ဝုတ်ႉထုတမၢၼ်ႇၸဝ်ႈ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၁၅
တၢင်းဢၼ်တိူင်ႇပၢင်ႇၵၼ်တီႈဝဵင်းယေႇရုသလႅမ်ႇ
၁ ၵူၼ်းၵမ်ႈၽွင်ႈလုၵ်ႉသေၵႃႈတီႈမိူင်းယုတလူင်းမႃးၵႃႈတီႈဝဵင်းဢၼ်ႇတိဢုၵ်ႉသေယဝ်ႉသင်ႇသွၼ်သုင်းမႃႉပၼ်တီႈပီႈၼွင်ႉၸိူဝ်းၼၼ်ႉလႄႈဝႃႈ၊-ပေႃးသူဢမ်ႇၶၢမ်ႇတၢင်းဢၼ်ထိူဝ်ႁိမ်းၸိုင်သူဢမ်ႇႁွတ်ႈထိုင်တၢင်းဢၼ်ၵႄႇၶျွတ်ႈဢဝ်လႆႈ၊ဝႃႈၼင်ႇၼႆဢေႃႈ။
၂ မိူဝ်ႈဢၼ်ပေႃးလုဢိၵ်ႇတင်းပႃႇၼပတိူင်ႇပၢင်ႇထဵင်ၵၼ်ယူႇတင်းၶဝ်ၼမ်ၼႃႇၼၼ်ႉၸိုင်ၵႂပ်ႈပိူဝ်ႈလွင်ႈပျၢတ်ႈသၼႃႇၼၼ်ႉလႄႈပီႈၼွင်ႉၸိူဝ်းၼၼ်ႉဢွၼ်ၵၼ်တႅပ်းတတ်းႁႂ်ႈပေႃးလုဢိၵ်ႇတင်းပႃႇၼပဢိၵ်ႇတင်းတပႄးၸဝ်ႈတၢင်ႇၵေႃႉၵမ်ႈၽွင်ႈၵႂႃႇဝဵင်းယေႇရုသလႅမ်ႇတီႈဢၼ်တမၢၼ်ႇၸဝ်ႈဢိၵ်ႇတင်းၵူၼ်းဢုပ်ႉၸိူဝ်းၸဝ်ႈတင်းလၢႆမီးၼၼ်ႉဢေႃႈ။
၃ ၵူၼ်းၶဝ်ႈၸိူဝ်းၸဝ်ႈၵေႃႈၵႂႃႇသူင်ႇၶဝ်ၵႃႈတၢင်းသေယဝ်ႉၶဝ်ၵေႃႈၶဝ်ႈၵႂႃႇၵႃႈၼႂ်းမိူင်းၽိၼိတ်ႉတင်းမိူင်းသမႃႇရိသေလႄႈမွၵ်ႇလၢတ်ႈလွင်ႈတၢင်းဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၶၢႆႉပုတ်ႈမႃးၼၼ်ႉလႄႈႁႂ်ႈပီႈၼွင်ႉတင်းသဵင်ႈတင်းလူင်ၸူမ်းသိူဝ်းဢေႃႈ။
၄ မိူဝ်ႈဢၼ်ၶဝ်ႁွတ်ႈထိုင်ၵႃႈတီႈဝဵင်းယေႇရုသလႅမ်ႇၼၼ်ႉၸိုင်ၶဝ်လႆႈၶၢမ်ႇဢဝ်ၵျေးၸူးတၢင်းဢၼ်ၸႃႉၸဵမ်တမၢၼ်ႇၸဝ်ႈလႄႈၵူၼ်းဢုပ်ႉၸိူဝ်းၸဝ်ႈဢိၵ်ႇတင်းၵူၼ်းၶဝ်ႈၸိူဝ်းၸဝ်ႈတင်းလၢႆႁပ်ႉတုင်းဢဝ်ၶဝ်ၼၼ်ႉဢေႃႈ။ၶဝ်လၢတ်ႈၼႄလွင်ႈတၢင်းဢၼ်ၽြႃးပဵၼ်ၸဝ်ႈဢဝ်ၶဝ်လႄႈႁဵတ်းၸိူဝ်းၼၼ်ႉဢေႃႈ။
