ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၃၂
ယႃႇၵုပ်ႉမႄးႁႅၼ်းႁႂ်ႈလႆႈၶိုၼ်းထူပ်းဢေးသေႃး
၁ ယႃႇၵုပ်ႉ သမ်ႉၸွမ်းတၢင်းၵွႃႇလႄႈတမၢၼ်ႇၵၢင်ႁၢဝ် ၽြႃးပဵၼ်ၸဝ်ႈတင်းလၢႆႁူပ်ႉထူပ်းမၼ်းဢေႃႈ။
၂ ယႃႇၵုပ်ႉႁၼ်ၶဝ်ၼၼ်ႉသေယဝ်ႉလၢတ်ႈလႄႈဝႃႈ၊-ဢၼ်ၼႆႉပဵၼ်တပ်ႉၽြႃးပဵၼ်ၸဝ်ႈဢေႃႈ၊ ဝႃႈၼင်ႇၼႆလႄႈ ႁွင်ႉႁိၵ်ႈ ၸိုဝ်ႈတီႈၼၼ်ႉဝႃႈ မႁႃႇၼိမ်ႇ ဢေႃႈ။
၃ မိူဝ်ႈၼၼ်ႉယႃႇၵုပ်ႉ ပွႆႇၸႂ်ႉၵူၼ်းၵွႃႇဢွၼ်တၢင်းမၼ်းၸူးၵႃႈတီႈဢေးသေႃး ပီႈဢၢႆႈမၼ်းၵႃႈတီႈမိူင်း ၸိရ ဢၼ်ပဵၼ်ပၢင်ႇပဵင်း ဢေႇတူင်ႇ ၼၼ်ႉလႄႈသင်ႇလၢတ်ႈတီႈၶဝ် ၼၼ်ႉလႄႈဝႃႈ
၄ သူလဝ်ႈလၢတ်ႈတီႈၸဝ်ႈႁဝ်း ဢေးသေႃးၼၼ်ႉလႄႈဝႃႈ၊-ၶႃႈၸဝ်ႈႁဝ်း ယႃႇၵုပ်ႉ လဝ်ႈလၢတ်ႈမႃးလႄႈဝႃႈ၊-ၶႃႈၸဝ်ႈလႆႈသွၼ်ႈပိုင်ႈၵႃႈတီႈ လႃႇပၢၼ်ႇလႄႈ ယူႇႁၢၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉၶႃႈဢေႃႈ။
၅ ၶႃႈၸဝ်ႈမီးဝူဝ်းလႂ်၊မႃႉလီႈလႂ်၊သူဝ်းလႂ်၊ပေႉလႂ်၊ ဢိၵ်ႇတင်း ၶႃႈၵူၼ်းၸၢႆးလႂ်၊ၶႃႈၵူၼ်းယိင်းလႂ်ၶႃႈဢေႃႈ။ၶႃႈၸဝ်ႈလဝ်ႈလၢတ်ႈၵွႃႇႁႂ်ႈလႆႈထူပ်းၵျေးၸူး သိုဝ်ႈၼႃႈတႂ်ႈတႃၸဝ်ႈႁဝ်းၶႃႈယဝ်ႉ၊ဝႃႈၼင်ႇၼႆဢေႃႈ။
၆ ၵူၼ်းၸႂ်ႉၸိူဝ်းၼၼ်ႉၶိုၼ်းမႃးၸူးၵႃႈတီႈ ယႃႇၵုပ်ႉ လႄႈလဝ်ႈလၢတ်ႈလႄႈဝႃႈ၊- ႁဝ်းၶႃႈႁွတ်ႈထိုင်ၵႃႈတီႈပီႈဢၢႆႈၸဝ်ႈႁဝ်းဢေးသေႃးၼၼ်ႉမႃးၶႃႈယဝ်ႉ။ မၼ်းၵေႃႈပႃးဢဝ်တင်းၵူၼ်းသီႇပၢၵ်ႇလႄႈ မႃးႁႂ်ႈလႆႈထူပ်းႁၼ် ၸဝ်ႈႁဝ်းၶႃႈယဝ်ႉ၊ဝႃႈၼင်ႇၼႆဢေႃႈ။
