ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၄၃
တၢင်းဢၼ်ၵွႃႇမိူင်းဢေႇၵႅပ်ႉတုပွၵ်ႈသွင်
၁ ၵႃႈတီႈမိူင်းၶႃႇၼၼ်ႇ ၼၼ်ႉၶဝ်ႈၵႃႊမၢၵ်ႇပႅင်းၼႃႇလူင်လၢင်လႄႈ မိူဝ်ႈဢၼ်ၶဝ်ၵိၼ်ၶဝ်ႈၵျုင်ႇဢၼ်ၶဝ် ဢဝ်ၵႃႈတီႈမိူင်းဢေႇၵႅပ်ႉတုမႃးၼၼ်ႉသဵင်ႈမူတ်းယဝ်ႉၸိုင်၊ပေႃႈၶဝ်ၵေႃႈလၢတ်ႈတီႈၶဝ်လႄႈဝႃႈ၊-
၂ သမ်ႉၵွႃႇလႄႈ သိုဝ်ႉဢဝ်ပုၼ်ႈဢၼ်ႁဝ်းတၵ်းၵိၼ်ၼၼ်ႉမႃးထႅင်ႈ တႃႉ၊ဝႃႈၼင်ႇၼႆဢေႃႈ။
၃ ယုတ ၵေႃႈၶိုၼ်းလၢတ်ႈတီႈမၼ်းလႄႈဝႃႈ၊-ၵေႃႉၼၼ်ႉလွၵ်ႇငိူတ်ႈတီႈႁဝ်းၶႃႈၼႃႇလူင်လၢင်ၼၼ်ႉလၢတ်ႈဝႆႉဝႃႈ၊-ပေႃးၼွင်ႉၸၢႆးသူဢမ်ႇပႃးလူၺ်ႈၵၼ်တင်းသူမႃးၸိုင် သူဢမ်ႇလႆႈႁၼ်ၼႃႈ ၵဝ်ၵူၺ်း၊ဝႃႈၼင်ႇၼႆၶႃႈယဝ်ႉ။
၄ ပေႃးပေႃႈႁဝ်းပွႆႇၸႂ်ႉၼွင်ႉၸၢႆးႁဝ်းၶႃႈၵွႃႇလူၺ်ႈတင်းႁဝ်းၶႃႈၸိုင်၊ ႁဝ်းၶႃႈတၵ်းလူင်းၵွႃႇလႄႈ သိုဝ်ႉဢဝ်ပုၼ်ႈဢၼ်ပေႃႈႁဝ်းတၵ်း ၵိၼ်ၼၼ်ႉမႃးၶႃႈဢေႃႈ။
၅ ပေႃးပေႃႈႁဝ်းဢမ်ႇပၼ်မၼ်းၵွႃႇၸိုင်၊ႁဝ်းၶႃႈဢမ်ႇလူင်းၵွႃႇၶႃႈၵူၺ်း။ လွင်ႈမၼ်းၸမ်း၊ၵေႃႉၼၼ်ႉလၢတ်ႈဝႃႈ၊-ပေႃးၼွင်ႉၸၢႆးသူဢမ်ႇပႃးလူၺ်ႈၵၼ်တင်းသူမႃးၸိုင်၊ သူဢမ်ႇလႆႈႁၼ်ၼႃႈၵဝ်ၵူၺ်း၊ဝႃႈၼင်ႇၼႆဝႆႉၶႃႈယဝ်ႉ၊ဝႃႈၼင်ႇၼႆဢေႃႈ။
၆ ဢိသရေႇလ ၵေႃႈလၢတ်ႈလႄႈဝႃႈ၊-ႁဵတ်းႁိုဝ်လႄႈသူလၢတ်ႈလွင်ႈဢၼ် သူယင်းမီးၼွင်ႉၸၢႆးၼၼ်ႉတီႈၵေႃႉၼၼ်ႉလႄႈ ၼိၵ်ႈၸၢၵ်ႈငႅၼ်းသေးၵဝ်ၸိူဝ်ႉၼႆမိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈၶိုၼ်းလၢတ်ႈလႄႈဝႃႈ၊-