၅ ၶဝ်ၸိူဝ်းဢၼ်ၶဝ်ႈပႃးၼႂ်းၸုမ်းၽႃႇရိသေးၼၼ်ႉၵမ်ႈၽွင်ႈလုၵ်ႉသေလႄႈလၢတ်ႈဝႃႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတၵ်းလႆႈၶၢမ်ႇဢဝ်တၢင်းဢၼ်ထိူဝ်ႁိမ်းလႄႈၵမ်ၵျၢင်ႉတြႃးမုဝ်းသေႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၆ မိူဝ်ႈၼၼ်ႉတမၢၼ်ႇၸဝ်ႈဢိၵ်ႇတင်းၵူၼ်းဢုပ်ႉၸိူဝ်းၸဝ်ႈတင်းလၢႆၸိူဝ်းၼၼ်ႉၸူႉၵၼ်တုမ်ၵၼ်ႁႂ်ႈလႆႈၶႆႈၸႂ်ဝူၼ်ႉၸႂ်လူၺ်ႈလွင်ႈတီႈႁႅင်းၼၼ်ႉဢေႃႈ။
၇ ဝၢႆးသေဢုပ်ႇလၢတ်ႈတိူင်ႇပၢင်ႇၼမ်ၼႃႇယဝ်ႉပေႇတရုၸင်ႇလုၵ်ႉၸုၵ်းသေလႄႈလၢတ်ႈဝႃႈ၊-ပီႈၼွင်ႉၶဝ်ဢိူၺ်း၊သူႁူႉလွင်ႈဢၼ်ၽြႃးပဵၼ်ၸဝ်ႈလိူၵ်ႈၵဵပ်းဢဝ်ၵဝ်၊ႁႂ်ႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႆႈငိၼ်းတြႃးသတၢင်းသိူဝ်းပျေႃႇၸဝ်ႈၵႃႈတီႈသူပ်းၵဝ်ၼႆႉသေယဝ်ႉယုမ်ႇမၢတ်ႈၼၼ်ႉဢေႃႈ။
၈ ၽြႃးပဵၼ်ၸဝ်ႈဢၼ်ႁူႉၸႅင်ႈႁူဝ်ၸႂ်ၼၼ်ႉပၼ်ဝိၺိၺ်ႇမူတ်းၸၢင်ႇၸဝ်ႈတီႈၶဝ်ၸိူဝ်ႉၼင်ႇဢၼ်ပၼ်တီႈႁဝ်းၼႆႉၼၼ်ႉလႄႈႁႂ်ႈပဵၼ်သၢၵ်ႈသေဢၼ်ဝႃႈၽြႃးပဵၼ်ၸဝ်ႈႁပ်ႉတုင်းဢဝ်ၶဝ်ၼၼ်ႉဢေႃႈ။
၉ မၼ်းၸဝ်ႈႁႂ်ႈၸႂ်ၶဝ်မူတ်းသႂ်ၵႂပ်ႈပိူဝ်ႈတၢင်းယုမ်ႇမၢတ်ႈလႄႈဢမ်ႇမီးတၢင်းဢၼ်ပႅၵ်ႇပိူင်ႈၵၼ်တင်းႁဝ်း။