၇ မိူဝ်ႈၼၼ်ႉယႃႇၵုပ်ႉ ၵူဝ်ႁႄၼႃႇလူင်လၢင်လႄႈ မီးတၢင်းဢၼ်ယၢပ်ႇၸႂ်ယုင်ႈၸႂ်ယူႇလႄႈ ဢဝ်ၵူၼ်းၵႃႈဢၼ်ပႃးတီႈမၼ်းဢိၵ်ႇတင်းၽုင်သူဝ်းၽုင်ပေႉၽုင်ဝူဝ်း ၽုင်ၵလႃႇ ဢုၵ်ႉၸိူဝ်းၼၼ်ႉၽႄႁဵတ်းသွင်မုၵ်ႉဝႆႉဢေႃႈ။
၈ လွင်ႈမၼ်းၸမ်းမၼ်းဝႃႈပေႃးဢေးသေႃး ထူပ်းႁၼ်မုၵ်ႉၼိုင်ႈလႄႈတိုၵ်းတေႃးယႃႉပႅတ်ႈၸိုင် မုၵ်ႉၼိုင်ႈဢၼ်ၵိုတ်းဝႆႉၼၼ်ႉတၵ်းလွတ်ႈဢေႃႈ၊ဝႃႈၼင်ႇၼႆဢေႃႈ။
၉ ၵမ်းၼၼ်ႉယႃႇၵုပ်ႉသူးတွင်းလႄႈဝႃႈ၊-ၽြႃးပဵၼ်ၸဝ်ႈပေႃႈၵဝ်ႈၶႃႈ ဢႃႇပြႁမ်ႇ၊ၽြႃးပဵၼ်ၸဝ်ႈပေႃႈၵဝ်ၶႃႈဢိၸၵ်ႉ၊ ထႃႇဝရႃႉၽြႃးဢၼ်လၢတ်ႈတီႈၶႃႈၸဝ်ႈလႄႈဝႃႈၶိုၼ်းမိူဝ်းၵွႃႇၸူးၵႃႈတီႈမိူင်းမႂ်း ဢိၵ်ႇတင်းပီႈၼွင်ႉၸိူဝ်ႉၶိူဝ်းမႂ်းတႃႉ။ၵဝ်တၵ်းႁဵတ်းၵျေးၸူးတီႈမႂ်းဢေႃႈ၊ ဢၼ်ဝႃႈၼၼ်ႉတီႈၶႃႈဢိူၺ်း၊
၁၀ ၵရူႉၼႃႇတင်းသႅတ်ႉၸႃႇၵႃႈဢၼ်ၸဝ်ႈႁဝ်း ၼႄပျႃးတီႈၶႃႈၸဝ်ႈၼၼ်ႉ ၶႃႈၸဝ်ႈဢမ်ႇထိူၵ်ႈတၢၼ်ႇ လႆႈၶၢမ်ႇဢၼ်လဵၵ်ႉသေပိူၼ်ႈၼၼ်ႉၶႃႈ။မိူဝ်ႈဢွၼ်ၼႆႉၼၼ်ႉၶႃႈၸဝ်ႈလႆႈဢဝ်တင်းၶွၼ်ႉတဝ်ႉၶၢမ်ႈၼမ်ႉႁွင်ႊ ယေႃးတၢၼ်ႇ ၼႆႉၵွႃႇတီႈၶႃႈဢေႃႈ။တေႃႈလဵဝ်ၼႆႉၸမ်း၊လႆႈပဵၼ်သွင်မုၵ်ႉသွင်ၸိူဝ်း ယူႇတီႈၶႃႈဢေႃႈ။