၇ ၵေႃႉၼၼ်ႉၸႅတ်ႈထၢမ်လွင်ႈႁဝ်းၶႃႈ ဢိၵ်ႇတင်းလွင်ႈၸိူဝ်ႉၶိူဝ်းႁဝ်းၶႃႈၼႃႇလူင်လၢင်လႄႈဝႃႈ၊-ပေႃႈသူယင်းဢသၢၵ်ႈယင်းလိပ်းယူႇႁိုဝ်။ သူမီးၼွင်ႉၸၢႆးထႅင်လူးၵွၼ်ႇႁိုဝ်၊ ဝႃႈၼင်ႇၼႆလႄႈႁဝ်းၶႃႈၵေႃႈ လႆႈၶိုၼ်းလၢတ်ႈၼႄတင်းသဵင်ႈၶႃႈဢေႃႈ။ႁဝ်ႈၶႃႈဢမ်ႇႁူႉဢၼ်မၼ်းတၵ်းဝႃႈ၊- ပႃးဢဝ်ၼွင်ႉၸၢႆးသူလူင်းမႃးတႃႉ၊ ဝႃႈၼင်ႇၼႆၶႃႈ၊ဝႃႈၼႆဢေႃႈ။
၈ ယုတ ၵေႃႈသမ်ႉလၢတ်ႈတီႈပေႃႈမၼ်းဢိသရေႇလ ၼၼ်ႉထႅင်ႈလႄႈဝႃႈ၊- ပွႆႇလုၵ်ႈဢွၼ်ႇၼႆႉၵွႃႇလူၺ်ႈၵၼ်တင်းၵဝ်ၶႃႈသေၵမ်း။ပေႃးႁဵတ်းၸိူဝ်ႉၼင်ႇၼၼ်ၸင်ႇ ၸႃႉၸဵမ်ပေႃႈႁဝ်းလႄႈႁဝ်းၶႃႈဢိၵ်ႇတင်းလုၵ်ႈဢွၼ်ႇႁဝ်းၶႃႈၸိူဝ်းၼႆႉတၵ်းဢမ်ႇလႆႈတၢႆလႄႈဢသၢၵ်ႈလိပ်းၶႃႈဢေႃႈ။ ႁဝ်းၶႃႈ တၵ်းဢွၼ်ၵၼ်လုၵ်ႉလႄႈၵွႃႇထႅင်ႈၶႃႈဢေႃႈ။
၉ ၵဝ်ၶႃႈတၵ်းပဵၼ်ၵေႃႉဢၼ်ဢဝ်ပုၼ်ႈၽွၼ်းပုၼ်ႈမၼ်း ၶႃႈဢေႃႈ။ပေႃးၵဝ်ၶႃႈဢမ်ႇဢဝ်မၼ်းၶိုၼ်းမႃးလႄႈဢမ်ႇဢဝ်မၼ်းၶိုၼ်းဝႆႉၵႃႈတီႈၽၢႆႇၼႃႈပေႃႈႁဝ်းၸိုင်၊ ႁႂ်ႈၵဝ်ၶႃႈလႆႈၶၢမ်ႇဢပျႅတ်ႈတီႈပေႃႈႁဝ်းယူႇ တႃႇသေႇဢမ်ႇ ထၢတ်ႇသေၵမ်းလူၺ်ႈ။
၁၀ သင်ဢမ်ႇႁဵတ်းထိူင်းႁဵတ်းၼၢၼ်းယူႇထၢၼ်ႇၼႆႉၸိုင်၊ ႁဝ်းၶႃႈယင်းပေႃးတၵ်းလႆႈၶိုၼ်းႁွတ်ႈမႃးထူၼ်ႈထိုင်သွင်ပွၵ်ႈယဝ်ႉၶႃႈယဝ်ႉ၊ ဝႃႈ ၼင်ႇၼႆဢေႃႈ။