၁၀ ပေႃးပဵၼ်ၸိူဝ်ႉၼင်ႇၼႆၸိုင်ႁဵတ်းသင်လႄႈသူၸၢမ်းတူၺ်းၽြႃးပဵၼ်ၸဝ်ႈ။ႁဵတ်းသင်ၶႂ်ႈဢဝ်ၵၢၼ်းဢၼ်ပူႇပေႃႈႁဝ်းတင်းႁဝ်းဢမ်ႇႁၢပ်ႇလႆႈၼၼ်ႉတၢင်ႇသႂ်ႇၵႃႈၼိူဝ်ၶေႃးတပႄးၸဝ်တင်းလၢႆ။
၁၁ တေႃႈလဵဝ်ၼႆႉႁဝ်းယုမ်ႇလွင်ႈဢၼ်ဝႃႈ၊ၵွပ်ႈပိူဝ်ႈၵျေးၸူးၸဝ်ႈယေႇသုၵူၺ်းလႄႈႁဝ်းလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်မိူၼ်ၸိူဝ်ႉၼင်ႇၶဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၂ မိူဝ်ႈၼၼ်ႉၵူၼ်းၸူႉၵူၼ်းတုမ်တင်းသဵင်ႈတင်းလူင်ၸိူဝ်းၼၼ်ႉယူႇတဵတ်ႇတဵတ်ႇသေလႄႈထွမ်ႇဢဝ်လွင်ႈတၢင်းဢၼ်ပေႃးလုတင်းပႃႇၼပၶႆႊပၼ်လၢတ်ႈပၼ်ၶဝ်လွင်ႈၼီႉမိၵ်ႈလၵ်ႈၶၼႃႇလႂ်၊လွင်ႈတၢင်းဢၼ်လီဢၢမ်းလႂ်ဢၼ်ၽြႃးပဵၼ်ၸဝ်ႈဢဝ်ၶဝ်ႁဵတ်းၵႃႈတီႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉဢေႃႈ။
၁၃ ဝၢႆးသေၶဝ်လၢတ်ႈယဝ်ႉၼၼ်ႉယႃႇၵုပ်ႉလၢတ်ႈလႄႈဝႃႈ၊-ပီႈၼွင်ႉၶဝ်ဢိူၺ်း၊ထွမ်ႇၵႂၢမ်းၵဝ်သေၵမ်းတႃႉ။သိမုၼ်ႇႁေႃးလၢတ်ႈလွင်ႈတၢင်းဢၼ်ၽြႃးပဵၼ်ၸဝ်ႈမႃးလူမႃးတူၺ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ
၁၄ မိူဝ်ႈဢွၼ်တၢင်းၼၼ်ႉႁႂ်ႈလႆႈၼုၵ်ႈဢဝ်ၵမ်ႈၽွင်ႈဢွၵ်ႇသေၵႃႈၼႂ်းၶဝ်ပုၼ်ႈၼႃႇမႃႉၸိုဝ်သဵင်မၼ်းၸဝ်ႈၼၼ်ႉဢေႃႈ။
၁၅ ၵႂၢမ်းပရေႃးၽႅတ်ႈတင်းလၢႆၵေႃႈမႅၼ်ႈၵၼ်တင်းလွင်ႈတၢင်းၼၼ်ႉဢေႃႈ။ဢၼ်တႅမ်ႈမႃးၼႂ်းၵျၢမ်းလိၵ်ႈၼၼ်ႉၸမ်း၊-