၁၁ ပိူဝ်ႈၼႆလႄႈတေႃႈလဵဝ်ၼႆႉၶျွတ်ႈဢဝ်ၶႃႈၸဝ်ႈသေၵႃႈၼႂ်းမိုဝ်းပီႈဢၢႆႈၶႃႈၸဝ်ႈ ဢေးသေႃးၼၼ်ႉသေၵမ်းတီႈၶႃႈ။ၶႃႈၸဝ်ႈၵူဝ်ႁႄမၼ်းလႄႈ မႆႈၸႂ်ၼႃႇလူင်လၢင်လူၺ်ႈလွင်ႈဢၼ်မၼ်းတၵ်းမႃးလႄႈ တိုၵ်းတေႃးယႃႉပႅတ်ႈၶႃႈၸဝ်ႈ ဢိၵ်ႇတင်းမေး လုၵ်ႈလၢင်းတင်းလၢႆၼၼ်ႉၶႃႈဢေႃႈ။
၁၂ ၸဝ်ႈႁဝ်းလႆႈဝႃႈ၊-ၵဝ်တၵ်းႁဵတ်းၵျေးၸူးတီႈမႂ်းဢမၢၼ်ႇၶၼ်ပဵၼ်လႄႈႁႂ်ႈၸိူဝ်ႉၶိူဝ်းမႂ်းပဵၼ်မိူၼ်ၸိူဝ်ႉၼင်ႇသၢႆၼမ်ႉသမ်ႇမုၵ်ႉတြႃႇ ဢၼ်ၼမ်ၼႃႇထၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ၊ ဝႃႈၼင်ႇၼႆယဝ်ႉတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၃ မၼ်းယူႇၵႃႈတီႈၼၼ်ႉၶိုၼ်းၼိုင်ႈသေယဝ်ႉ ပုၼ်ႈဢၼ်တၵ်းသၢၵ်ႈပၼ်လၵ်ႈသွင်ႇတီႈပီႈဢၢႆႈမၼ်း ဢေးသေႃးၼၼ်ႉမၼ်းဢဝ်ဢွၵ်ႇပေႉမေႈသွင်ပၢၵ်ႇ ပေႉပေႃႈသၢဝ်း ၼိုင်ႈသူဝ်းမေႈသွင်ပၢၵ်ႇ သူဝ်းပေႃႈသၢဝ်းၼိုင်ႈၵလႃႇဢုၵ်ႉတူဝ်မေႈ ဢၼ်မိပ်ႇၼမ်ႉၼူမ်းတင်းလုၵ်ႈဢွၼ်ႇၶဝ်
၁၄ ဢၼ်ၵိၼ်ၼူမ်းသၢမ်သိပ်းဝူဝ်းမေႈသီႇသိပ်း ဝူဝ်းပေႃႈသိပ်းၼိုင်ႈမႃႉလီႈမေႈသၢဝ်းၼိုင်ႈ တင်းမႃႉလီႈဢွၼ်ႇသိပ်းၼိုင်ႈၵႃႈၼႂ်းဢုၵ်ႉၸႃႇ ဢၼ်မီးတီႈမိုဝ်းမၼ်းၼၼ်ႉသေလႄႈ
၁၅ ဝႆႉၶေႃၶေႃၽုင်လႂ်ၽုင်ၼၼ်ႉသေယဝ်ႉ ဢၢပ်ႈပၼ်ၵႃႈၼႂ်းမိုဝ်းၶႃႈမၼ်းတင်းလၢႆသေယဝ်ႉ သင်ႇလၢတ်ႈ တီႈၶႃႈမၼ်းၸိူဝ်းၼၼ်ႉလႄႈဝႃႈ၊-
၁၆ သူၶၢမ်ႈၵွႃႇဢွၼ်တၢင်းၵဝ်လႄႈႁႂ်ႈၶဝ်ၽုင်ၼိုင်ႈ တင်းၽုင်ၼိုင်ႈယၢၼ် ၵၼ်တႃႉ၊ဝႃႈၼင်ႇၼႆဢေႃႈ။
