဝ်ႈသတ်ႉတဝႃႇ တင်းသဵင်ႈတင်းလူင်ပႅတ်ႈၼၼ်ႉတၵ်းဢမ်ႇလႆႈမီး။ၵဝ်တၵ်းတူၺ်းႁူင်းႁႆးဢၼ်မီးၵႃႈတီႈမွၵ်ႇၵုမ်ႈၼၼ်ႉသေလႄႈ ၶုၵ်းၸႂ်လႆႈၶႆႈၸႂ်ထူပ်းပတိၺိၺ်ႇထႃႇဝရႃႉ ဢၼ်မီးဝူင်ႈၵၢင်ၽြႃးပဵၼ်ၸဝ်ႈတင်းသတ်ႉတဝႃႇတရိၵ်ႈသၢၼ်ႇ ဢၼ်ဢသၢၵ်ႈလိပ်းယူႇၵႃႈၼိူဝ်လိၼ်မိူင်းၼၼ်ႉဢေႃႈ၊ ဝႃႈၼင်ႇၼႆဢေႃႈ။

၁၇ လိူဝ်သေၼၼ်ႉၽြႃးပဵၼ်ၸဝ်ႈဝႃႈ၊-ဢၼ်ၼႆႉၸမ်း၊ပဵၼ်လၢၵ်ႈၶၼႃႇသၢၵ်ႈသေႇပတိၺိၺ်ႇ ဢၼ်ၵဝ်ႁဵတ်းဝႆႉဝူင်ႈၵၢင်ၵဝ် တင်းသတ်ႉတဝႃႇဢၼ်မီးၵႃႈၼိူဝ်လိၼ်မိူင်းတင်းသဵင်ႈတင်းလူင်ၼၼ်ႉဢေႃႈ၊ဝႃးၼင်ႇၼႆဢေႃႈ။

၁၈ လုၵ်ႈၸၢႆး ၼုဝ်းဢႃႇ ဢၼ်ဢွၵ်ႇသေၵႃႈၼႂ်းႁိူဝ်းသၢင်းၽေႃးလႄႈလူင်းၵွႃႇၼၼ်ႉၸမ်းပဵၼ် သေႇမ၊ ႁႃႇမ၊တင်း ယႃႇၽိတ်ႉ ဢေႃႈ။ ႁႃႇမ ပဵၼ်ပေႃႈ ၶႃႇၼၼ်ႇဢေႃႈ။

၁၉ ၶဝ်သၢမ်ၵေႃႉၼၼ်ႉပဵၼ်လုၵ်ႈၸၢႆး ၼုဝ်းဢႃႇ လႄႈသိုပ်ႇၵႃႈတီႈၶဝ်ၼၼ်ႉလူင်းမႃး ၸွတ်ႇတူဝ်ႈၵႃႈၼိူဝ်လိၼ်မိူင်းတင်းသဵင်ႈတင်းလူင်ဢေႃႈ။

၂၀ ၼုဝ်းဢႃႇ ၸႃႉပွင်ၸႃႉႁဵတ်းတၢင်းဢၼ်လုမ်းလႃးႁႆႊၼႃးလႄႈ ၽုၵ်ႇသွမ်ႈသူၼ်ဢူးယဵၼ်ႇမၢၵ်ႇၸပိတ်ႉဢေႃႈ။

၂၁မၼ်းၵိၼ်ၼမ်ႉၸပိတ်ႉမဝ်းသေယဝ်ႉ ယင်းဢမ်ႇႁူမ်ႇဢမ်ႇမႆႊၶူဝ်းၼုင်ႈလႄႈ ယူႇၵႃႈၼႂ်းသုမ်ႉထဵင်မၼ်းဢေႃႈ