၁၆ ၼင်ႇႁိုဝ်ၵူၼ်းဢၼ်ၵိုတ်းဢၼ်ၵျၢၼ်ႇဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ၶၢမ်ႇဢဝ်ၼႃႇမႃႉၸိုဝ်သဵင်ၵဝ်ၵႃႈမီးတင်းသဵင်ႈတင်းလူင်တၵ်းႁႃၽြႃးပဵၼ်ၸဝ်ႈၸိုင်ၵဝ်တၵ်းၶိုၼ်းမႃးဢေႃႈ။
၁၇ ၵဝ်တၵ်းၶိုၼ်းမႄးၵုမ်းမႄးႁဵတ်းသုမ်ႉထဵင်တႃႇဝိတ်ႉဢၼ်လူမ်ႉပင်းၵႂႃႇၼၼ်ႉဢေႃႈ။တီႈဢၼ်ၵိူၼ်ႇပင်းလူႉလဵဝ်တင်းလၢႆၵေႃႈၵဝ်တၵ်းၶိုၼ်းမႄးၵုမ်းမႄးႁဵတ်းလႄႈႁႂ်ႈသုမ်ႉထဵင်ၼၼ်ႉၶိုၼ်းတင်ႈၶိုၼ်းပုၵ်းဢေႃႈ၊ဝႃႈၼႆၽြႃးပဵၼ်ၸဝ်ႈဢၼ်ၸီႇယၢင်ႇလွင်ႈတၢင်းၸိူဝ်းၼႆႉၼၼ်ႉမီးပျႃႇတိၵ်ႉဝႆႉဢေႃႈ။
၁၈ ၽြႃးပဵၼ်ၸဝ်ႈႁူႉလွင်ႈတၢင်းဢၼ်မၼ်းၸဝ်ႈၸီႇယၢင်ႇၵႃႈမီးတင်းသဵင်ႈတင်းလူင်ၼၼ်ႉယူႇၸႃႉၸဵမ်မိူဝ်ႈၵမ်ႇၽႃႇၸႃႉတႄႇပဵၼ်ၼၼ်ႉဢေႃႈ။
၁၉ ပိူဝ်ႈၼႆလႄႈၵဝ်မီးၸႂ်သၽေႃးဢၼ်တၵ်းဢမ်ႇလႆႈယႃႉယူၵ်ႉၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ၶၢႆႉပုတ်ႉမႃးၸူးၵႃႈတီႈၽြႃးပဵၼ်ၸဝ်ႈၼၼ်ႉၸိုင်ႁဝ်းထုၵ်ႇလီတႅမ်ႈလိၵ်ႈပၼ်ၵႂႃႇၵႃႈတီႈၶဝ်
၂၀ ႁႂ်ႈၶဝ်လႆႈဝေႈပႅတ်ႈတၢင်းၵိၼ်ဢၼ်ၵူဝ်ႈၵိူၵ်ႇဢၼ်ၸၢပ်ႈသႅင်ႇၵၼ်တင်းရူၵ်ႉထူႉမေႇထုင်ႇဢၼ်ဢမ်ႇတြႃးတင်းၼိူဝ်ႉသတ်းဢၼ်ငႅၼ်းၶေႃးဢဝ်တၢႆၸိူဝ်းၼၼ်ႉဢေႃႈ။
၂၁ လွင်ႈမၼ်းၸမ်းၶဝ်လႆႈၽတ်းၵျၢမ်းမုဝ်းသေႇၵႃႈၼႂ်းၸရွပ်ႈႁေႃးတြႃးၼႂ်းဝၼ်းၵမ်သိၼ်ၵူႈဝၼ်းလႄႈလႆႈထွမ်ႇလႆႈငိၼ်းတြႃးမူဝ်းသေႇမႃးႁိုင်ၼႃႇယဝ်ႉဝႃႈၼင်ႇၼႆဢေႃႈ။
ပုၼ်ႈၵူၼ်းဢၼ်ဢမ်ႇၶဝ်ႈၼႂ်းသႃႇသၼႃႇ