၁၇ မၼ်းသင်ႇလၢတ်ႈတီႈၵေႃႉဢၼ်ၵွႃႇဢွၼ်တၢင်းပိူၼ်ႈၼၼ်ႉလႄႈဝႃႈ၊-မိူဝ်ႈဢၼ်ပီႈဢၢႆႈၵဝ် ဢေးသေႃး ထူပ်းႁၼ်မႂ်းလႄႈထၢမ်ဝႃႈ-
၁၈ မႂ်းပဵၼ်ၵူၼ်းၽူႈလႂ်။တၵ်းၵွႃႇၵႃႈတီႈလႂ်။တရိၵ်ႈသၢၼ်ႇဢၼ်မီးၵႃႈတီႈၽၢႆႇၼႃႈမႂ်းၸိူဝ်းၼႆႉ ပဵၼ်ဢုၵ်ႉၸႃႇၶွင်ၽူႈလႂ်၊ဝႃႈၼင်ႇၼႆၸိုင် မႂ်းၶိုၼ်းလဝ်ႈလၢတ်ႈလႄႈဝႃႈ၊- ပဵၼ်ဢုၵ်ႉၸႃႇၶွင်ၶႃႈၸဝ်ႈႁဝ်း ယႃႇၵုပ်ႉ ၶႃႈဢေႃႈ။ ဢၼ်ၼႆႉပဵၼ်လၵ်ႈသွင်ႇဢၼ်တၵ်းပၼ်တီႈၸဝ်ႈႁဝ်း ဢေးသေႃး ၼၼ်ႉၶႃႈဢေႃႈ။မၼ်းမီးယူႇၵႃႈတီႈၽၢႆႇလင်ပုၼ်ႉၶႃႈဢေႃႈ၊ဝႃႈၼင်ႇၼႆတႃႉ၊ ဝႃႈၼင်ႇ ၼႆဢေႃႈ။
၁၉ မိူၼ်ၼင်ႇၼႆမၼ်းသမ်ႉသင်ႇလၢတ်ႈတီႈၸႃႉၸဵမ်ၵေႃႉတုတိယ၊ၵေႃႉတတိယဢိၵ်ႇတင်း ၶဝ်ၸိူဝ်းဢၼ်ၸွမ်းမုၵ်ႉလႂ်မုၵ်ႉၼၼ်ႉ တင်းသဵင်ႈတင်းလူင်လႄႈဝႃႈ၊-မိူဝ်ႈဢၼ်သူထူပ်းႁၼ် ဢေးသေႃး ၸိုင်၊လဝ်ႈ လၢတ်ႈမိူၼ်ၸိူဝ်ႉၼင်ႇၼၼ်တႃႉ။
၂၀ သမ်ႉလဝ်ႈလၢတ်ႈထႅင်ႈလႄႈဝႃႈ၊-ၶႃႈၸဝ်ႈႁဝ်း ယႃႇၵုပ်ႉ ၵေႃႈမီးယူႇၵႃႈတီႈၽၢႆႇလင်ပုၼ်ႉၶႃႈဢေႃႈ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။လွင်ႈမၼ်းၸမ်း၊မၼ်းၵျၢမ်ႇၼႂ်းၸႂ်ဝႃႈ၊- ၵဝ်တၵ်းဢဝ်တင်းလၵ်ႈသွင်ႇ ဢၼ်ဢွၵ်ႇၵွႃႇဢွၼ်တၢင်းၵဝ်ယူႇၼၼ်ႉႁႂ်ႈမၼ်းပျေႇၸႂ်ဢေႃႈ။လိုၼ်းသေၼၼ်ႉမိူဝ်ႈဢၼ် ၵဝ်ထူပ်းႁၼ်ၼႃႈမၼ်းၼၼ်ႉၸိုင် မၼ်းၸၢင်ႊၶေးတၵ်းႁပ်ႉတုင်းဢဝ်ၵဝ်ဢေႃႈ၊ ဝႃႈၼင်ႇၼႆ ဢေႃႈ။