၁၁ ပေႃႈၶဝ်ႈဢိသရေႇလၼၼ်ႉၵေႃႈလၢတ်ႈတီႈၶဝ်လႄႈဝႃႈ၊- ပေႃးပဵၼ်ၸိူဝ်ႉၼင်ႇၼႆၸိုင်ႁဵတ်းၸိူဝ်ႉၼင်ႇၼႆတႃႉ။ ဢွၼ်ၵၼ်ဢဝ်ဢၼ်လီသေပိူၼ်ႈဢၼ်ပဵၼ်ယၢင်ပလၸၢမ်ႇ ဢိတ်းၼိုင်ႈ၊ ၼမ်ႉၽိုင်ႈဢိတ်းၼိုင်ႈ၊ၼၢမ်ႇသႃႇ၊ယၢင်မူႉရၢၼ်ႇလႂ်၊မၢၵ်ႇတူဝ်ႇတင်းမၢၵ်ႇပႃႇတမ်ႇလ ၵႃႈတီႈမိူင်းၶႃႇၼၼ်ႇ ၼႆႉသေလႄႈ သႂ်ႇၵႃႈၼႂ်းထူင်သူသေယဝ်ႉဢဝ်ၵွႃႇႁႂ်ႈလႆႈႁဵတ်း လၵ်ႈသွင်ႇတီႈၵေႃႉၼၼ်ႉတႃႉ။
၁၂ ၵႃႈၼႂ်းမိုဝ်းသူၵေႃႈပႃးဢဝ်ငိုၼ်းသွင်ပုၼ်ႊၵွႃႇတႃႉ။ငိုၼ်းဢၼ်ပႃးမႃးၼႂ်းထူင်သူၼၼ်ႉ ၵေႃႈသမ်ႉၶိုၼ်းပႃးဢဝ်ၵွႃႇၵႃႈၼႂ်းမိုဝ်းသူလႄႈဝႃႈ၊- လွင်ႈတၢင်းၼႆႉၸၢင်ႊၶေးလႆႈပဵၼ်မႃးၵွပ်ႈပိူဝ်ႈ ဢမ်ႇမီးသတိၼၼ်ႉၵူၺ်းဢေႃႈ၊ဝႃႈၼႆတႃႉ။
၁၃ ပႃးဢဝ်တင်းၼွင်ႉၸၢႆးသူလႄႈ ဢွၼ်ၵၼ်လူင်းၵွႃႇၵႃႈတီႈၵေႃႉၼၼ်ႉတႃႉ။လွင်ႈၼင်ႇႁိုဝ်ၵေႃႉၼၼ်ႉတၵ်းပွႆႇပီႈဢၢႆႈသူဢိၵ်ႇတင်း ပိၼ်ႇယႃႇမိၼ်ႇ ၸိုင်ၶႅၼ်းတေႃႈႁႂ်ႈၽြႃးပဵၼ်ၸဝ်ႈၸဝ်ႈဢၼၼ်ႇတႃႉတၼ်းၶူဝ်းၼၼ်ႉ ဢိတ်းလူပၼ်ဢၶႂၢင်ႉ ႁႂ်ႈသူလႆႈထူပ်းၵျေးၸူးသိုဝ်ႈၼႃႈတႂ်ႈ တႃၵေႃႉၼၼ်ႉသေၵမ်းလူၺ်ႈ။
၁၄ ပေႃးၵဝ်တၵ်းလႆႈၶၢမ်ႇမႆႈၸႂ်ပုၼ်ႈလုၵ်ႈၸၢႆးၵဝ်တင်းလၢႆၸိုင် ၵဝ်ယင်းပေႃးလႆႈၶၢမ်ႇဝႆႉယဝ်ႉ၊ဝႃႈၼင်ႇၼႆဢေႃႈ။
၁၅ ၶဝ်ၵေႃႈ ဢွၼ်ၵၼ်ဢဝ်လၢၵ်ႈသွင်ႇဢိၵ်ႇတင်းငိုၼ်းသွင်ပုၼ်ႊတင်းပိၼ်ႇယႃႇမိၼ်ႇ သေယဝ်ႉလူင်းၵွႃႇၵႃႈတီႈမိူင်းဢေႇၵႅပ်ႉတု လႄႈၸုၵ်းယူႇၵႃႈတီႈၽၢႆႇၼႃႈယုဝ်းသႅပ်ႉ ဢေႃႈ။