၂၂ မိူဝ်ႈၼၼ်ႉတမၢၼ်ႇၸဝ်ႈဢိၵ်ႇတင်းၵူၼ်းဢုပ်ႉၸိူဝ်းၸဝ်ႈတင်းၵူၼ်းၶဝ်ႈၸိူဝ်းၸဝ်ႈၸိူဝ်းၼၼ်ႉမီးသၽေႃးႁႂ်ႈလႆႈလိူၵ်ႈၵဵပ်းဢဝ်ၵူၼ်းၵႃႈၼႂ်းၶဝ်ဢၼ်ပဵၼ်ယုတဢၼ်လႆႈၸိုဝ်မႂ်ႇပႃႇသပတင်းသီႇလ၊ဢၼ်ဢွၵ်ႇၸိုဝ်ဢွၵ်ႇသဵင်ၼႂ်းပီႈၼွင်ႉၸိူဝ်းၼၼ်ႉလႄႈပွႆႇၸႂ်ႉၶဝ်ၵႂႃႇဝဵင်းဢၼ်ႇတိဢုၵ်ႉၸွမ်းပေႃးလုတင်းပႃႇၼပၵႂႃႇဢေႃႈ။
၂၃ ၶဝ်တႅမ်ႈလိၵ်ႈပၼ်ၸွမ်းၶဝ်ၵႂႃႇဢေႃႈ။ၼႂ်းလိၵ်ႈၼၼ်ႉမီးဝႆႉဝႃႈ၊-တမၢၼ်ႇၸဝ်ႈဢိၵ်ႇတင်းၵူၼ်းဢုပ်ႉၸိူဝ်းၸဝ်ႈတင်းပီႈၼွင်ႉၸိူဝ်းၸဝ်ႈမီးတင်းမႅတ်ႈတႃႇသေလႄႈပၼ်ငိၼ်းၵႂႃႇၵႃႈတီႈပီႈၼွင်ႉတၢင်ႇၸိူဝ်ႉတၢင်ႇၶိူဝ်းဢၼ်ယုမ်ႇမၢတ်ႈတင်းလၢႆဢၼ်မီးယူႇၵႃႈတီႈဝဵင်းဢၼ်ႇတိဢုၵ်ႉမိူင်းသုရိတင်းမိူင်းၵိလိၵိၼၼ်ႉဢေႃႈ။
၂၄ ႁဝ်းလႆႈႁူႉလႆႈငိၼ်းၵူၼ်းႁဝ်းၵမ်ႈၽွင်ႈယင်းဢမ်ႇလႆႈဢၶႂၢင်ႉတီႈႁဝ်းလႄႈၵႂႃႇၵႃႈၼႂ်းသူႁေႃးလၢတ်ႈတီႈသူဝႃႈသူတၵ်းလႆႈၶၢမ်ႇတၢင်းဢၼ်ထိူဝ်ႁိမ်းလႄႈ
၂၅ ၵမ်ၵျၢင်ႉပိင်းၺၢပ်ႈတြႃးဝႃႈၼင်ႇၼႆလႄႈယႃႉယူၵ်ႉႁူဝ်ၸႂ်သူႁႂ်ႈသူယၢပ်ႇၸႂ်ယုင်ႈၸႂ်လႄႈ၊ႁဝ်းၸင်ႇလႆႈၸႂ်သၽေႃးမိူၼ်ၵၼ်သေယဝ်ႉၸီႇယၢင်ႇႁႂ်ႈလႆႈလိူၵ်ႈၵဵပ်းဢဝ်ၵူၼ်းလႄႈပွႆႇၸႂ်ႉၶဝ်ၵႂႃႇလူၺ်ႈၵၼ်တင်းပေႃးလုတင်းပႃႇၼပဢၼ်ႁဝ်းႁၵ်ႉၼႃႇ၊
၂၆ ဢၼ်ပဵၼ်ၵူၼ်းဢၼ်ႁတ်းၸုၼ်ႉဢသၢၵ်ႈတူဝ်ၸဝ်ႈၵဝ်ႇပုၼ်ႈၼႃႇမႃႉၸိုဝ်သဵင်ၸဝ်ႈႁဝ်းၸဝ်ႈယေႇသုၶရိၸ်ႉၸိူဝ်းၼၼ်ႉ၊ၵႂႃႇၸူးၵႃႈတီႈသူဢေႃႈ။