၂၁ ၼင်ႇၼၼ်လႄႈလၵ်ႈသွင်ႇၼၼ်ႉၶၢမ်ႈၵွႃႇဢွၼ်တၢၼ်းမၼ်းလႄႈ ၶိုၼ်းၼၼ်ႉတူဝ်မၼ်းၼွၼ်းယူႇၵႃႈတီႈဢၼ်ၵူၼ်းၸူႉၵၼ်တုမ်ၼၼ်ႉဢေႃႈ။
ယႃႇၵုပ်ႉလႆႈႁုၼ်းၵၼ်တင်းၽြႃးပဵၼ်ၸဝ်ႈ
၂၂ ၼႂ်းၶိင်ႇတဵင်ၶိုၼ်းၼၼ်ႉ မၼ်းလုၵ်ႉလႄႈဢဝ်မေးမၼ်းသွင်ၵေႃႉ၊မေႈယိင်းၶႃႈသွင်ၵေႃႉ၊ လုၵ်ႈၸၢႆးမၼ်းသိပ်းဢဵတ်းၵေႃႉသေလႄႈ ၶၢမ်ႈၼမ်ႉႁွင်ႊယပ်ႇပုၵ်ႉတီႈဢၼ် တိုၼ်ႈၼၼ်ႉဢေႃႈ။
၂၃ ၼင်ႇၼၼ်လႄႈမၼ်းဢဝ်ၶဝ်ဢိၵ်ႇတင်းဢုၵ်ႉၸႃႇၶူဝ်းလဵင်းမၼ်းၵႃႈမီး တင်းသဵင်ႈတင်း လူင်ႁႂ်ႈၶၢမ်ႈၼမ်ႉႁွင်ႊၼၼ်ႉသေယဝ်ႉ
၂၄ ယႃႇၵုပ်ႉၵိုတ်းသဝ်းယူႇၵေႃႉလဵဝ်ၵူၺ်းလႄႈ ၵူၼ်းၵေႃႉၼိုင်ႈၵၼ်ႉၵၼ်တင်း မၼ်းတေႃႇထိုင်ႁွတ်ႈမိူင်းလႅင်းဢေႃႈ။
၂၅ ၵေႃႉၼၼ်ႉႁူႉႁၼ်
လွင်ႈဢၼ်မၼ်းဢမ်ႇပႄႉၼႅင်ႇလႆႈၼၼ်ႉလႄႈ မၼ်းတိူဝ်ႉသႂ်ႇႁူဝ်လုပ်ႇငဝ်ႈၶႃႈယႃႇၵုပ်ႉ လႄႈငဝ်ႈၶႃႈ ယႃႇၵုပ်ႉၸုတ်ႈၵွႃႇၼႂ်း မိူဝ်ႈဢၼ်ယင်းတိုၵ်ႉၵၼ်ႉၵၼ်ယူႇၼၼ်ႉ ဢေႃႈ။
၂၆ ၵေႃႉၼၼ်ႉလၢတ်ႈလႄႈဝႃႈ၊- ပွႆႇၵဝ်သေၵမ်း။မိူင်းၸႃႉႁႃလႅင်းမႃးယဝ်ႉ၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈလၢတ်ႈလႄႈဝႃႈ၊-ပေႃးဢမ်ႇပၼ်တၢင်းလီတီႈၵဝ်ၶႃႈၸိုင်ၵဝ်ၶႃႈဢမ်ႇပွႆႇၶႃႈၵူၺ်း၊ ဝႃႈၼင်ႇၼႆ ဢေႃႈ။
၂၇ ၵေႃႉၼၼ်ႉၵေႃႈထၢမ်ဝႃႈ၊- ၸိုဝ်မႂ်းၸိုဝ်သင်၊ဝႃႈၼင်ႇၼႆလႄႈမၼ်းၵေႃႈၶိုၼ်းလၢတ်ႈဝႃႈ၊- ပဵၼ် ယႃႇၵုပ်ႉ ၶႃႈဢေႃႈ၊ဝႃႈၼင်ႇၼႆဢေႃႈ။