၁၆ မိူဝ်ႈဢၼ် ယုဝ်းသႅပ်ႉ ႁၼ်ပိၼ်ႇယႃႇမိၼ်ႇပႃးမႃးလူၺ်ႈၵၼ်တင်းၶဝ်ၼၼ်ႉၸိုင် မၼ်းႁွင်ႉဢဝ်ၵူၼ်းဢုပ်ႉၵူၼ်းထိင်းႁိူၼ်းမၼ်းလႄႈလၢတ်ႈဝႃႈ၊-ႁွင်ႉဢဝ်ၵူၼ်းၸိူဝ်းၼႆႉၵွႃႇၵႃႈတီႈႁိူၼ်းတႃႉ။ဢဝ်တူဝ်သတ်းတၢႆလႄႈမႄးႁႅၼ်းပုၼ်ႈဢၼ်ၶဝ်တၵ်းၵိၼ်ၼၼ်ႉတႃႉ။မိူဝ်ႈၶိင်ႇၵၢင်ဝၼ်းတဵင်ႈၵူၼ်းၸိူဝ်းၼႆႉ တၵ်းလႆႈၵိၼ်လူၺ်ႈၵၼ်တင်းၵဝ်ဢေႃႈ၊ဝႃႈၼင်ႇၼႆလႄႈ ၵေႃႉၼၼ်ႉၵေႃႈႁွင်ႉဢဝ်ၵူၼ်းၸိူဝ်းၼၼ်ႉၵွႃႇၵႃႈတီႈႁိူၼ်း ယုဝ်းသႅပ်ႉ ဢေႃႈ။
၁၇ ၵူၼ်းၸိူဝ်းၼၼ်ႉ ၵွပ်ႈပိူဝ်ႈလႆႈၶၢမ်ႇႁွင်ႉၵွႃႇၵႃႈတီႈႁိူၼ်းယုဝ်းသႅပ်ႉ ၼၼ်ႉလႄႈၶဝ်ၵူဝ်ႁႄၼႃႇလႄႈဝႃႈ၊-
၁၈ ၵွပ်ႈပိူဝ်ႈငိုၼ်း ဢၼ်ၶိုၼ်းပႃးၵွႃႇၵႃႈၼႂ်းထူင်ႁဝ်းပွၵ်ႈဢွၼ်တၢင်းၼၼ်ႉလႄႈ ႁဝ်းတၵ်းလႆႈၶၢမ်ႇတၢင်းဢၼ်ႁွင်ႉဢဝ်ဝႆႉႁႂ်ႈမၼ်းလႆႈလေႃႈၽၢင်ႈသႂ်ႇႁဝ်းလႄႈ ယႃႉယူၵ်ႉႁဝ်း ႁႂ်ႈႁဝ်းလႆႈၶၢမ်ႇႁဵတ်းၶႃႈမၼ်းလႄႈသိမ်းဢဝ်မႃႉ လီႈႁဝ်းၸိူဝ်းၼႆႉယဝ်ႉ၊ဝႃႈၼင်ႇၼႆဢေႃႈ။
၁၉ ၶဝ်ၼၼ်ႉ ဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈၵူၼ်းဢုပ်ႉၵူၼ်းထိင်းႁိူၼ်းယုဝ်းသႅပ်ႉ ၼၼ်ႉလႄႈတၵ်းလၢတ်ႈ မၼ်းၵႃႈတီႈႁိမ်းၽၵ်းတူႁိူၼ်းၼၼ်ႉလႄႈဝႃႈ၊-
၂၀ ၸဝ်ႈႁဝ်း ၵမ်းဢွၼ်တၢင်းၼၼ်ႉႁဝ်းၶႃႈလူင်းမႃးႁႂ်ႈလႆႈသိုဝ်ႉဢဝ်တၢင်းၵိၼ်တၢင်းၶူပ်း ဢမၢၼ်ႇၶၼ်ပဵၼ်ၶႃႈဢေႃႈ။