၂၇ ပိူဝ်ႈၼႆလႄႈႁဝ်းပွႆႇၸႂ်ႉယုတတင်းသီႇလ၊ဢၼ်တၵ်းဢဝ်တင်းသူပ်းလၢတ်ႈပၼ်လွင်ႈတၢင်းၸိူဝ်းၼႆႉၵႃႈတီႈသူၼၼ်ႉဢေႃႈ။
၂၈ လိူဝ်သေလွင်ႈတၢင်းဢၼ်သူထုၵ်ႇလီႁဵတ်းတင်းလၢႆၼၼ်ႉဝိၺိၺ်ႇမူတ်းၸၢင်ႇၸဝ်ႈတင်းႁဝ်းဢမ်ႇမီးဢလူဝ်ႇႁႂ်ႈလႆႈဢဝ်ၶူဝ်းၼၵ်းတၢင်ႇသႂ်ႇၵႃႈၼိူဝ်သူ။
၂၉ လွင်ႈတၢင်းဢၼ်သူထုၵ်ႇလီႁဵတ်းၸမ်း၊တၵ်းလႆႈဝေႈပႅတ်ႈယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႉထူႉ၊လိူတ်ႈတင်းၶိူင်ႈပိူင်ဢၼ်ငႅၼ်းၶေႃးဢဝ်တၢႆ၊ဢိၵ်ႇတင်းမေႇထုင်ႇဢၼ်ဢမ်ႇတြႃးၸိူဝ်းၼၼ်ႉဢေႃႈ။ပေႃးဝေႈပႅတ်ႈလွင်ႈတၢင်းၸိူဝ်းၼႆႉၸိုင်ပဵၼ်တၢင်းဢၼ်သူႁဵတ်းဢၼ်လီယဝ်ႉ။ႁႂ်ႈယူႇလီၵိၼ်ဝၢၼ်သေၵမ်းလူၺ်ႈ၊ဝႃႈၼင်ႇၼႆဢေႃႈ။
၃၀ ၶဝ်ၵေႃႈၵႂႃႇဝဵင်းဢၼ်ႇတိဢုၵ်ႉသေယဝ်ႉႁႂ်ႈၵူၼ်းတင်းလၢႆၸူႉၵၼ်တုမ်ၵၼ်သေလႄႈဢဝ်လိၵ်ႈၼၼ်ႉဢၢပ်ႈပၼ်ဢေႃႈ။
၃၁ မိူဝ်ႈဢၼ်ၶဝ်ၽတ်းလိၵ်ႈၼၼ်ႉၸိုင်ၶဝ်မီးတၢင်းဢၼ်ၸူမ်းသိူဝ်းလႄႈလႆႈတၢင်းဢၼ်သၢၵ်ႈသႃႇဢေႃႈ။
၃၂ ယုတတင်းသီႇလၼၼ်ႉပိူဝ်ႈဢၼ်ပဵၼ်ပရေႃးၽႅတ်ႈလႄႈဢဝ်တင်းၵႂၢမ်းၼမ်ၼႃႇသင်ႇသွၼ်သုင်းမႃႉပၼ်ဢဵၼ်ပၼ်ႁႅင်းပီႈၼွင်ႉၸိူဝ်းၼၼ်ႉႁႂ်ႉႈၶဝ်မၼ်ႈၶိူင်ႇဢေႃႈ။
၃၃ ၶဝ်ယူႇႁမ်ႉႁိုင်တၢၼ်ႇတၢၼ်ႇသေယဝ်ႉပီႈၼွင်ႉၸိူဝ်းၼၼ်ႉၵေႃႈၶိုၼ်းပွႆႇၸႂ်ႉၶဝ်မိူဝ်းၵႂႃႇၸူးတီႈၶဝ်ၸိူဝ်းဢၼ်ပွႆႇၸႂ်ႉၶဝ်မႃးၼၼ်ႉဢေႃႈ။
၃၄ ၼႂ်းဝႃႈၼၼ်သေၵေႃႈသီႇလၵိုတ်းသဝ်းယူႇၵႃႈတီႈၼၼ်ႉဢေႃႈ။
