Shan Missions

လိၵ်ႈဢေႃးဝႃႇတႃႉပေႇတရုၽိုၼ်ပထမ

Chapter          ၁          ၂          ၃          ၄          ၅         

၃

ၽူဝ်တင်းမေး

၁ ၵႃႈၼင်ႇဢၼ်ဝႃႈမႃးယဝ်ႉဢွၼ်တၢင်းၼၼ်ႉမေးၶဝ်ဢိူၺ်းဢွၼ်ၵၼ်ႁပ်ႉတုင်းဢဝ်တၢင်းဢၼ်ၽူဝ်သူဢုပ်ႉပိူင်ႇၼၼ်ႉတႃႉ။သူႁဵတ်းၸိူဝ်ႉၼင်ႇၼၼ်လႄႈပေႃးမီးၽူဝ်ၵေႃႉဢၼ်ဢမ်ႇယုမ်ႇမၢတ်ႈၼုၵ်ႉၵပၢတ်ႈၸဝ်ႈၼၼ်ႉသေၵေႃႈ

၂ ယႃႇမိူဝ်ႈဢၼ်ၶဝ်ႁၼ်တၢင်းၵမ်တၢင်းၵျၢင်ႉသူဢၼ်ၸိုၼ်ႈၸၢင်ႇၶၢဝ်သႂ်ဢိၵ်ႇတင်းတၢင်းဢၼ်သူရူဝ်ႇသေႇၵူဝ်ယမ်ၽြႃးၼၼ်ႉၶဝ်တၵ်းၶၢႆႉပုတ်ႉမႃးၵွပ်ႈပိူဝ်ႈၶေႃႈၵႂၢမ်းသူၼၼ်ႉဢမ်ႇၸႂ်ႈ။ပဵၼ်ၵွပ်ႈပိူဝ်ႈတၢင်းၵမ်တၢင်းၵျၢင်ႉမေးတူဝ်ၸဝ်ႈၵဝ်ႇၼၼ်ႉဢေႃႈ။

၃ တၢင်းဢၼ်သူႁၢင်ႈၶိူင်ႈၼၼ်ႉယင်းဢမ်ႇႁႂ်ႈလႆႈပဵၼ်တၢင်းဢၼ်ၽၼ်ႈဢၼ်ၽိူဝ်ၶူၼ်ႁူဝ်၊တၢင်းဢၼ်တိုဝ်းၶူဝ်းၶမ်း၊တၢင်းဢၼ်ၼုင်ႈၶူဝ်းလဵင်းဢၼ်ႁၢင်ႈၶိူင်ႈၵႃႈၼွၵ်ႈၵူၺ်းလႄႈ

၄ ဢဝ်ၸႂ်သၽေႃးဢၼ်ၼိမ်သိမ်ႇဢူၼ်ႈဢွၼ်ႇဢၼ်ထိူၵ်ႈၵႃႊထိူၵ်ႈၶၼ်ယႂ်ႇၼႃႇၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉႁႂ်ႈလႆႈပဵၼ်တၢင်းဢၼ်ႁၢင်ႈၶိူင်ႈၵႃႈၼႂ်းႁူဝ်ၸႂ်ဢၼ်ဢမ်ႇလူႉဢမ်ႇလႅဝ်ဢမ်ႇၽွၵ်ႈပျၢၼ်ႇၶိုၼ်းၼၼ်ႉတႃႉ။

၅ မိူဝ်ႈဢွၼ်ၼႆႉၼၼ်ႉၽူႈယိင်းဢၼ်မူတ်းၸၢင်ႇဢၼ်ဢိင်ပိုင်ႈၽြႃးပဵၼ်ၸဝ်ႈၸိူဝ်းၼၼ်ႉႁၢင်ႈၶိူင်ႈတူဝ်ၸဝ်ႈၵဝ်ႇၸိူဝ်ႉၼင်ႇၼၼ်လႄႈႁပ်ႉတုင်းဢဝ်တၢင်းဢၼ်ၽူဝ်တူဝ်ၸဝ်ႈၵဝ်ႇဢုပ်ႉပိူင်ႇမိူၼ်ၸိူဝ်ႉၼင်ႇၸႃႇရႃႇႁွင်ႉဢႃႇပြႁၢမ်ႇဝႃႈ၊-