၂၈ ၵေႃႉၼၼ်ႉၵေႃႈလၢတ်ႈလႄႈဝႃႈ၊-ၸိုဝ်ႈသဵင်မႂ်းၵမ်းလိုၼ်းဢမ်ႇလႆႈႁွင်ႉႁိၵ်ႈဝႃႈယႃႇၵုပ်ႉ၊တၵ်းလႆႈႁွင်ႉႁိၵ်ႈၸိုဝ်ႈဝႃႈ ဢိသရေႇလဢေႃႈ။လွင်ႈမၼ်းၸမ်း မႂ်းလႆႈၶႄႉၶဵင်ႇၵၼ်တင်းၽြႃးပဵၼ်ၸဝ်ႈဢိၵ်ႇတင်းၵူၼ်းလႄႈ ပႄႉၼႅင်ႇမိူၼ်ၸိူဝ်ႉၼင်ႇ ၶုၼ်ၼၼ်ႉယဝ်ႉ၊ဝႃႈၼင်ႇၼႆဢေႃႈ။
၂၉ ယႃႇၵုပ်ႉ ၵေႃႈထၢမ်လႄႈဝႃႈ၊-မွၵ်ႇလၢတ်ႈၼႃႇမႃႉၸိုဝ်ႈသဵင်ၸဝ်ႈႁဝ်းတီႈၵဝ်ၶႃႈသေၵမ်း၊မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈလၢတ်ႈလႄႈဝႃႈ၊-ႁဵတ်းသင်လႄႈထၢမ်ၼႃႇမႃႉၸိုဝ်ႈသဵင်ၵဝ်၊ဝႃႈၼင်ႇၼႆလႄႈပၼ်တၢင်းလီတီႈမၼ်းၵႃႈ တီႈၼၼ်ႉဢေႃႈ။
၃၀ ၵႃႈတီႈၼၼ်ႉ ယႃႇၵုပ်ႉ ႁွင်ႉႁိၵ်ႈၸိုဝ်ႈဝႃႈ ပေႇၺေႇလ ဢေႃႈ။လွင်ႈမၼ်းၸမ်း၊မၼ်းဝႃႈပိၵ်ႉသမ်ႉၵဝ်လႆႈႁူပ်ႉထူပ်းတေႃႇၼႃႈၵၼ်တင်း ၽြႃးပဵၼ်ၸဝ်ႈသေၵေႃႈၵဝ်ယင်းဢသၢၵ်ႈလိပ်းယူႇဢေႃႈ၊ ဝႃႈ ၼင်ႇၼႆဢေႃႈ။
၃၁ မိူဝ်ႈဢၼ် ယႃႇၵုပ်ႉ ပူၼ်ႉသေၵႃႈတီႈပေႇၺေႇလ ၼၼ်ႉပဵၼ်ၶိင်ႇဢၼ်ၵၢင်ဝၼ်းဢွၵ်ႇလႄႈ မၼ်းၵေႃႈပႆၶေႉယေႉၶေႉယေႉၵွႃႇဢေႃႈ။
၃၂ ပိူဝ်ႈဢၼ်မၼ်းၸဝ်ႈတိူဝ်ႉသႂ်ႇဢဵၼ်လူင် ဢၼ်မီးၵႃႈတီႈႁူဝ်လုပ်ႇငဝ်ႈၶႃ ယႃႇၵုပ်ႉ လႄႈၵူၼ်းမဵဝ်း ဢိသရေႇလ တင်းလၢႆမီးထုင်းၸၢမ်ႇဢၼ်ဢမ်ႇၵိၼ်ဢဵၼ်လူင် ဢၼ်မီးၵႃႈတီႈႁူဝ်လုပ်ႇငဝ်ႈၶႃၼၼ်ႉႁၢၼ်ႉတေႃႇဝၼ်းမိူဝ်ႈၼႆႉဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