၂၂ ႁႃႇမ ဢၼ်ပဵၼ်ပေႃႈ ၶႃႇၼၼ်ႇ ၼၼ်ႉ ႁၼ်လွင်ႈဢၼ်ပေႃႈမၼ်း ယူႇတူဝ်ပူၺ်ယူႇၼၼ်ႉလႄႈ မၼ်းမွၵ်ႇလၢတ်ႈတီႈပီႈဢၢႆႈမၼ်းသွင်ၵေႃႉ ဢၼ်မီးၵႃႈတီႈ ၽၢႆႇၼွၵ်ႈၼၼ်ႉဢေႃႈ။

၂၃ သေႇမ တင်း ယႃႇၽိတ်ႉၼၼ်ႉၵေႃႈ ဢဝ်ၶူဝ်းၼုင်ႈတၢင်းမႆႊတၢင်ႇၵႃႈၼိူဝ်ႁူဝ်မႃႇသွင်ၶႃသေယဝ်ႉ ႁူၼ်လင်သုတ်ႉၸူးလႄႈႁူမ်ႇပၼ်တူဝ်ပူၺ်ပေႃႈၶဝ်ၼၼ်ႉဢေႃႈ။ သွင်ၶႃၼၼ်ႉဝၢႆႇၼႃႈဢွၵ်ႇၽၢႆႇတၢင်းၼွၵ်ႈယူႇလႄႈ ၶဝ်ဢမ်ႇႁၼ်တူဝ်ပူၺ်ပေႃႈၶဝ်ၼၼ်ႉ။

၂၄ ၼုဝ်းဢႃႇ ၼၼ်ႉၶိုၼ်းၸိုၼ်မႃးလႄႈ ႁူႉလွင်ႈတၢင်းဢၼ်လုၵ်ႈၸၢႆးၵေႃႉလဵၵ်ႉႁဵတ်းၼၼ်ႉသေယဝ်ႉ လၢတ်ႈလႄႈဝႃႈ၊-

၂၅ ႁႂ်ႈ ၶႃႇၼၼ်ႇ ၶၢမ်ႇတၢင်းၵိၼ်ႇတၢင်းဝႃႈသေၵမ်းလူၺ်ႈ။ႁႂ်ႈမၼ်းပဵၼ်ၶႃႈၵႃႈတႂ်ႈပိူၼ်ႈၼႂ်းၶႃႈပီႈဢၢႆႈမၼ်းတင်းလၢႆၼၼ်ႉသေၵမ်းလူၺ်ႈ၊ ဝႃႈၼင်ႇ ၼႆဢေႃႈ။

၂၆ ၵမ်းၼၼ်ႉမၼ်းသမ်ႉလၢတ်ႈလႄႈဝႃႈ၊- ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈ သေႇမ ၼၼ်ႉမီးမင်ႇၵလႃႇသေၵမ်းလူၺ်ႈ။ႁႂ်ႈ ၶႃႇၼၼ်ႇ ပဵၼ်ၶႃႈ သေႇမ သေၵမ်းလူၺ်ႈ။

၂၇ ႁႂ်ႈၽြႃးပဵၼ်ၸဝ်ႈႁဵတ်းႁႂ်ႈလႅၼ်လိၼ် ယႃႇၽိတ်ႉ ယႂ်ႇၵႂၢင်ႈမႃးသေယဝ်ႉႁႂ်ႈလႆႈယူႇၵႃႈၼႂ်းသုမ်ႉထဵင် သေႇမ သေၵမ်းလူၺ်ႈ။ႁႂ်ႈၶႃႇၼၼ်ႇ ပဵၼ်ၶႃႈမၼ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။

၂၈ ဝၢႆးသေၼမ်ႉထုမ်ႈမိူင်းယဝ်ႉၼၼ်ႉ ၼုဝ်းဢႃႇ ဢသၢၵ်ႈ လိပ်းသၢမ်ပၢၵ်ႇပၢႆႁႃႈသိပ်းပီႊဢေႃႈ။

၂၉ မိူဝ်ႈဢၼ်ဢသၢၵ်ႈမၼ်းထူၼ်ႈတဵမ်ၵဝ်ႈ ပၢၵ်ႇပၢႆႁႃႈသိပ်းပီႊၼၼ်ႉမၼ်းတၢႆသေဢေႃႈ။