၂၁ မိူဝ်ႈဢၼ်ႁဝ်းၶႃႈ ၶိုၼ်းမိူဝ်းၵွႃႇႁွတ်ႈထိုင်ၵႃႈတီႈပၢင်ႇလိုဝ်ႈလႄႈ ၽုၺ်ႇထူင်ႁဝ်းၶႃႈၼၼ်ႉငိုၼ်းဢၼ်ၸၢပ်ႈသႅင်ႇၵၼ်တင်းႁဝ်းၶႃႈႁင်းၽႂ်ႁင်းမၼ်းၼၼ်ႉ ယင်းဢမ်ႇယွမ်းသေဢိတ်းလႄႈ မီးယူႇၵႃႈတီႈပၢၵ်ႇထူင်ဝႆႉၶႃႈဢေႃႈ။ငိုၼ်းၸိူဝ်းၼၼ်ႉႁဝ်းၶႃႈသမ်ႉဢဝ်ၶိုၼ်းမႃး ၶႃႈယဝ်ႉ။
၂၂ ႁဝ်းၶႃႈသမ်ႉယင်းပႃးငိုၼ်းဢၼ်တၵ်းလႆႈမႃးသိုဝ်ႉဢဝ်တၢင်းၵိၼ်တၢင်းၶူပ်းၼၼ်ႉၶႃႈဢေႃႈ။ႁဝ်းၶႃႈဢမ်ႇႁူႉလွင်ႈဢၼ်ၽူႈလႂ်ဢဝ်ငိုၼ်းၼၼ်ႉၶိုၼ်းသႂ်ႇဝႆႉၵႃႈၼႂ်းထူင်ႁဝ်းၶႃႈၼၼ်ႉၶႃႈ၊ မိူဝ်ႈဢၼ်ဝႃႈၼင်ႇၼႆ ၸိုင်၊ၵေႃႉၼၼ်ႉၵေႃႈလၢတ်ႈဝႃႈ၊-
၂၃ ႁႂ်ႈမီးတၢင်းၼိမ်သေၵမ်းလူၺ်ႈ။ယႃႇပေမႆႈၸႂ်ၶီၸႂ်။ငိုၼ်းသူၼၼ်ႉၸိုင်ၵဝ်လႆႈၶၢမ်ႇဢဝ်ယဝ်ႉယဝ်ႉ၊ ဝႃႈၼင်ႇၼႆသေယဝ်ႉ၊ ဢဝ်သိမုၼ်ႇ ဢွၵ်ႇလႄႈဢၢပ်ႈပၼ်တီႈၶဝ်ဢေႃႈ။
၂၄ ၵေႃႉၼၼ်ႉဢဝ်ၶဝ်သႂၢင်းဝႆႉၵႃႈၼႂ်းႁိူၼ်းယုဝ်းသႅပ်ႉ သေယဝ်ႉပၼ်ၼမ်ႉတီႈၶဝ်လႄႈၶဝ်ၵေႃႈသုၵ်ႈတိၼ်ၶဝ်ဢေႃႈ။တီႈမႃႉလီႈၶဝ်တင်းလၢႆၵေႃႈ ပၼ်တၢင်းၵိၼ်တၢင်းၶူပ်း ဢေႃႈ။
၂၅ ၶိင်ႇၵၢင်ဝၼ်းတဵင်ႈယုဝ်းသႅပ်ႉ တၵ်းမႃးဢေႃႈ၊ဝႃႈၼင်ႇၼႆလႄႈ ၶဝ်ဢွၼ်ၵၼ်မႄးႁႅၼ်းလၢၵ်ႈသွင်ႇဝႆႉထႃႈဢေႃႈ။လွင်ႈမၼ်းၸမ်း၊ၶဝ်လႆႈငိၼ်းလွင်ႈဢၼ်ဝႃႈၶဝ်တၵ်းလႆႈၵိၼ်တၢင်းၵိၼ်တၢင်းၶူပ်း ၵႃႈတီႈႁိူၼ်း မၼ်းၼၼ်ႉဢေႃႈ။