၃၅ ပေႃးလုတင်းပႃႇၼပၵေႃႈယူႇၵႃႈၼႂ်းဝဵင်းဢၼ်ႇတိဢုၵ်ႉၼၼ်ႉသေလႄႈသင်ႇသွၼ်သုင်းမႃႉႁေႃးလၢတ်ႈၼုၵ်ႉၵပၢတ်ႈတြႃးၸဝ်ႈၽြႃးလူၺ်ႈၵၼ်တင်းပိူၼ်ႈတၢင်ႇၵေႃႉၼမ်ၼႃႇဢေႃႈ။
ပေႃးလုတင်းပႃႇၼပဢမ်ႇလႆႈၸႂ်ၵၼ်
၃၆ ၶိင်ႇၵႃႇလႃႉႁိုင်တၢၼ်ႇတၢၼ်ႇယဝ်ႉၸင်ႇပေႃးလုလၢတ်ႈတီႈပႃႇၼပလႄႈဝႃႈ၊ၼင်ႇႁိုဝ်တၵ်းလႆႈတူၺ်းလႆႈႁူႉလွင်ႈပီႈၼွင်ႉဢၼ်မီးၵႃႈၼႂ်းဝဵင်းဢၼ်ႁဝ်းယၢမ်ႈလႆႈႁေႃးလၢတ်ႈၼုၵ်ႉၵပၢတ်ႈတြႃးၸဝ်ႈၽြႃးမႃးယဝ်ႉၸိူဝ်းၼၼ်ႉ၊မီးယူႇၸိူဝ်ႉၼင်ႇႁိုဝ်ၼၼ်ႉႁဝ်းၶိုၼ်းမိူဝ်းတႃႉ၊ဝႃႈၼင်ႇၼႆဢေႃႈ။
၃၇ ပႃႇၼပမီးၸႂ်ၶႂ်ႈႁွင်ႉဢဝ်ယုဝ်းႁၢၼ်ႇ၊ဢၼ်လႆႈမီးၸိုဝ်မႃႇၵု၊ၼၼ်ႉၸွမ်းၵႂႃႇဢေႃႈ။
၃၈ ၵူၺ်းၵႃႈပေႃးလုမီးၸႂ်သၽေႃးဝႃႈဢမ်ႇထုၵ်ႇလီႁွင်ႉဢဝ်ၵေႃႉဢၼ်ယၢမ်ႈၽၢတ်ႇယၢၼ်ၵၼ်တင်းၶဝ်တီႈၼႂ်းမိူင်းပမ်ႇပုလိလႄႈဢမ်ႇသိုပ်ႇႁဵတ်းၵၢၼ်ၸဝ်ႈၸွမ်းၶဝ်ၼၼ်ႉ၊ဝႃႈၼင်ႇၼႆဢေႃႈ။
၃၉ ၵွပ်ႈပိူဝ်ႈလွင်ႈတၢင်းၼၼ်ႉလႄႈသွင်ၶႃဢမ်ႇမီးၸႂ်သၽေႃးဢၼ်လဵဝ်သေယဝ်ႉၽၢတ်ႇၵၼ်ၵႂႃႇၵေႃႉတီႈၵေႃႉတၢင်းလႄႈပႃႇၼပႁွင်ႉဢဝ်မႃႇၵုသေယဝ်ႉၶီႇႁိူဝ်းၵႂႃႇၵႃႈတီႈၵုၼ်ၵုပရုဢေႃႈ။
၄၀ ပေႃးလုၸိူဝ်ႉၼင်ႇဢၼ်လႆႈၶၢမ်ႇဢဝ်တၢင်းဢၼ်ပီႈၼွင်ႉတင်းလၢႆႁဵတ်းၵျေးၸူးဢၢပ်ႈပၼ်လႄႈမၼ်းလိူၵ်ႈၵဵပ်းဢဝ်သီႇလသေယဝ်ႉ
၄၁ ဢွၵ်ႇသေၵႃႈတီႈၼၼ်ႉၵႂႃႇလႄႇလဵပ်ႈၵႃႈၼႂ်းမိူင်းသုရိတင်းမိူင်းၵိလိၵိလႄႈႁႂ်ႈၸိူဝ်းၸဝ်ႈတင်းလၢႆႁႅင်းယႂ်ႇမႃးဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