ၸဝ်ႈ၊ဝႃႈၼင်ႇၼႆလႄႈထွမ်ႇဢဝ်ၵႂၢမ်းမၼ်းၼၼ်ႉဢေႃႈ။

၆ ပေႃးသူၵမ်ၵျၢင်ႉလီလီငၢမ်းငၢမ်းၸိုင်သူပဵၼ်လုၵ်ႈယိင်းၸႃႇရႃႇလႄႈဢမ်ႇလူဝ်ႇၵူဝ်ႁသေၼ်ႇဝႆသေဢိတ်း။

၇ မိူၼ်ၸိူဝ်ႉၼင်ႇၼၼ်၊ၽူဝ်ၶဝ်ဢိူၺ်း၊လွင်ႈၼင်ႇႁိုဝ်သူတၵ်းဢမ်ႇမီးလွင်ႈတၢင်းဢၼ်ႁႄႉဢၼ်ၶႅၼ်ၼႂ်းတၢင်းဢၼ်သူႁဵတ်းသူးတွင်းပထၼႃႇၼၼ်ႉၸိုင်မီးၸႂ်ဢိတ်းလူလႄႈယူႇလူၺ်ႈၵၼ်တင်းမေးတူဝ်ၸဝ်ႈၵဝ်ႇသေယဝ်ႉၸွႆႈထႅမ်လူႈတူၺ်းမၼ်းၸွမ်းၵႃႈၼင်ႇဢၼ်ထုၵ်ႇလီႁဵတ်းတီႈၵေႃႉဢၼ်ႁႅင်းလဵၵ်ႉႁႅင်းၵေႇၼၼ်ႉသေယဝ်ႉမၢတ်ႈပဵၼ်ၸိူဝ်ႉၼင်ႇဢၼ်ႁဝ်းလႆႈသိူၵ်ႈသမ်ႇၵၼ်တင်းၵျေးၸူးၸဝ်ႈလူၺ်ႈၵၼ်ၼႂ်းတၢင်းဢၼ်ဢသၢၵ်ႈလိပ်းၼၼ်ႉလႄႈလႆႈၶၢမ်ႇဢမူၺ်ႇၼင်ႇၵၼ်ၼၼ်ႉတႃႉ။

တၢင်းၵမ်တၢင်းၵျၢင်ႉၵူၼ်းယုမ်ႇမၢတ်ႈ

၈ ၵႂၢမ်းဢၼ်ႁူမ်ၸူမ်းၸမ်းသူၵႃႈမီးတင်းသဵင်ႈတင်းလူင်မီးႁူဝ်ၸႂ်ဢၼ်လဵဝ်ၵၼ်တႃႉ။မီးတၢင်းဢၼ်ၸၢင်ႊမႆႈၸႂ်လူၺ်ႈပိူၼ်ႈ၊တၢင်းဢၼ်ၸၢင်ႊႁၵ်ႉပႅင်းပီႈၼွင်ႉၵၼ်တၢင်းဢၼ်ၸၢင်ႊဢိတ်းလူၸူမ်းပႅင်းၵၼ်တၢင်းဢၼ်ႁူဝ်ၸႂ်ၶျႃးတႅမ်ႇၼၼ်ႉတႃႉ။

၉ မၢတ်ႈတွင်းလွင်ႈဢၼ်ဝႃႈသူပဵၼ်ၵေႃႉဢၼ်မၼ်းၸဝ်ႈႁွင်ႉဢဝ်ႁႂ်ႈလႆႈၶၢမ်ႇဢမူၺ်ႇတၢင်းလီမင်ႇၵလႃႇၼၼ်ႉသေလႄႈယင်းဢမ်ႇၶိုၼ်းတွပ်ႇတၢင်းၽိတ်း၊ယင်းဢမ်ႇၶိုၼ်းသေႉသွမ်းလႄႈႁဵတ်းတၢင်းဢၼ်သူင်ႇပၼ်မႅတ်ႈတႃႇၵူၺ်းတႃႉ။

၁၀ လွင်ႈမၼ်းၸမ်းၵေႃႉဢၼ်ၶႂ်ႈႁၵ်ႉပႅင်းဢသၢၵ်ႈလႄႈထူပ်းႁၼ်ဝၼ်းဢၼ်လီဢၼ်ငၢမ်းၼၼ်ႉႁႂ်ႈထိင်းလိၼ်ႉတူဝ်ၸဝ်ႈၵဝ်ႇႁႂ်ႈၵၢင်းလွတ်ႈတင်းတၢင်းဢၼ်ဢမ်ႇလီဢမ်ႇငၢမ်းတႃႉ။