၂၆ မိူဝ်ႈဢၼ်ယုဝ်းသႅပ်ႉႁွတ်ႈမႃးၵႃႈတီႈႁိူၼ်းၼၼ်ႉၸိုင်၊ ၶဝ်ဢွၼ်ၵၼ်ဢဝ်လၢၵ်ႈသွင်ႇဢၼ်ၶဝ်ပႃးမႃးၵႃႈၼႂ်းမိုဝ်းၶဝ်ၼၼ်ႉလႄႈ ၶဝ်ႈၵႃႈၼႂ်းႁိူၼ်းၸူးၵႃႈတီႈဢၼ်မၼ်းလႄႈ ၶုပ်ႉမူပ်ႇၵူမ်ႈၵွမ်းႁူဝ်ၶဝ်ၵႃႈ ၼိူဝ်လိၼ်ၵႃႈတီႈၽၢႆႇၼႃႈမၼ်းဢေႃႈ။
၂၇ မၼ်းၵေႃႈတၵ်ႉလၢတ်ႈၶဝ်သေယဝ်ႉထၢမ်ဝႃႈ၊-ပေႃႈသူၵူၼ်းထဝ်ႈဢၼ်ဢသၢၵ်ႈယႂ်ႇ ဢၼ်သူလၢတ်ႈ မိူဝ်ႈၵမ်းဢွၼ်တၢင်းၼၼ်ႉ ၸွင်ႇယူႇလီၵိၼ်ဝၢၼ်ယူႇႁိုဝ်၊ ဢသၢၵ်ႈယင်းလိပ်းယူႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈလဝ်ႈ လၢတ်ႈလႄႈဝႃႈ၊-
၂၈ ၶႃႈၸဝ်ႈႁဝ်းဢၼ်ပဵၼ်ပေႃႈၶႃႈၸဝ်ႈႁဝ်းၶဝ်ၼၼ်ႉ ယူႇလီၵိၼ်ဝၢၼ်ယူႇတီႈၶႃႈဢေႃႈ။ဢသၢၵ်ႈယင်းလိပ်းယူႇတီႈၶႃႈဢေႃႈ၊ဝႃႈၼင်ႇၼႆ သေလႄႈ ၶုပ်ႉမူပ်ႇၵူမ်ႈႁူဝ်ယူႇဢေႃႈ။
၂၉ ၵမ်းၼၼ်ႉမၼ်းမုင်ႈတူၺ်းလႄႈႁၼ် ပိၼ်ႇယႃႇမိၼ်ႇ ၼွင်ႉၸၢႆးဢွၵ်ႇမၼ်းလုၵ်ႈၸၢႆးမေႈမၼ်းၼၼ်ႉသေယဝ်ႉထၢမ်ဝႃႈ၊-ၵေႃႉၼႆႉပဵၼ်ၼွင်ႉၸၢႆးသူၵေႃႉလဵၵ်ႉသေပိူၼ်ႈ ဢၼ်သူလၢတ်ႈမိူဝ်ႈၵမ်းဢွၼ်တၢင်းၼၼ်ႉႁိုဝ်၊ ဝႃႈၼင်ႇၼႆသေယဝ်ႉသမ်ႉလၢတ်ႈဝႃႈ၊-လုၵ်ႈၸၢႆးၵဝ်ဢိူၺ်း၊ႁႂ်ႈၽြႃးပဵၼ်ၸဝ်ႈဢိတ်းလူ ႁဵတ်းၵျေးၸူးတီႈမႂ်းသေၵမ်း၊ဝႃႈၼင်ႇၼႆသေယဝ်ႉႉ ၵွပ်ႈပိူဝ်ႈဢၼ်လႆႈႁၼ်ၼွင်ႉၸၢႆးဢွၵ်ႇမၼ်း လႄႈ
၃၀ မၼ်းမီးၸႂ်ဢၼ်ႁၵ်ႉၼႅၼ်ႇၶဵၼ်းၶွတ်ႇၸပ်းပႅၼ်းၼႃႇလူင်လၢင်လႄႈ ယုဝ်းသႅပ်ႉ လုၵ်ႉၵွႃႇၶၼ်ၶၼ်ၽႂ်းၽႂ်းသေဢေႃႈ။ မၼ်းႁႃတီႈဢၼ်တၵ်းလႆႈၼမ်ႉတႃတူၵ်းၼၼ်ႉဢေႃႈ။မၼ်းၶဝ်ႈၵွႃႇၵႃႈၼႂ်းလုၵ်းတီႈၼွၼ်း မၼ်းသေယဝ်ႉၼမ်ႉတႃတူၵ်းဢေႃႈ။
၃၁ မၼ်းသုၵ်ႈၼႃႈမၼ်းသေယဝ်ႉ သမ်ႉၶိုၼ်းဢွၵ်ႇမႃးၵႃႈၼွၵ်ႈဢဝ်ဢိင်ႇတရေႇသေလႄႈမီးဢမိင်ႉဝႃႈ၊-ႁႅၼ်းတမ်းပၼ်တၢင်း ၵိၼ်တၢင်းၶူပ်းတႃႉ၊ဝႃႈၼင်ႇၼႆဢေႃႈ။
၃၂ ၶဝ်ၵေႃႈႁႅၼ်းတမ်းပၼ်ပုၼ်ႈမၼ်းတီႈၼိုင်ႈ၊ ပုၼ်ႈပီႈၼွင်ႉမၼ်းတင်းလၢႆၼၼ်ႉတီႈၼိုင်ႈ၊ပုၼ်ႈၵူၼ်းဢေႇၵႅပ်ႉတု ဢၼ်တၵ်းၵိၼ်လူၺ်ႈၵၼ်တင်းမၼ်းၸိူဝ်းၼၼ်ႉတီႈၼိုင်ႈ၊ ႁင်းၽႂ်ႁင်းမၼ်းဢေႃႈ။လွင်ႈမၼ်းၸမ်း၊ၵူၼ်းဢေႇၵိပ်ႉတု ၶဝ်ဢမ်ႇၵိၼ်လူၺ်ႈၵၼ်တင်းၵူၼ်းႁေႇပႄး။လွင်ႈတၢင်းဢၼ်ၵိၼ်လုၺ်ႈၶဝ်ၼၼ်ႉ ပဵၼ်တီႈဢၼ်လီႁင်ႈဢဵတ်ႇ သဵတ်ႇပုၼ်ႈၵူၼ်းဢေႇၵႅပ်ႉတု ၶဝ်ဢေႃႈ။
၃၃ ၶဝ်ၸိူဝ်းၼၼ်ႉၵေႃႈ ၸွမ်းလူၺ်ႈဢသၢၵ်ႈၶဝ်ၸႃႉၸဵမ်ၵေႃႉယႂ်ႇဢၼ်လႆႈဢရႃႇလုၵ်ႈတူၼ်ႈ တေႃႇထိုင်ႁွတ်ႈၵေႃႉလဵၵ်ႉၶဝ်ၼင်ႈၸႅၼ်ႇတမ်းၵၼ် ႁင်းၽႂ်ႁင်းမၼ်းၵႃႈတီႈၽၢႆႇၼႃႈ ယုဝ်းသႅပ်ႉ ဢေႃႈ။ၶဝ်ၵေႃႉၼိုင်ႈလႄႈၵေႃႉၼို်င်ႈတူၺ်းၵၼ်ယူႇသေလႄႈ မီးတၢင်းဢၼ်ဢၢမ်းၼႃႇ လူင်လၢင်ဢေႃႈ။
၃၄ မၼ်းၵေႃႈဢဝ်တၢင်းၵိၼ်ဢၼ်မီးၵႃႈတီႈၽၢႆႇၼႃႈမၼ်းၼၼ်ႉ ပၼ်ၵွႃႇပုၼ်ႈဢၼ်ၶဝ်တၵ်းၵိၼ်ႁင်းၽႂ်ႁင်းမၼ်းဢေႃႈ။ပုၼ်ႈဢၼ် ပိၼ်ႇယႃႇမိၼ်ႇ တၵ်းၵိၼ်ၼၼ်ႉၸမ်းၼမ်သပေီႈဢၢႆႈမၼ်းတင်းလၢႆႁႃႈပုၼ်ႈဢေႃႈ။ၶဝ်ဢွၼ်ၵၼ်ၵိၼ်လႄႈႁွတ်ႈထိုင်တၢင်းဢၼ်မူၼ်ႈပျေႃႇလူၺ်ႈၵၼ်တင်းမၼ်းဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