၁၁ သူပ်းတူဝ်ၸဝ်ႈၵဝ်ႇၵေႃႈယႃႇပေႁႂ်ႈလၢတ်ႈၵႂၢမ်းမူႉသႃႇ။ႁႂ်ႈဝေႈပႅတ်ႈတူႉၸရိူၵ်ႈလႄႈႁဵတ်းသူႉၸရိူၵ်ႈတႃႉ။ႁႃတၢင်းဢၼ်ယူႇထုၵ်ႇထုၵ်ႇၵၼ်တင်းပိူၼ်ႈတၢင်ႇၵေႃႉသေလႄႈႁႂ်ႈလႆႈတႃႉ။

၁၂ လွင်ႈမၼ်းၸမ်းမၢၵ်ႇတႃထႃႇဝရႃႉၽြႃးလူႈတူၺ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉဢေႃႈ။တၢင်းဢၼ်ၶဝ်ႁဵတ်းသူးတွင်းပထၼႃႇၵေႃႈမၼ်းၸဝ်ႈထွမ်ႇဢဝ်ဢေႃႈ။တီႈၶဝ်ၸိူဝ်းဢၼ်ႁဵတ်းတူႉၸရိူၵ်ႈၼၼ်ႉၸမ်းထႃႇဝရႃႉၽြႃးဝၢႆႇၼႃႈပႅတ်ႈဢေႃႈ။

ၵူၼ်းယုမ်ႇမၢတ်ႈတင်းတၢင်းဢၼ်လႆႈၶၢမ်ႇ

၁၃ ပေႃးသူပဵၼ်ၵေႃႉဢၼ်ႁဵတ်းလွင်ႈတၢင်းဢၼ်လီဢၼ်ငၢမ်းယူႇၸိုင်ၽူႈလႂ်တၵ်းၼိၵ်ႈၸၢၵ်ႈငႅၼ်းသေးသူ။

၁၄ ပေႃးသူလႆႈၶၢမ်ႇၵွပ်ႈပိူဝ်ႈတြႃးတၢင်းဢၼ်သိုဝ်ႈတေႃႇၸိုင်သူမီႈမင်ႇၵလႃႇဢေႃႈ။

၁၅ ယႃႇပေၵူဝ်ႁႄၶဝ်။ယႃႇပတေူၵ်းၸႂ်။ၵႃႈၼႂ်းႁူဝ်ၸႂ်သူၼၼ်ႉႁႂ်ႈမီးတၢင်းဢၼ်ရူဝ်ႇသေႇၵူဝ်ယမ်ၸဝ်ႈၶရိၸ်ႉဢၼ်ပဵၼ်ထႃႇဝရႃႉၽြႃးၼၼ်ႉတႃႉ။မႄးႁႅၼ်းဝႆႉႁႂ်ႈလႆႈမီးၸႂ်သၽေႃးဢၼ်ဢူၼ်ႈဢွၼ်ႇဢိၵ်ႇတင်းၸႂ်သၽေႃးဢၼ်ရူဝ်ႇသေႇၵူဝ်ယမ်ၼၼ်ႉသေလႄႈၶိုၼ်းလၢတ်ႈတီႈၶဝ်ၵႃႈၼင်ႇဢၼ်ၶဝ်တွင်ႉထၢမ်လွင်ႈတၢင်းဢၼ်သူမုင်ႈထႃႈမွင်းထႃႈယူႇၼၼ်ႉတႃႉ။

၁၆ လွင်ႈၼင်ႇႁိုဝ်ၶဝ်ၸိူဝ်းဢၼ်ယႃႉသရေႇသူၸိူဝ်းဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉၼႂ်းၸဝ်ႈၶရိၸ်ႉၼၼ်ႉတၵ်းမီးတၢင်းဢၼ်လီဢူၵ်းလီဢၢႆၼႂ်းမိူဝ်ႈဢၼ်ၶဝ်သေႉသွမ်းတၢင်ႇဢပျႅတ်ႈသူၼၼ်ႉၸိုင်သူမီးၸႂ်ဢၼ်ႁူႉတူဝ်ၸဝ်ႈၵဝ်ႇဢၼ်မူတ်းသႂ်ၼၼ်ႉတႃႉ။

၁၇ ပေႃးပဵၼ်ၸွမ်းဢလူဝ်ႇၽြႃးပဵၼ်ၸဝ်ႈၸိုင်တၢင်းဢၼ်ႁဵတ်းသူႉၸရိူၵ်ႈလႄႈလႆႈၶၢမ်ႇတုၵ်ႉၶႃႉၼၼ်ႉလီၼႃႇသေတၢင်းဢၼ်ႁဵတ်းတူႉၸရိူၵ်ႈဢေႃႈ။

၁၈ ၵွပ်ႈပိူဝ်ႈဢၼ်ၸဝ်ႈၶရိၸ်ႉၶၢမ်ႇတၢင်းတၢႆၵႃႈၼႂ်းတူဝ်ၶၼ်ႇထႃႇပွၵ်ႈလဵဝ်ၵူၺ်းသေလႄႈႁႂ်ႈႁွတ်ႈထိုင်တၢင်းဢၼ်ဢသၢၵ်ႈလိပ်းၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈဢေႃႈ။ၵေႃႉဢၼ်သိုဝ်ႈတေႃႇၼၼ်ႉလႆႈၶၢမ်ႇပုၼ်ႈၶဝ်ၸိူဝ်းဢၼ်ဢမ်ႇသိုဝ်ႈတေႃႇၼၼ်ႉလႄႈႁႂ်ႈလႆႈဢဝ်ႁဝ်းသူင်ႇႁွတ်ႈထိုင်ၵႃႈတီႈၽြႃးပဵၼ်ၸဝ်ႈဢေႃႈ။

၁၉ ၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈၼၼ်ႉမၼ်းၸဝ်ႈၵႂႃႇႁေႃးလၢတ်ႈတြႃးၵႃႈတီႈဝိၺိၺ်ႇတင်းလၢႆဢၼ်လႆႈၶင်ဝႆႉၵႃႈၼႂ်းထွင်ႇဢၼ်ဢမ်ႇထွမ်ႇဢဝ်ၵႂၢမ်းၽြႃးပဵၼ်ၸဝ်ႈပဵၵ်ႉသမ်ႉမၼ်းၸဝ်ႈၶၼ်ႇထီႇယိူၼ်ႉထႃႈၼႂ်းၸူဝ်ႈပၢၼ်ႈၼုဝ်းဢႃႇ

၂၀ မိူဝ်ႈဢၼ်မၼ်းႁဵတ်းႁိူဝ်းသၢင်းၽေႃးဢၼ်ဢဝ်တင်းၼမ်ႉၵႄႇၶျွတ်ႈဢဝ်ၵူၼ်းဢၼ်ပဵၼ်ၵူၼ်းပႅတ်ႇၵေႃႉၼၼ်ႉၵူၺ်းဢေႃႈ။

၂၁ ၸွမ်းၼင်ႇဢူႉပမႃႇၼၼ်ႉလႄႈၼႂ်းၶိင်ႇတေႃႈလဵဝ်ၼႆႉပပ်ႉတိၸၢမ်ႇၼၼ်ႉၵႄႇသႄႇၶျွတ်ႈဢဝ်ႁဝ်းၵွပ်ႈပိူဝ်ႈတၢင်းဢၼ်ၸဝ်ႈယေႇသုၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉဢေႃႈ။ပပ်ႉတိၸၢမ်ႇၼၼ်ႉၸမ်းဢမ်ႇၸႂ်ႈဝႃႈပဵၼ်တၢင်းဢၼ်သုၵ်ႈပွတ်ႈဢၼ်ၵူဝ်ႈၵိူၵ်ႇတူဝ်ၵႃႇယႃႉၼႆႉ။ပဵၼ်တၢင်းဢၼ်ႁဵတ်းႁႂ်ႈၸႂ်ဢၼ်ႁူႉတူဝ်ၸဝ်ႈၵဝ်ႇမူတ်းသႂ်ၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉဢေႃႈ။

၂၂ ၸဝ်ႈၼၼ်ႉပိူဝ်ႈဢၼ်ၶိုၼ်ႈၵႂႃႇၵႃႈၼိူဝ်မိူင်းၵၢင်ႁၢဝ်လႄႈဢုပ်ႉပိူင်ႇတမၢၼ်ႇၵၢင်ႁၢဝ်ဢိၵ်ႇတင်းဢႃႇၼႃႇၸၢၵ်ႈတၼ်းၶူဝ်းတင်းလၢႆသေလႄႈၼင်ႈယူႇၵႃႈတီႈၽၢႆႇၶႂႃၽြႃးပဵၼ်ၸဝ်ႈဢေႃႈ။